༨. གོ་ཎ་པེ་ཏ་ཝ་ཏྠུ
༤༦. ‘‘ཀིཾ ནུ ཨུ་མྨ་ཏྟ་རཱུ་པོ་ཝ, ལཱ་ཡི་ཏྭཱ ཧ་རི་ཏཾ ཏི་ཎཾ;
ཁཱ་ད ཁཱ་དཱ་ཏི ལ་པ་སི, ག་ཏ་ས་ཏྟཾ ཛ་ར་གྒ་ཝཾ.
༤༧. ‘‘ན ཧི ཨ་ནྣེ་ན པཱ་ནེ་ན, མ་ཏོ གོ་ཎོ ས་མུ་ཊྛ་ཧེ;
ཏྭཾ་སི བཱ་ལོ ཙ [བཱ་ལོ་ཝ (ཀ.)] དུ་མྨེ་དྷོ, ཡ་ཐཱ ཏ་ཉྙོ་ཝ དུ་མྨ་ཏཱི’’ཏི.
༤༨. ‘‘ཨི་མེ པཱ་དཱ ཨི་དཾ སཱི་སཾ, ཨ་ཡཾ ཀཱ་ཡོ ས་ཝཱ་ལ་དྷི;
ནེ་ཏྟཱ ཏ་ཐེ་ཝ ཏི་ཊྛ་ནྟི, ཨ་ཡཾ གོ་ཎོ ས་མུ་ཊྛ་ཧེ.
༤༩. ‘‘ནཱ་ཡྻ་ཀ་སྶ ཧ་ཏྠ་པཱ་དཱ, ཀཱ་ཡོ སཱི་ས་ཉྩ དི་སྶ་ཏི;
རུ་དཾ མ་ཏྟི་ཀ་ཐཱུ་པ་སྨིཾ, ན་ནུ ཏྭ་ཉྙེ་ཝ དུ་མྨ་ཏཱི’’ཏི.
༥༠. ‘‘ཨཱ་དི་ཏྟཾ ཝ་ཏ མཾ ས་ནྟཾ, གྷ་ཏ་སི་ཏྟཾ་ཝ པཱ་ཝ་ཀཾ;
ཝཱ་རི་ནཱ ཝི་ཡ ཨོ་སི་ཉྩཾ, ས་བྦཾ ནི་བྦཱ་པ་ཡེ ད་རཾ.
༥༡. ‘‘ཨ་བྦ་ཧཱི [ཨ་བྦཱུ་ལ༹ྷཾ (བ་ཧཱུ་སུ)] ཝ་ཏ མེ ས་ལླཾ, སོ་ཀཾ ཧ་ད་ཡ་ནི་སྶི་ཏཾ;
ཡོ མེ སོ་ཀ་པ་རེ་ཏ་སྶ, པི་ཏུ་སོ་ཀཾ ཨ་པཱ་ནུ་དི.
༥༢. ‘‘སྭཱ་ཧཾ ཨ་བྦཱུ་ལ༹ྷ་ས་ལློ་སྨི, སཱི་ཏི་བྷཱུ་ཏོ་སྨི ནི་བྦུ་ཏོ;
ན སོ་ཙཱ་མི ན རོ་དཱ་མི, ཏ་ཝ སུ་ཏྭཱ་ན མཱ་ཎ་ཝ’.
༥༣. ཨེ་ཝཾ ཀ་རོ་ནྟི ས་པྤ་ཉྙཱ, ཡེ ཧོ་ནྟི ཨ་ནུ་ཀ་མྤ་ཀཱ;
ཝི་ནི་ཝ་ཏྟ་ཡ་ནྟི སོ་ཀ་མྷཱ, སུ་ཛཱ་ཏོ པི་ཏ་རཾ ཡ་ཐཱ་ཏི.
གོ་ཎ་པེ་ཏ་ཝ་ཏྠུ ཨ་ཊྛ་མཾ.