༢. ས་ཏི་པ་ཊྛཱ་ན་ཝཱ་རོ

༤༡. ‘‘‘ཨ་ཡཾ ཀཱ་ཡེ ཀཱ་ཡཱ་ནུ་པ་སྶ་ནཱ’ཏི མེ, བྷི་ཀྑ་ཝེ, པུ་བྦེ ཨ་ན་ནུ་སྶུ་ཏེ་སུ དྷ་མྨེ་སུ ཙ་ཀྑུཾ ཨུ་ད་པཱ་དི…པེ… ཨཱ་ལོ་ཀོ ཨུ་ད་པཱ་དི. སཱ ཁོ པ་ནཱ་ཡཾ ཀཱ་ཡེ ཀཱ་ཡཱ་ནུ་པ་སྶ་ནཱ བྷཱ་ཝེ་ཏ་བྦཱ་ཏི མེ, བྷི་ཀྑ་ཝེ,…པེ… བྷཱ་ཝི་ཏཱ་ཏི མེ, བྷི་ཀྑ་ཝེ, པུ་བྦེ ཨ་ན་ནུ་སྶུ་ཏེ་སུ དྷ་མྨེ་སུ ཙ་ཀྑུཾ ཨུ་ད་པཱ་དི…པེ… ཨཱ་ལོ་ཀོ ཨུ་ད་པཱ་དི’’.

‘‘ཨ་ཡཾ ཝེ་ད་ནཱ་སུ…པེ… ཨ་ཡཾ ཙི་ཏྟེ… ཨ་ཡཾ དྷ་མྨེ་སུ དྷ་མྨཱ་ནུ་པ་སྶ་ནཱ་ཏི མེ, བྷི་ཀྑ་ཝེ, པུ་བྦེ ཨ་ན་ནུ་སྶུ་ཏེ་སུ དྷ་མྨེ་སུ ཙ་ཀྑུཾ ཨུ་ད་པཱ་དི…པེ… ཨཱ་ལོ་ཀོ ཨུ་ད་པཱ་དི. སཱ ཁོ པ་ནཱ་ཡཾ དྷ་མྨེ་སུ དྷ་མྨཱ་ནུ་པ་སྶ་ནཱ བྷཱ་ཝེ་ཏ་བྦཱ་ཏི མེ, བྷི་ཀྑ་ཝེ…པེ… བྷཱ་ཝི་ཏཱ་ཏི མེ, བྷི་ཀྑ་ཝེ, པུ་བྦེ ཨ་ན་ནུ་སྶུ་ཏེ་སུ དྷ་མྨེ་སུ ཙ་ཀྑུཾ ཨུ་ད་པཱ་དི…པེ… ཨཱ་ལོ་ཀོ ཨུ་ད་པཱ་དི’’.

ཨ་ཡཾ ཀཱ་ཡེ ཀཱ་ཡཱ་ནུ་པ་སྶ་ནཱ་ཏི པུ་བྦེ ཨ་ན་ནུ་སྶུ་ཏེ་སུ དྷ་མྨེ་སུ ཙ་ཀྑུཾ ཨུ་ད་པཱ་དི…པེ… ཨཱ་ལོ་ཀོ ཨུ་ད་པཱ་དི…པེ… སཱ ཁོ པ་ནཱ་ཡཾ ཀཱ་ཡེ ཀཱ་ཡཱ་ནུ་པ་སྶ་ནཱ བྷཱ་ཝེ་ཏ་བྦཱ་ཏི…པེ… བྷཱ་ཝི་ཏཱ་ཏི པུ་བྦེ ཨ་ན་ནུ་སྶུ་ཏེ་སུ དྷ་མྨེ་སུ ཙ་ཀྑུཾ ཨུ་ད་པཱ་དི…པེ… ཨཱ་ལོ་ཀོ ཨུ་ད་པཱ་དི.

ཙ་ཀྑུཾ ཨུ་ད་པཱ་དཱི་ཏི – ཀེ་ན་ཊྛེ་ན…པེ… ཨཱ་ལོ་ཀོ ཨུ་ད་པཱ་དཱི་ཏི – ཀེ་ན་ཊྛེ་ན? ཙ་ཀྑུཾ ཨུ་ད་པཱ་དཱིཏི – ད་སྶ་ན་ཊྛེ་ན…པེ… ཨཱ་ལོ་ཀོ ཨུ་ད་པཱ་དཱིཏི – ཨོ་བྷཱ་ས་ཊྛེ་ན.

ཙ་ཀྑུཾ དྷ་མྨོ, ད་སྶ་ན་ཊྛོ ཨ་ཏྠོ…པེ… ཨཱ་ལོ་ཀོ དྷ་མྨོ, ཨོ་བྷཱ་ས་ཊྛོ ཨ་ཏྠོ. ཨི་མེ པ་ཉྩ དྷ་མྨཱ པ་ཉྩ ཨ་ཏྠཱ ཀཱ་ཡ་ཝ་ཏྠུ་ཀཱ ས་ཏི་པ་ཊྛཱ་ན་ཝ་ཏྠུ་ཀཱ…པེ… ཝེ་ད་ནཱ་ཝ་ཏྠུ་ཀཱ ས་ཏི་པ་ཊྛཱ་ན་ཝ་ཏྠུ་ཀཱ… ཙི་ཏྟ་ཝ་ཏྠུ་ཀཱ ས་ཏི་པ་ཊྛཱ་ན་ཝ་ཏྠུ་ཀཱ… དྷ་མྨ་ཝ་ཏྠུ་ཀཱ ས་ཏི་པ་ཊྛཱ་ན་ཝ་ཏྠུ་ཀཱ ས་ཏི་པ་ཊྛཱ་ནཱ་ར་མྨ་ཎཱ ས་ཏི་པ་ཊྛཱ་ན་གོ་ཙ་རཱ ས་ཏི་པ་ཊྛཱ་ན་ས་ངྒ་ཧི་ཏཱ ས་ཏི་པ་ཊྛཱ་ན་པ་རི་ཡཱ་པ་ནྣཱ ས་ཏི་པ་ཊྛཱ་ནེ ས་མུ་དཱ་ག་ཏཱ ས་ཏི་པ་ཊྛཱ་ནེ ཋི་ཏཱ ས་ཏི་པ་ཊྛཱ་ནེ པ་ཏི་ཊྛི་ཏཱ.

དྷ་མྨ་ཙ་ཀྐནྟི ཀེ་ན་ཊྛེ་ན དྷ་མྨ་ཙ་ཀྐཾ? དྷ་མྨ་ཉྩ པ་ཝ་ཏྟེ་ཏི ཙ་ཀྐ་ཉྩཱ་ཏི – དྷ་མྨ་ཙ་ཀྐཾ. ཙ་ཀྐ་ཉྩ པ་ཝ་ཏྟེ་ཏི དྷ་མྨ་ཉྩཱ་ཏི – དྷ་མྨ་ཙ་ཀྐཾ. དྷ་མྨེ་ན པ་ཝ་ཏྟེ་ཏཱི་ཏི – དྷ་མྨ་ཙ་ཀྐཾ. དྷ་མྨ་ཙ་རི་ཡཱ་ཡ པ་ཝ་ཏྟེ་ཏཱི་ཏི – དྷ་མྨ་ཙ་ཀྐཾ. དྷ་མྨེ ཋི་ཏོ པ་ཝ་ཏྟེ་ཏཱི་ཏི – དྷ་མྨ་ཙ་ཀྐཾ. དྷ་མྨེ པ་ཏི་ཊྛི་ཏོ པ་ཝ་ཏྟེ་ཏཱི་ཏི – དྷ་མྨ་ཙ་ཀྐཾ …པེ… ཨ་མ་ཏོ་ག་དྷཾ ནི་བྦཱ་ནཾ པ་རི་ཡོ་སཱ་ན་ཊྛེ་ན དྷ་མྨོ. ཏཾ དྷ་མྨཾ པ་ཝ་ཏྟེ་ཏཱི་ཏི – དྷ་མྨ་ཙ་ཀྐཾ.