༦. ཨུ་ཙྪེ་ད་དི་ཊྛི་ནི་དྡེ་སོ

༡༣༩. ས་ཀྐཱ་ཡ་ཝ་ཏྠུ་ཀཱ་ཡ ཨུ་ཙྪེ་ད་དི་ཊྛི་ཡཱ ཀ་ཏ་མེ་ཧི པ་ཉྩ་ཧི ཨཱ་ཀཱ་རེ་ཧི ཨ་བྷི་ནི་ཝེ་སོ ཧོ་ཏི? ཨི་དྷ ཨ་སྶུ་ཏ་ཝཱ པུ་ཐུ་ཛྫ་ནོ ཨ་རི་ཡཱ་ནཾ ཨ་ད་སྶཱ་ཝཱི ཨ་རི་ཡ་དྷ་མྨ་སྶ ཨ་ཀོ་ཝི་དོ ཨ་རི་ཡ་དྷ་མྨེ ཨ་ཝི་ནཱི་ཏོ ས་པྤུ་རི་སཱ་ནཾ ཨ་ད་སྶཱ་ཝཱི ས་པྤུ་རི་ས་དྷ་མྨ་སྶ ཨ་ཀོ་ཝི་དོ ས་པྤུ་རི་ས་དྷ་མྨེ ཨ་ཝི་ནཱི་ཏོ རཱུ་པཾ ཨ་ཏྟ་ཏོ ས་མ་ནུ་པ་སྶ་ཏི, ཝེ་ད་ནཾ ཨ་ཏྟ་ཏོ ས་མ་ནུ་པ་སྶ་ཏི, ས་ཉྙཾ ཨ་ཏྟ་ཏོ ས་མ་ནུ་པ་སྶ་ཏི, ས་ངྑཱ་རེ ཨ་ཏྟ་ཏོ ས་མ་ནུ་པ་སྶ་ཏི, ཝི་ཉྙཱ་ཎཾ ཨ་ཏྟ་ཏོ ས་མ་ནུ་པ་སྶ་ཏི.

ཀ་ཐཾ རཱུ་པཾ ཨ་ཏྟ་ཏོ ས་མ་ནུ་པ་སྶ་ཏི? ཨི་དྷེ་ཀ་ཙྩོ པ་ཐ་ཝཱི་ཀ་སི་ཎཾ…པེ… ཨོ་དཱ་ཏ་ཀ་སི་ཎཾ ཨ་ཏྟ་ཏོ ས་མ་ནུ་པ་སྶ་ཏི. ‘‘ཡཾ ཨོ་དཱ་ཏ་ཀ་སི་ཎཾ, སོ ཨ་ཧཾ; ཡོ ཨ་ཧཾ, ཏཾ ཨོ་དཱ་ཏ་ཀ་སི་ཎ’’ནྟི – ཨོ་དཱ་ཏ་ཀ་སི་ཎ་ཉྩ ཨ་ཏྟ་ཉྩ ཨ་དྭ་ཡཾ ས་མ་ནུ་པ་སྶ་ཏི. སེ་ཡྻ་ཐཱ་པི ཏེ་ལ་པྤ་དཱི་པ་སྶ ཛྷཱ་ཡ་ཏོ…པེ… ཨ་ཡཾ པ་ཋ་མཱ ས་ཀྐཱ་ཡ་ཝ་ཏྠུ་ཀཱ ཨུ་ཙྪེ་ད་དི་ཊྛི. ཨུ་ཙྪེ་ད་དི་ཊྛི མི་ཙྪཱ་དི་ཊྛི…པེ… ཨི་མཱ་ནི ས་ཉྙོ་ཛ་ནཱ་ནི, ན ཙ དི་ཊྛི་ཡོ. ཨེ་ཝཾ རཱུ་པཾ ཨ་ཏྟ་ཏོ ས་མ་ནུ་པ་སྶ་ཏི…པེ… ས་ཀྐཱ་ཡ་ཝ་ཏྠུ་ཀཱ་ཡ ཨུ་ཙྪེ་ད་དི་ཊྛི་ཡཱ ཨི་མེ་ཧི པ་ཉྩ་ཧི ཨཱ་ཀཱ་རེ་ཧི ཨ་བྷི་ནི་ཝེ་སོ ཧོ་ཏི.

ཨུ་ཙྪེ་ད་དི་ཊྛི་ནི་དྡེ་སོ ཚ་ཊྛོ.