༨. ས་ཏི་པ་ཊྛཱ་ན་ཀ་ཐཱ

༣༤. སཱ་ཝ་ཏྠི་ནི་དཱ་ནཾ. ‘‘ཙ་ཏྟཱ་རོ་མེ, བྷི་ཀྑ་ཝེ, ས་ཏི་པ་ཊྛཱ་ནཱ. ཀ་ཏ་མེ ཙ་ཏྟཱ་རོ? ཨི་དྷ, བྷི་ཀྑ་ཝེ, བྷི་ཀྑུ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ. ཝེ་ད་ནཱ་སུ…པེ… ཙི་ཏྟེ… དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ. ཨི་མེ ཁོ, བྷི་ཀྑ་ཝེ, ཙ་ཏྟཱ་རོ ས་ཏི་པ་ཊྛཱ་ནཱ’’ཏི.

༣༥. [ཀ] ཀ་ཐཾ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི? ཨི་དྷེ་ཀ་ཙྩོ པ་ཐ་ཝཱི་ཀཱ་ཡཾ ཨ་ནི་ཙྩ་ཏོ ཨ་ནུ་པ་སྶ་ཏི, ནོ ནི་ཙྩ་ཏོ; དུ་ཀྑ་ཏོ ཨ་ནུ་པ་སྶ་ཏི, ནོ སུ་ཁ་ཏོ; ཨ་ན་ཏྟ་ཏོ ཨ་ནུ་པ་སྶ་ཏི, ནོ ཨ་ཏྟ་ཏོ; ནི་བྦི་ནྡ་ཏི, ནོ ན་ནྡ་ཏི; ཝི་ར་ཛྫ་ཏི, ནོ ར་ཛྫ་ཏི; ནི་རོ་དྷེ་ཏི, ནོ ས་མུ་དེ་ཏི, པ་ཊི་ནི་སྶ་ཛྫ་ཏི, ནོ ཨཱ་དི་ཡ་ཏི. ཨ་ནི་ཙྩ་ཏོ ཨ་ནུ་པ་སྶ་ནྟོ ནི་ཙྩ་ས་ཉྙཾ པ་ཛ་ཧ་ཏི, དུ་ཀྑ་ཏོ ཨ་ནུ་པ་སྶ་ནྟོ སུ་ཁ་ས་ཉྙཾ པ་ཛ་ཧ་ཏི, ཨ་ན་ཏྟ་ཏོ ཨ་ནུ་པ་སྶ་ནྟོ ཨ་ཏྟ་ས་ཉྙཾ པ་ཛ་ཧ་ཏི, ནི་བྦི་ནྡ་ནྟོ ན་ནྡིཾ པ་ཛ་ཧ་ཏི, ཝི་ར་ཛྫ་ནྟོ རཱ་གཾ པ་ཛ་ཧ་ཏི, ནི་རོ་དྷེ་ནྟོ ས་མུ་ད་ཡཾ པ་ཛ་ཧ་ཏི, པ་ཊི་ནི་སྶ་ཛྫ་ནྟོ ཨཱ་དཱ་ནཾ པ་ཛ་ཧ་ཏི. ཨི་མེ་ཧི ས་ཏྟ་ཧི ཨཱ་ཀཱ་རེ་ཧི ཀཱ་ཡཾ ཨ་ནུ་པ་སྶ་ཏི. ཀཱ་ཡོ ཨུ་པ་ཊྛཱ་ནཾ, ནོ ས་ཏི. ས་ཏི ཨུ་པ་ཊྛཱ་ན་ཉྩེ་ཝ ས་ཏི ཙ. ཏཱ་ཡ ས་ཏི་ཡཱ ཏེ་ན ཉཱ་ཎེ་ན ཏཾ ཀཱ་ཡཾ ཨ་ནུ་པ་སྶ་ཏི. ཏེ་ན ཝུ་ཙྩ་ཏི – ‘‘ཀཱ་ཡེ ཀཱ་ཡཱ་ནུ་པ་སྶ་ནཱ་ས་ཏི་པ་ཊྛཱ་ནཱ’’.

བྷཱ་ཝ་ནཱཏི ཙ་ཏ་སྶོ བྷཱ་ཝ་ནཱ – ཏ་ཏྠ ཛཱ་ཏཱ་ནཾ དྷ་མྨཱ་ནཾ ཨ་ན་ཏི་ཝ་ཏྟ་ན་ཊྛེ་ན བྷཱ་ཝ་ནཱ, ཨི་ནྡྲི་ཡཱ་ནཾ ཨེ་ཀ་ར་ས་ཊྛེ་ན བྷཱ་ཝ་ནཱ, ཏ་དུ་པ་ག་ཝཱི་རི་ཡ་ཝཱ་ཧ་ན་ཊྛེ་ན བྷཱ་ཝ་ནཱ, ཨཱ་སེ་ཝ་ན་ཊྛེ་ན བྷཱ་ཝ་ནཱ.

ཨི་དྷེ་ཀ་ཙྩོ ཨཱ་པོ་ཀཱ་ཡཾ…པེ… ཏེ་ཛོ་ཀཱ་ཡཾ… ཝཱ་ཡོ་ཀཱ་ཡཾ… ཀེ་ས་ཀཱ་ཡཾ… ལོ་མ་ཀཱ་ཡཾ… ཚ་ཝི་ཀཱ་ཡཾ… ཙ་མྨ་ཀཱ་ཡཾ… མཾ་ས་ཀཱ་ཡཾ… རུ་དྷི་ར་ཀཱ་ཡཾ… ནྷཱ་རུ་ཀཱ་ཡཾ [ན་ཧཱ་རུ་ཀཱ་ཡཾ (སྱཱ.)] … ཨ་ཊྛི་ཀཱ་ཡཾ… ཨ་ཊྛི་མི་ཉྫ་ཀཱ་ཡཾ ཨ་ནི་ཙྩ་ཏོ ཨ་ནུ་པ་སྶ་ཏི, ནོ ནི་ཙྩ་ཏོ; དུ་ཀྑ་ཏོ ཨ་ནུ་པ་སྶ་ཏི, ནོ སུ་ཁ་ཏོ; ཨ་ན་ཏྟ་ཏོ ཨ་ནུ་པ་སྶ་ཏི, ནོ ཨ་ཏྟ་ཏོ; ནི་བྦི་ནྡ་ཏི, ནོ ན་ནྡ་ཏི; ཝི་ར་ཛྫ་ཏི, ནོ ར་ཛྫ་ཏི, ནི་རོ་དྷེ་ཏི, ནོ ས་མུ་དེ་ཏི; པ་ཊི་ནི་སྶ་ཛྫ་ཏི, ནོ ཨཱ་དི་ཡ་ཏི. ཨ་ནི་ཙྩ་ཏོ ཨ་ནུ་པ་སྶ་ནྟོ ནི་ཙྩ་ས་ཉྙཾ པ་ཛ་ཧ་ཏི, དུ་ཀྑ་ཏོ ཨ་ནུ་པ་སྶ་ནྟོ སུ་ཁ་ས་ཉྙཾ པ་ཛ་ཧ་ཏི, ཨ་ན་ཏྟ་ཏོ ཨ་ནུ་པ་སྶ་ནྟོ ཨ་ཏྟ་ས་ཉྙཾ པ་ཛ་ཧ་ཏི, ནི་བྦི་ནྡ་ནྟོ ན་ནྡིཾ པ་ཛ་ཧ་ཏི, ཝི་ར་ཛྫ་ནྟོ རཱ་གཾ པ་ཛ་ཧ་ཏི, ནི་རོ་དྷེ་ནྟོ ས་མུ་ད་ཡཾ པ་ཛ་ཧ་ཏི, པ་ཊི་ནི་སྶ་ཛྫ་ནྟོ ཨཱ་དཱ་ནཾ པ་ཛ་ཧ་ཏི. ཨི་མེ་ཧི ས་ཏྟ་ཧི ཨཱ་ཀཱ་རེ་ཧི ཀཱ་ཡཾ ཨ་ནུ་པ་སྶ་ཏི. ཀཱ་ཡོ ཨུ་པ་ཊྛཱ་ནཾ, ནོ ས་ཏི. ས་ཏི ཨུ་པ་ཊྛཱ་ན་ཉྩེ་ཝ ས་ཏི ཙ. ཏཱ་ཡ ས་ཏི་ཡཱ ཏེ་ན ཉཱ་ཎེ་ན ཏཾ ཀཱ་ཡཾ ཨ་ནུ་པ་སྶ་ཏི. ཏེ་ན ཝུ་ཙྩ་ཏི – ‘‘ཀཱ་ཡེ ཀཱ་ཡཱ་ནུ་པ་སྶ་ནཱ་ས་ཏི་པ་ཊྛཱ་ནཱ’’.

[ཁ] ཀ་ཐཾ ཝེ་ད་ནཱ་སུ ཝེ་ད་ནཱ་ནུ་པ་སྶཱི ཝི་ཧ་ར་ཏི? ཨི་དྷེ་ཀ་ཙྩོ སུ་ཁཾ ཝེ་ད་ནཾ ཨ་ནི་ཙྩ་ཏོ ཨ་ནུ་པ་སྶ་ཏི, ནོ ནི་ཙྩ་ཏོ…པེ… པ་ཊི་ནི་སྶ་ཛྫ་ཏི, ནོ ཨཱ་དི་ཡ་ཏི. ཨ་ནི་ཙྩ་ཏོ ཨ་ནུ་པ་སྶ་ནྟོ ནི་ཙྩ་ས་ཉྙཾ པ་ཛ་ཧ་ཏི…པེ… པ་ཊི་ནི་སྶ་ཛྫ་ནྟོ ཨཱ་དཱ་ནཾ པ་ཛ་ཧ་ཏི. ཨི་མེ་ཧི ས་ཏྟ་ཧི ཨཱ་ཀཱ་རེ་ཧི ཝེ་ད་ནཾ ཨ་ནུ་པ་སྶ་ཏི. ཝེ་ད་ནཱ ཨུ་པ་ཊྛཱ་ནཾ, ནོ ས་ཏི. ས་ཏི ཨུ་པ་ཊྛཱ་ན་ཉྩེ་ཝ ས་ཏི ཙ. ཏཱ་ཡ ས་ཏི་ཡཱ ཏེ་ན ཉཱ་ཎེ་ན ཏཾ ཝེ་ད་ནཾ ཨ་ནུ་པ་སྶ་ཏི. ཏེ་ན ཝུ་ཙྩ་ཏི – ‘‘ཝེ་ད་ནཱ་སུ ཝེ་ད་ནཱ་ནུ་པ་སྶ་ནཱ་ས་ཏི་པ་ཊྛཱ་ནཱ’’.

བྷཱ་ཝ་ནཱཏི ཙ་ཏ་སྶོ བྷཱ་ཝ་ནཱ…པེ… ཨཱ་སེ་ཝ་ན་ཊྛེ་ན བྷཱ་ཝ་ནཱ…པེ… ཨི་དྷེ་ཀ་ཙྩོ དུ་ཀྑཾ ཝེ་ད་ནཾ…པེ… ཨ་དུ་ཀྑ་མ་སུ་ཁཾ ཝེ་ད་ནཾ… སཱ་མི་སཾ སུ་ཁཾ ཝེ་ད་ནཾ… ནི་རཱ་མི་སཾ སུ་ཁཾ ཝེ་ད་ནཾ… སཱ་མི་སཾ དུ་ཀྑཾ ཝེ་ད་ནཾ… ནི་རཱ་མི་སཾ དུ་ཀྑཾ ཝེ་ད་ནཾ… སཱ་མི་སཾ ཨ་དུ་ཀྑ་མ་སུ་ཁཾ ཝེ་ད་ནཾ… ནི་རཱ་མི་སཾ ཨ་དུ་ཀྑ་མ་སུ་ཁཾ ཝེ་ད་ནཾ… ཙ་ཀྑུ་ས་མྥ་སྶ་ཛཾ ཝེ་ད་ནཾ… སོ་ཏ་ས་མྥ་སྶ་ཛཾ ཝེ་ད་ནཾ… གྷཱ་ན་ས་མྥ་སྶ་ཛཾ ཝེ་ད་ནཾ… ཛི་ཝ྄ཧཱ་ས་མྥ་སྶ་ཛཾ ཝེ་ད་ནཾ… ཀཱ་ཡ་ས་མྥ་སྶ་ཛཾ ཝེ་ད་ནཾ… མ་ནོ་ས་མྥ་སྶ་ཛཾ ཝེ་ད་ནཾ ཨ་ནི་ཙྩ་ཏོ ཨ་ནུ་པ་སྶ་ཏི, ནོ ནི་ཙྩ་ཏོ…པེ… པ་ཊི་ནི་སྶ་ཛྫ་ཏི, ནོ ཨཱ་དི་ཡ་ཏི. ཨ་ནི་ཙྩ་ཏོ ཨ་ནུ་པ་སྶ་ནྟོ ནི་ཙྩ་ས་ཉྙཾ པ་ཛ་ཧ་ཏི…པེ… པ་ཊི་ནི་སྶ་ཛྫ་ནྟོ ཨཱ་དཱ་ནཾ པ་ཛ་ཧ་ཏི. ཨི་མེ་ཧི ས་ཏྟ་ཧི ཨཱ་ཀཱ་རེ་ཧི ཝེ་ད་ནཾ ཨ་ནུ་པ་སྶ་ཏི. ཝེ་ད་ནཱ ཨུ་པ་ཊྛཱ་ནཾ, ནོ ས་ཏི. ས་ཏི ཨུ་པ་ཊྛཱ་ན་ཉྩེ་ཝ ས་ཏི ཙ. ཏཱ་ཡ ས་ཏི་ཡཱ ཏེ་ན ཉཱ་ཎེ་ན ཏཾ ཝེ་ད་ནཾ ཨ་ནུ་པ་སྶ་ཏི. ཏེ་ན ཝུ་ཙྩ་ཏི – ‘‘ཝེ་ད་ནཱ་སུ ཝེ་ད་ནཱ་ནུ་པ་སྶ་ནཱ་ས་ཏི་པ་ཊྛཱ་ནཱ’’.

བྷཱ་ཝ་ནཱཏི ཙ་ཏ་སྶོ བྷཱ་ཝ་ནཱ…པེ… ཨེ་ཝཾ ཝེ་ད་ནཱ་སུ ཝེ་ད་ནཱ་ནུ་པ་སྶཱི ཝི་ཧ་ར་ཏི.

[ག] ཀ་ཐཾ ཙི་ཏྟེ ཙི་ཏྟཱ་ནུ་པ་སྶཱི ཝི་ཧ་ར་ཏི? ཨི་དྷེ་ཀ་ཙྩོ ས་རཱ་གཾ ཙི་ཏྟཾ ཨ་ནི་ཙྩ་ཏོ ཨ་ནུ་པ་སྶ་ཏི, ནོ ནི་ཙྩ་ཏོ…པེ… པ་ཊི་ནི་སྶ་ཛྫ་ཏི, ནོ ཨཱ་དི་ཡ་ཏི. ཨ་ནི་ཙྩ་ཏོ ཨ་ནུ་པ་སྶ་ནྟོ ནི་ཙྩ་ས་ཉྙཾ པ་ཛ་ཧ་ཏི…པེ… པ་ཊི་ནི་སྶ་ཛྫ་ནྟོ ཨཱ་དཱ་ནཾ པ་ཛ་ཧ་ཏི. ཨི་མེ་ཧི ས་ཏྟ་ཧི ཨཱ་ཀཱ་རེ་ཧི ཙི་ཏྟཾ ཨ་ནུ་པ་སྶ་ཏི. ཙི་ཏྟཾ ཨུ་པ་ཊྛཱ་ནཾ, ནོ ས་ཏི. ས་ཏི ཨུ་པ་ཊྛཱ་ན་ཉྩེ་ཝ ས་ཏི ཙ. ཏཱ་ཡ ས་ཏི་ཡཱ ཏེ་ན ཉཱ་ཎེ་ན ཏཾ ཙི་ཏྟཾ ཨ་ནུ་པ་སྶ་ཏི. ཏེ་ན ཝུ་ཙྩ་ཏི – ‘‘ཙི་ཏྟེ ཙི་ཏྟཱ་ནུ་པ་སྶ་ནཱ་ས་ཏི་པ་ཊྛཱ་ནཱ’’.

བྷཱ་ཝ་ནཱཏི ཙ་ཏ་སྶོ བྷཱ་ཝ་ནཱ…པེ… ཨཱ་སེ་ཝ་ན་ཊྛེ་ན བྷཱ་ཝ་ནཱ.

ཨི་དྷེ་ཀ་ཙྩོ ཝཱི་ཏ་རཱ་གཾ ཙི་ཏྟཾ…པེ… ས་དོ་སཾ ཙི་ཏྟཾ… ཝཱི་ཏ་དོ་སཾ ཙི་ཏྟཾ… ས་མོ་ཧཾ ཙི་ཏྟཾ… ཝཱི་ཏ་མོ་ཧཾ ཙི་ཏྟཾ… སཾ་ཁི་ཏྟཾ ཙི་ཏྟཾ… ཝི་ཀྑི་ཏྟཾ ཙི་ཏྟཾ… མ་ཧ་གྒ་ཏཾ ཙི་ཏྟཾ… ཨ་མ་ཧ་གྒ་ཏཾ ཙི་ཏྟཾ… ས་ཨུ་ཏྟ་རཾ ཙི་ཏྟཾ… ཨ་ནུ་ཏྟ་རཾ ཙི་ཏྟཾ… ས་མཱ་ཧི་ཏཾ ཙི་ཏྟཾ… ཨ་ས་མཱ་ཧི་ཏཾ ཙི་ཏྟཾ… ཝི་མུ་ཏྟཾ ཙི་ཏྟཾ… ཨ་ཝི་མུ་ཏྟཾ ཙི་ཏྟཾ… ཙ་ཀྑུ་ཝི་ཉྙཱ་ཎཾ… སོ་ཏ་ཝི་ཉྙཱ་ཎཾ… གྷཱ་ན་ཝི་ཉྙཱ་ཎཾ… ཛི་ཝ྄ཧཱ་ཝི་ཉྙཱ་ཎཾ… ཀཱ་ཡ་ཝི་ཉྙཱ་ཎཾ… མ་ནོ་ཝི་ཉྙཱ་ཎཾ ཨ་ནི་ཙྩ་ཏོ ཨ་ནུ་པ་སྶ་ཏི, ནོ ནི་ཙྩ་ཏོ…པེ… པ་ཊི་ནི་སྶ་ཛྫ་ཏི, ནོ ཨཱ་དི་ཡ་ཏི. ཨ་ནི་ཙྩ་ཏོ ཨ་ནུ་པ་སྶ་ནྟོ ནི་ཙྩ་ས་ཉྙཾ པ་ཛ་ཧ་ཏི…པེ… པ་ཊི་ནི་སྶ་ཛྫ་ནྟོ ཨཱ་དཱ་ནཾ པ་ཛ་ཧ་ཏི. ཨི་མེ་ཧི ས་ཏྟ་ཧི ཨཱ་ཀཱ་རེ་ཧི ཙི་ཏྟཾ ཨ་ནུ་པ་སྶ་ཏི. ཙི་ཏྟཾ ཨུ་པ་ཊྛཱ་ནཾ, ནོ ས་ཏི. ས་ཏི ཨུ་པ་ཊྛཱ་ན་ཉྩེ་ཝ ས་ཏི ཙ. ཏཱ་ཡ ས་ཏི་ཡཱ ཏེ་ན ཉཱ་ཎེ་ན ཏཾ ཙི་ཏྟཾ ཨ་ནུ་པ་སྶ་ཏི. ཏེ་ན ཝུ་ཙྩ་ཏི – ‘‘ཙི་ཏྟེ ཙི་ཏྟཱ་ནུ་པ་སྶ་ནཱ་ས་ཏི་པ་ཊྛཱ་ནཱ’’.

བྷཱ་ཝ་ནཱཏི ཙ་ཏ་སྶོ བྷཱ་ཝ་ནཱ…པེ… ཨཱ་སེ་ཝ་ན་ཊྛེ་ན བྷཱ་ཝ་ནཱ. ཨེ་ཝཾ ཙི་ཏྟེ ཙི་ཏྟཱ་ནུ་པ་སྶཱི ཝི་ཧ་ར་ཏི.

[གྷ] ཀ་ཐཾ དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི? ཨི་དྷེ་ཀ་ཙྩོ ཋ་པེ་ཏྭཱ ཀཱ་ཡཾ ཋ་པེ་ཏྭཱ ཝེ་ད་ནཾ ཋ་པེ་ཏྭཱ ཙི་ཏྟཾ ཏ་ད་ཝ་སེ་སེ དྷ་མྨེ ཨ་ནི་ཙྩ་ཏོ ཨ་ནུ་པ་སྶ་ཏི, ནོ ནི་ཙྩ་ཏོ; དུ་ཀྑ་ཏོ ཨ་ནུ་པ་སྶ་ཏི, ནོ སུ་ཁ་ཏོ; ཨ་ན་ཏྟ་ཏོ ཨ་ནུ་པ་སྶ་ཏི, ནོ ཨ་ཏྟ་ཏོ; ནི་བྦི་ནྡ་ཏི, ནོ ན་ནྡ་ཏི; ཝི་ར་ཛྫ་ཏི, ནོ ར་ཛྫ་ཏི; ནི་རོ་དྷེ་ཏི, ནོ ས་མུ་དེ་ཏི; པ་ཊི་ནི་སྶ་ཛྫ་ཏི, ནོ ཨཱ་དི་ཡ་ཏི. ཨ་ནི་ཙྩ་ཏོ ཨ་ནུ་པ་སྶ་ནྟོ ནི་ཙྩ་ས་ཉྙཾ པ་ཛ་ཧ་ཏི, དུ་ཀྑ་ཏོ ཨ་ནུ་པ་སྶ་ནྟོ སུ་ཁ་ས་ཉྙཾ པ་ཛ་ཧ་ཏི, ཨ་ན་ཏྟ་ཏོ ཨ་ནུ་པ་སྶ་ནྟོ ཨ་ཏྟ་ས་ཉྙཾ པ་ཛ་ཧ་ཏི, ནི་བྦི་ནྡ་ནྟོ ན་ནྡིཾ པ་ཛ་ཧ་ཏི, ཝི་ར་ཛྫ་ནྟོ རཱ་གཾ པ་ཛ་ཧ་ཏི, ནི་རོ་དྷེ་ནྟོ ས་མུ་ད་ཡཾ པ་ཛ་ཧ་ཏི, པ་ཊི་ནི་སྶ་ཛྫ་ནྟོ ཨཱ་དཱ་ནཾ པ་ཛ་ཧ་ཏི. ཨི་མེ་ཧི ས་ཏྟ་ཧི ཨཱ་ཀཱ་རེ་ཧི ཏེ དྷ་མྨེ ཨ་ནུ་པ་སྶ་ཏི. དྷ་མྨཱ ཨུ་པ་ཊྛཱ་ནཾ, ནོ ས་ཏི. ས་ཏི ཨུ་པ་ཊྛཱ་ན་ཉྩེ་ཝ ས་ཏི ཙ. ཏཱ་ཡ ས་ཏི་ཡཱ ཏེ་ན ཉཱ་ཎེ་ན ཏེ དྷ་མྨེ ཨ་ནུ་པ་སྶ་ཏི. ཏེ་ན ཝུ་ཙྩ་ཏི – ‘‘དྷ་མྨེ་སུ དྷ་མྨཱ་ནུ་པ་སྶ་ནཱ་ས་ཏི་པ་ཊྛཱ་ནཱ’’.

ས་ཏི་པ་ཊྛཱ་ན་ཀ་ཐཱ ནི་ཊྛི་ཏཱ.