༡༢. ཨ་མྦ་ཝ་ན་པེ་ཏ་ཝ་ཏྠུ
༧༩༦. ‘‘ཨ་ཡ་ཉྩ ཏེ པོ་ཀྑ་ར་ཎཱི སུ་ར་མྨཱ, ས་མཱ སུ་ཏི་ཏྠཱ ཙ མ་ཧོ་ད་ཀཱ ཙ;
སུ་པུ་པྥི་ཏཱ བྷ་མ་ར་ག་ཎཱ་ནུ་ཀི་ཎྞཱ, ཀ་ཐཾ ཏ་ཡཱ ལ་དྡྷཱ ཨ་ཡཾ མ་ནུ་ཉྙཱ.
༧༩༧. ‘‘ཨི་ད་ཉྩ ཏེ ཨ་མྦ་ཝ་ནཾ སུ་ར་མྨཾ, ས་བྦོ་ཏུ་ཀཾ དྷཱ་ར་ཡ་ཏེ [དྷཱ་ར་ཡ་ཏི (སྱཱ. ཀ.)] ཕ་ལཱ་ནི;
སུ་པུ་པྥི་ཏཾ བྷ་མ་ར་ག་ཎཱ་ནུ་ཀི་ཎྞཾ, ཀ་ཐཾ ཏ་ཡཱ ལ་དྡྷ་མི་དཾ ཝི་མཱ་ནཾ’’.
༧༩༨. ‘‘ཨ་མྦ་པ་ཀྐཾ ད་ཀཾ [ཨ་མྦ་པ་ཀྐོ་ད་ཀཾ (སཱི. སྱཱ. པཱི.), ཨ་མྦ་པ་ཀྐཱུ་ད་ཀཾ (ཀ.)] ཡཱ་གུ, སཱི་ཏ་ཙྪཱ་ཡཱ མ་ནོ་ར་མཱ;
དྷཱི་ཏཱ་ཡ དི་ནྣ་དཱ་ནེ་ན, ཏེ་ན མེ ཨི་དྷ ལ་བྦྷ་ཏི’’.
༧༩༩. ‘‘ས་ནྡི་ཊྛི་ཀཾ ཀ་མྨཾ ཨེ་ཝཾ [ས་ནྡི་ཊྛི་ཀཾ ཨེ་ཝ (སྱཱ.)] པ་སྶ་ཐ, དཱ་ན་སྶ ད་མ་སྶ སཾ་ཡ་མ་སྶ ཝི་པཱ་ཀཾ;
དཱ་སཱི ཨ་ཧཾ ཨ་ཡྻ་ཀུ་ལེ་སུ ཧུ་ཏྭཱ, སུ་ཎི་སཱ ཧོ་མི ཨ་གཱ་ར་སྶ ཨི་སྶ་རཱ’’ཏི.
ཨ་མྦ་ཝ་ན་པེ་ཏ་ཝ་ཏྠུ དྭཱ་ད་ས་མཾ.