༤. བྷུ་ས་པེ་ཏ་ཝ་ཏྠུ
༤༤༧. ‘‘བྷུ་སཱ་ནི ཨེ་ཀོ སཱ་ལིཾ པུ་ནཱ་པ་རོ, ཨ་ཡ་ཉྩ ནཱ་རཱི ས་ཀ་མཾ་ས་ལོ་ཧི་ཏཾ;
ཏུ་ཝ་ཉྩ གཱུ་ཐཾ ཨ་སུ་ཙིཾ ཨ་ཀ་ནྟཾ [ཨ་ཀ་ནྟི་ཀཾ (སཱི. པཱི.)], པ་རི་བྷུ་ཉྫ་སི ཀི་སྶ ཨ་ཡཾ ཝི་པཱ་ཀོ’’ཏི.
༤༤༨. ‘‘ཨ་ཡཾ པུ་རེ མཱ་ཏ་རཾ ཧིཾ་ས་ཏི, ཨ་ཡཾ པ་ན ཀཱུ་ཊ་ཝཱ་ཎི་ཛོ;
ཨ་ཡཾ མཾ་སཱ་ནི ཁཱ་དི་ཏྭཱ, མུ་སཱ་ཝཱ་དེ་ན ཝ་ཉྩེ་ཏི.
༤༤༩. ‘‘ཨ་ཧཾ མ་ནུ་སྶེ་སུ མ་ནུ་སྶ་བྷཱུ་ཏཱ, ཨ་གཱ་རི་ནཱི ས་བྦ་ཀུ་ལ་སྶ ཨི་སྶ་རཱ;
ས་ནྟེ་སུ པ་རི་གུ་ཧཱ་མི, མཱ ཙ ཀི་ཉྩི ཨི་ཏོ ཨ་དཾ.
༤༥༠. ‘‘མུ་སཱ་ཝཱ་དེ་ན ཚཱ་དེ་མི, ‘ན་ཏྠི ཨེ་ཏཾ མ་མ གེ་ཧེ;
ས་ཙེ ས་ནྟཾ ནི་གུ་ཧཱ་མི, གཱུ་ཐོ མེ ཧོ་ཏུ བྷོ་ཛ་ནཾ’.
༤༥༡. ‘‘ཏ་སྶ ཀ་མྨ་སྶ ཝི་པཱ་ཀེ་ན, མུ་སཱ་ཝཱ་ད་སྶ ཙཱུ་བྷ་ཡཾ;
སུ་ག་ནྡྷཾ སཱ་ལི་ནོ བྷ་ཏྟཾ, གཱུ་ཐཾ མེ པ་རི་ཝ་ཏྟ་ཏི.
༤༥༢. ‘‘ཨ་ཝ་ཉྫྷཱ་ནི ཙ ཀ་མྨཱ་ནི, ན ཧི ཀ་མྨཾ ཝི་ན་སྶ་ཏི;
དུ་གྒ་ནྡྷཾ ཀི་མི་ནཾ [ཀི་མི་ཛཾ (སཱི.)] མཱི་ལ༹ཾ, བྷུ་ཉྫཱ་མི ཙ པི་ཝཱ་མི ཙཱ’’ཏི.
བྷུ་ས་པེ་ཏ་ཝ་ཏྠུ ཙ་ཏུ་ཏྠཾ.