༡༠. ག་ཎ་པེ་ཏ་ཝ་ཏྠུ
༧༨༢. ‘‘ན་གྒཱ དུ་བྦ་ཎྞ་རཱུ་པཱ་ཏྠ, ཀི་སཱ དྷ་མ་ནི་ས་ནྠ་ཏཱ;
ཨུ་པྥཱ་སུ་ལི་ཀཱ [ཨུ་པྤཱ་སུ་ལི༹་ཀཱ (ཀ.)] ཀི་སི་ཀཱ, ཀེ ནུ ཏུ་མྷེ་ཏྠ མཱ་རི་སཱ’’ཏི.
༧༨༣. ‘‘མ་ཡཾ བྷ་ད་ནྟེ པེ་ཏཱ་མྷཱ, དུ་གྒ་ཏཱ ཡ་མ་ལོ་ཀི་ཀཱ;
པཱ་པ་ཀ་མྨཾ ཀ་རི་ཏྭཱ་ན, པེ་ཏ་ལོ་ཀཾ ཨི་ཏོ ག་ཏཱ’’ཏི.
༧༨༤. ‘‘ཀིཾ ནུ ཀཱ་ཡེ་ན ཝཱ་ཙཱ་ཡ, མ་ན་སཱ དུ་ཀྐ་ཊཾ ཀ་ཏཾ;
ཀི་སྶ ཀ་མྨ་ཝི་པཱ་ཀེ་ན, པེ་ཏ་ལོ་ཀཾ ཨི་ཏོ ག་ཏཱ’’ཏི.
༧༨༥. ‘‘ཨ་ནཱ་ཝ་ཊེ་སུ ཏི་ཏྠེ་སུ, ཝི་ཙི་ནི་མྷ་དྡྷ་མཱ་ས་ཀཾ;
ས་ནྟེ་སུ དེ་ཡྻ་དྷ་མྨེ་སུ, དཱི་པཾ ནཱ་ཀ་མྷ ཨ་ཏྟ་ནོ.
༧༨༦. ‘‘ན་དིཾ ཨུ་པེ་མ ཏ་སི་ཏཱ, རི་ཏྟ་ཀཱ པ་རི་ཝ་ཏྟ་ཏི;
ཚཱ་ཡཾ ཨུ་པེ་མ ཨུ་ཎྷེ་སུ, ཨཱ་ཏ་པོ པ་རི་ཝ་ཏྟ་ཏི.
༧༨༧. ‘‘ཨ་གྒི་ཝ་ཎྞོ ཙ ནོ ཝཱ་ཏོ, ཌ་ཧ་ནྟོ ཨུ་པ་ཝཱ་ཡ་ཏི;
ཨེ་ཏ་ཉྩ བྷ་ནྟེ ཨ་ར་ཧཱ་མ, ཨ་ཉྙ་ཉྩ པཱ་པ་ཀཾ ཏ་ཏོ.
༧༨༨. ‘‘ཨ་པི ཡོ་ཛ་ནཱ་ནི [ཨ་དྷི་ཡོ་ཛ་ནཱ་ནི (སཱི. ཀ.)] ག་ཙྪཱ་མ, ཚཱ་ཏཱ ཨཱ་ཧཱ་ར་གེ་དྷི་ནོ;
ཨ་ལ་དྡྷཱ་ཝ ནི་ཝ་ཏྟཱ་མ, ཨ་ཧོ ནོ ཨ་པྤ་པུ་ཉྙ་ཏཱ.
༧༨༩. ‘‘ཚཱ་ཏཱ པ་མུ་ཙྪི་ཏཱ བྷ་ནྟཱ, བྷཱུ་མི་ཡཾ པ་ཊི་སུ་མྦྷི་ཏཱ;
ཨུ་ཏྟཱ་ནཱ པ་ཊི་ཀི་རཱ་མ, ཨ་ཝ་ཀུ་ཛྫཱ པ་ཏཱ་མ་སེ.
༧༩༠. ‘‘ཏེ ཙ ཏ་ཏྠེ་ཝ པ་ཏི་ཏཱ [ཏ་ཏྠ པ་པ་ཧི་ཏཱ (ཀ.)], བྷཱུ་མི་ཡཾ པ་ཊི་སུ་མྦྷི་ཏཱ;
ཨུ་རཾ སཱི་ས་ཉྩ གྷ་ཊྚེ་མ, ཨ་ཧོ ནོ ཨ་པྤ་པུ་ཉྙ་ཏཱ.
༧༩༡. ‘‘ཨེ་ཏ་ཉྩ བྷ་ནྟེ ཨ་ར་ཧཱ་མ, ཨ་ཉྙ་ཉྩ པཱ་པ་ཀཾ ཏ་ཏོ;
ས་ནྟེ་སུ དེ་ཡྻ་དྷ་མྨེ་སུ, དཱི་པཾ ནཱ་ཀ་མྷ ཨ་ཏྟ་ནོ.
༧༩༢. ‘‘ཏེ ཧི ནཱུ་ན ཨི་ཏོ ག་ནྟྭཱ, ཡོ་ནིཾ ལ་དྡྷཱ་ན མཱ་ནུ་སིཾ;
ཝ་ད་ཉྙཱུ སཱི་ལ་ས་མྤ་ནྣཱ, ཀཱ་ཧཱ་མ ཀུ་ས་ལཾ བ་ཧུ’’ནྟི.
ག་ཎ་པེ་ཏ་ཝ་ཏྠུ ད་ས་མཾ.