༡༥-༡༦. བྷ་ཝ-ཝི་བྷ་ཝ་དི་ཊྛི་ནི་དྡེ་སོ

༡༤༨. ཨོ་ལཱི་ཡ་ནཱ་བྷི་ནི་ཝེ་སོ བྷ་ཝ་དི་ཊྛི. ཨ་ཏི་དྷཱ་ཝ་ནཱ་བྷི་ནི་ཝེ་སོ ཝི་བྷ་ཝ་དི་ཊྛི. ཨ་སྶཱ་ད་དི་ཊྛི་ཡཱ པ་ཉྩ་ཏིཾ་སཱ་ཡ ཨཱ་ཀཱ་རེ་ཧི ཨ་བྷི་ནི་ཝེ་སོ ཀ་ཏི བྷ་ཝ་དི་ཊྛི་ཡོ, ཀ་ཏི ཝི་བྷ་ཝ་དི་ཊྛི་ཡོ? ཨ་ཏྟཱ་ནུ་དི་ཊྛི་ཡཱ ཝཱི་ས་ཏི་ཡཱ ཨཱ་ཀཱ་རེ་ཧི ཨ་བྷི་ནི་ཝེ་སོ ཀ་ཏི བྷ་ཝ་དི་ཊྛི་ཡོ ཀ་ཏི ཝི་བྷ་ཝ་དི་ཊྛི་ཡོ…པེ… ལོ་ཀ་ཝཱ་ད་པ་ཊི་སཾ་ཡུ་ཏྟཱ་ཡ དི་ཊྛི་ཡཱ ཨ་ཊྛ་ཧི ཨཱ་ཀཱ་རེ་ཧི ཨ་བྷི་ནི་ཝེ་སོ ཀ་ཏི བྷ་ཝ་དི་ཊྛི་ཡོ ཀ་ཏི ཝི་བྷ་ཝ་དི་ཊྛི་ཡོ?

ཨ་སྶཱ་ད་དི་ཊྛི་ཡཱ པ་ཉྩ་ཏིཾ་སཱ་ཡ ཨཱ་ཀཱ་རེ་ཧི ཨ་བྷི་ནི་ཝེ་སོ སི་ཡཱ བྷ་ཝ་དི་ཊྛི་ཡོ, སི་ཡཱ ཝི་བྷ་ཝ་དི་ཊྛི་ཡོ. ཨ་ཏྟཱ་ནུ་དི་ཊྛི་ཡཱ ཝཱི་ས་ཏི་ཡཱ ཨཱ་ཀཱ་རེ་ཧི ཨ་བྷི་ནི་ཝེ་སོ པ་ནྣ་ར་ས བྷ་ཝ་དི་ཊྛི་ཡོ, པ་ཉྩ ཝི་བྷ་ཝ་དི་ཊྛི་ཡོ. མི་ཙྪཱ་དི་ཊྛི་ཡཱ ད་ས་ཧི ཨཱ་ཀཱ་རེ་ཧི ཨ་བྷི་ནི་ཝེ་སོ ས་བྦཱ་ཝ ཏཱ ཝི་བྷ་ཝ་དི་ཊྛི་ཡོ. ས་ཀྐཱ་ཡ་དི་ཊྛི་ཡཱ ཝཱི་ས་ཏི་ཡཱ ཨཱ་ཀཱ་རེ་ཧི ཨ་བྷི་ནི་ཝེ་སོ པ་ནྣ་ར་ས བྷ་ཝ་དི་ཊྛི་ཡོ, པ་ཉྩ ཝི་བྷ་ཝ་དི་ཊྛི་ཡོ. ས་ཀྐཱ་ཡ་ཝ་ཏྠུ་ཀཱ་ཡ ས་སྶ་ཏ་དི་ཊྛི་ཡཱ པ་ནྣ་ར་ས་ཧི ཨཱ་ཀཱ་རེ་ཧི ཨ་བྷི་ནི་ཝེ་སོ ས་བྦཱ་ཝ ཏཱ བྷ་ཝ་དི་ཊྛི་ཡོ. ས་ཀྐཱ་ཡ་ཝ་ཏྠུ་ཀཱ་ཡ ཨུ་ཙྪེ་ད་དི་ཊྛི་ཡཱ པ་ཉྩ་ཧཱ་ཀཱ་རེ་ཧི ཨ་བྷི་ནི་ཝེ་སོ ས་བྦཱ་ཝ ཏཱ ཝི་བྷ་ཝ་དི་ཊྛི་ཡོ.

‘‘ས་སྶ་ཏོ ལོ་ཀོ’’ཏི – ཨ་ནྟ་གྒཱ་ཧི་ཀཱ་ཡ དི་ཊྛི་ཡཱ པ་ཉྩ་ཧཱ་ཀཱ་རེ་ཧི ཨ་བྷི་ནི་ཝེ་སོ ས་བྦཱ་ཝ ཏཱ བྷ་ཝ་དི་ཊྛི་ཡོ. ‘‘ཨ་ས་སྶ་ཏོ ལོ་ཀོ’’ཏི – ཨ་ནྟ་གྒཱ་ཧི་ཀཱ་ཡ དི་ཊྛི་ཡཱ པ་ཉྩ་ཧཱ་ཀཱ་རེ་ཧི ཨ་བྷི་ནི་ཝེ་སོ ས་བྦཱ་ཝ ཏཱ ཝི་བྷ་ཝ་དི་ཊྛི་ཡོ. ‘‘ཨ་ནྟ་ཝཱ ལོ་ཀོ’’ཏི – ཨ་ནྟ་གྒཱ་ཧི་ཀཱ་ཡ དི་ཊྛི་ཡཱ པ་ཉྩ་ཧཱ་ཀཱ་རེ་ཧི ཨ་བྷི་ནི་ཝེ་སོ སི་ཡཱ བྷ་ཝ་དི་ཊྛི་ཡོ, སི་ཡཱ ཝི་བྷ་ཝ་དི་ཊྛི་ཡོ. ‘‘ཨ་ན་ནྟ་ཝཱ ལོ་ཀོ’’ཏི – ཨ་ནྟ་གྒཱ་ཧི་ཀཱ་ཡ དི་ཊྛི་ཡཱ པ་ཉྩ་ཧཱ་ཀཱ་རེ་ཧི ཨ་བྷི་ནི་ཝེ་སོ སི་ཡཱ བྷ་ཝ་དི་ཊྛི་ཡོ, སི་ཡཱ ཝི་བྷ་ཝ་དི་ཊྛི་ཡོ. ‘‘ཏཾ ཛཱི་ཝཾ ཏཾ ས་རཱི་ར’’ནྟི – ཨ་ནྟ་གྒཱ་ཧི་ཀཱ་ཡ དི་ཊྛི་ཡཱ པ་ཉྩ་ཧཱ་ཀཱ་རེ་ཧི ཨ་བྷི་ནི་ཝེ་སོ ས་བྦཱ་ཝ ཏཱ ཝི་བྷ་ཝ་དི་ཊྛི་ཡོ. ‘‘ཨ་ཉྙཾ ཛཱི་ཝཾ ཨ་ཉྙཾ ས་རཱི་ར’’ནྟི – ཨ་ནྟ་གྒཱ་ཧི་ཀཱ་ཡ དི་ཊྛི་ཡཱ པ་ཉྩ་ཧཱ་ཀཱ་རེ་ཧི ཨ་བྷི་ནི་ཝེ་སོ ས་བྦཱ་ཝ ཏཱ བྷ་ཝ་དི་ཊྛི་ཡོ. ‘‘ཧོ་ཏི ཏ་ཐཱ་ག་ཏོ པ་རཾ མ་ར་ཎཱ’’ཏི – ཨ་ནྟ་གྒཱ་ཧི་ཀཱ་ཡ དི་ཊྛི་ཡཱ པ་ཉྩ་ཧཱ་ཀཱ་རེ་ཧི ཨ་བྷི་ནི་ཝེ་སོ ས་བྦཱ་ཝ ཏཱ བྷ་ཝ་དི་ཊྛི་ཡོ. ‘‘ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ’’ཏི – ཨ་ནྟ་གྒཱ་ཧི་ཀཱ་ཡ དི་ཊྛི་ཡཱ པ་ཉྩ་ཧཱ་ཀཱ་རེ་ཧི ཨ་བྷི་ནི་ཝེ་སོ ས་བྦཱ་ཝ ཏཱ ཝི་བྷ་ཝ་དི་ཊྛི་ཡོ. ‘‘ཧོ་ཏི ཙ ན ཙ ཧོ་ཏི ཏ་ཐཱ་ག་ཏོ པ་རཾ མ་ར་ཎཱ’’ཏི – ཨ་ནྟ་གྒཱ་ཧི་ཀཱ་ཡ དི་ཊྛི་ཡཱ པ་ཉྩ་ཧཱ་ཀཱ་རེ་ཧི ཨ་བྷི་ནི་ཝེ་སོ སི་ཡཱ བྷ་ཝ་དི་ཊྛི་ཡོ, སི་ཡཱ ཝི་བྷ་ཝ་དི་ཊྛི་ཡོ ‘‘ནེ་ཝ ཧོ་ཏི ན ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ’’ཏི – ཨ་ནྟ་གྒཱ་ཧི་ཀཱ་ཡ དི་ཊྛི་ཡཱ པ་ཉྩ་ཧཱ་ཀཱ་རེ་ཧི ཨ་བྷི་ནི་ཝེ་སོ སི་ཡཱ བྷ་ཝ་དི་ཊྛི་ཡོ, སི་ཡཱ ཝི་བྷ་ཝ་དི་ཊྛི་ཡོ.

པུ་བྦ་ནྟཱ་ནུ་དི་ཊྛི་ཡཱ ཨ་ཊྛཱ་ར་ས་ཧི ཨཱ་ཀཱ་རེ་ཧི ཨ་བྷི་ནི་ཝེ་སོ སི་ཡཱ བྷ་ཝ་དི་ཊྛི་ཡོ, སི་ཡཱ ཝི་བྷ་ཝ་དི་ཊྛི་ཡོ. ཨ་པ་ར་ནྟཱ་ནུ་དི་ཊྛི་ཡཱ ཙ་ཏུ་ཙ་ཏྟཱ་རཱི་སཱ་ཡ ཨཱ་ཀཱ་རེ་ཧི ཨ་བྷི་ནི་ཝེ་སོ སི་ཡཱ བྷ་ཝ་དི་ཊྛི་ཡོ, སི་ཡཱ ཝི་བྷ་ཝ་དི་ཊྛི་ཡོ. ས་ཉྙོ་ཛ་ནི་ཀཱ་ཡ དི་ཊྛི་ཡཱ ཨ་ཊྛཱ་ར་ས་ཧི ཨཱ་ཀཱ་རེ་ཧི ཨ་བྷི་ནི་ཝེ་སོ སི་ཡཱ བྷ་ཝ་དི་ཊྛི་ཡོ, སི་ཡཱ ཝི་བྷ་ཝ་དི་ཊྛི་ཡོ. ཨ་ཧ་ནྟི – མཱ་ན་ཝི་ནི་བ་ནྡྷཱ་ཡ དི་ཊྛི་ཡཱ ཨ་ཊྛཱ་ར་ས་ཧི ཨཱ་ཀཱ་རེ་ཧི ཨ་བྷི་ནི་ཝེ་སོ ས་བྦཱ་ཝ ཏཱ ཝི་བྷ་ཝ་དི་ཊྛི་ཡོ. མ་མ་ནྟི – མཱ་ན་ཝི་ནི་བ་ནྡྷཱ་ཡ དི་ཊྛི་ཡཱ ཨ་ཊྛཱ་ར་ས་ཧི ཨཱ་ཀཱ་རེ་ཧི ཨ་བྷི་ནི་ཝེ་སོ ས་བྦཱ་ཝ ཏཱ བྷ་ཝ་དི་ཊྛི་ཡོ. ཨ་ཏྟ་ཝཱ་ད་པ་ཊི་སཾ་ཡུ་ཏྟཱ་ཡ དི་ཊྛི་ཡཱ ཝཱི་ས་ཏི་ཡཱ ཨཱ་ཀཱ་རེ་ཧི ཨ་བྷི་ནི་ཝེ་སོ པ་ནྣ་ར་ས བྷ་ཝ་དི་ཊྛི་ཡོ, པ་ཉྩ ཝི་བྷ་ཝ་དི་ཊྛི་ཡོ. ལོ་ཀ་ཝཱ་ད་པ་ཊི་སཾ་ཡུ་ཏྟཱ་ཡ དི་ཊྛི་ཡཱ ཨ་ཊྛ་ཧི ཨཱ་ཀཱ་རེ་ཧི ཨ་བྷི་ནི་ཝེ་སོ སི་ཡཱ བྷ་ཝ་དི་ཊྛི་ཡོ, སི་ཡཱ ཝི་བྷ་ཝ་དི་ཊྛི་ཡོ.

ས་བྦཱ་ཝ ཏཱ དི་ཊྛི་ཡོ ཨ་སྶཱ་ད་དི་ཊྛི་ཡོ. ས་བྦཱ་ཝ ཏཱ དི་ཊྛི་ཡོ ཨ་ཏྟཱ་ནུ་དི་ཊྛི་ཡོ. ས་བྦཱ་ཝ ཏཱ དི་ཊྛི་ཡོ མི་ཙྪཱ་དི་ཊྛི་ཡོ. ས་བྦཱ་ཝ ཏཱ དི་ཊྛི་ཡོ ས་ཀྐཱ་ཡ་དི་ཊྛི་ཡོ. ས་བྦཱ་ཝ ཏཱ དི་ཊྛི་ཡོ ཨ་ནྟ་གྒཱ་ཧི་ཀཱ དི་ཊྛི་ཡོ. ས་བྦཱ་ཝ ཏཱ དི་ཊྛི་ཡོ ས་ཉྙོ་ཛ་ནི་ཀཱ དི་ཊྛི་ཡོ. ས་བྦཱ་ཝ ཏཱ དི་ཊྛི་ཡོ ཨ་ཏྟ་ཝཱ་ད་པ་ཊི་སཾ་ཡུ་ཏྟཱ དི་ཊྛི་ཡོ.

བྷ་ཝ་ཉྩ དི་ཊྛིཾ ཝི་བྷ་ཝ་ཉྩ དི་ཊྛིཾ, ཨེ་ཏཾ དྭ་ཡཾ ཏ་ཀྐི་ཀཱ ནི་སྶི་ཏཱ་སེ;

ཏེ་སཾ ནི་རོ་དྷ་མྷི ན ཧ་ཏྠི ཉཱ་ཎཾ, ཡ་ཏྠཱ་ཡཾ ལོ་ཀོ ཝི་པ་རཱི་ཏ་ས་ཉྙཱི་ཏི.

༡༤༩. ‘‘དྭཱི་ཧི, བྷི་ཀྑ་ཝེ, དི་ཊྛི་ག་ཏེ་ཧི པ་རི་ཡུ་ཊྛི་ཏཱ དེ་ཝ་མ་ནུ་སྶཱ ཨོ་ལཱི་ཡ་ནྟི [ཨོ་ལི་ཡ་ནྟི (སྱཱ. ཀ.) ཨི་ཏི་ཝུ. ༤༩ པ་སྶི་ཏ་བྦཱ] ཨེ་ཀེ, ཨ་ཏི་དྷཱ་ཝ་ནྟི ཨེ་ཀེ; ཙ་ཀྑུ་མ་ནྟོ ཙ པ་སྶ་ནྟི. ཀ་ཐ་ཉྩ, བྷི་ཀྑ་ཝེ, ཨོ་ལཱི་ཡ་ནྟི ཨེ་ཀེ? བྷ་ཝཱ་རཱ་མཱ, བྷི་ཀྑ་ཝེ, དེ་ཝ་མ་ནུ་སྶཱ བྷ་ཝ་ར་ཏཱ བྷ་ཝ་ས་མྨུ་དི་ཏཱ. ཏེ་སཾ བྷ་ཝ་ནི་རོ་དྷཱ་ཡ དྷ་མྨེ དེ་སི་ཡ་མཱ་ནེ ཙི་ཏྟཾ ན པ་ཀྑ་ནྡ་ཏི ན པ་སཱི་ད་ཏི ན ས་ནྟི་ཊྛ་ཏི ནཱ་དྷི་མུ་ཙྩ་ཏི. ཨེ་ཝཾ ཁོ, བྷི་ཀྑ་ཝེ, ཨོ་ལཱི་ཡ་ནྟི ཨེ་ཀེ.

‘‘ཀ་ཐ་ཉྩ, བྷི་ཀྑ་ཝེ, ཨ་ཏི་དྷཱ་ཝ་ནྟི ཨེ་ཀེ? བྷ་ཝེ་ནེ་ཝ ཁོ པ་ནེ་ཀེ ཨ་ཊྚཱི་ཡ་མཱ་ནཱ [ཨ་ཊྚི་ཡ་མཱ་ནཱ (སྱཱ. ཀ.) ཨི་ཏི་ཝུ. ༤༩ པ་སྶི་ཏ་བྦཱ] ཧ་རཱ་ཡ་མཱ་ནཱ ཛི་གུ་ཙྪ་མཱ་ནཱ ཝི་བྷ་ཝཾ ཨ་བྷི་ན་ནྡ་ནྟི – ‘‘ཡ་ཏོ ཀི་ར, བྷོ, ཨ་ཡཾ ཨ་ཏྟཱ ཀཱ་ཡ་སྶ བྷེ་དཱ པ་རཾ མ་ར་ཎཱ ཨུ་ཙྪི་ཛྫ་ཏི ཝི་ན་སྶ་ཏི ན ཧོ་ཏི པ་རཾ མ་ར་ཎཱ, ཨེ་ཏཾ ས་ནྟཾ ཨེ་ཏཾ པ་ཎཱི་ཏཾ ཨེ་ཏཾ ཡཱ་ཐཱ་ཝ་ནྟི. ཨེ་ཝཾ ཁོ, བྷི་ཀྑ་ཝེ, ཨ་ཏི་དྷཱ་ཝ་ནྟི ཨེ་ཀེ.

‘‘ཀ་ཐ་ཉྩ, བྷི་ཀྑ་ཝེ, ཙ་ཀྑུ་མ་ནྟོ ཙ པ་སྶ་ནྟི? ཨི་དྷ, བྷི་ཀྑ་ཝེ, བྷི་ཀྑུ བྷཱུ་ཏཾ བྷཱུ་ཏ་ཏོ པ་སྶ་ཏི. བྷཱུ་ཏཾ བྷཱུ་ཏ་ཏོ དི་སྭཱ བྷཱུ་ཏ་སྶ ནི་བྦི་དཱ་ཡ ཝི་རཱ་གཱ་ཡ ནི་རོ་དྷཱ་ཡ པ་ཊི་པ་ནྣོ ཧོ་ཏི. ཨེ་ཝཾ ཁོ, བྷི་ཀྑ་ཝེ, ཙ་ཀྑུ་མ་ནྟོ ཙ པ་སྶ་ནྟི.

‘‘ཡོ [ཨ་ཡཾ གཱ་ཐཱ ཨི་ཏི་ཝུ. ༤༩ དི་སྶ་ཏི] བྷཱུ་ཏཾ བྷཱུ་ཏ་ཏོ དི་སྭཱ, བྷཱུ་ཏ་སྶ ཙ ཨ་ཏི་ཀྐ་མཾ;

ཡ་ཐཱ་བྷཱུ་ཏེ་དྷི་མུ་ཙྩ་ཏི, བྷ་ཝ་ཏ་ཎྷཱ པ་རི་ཀྑ་ཡཱ.

‘‘ས ཝེ བྷཱུ་ཏ་པ་རི་ཉྙཱ་ཏོ, ཝཱི་ཏ་ཏ་ཎྷོ བྷ་ཝཱ་བྷ་ཝེ;

བྷཱུ་ཏ་སྶ ཝི་བྷ་ཝཱ བྷི་ཀྑུ, ནཱ་ག་ཙྪ་ཏི པུ་ན་བྦྷ་ཝ’’ནྟི.

༡༥༠. ཏ་ཡོ པུ་གྒ་ལཱ ཝི་པ་ནྣ་དི་ཊྛཱི, ཏ་ཡོ པུ་གྒ་ལཱ ས་མྤ་ནྣ་དི་ཊྛཱི. ཀ་ཏ་མེ ཏ་ཡོ པུ་གྒ་ལཱ ཝི་པ་ནྣ་དི་ཊྛཱི? ཏི་ཏྠི་ཡོ ཙ, ཏི་ཏྠི་ཡ་སཱ་ཝ་ཀོ ཙ, ཡོ ཙ མི་ཙྪཱ་དི་ཊྛི་ཀོ – ཨི་མེ ཏ་ཡོ པུ་གྒ་ལཱ ཝི་པ་ནྣ་དི་ཊྛཱི.

ཀ་ཏ་མེ ཏ་ཡོ པུ་གྒ་ལཱ ས་མྤ་ནྣ་དི་ཊྛཱི? ཏ་ཐཱ་ག་ཏོ ཙ, ཏ་ཐཱ་ག་ཏ་སཱ་ཝ་ཀོ ཙ, ཡོ ཙ ས་མྨཱ་དི་ཊྛི་ཀོ – ཨི་མེ ཏ་ཡོ པུ་གྒ་ལཱ ས་མྤ་ནྣ་དི་ཊྛཱི.

‘‘ཀོ་དྷ་ནོ ཨུ་པ་ནཱ་ཧཱི ཙ, པཱ་པ་མ་ཀྑཱི ཙ ཡོ ན་རོ;

ཝི་པ་ནྣ་དི་ཊྛི མཱ་ཡཱ་ཝཱི, ཏཾ ཛ་ཉྙཱ ཝ་ས་ལོ ཨི་ཏི’’ [ཨི་མེ (སྱཱ.) སུ. ནི. ༡༡༦ པ་སྶི་ཏ་བྦཱ].

ཨ་ཀྐོ་དྷ་ནོ ཨ་ནུ་པ་ནཱ་ཧཱི, ཝི་སུ་དྡྷོ [ཨ་མ་ཀྑཱི (སྱཱ.) ཨ་ཊྛ་ཀ་ཐཱ ཨོ་ལོ་ཀེ་ཏ་བྦཱ] སུ་དྡྷ་ཏཾ ག་ཏོ;

ས་མྤ་ནྣ་དི་ཊྛི མེ་དྷཱ་ཝཱི, ཏཾ ཛ་ཉྙཱ ཨ་རི་ཡོ ཨི་ཏཱི་ཏི.

ཏི་སྶོ ཝི་པ་ནྣ་དི་ཊྛི་ཡོ, ཏི་སྶོ ས་མྤ་ནྣ་དི་ཊྛི་ཡོ. ཀ་ཏ་མཱ ཏི་སྶོ ཝི་པ་ནྣ་དི་ཊྛི་ཡོ? ཨེ་ཏཾ མ་མཱ་ཏི – ཝི་པ་ནྣ་དི་ཊྛི. ཨེ་སོ་ཧ་མ་སྨཱི་ཏི – ཝི་པ་ནྣ་དི་ཊྛི. ཨེ་སོ མེ ཨ་ཏྟཱ་ཏི – ཝི་པ་ནྣ་དི་ཊྛི. ཨི་མཱ ཏི་སྶོ ཝི་པ་ནྣ་དི་ཊྛི་ཡོ.

ཀ་ཏ་མཱ ཏི་སྶོ ས་མྤ་ནྣ་དི་ཊྛི་ཡོ? ནེ་ཏཾ མ་མཱ་ཏི – ས་མྤ་ནྣ་དི་ཊྛི. ནེ་སོ་ཧ་མ་སྨཱི་ཏི – ས་མྤ་ནྣ་དི་ཊྛི. ན མེ་སོ ཨ་ཏྟཱ་ཏི – ས་མྤ་ནྣ་དི་ཊྛི. ཨི་མཱ ཏི་སྶོ ས་མྤ་ནྣ་དི་ཊྛི་ཡོ.

ཨེ་ཏཾ མ་མཱཏི – ཀཱ དི་ཊྛི, ཀ་ཏི དི་ཊྛི་ཡོ, ཀ་ཏ་མ་ནྟཱ་ནུ་གྒ་ཧི་ཏཱ ཏཱ དི་ཊྛི་ཡོ? ཨེ་སོ་ཧ་མ་སྨཱིཏི – ཀཱ དི་ཊྛི, ཀ་ཏི དི་ཊྛི་ཡོ, ཀ་ཏ་མ་ནྟཱ་ནུ་གྒ་ཧི་ཏཱ ཏཱ དི་ཊྛི་ཡོ? ཨེ་སོ མེ ཨ་ཏྟཱཏི – ཀཱ དི་ཊྛི, ཀ་ཏི དི་ཊྛི་ཡོ, ཀ་ཏ་མ་ནྟཱ་ནུ་གྒ་ཧི་ཏཱ ཏཱ དི་ཊྛི་ཡོ?

ཨེ་ཏཾ མ་མཱཏི – པུ་བྦ་ནྟཱ་ནུ་དི་ཊྛི. ཨ་ཊྛཱ་ར་ས དི་ཊྛི་ཡོ. པུ་བྦ་ནྟཱ་ནུ་གྒ་ཧི་ཏཱ ཏཱ དི་ཊྛི་ཡོ. ཨེ་སོ་ཧ་མ་སྨཱིཏི – ཨ་པ་ར་ནྟཱ་ནུ་དི་ཊྛི. ཙ་ཏུ་ཙ་ཏྟཱ་རཱི་སཾ དི་ཊྛི་ཡོ. ཨ་པ་ར་ནྟཱ་ནུ་གྒ་ཧི་ཏཱ ཏཱ དི་ཊྛི་ཡོ. ཨེ་སོ མེ ཨ་ཏྟཱཏི – ཝཱི་ས་ཏི་ཝ་ཏྠུ་ཀཱ ཨ་ཏྟཱ་ནུ་དི་ཊྛི. ཝཱི་ས་ཏི་ཝ་ཏྠུ་ཀཱ ས་ཀྐཱ་ཡ་དི་ཊྛི. ས་ཀྐཱ་ཡ་དི་ཊྛི་པྤ་མུ་ཁཱ་ནི [ས་ཀྐཱ་ཡ་དི་ཊྛི་པྤ་མུ་ཁེ་ན (སྱཱ.)] དྭཱ་ས་ཊྛི དི་ཊྛི་ག་ཏཱ་ནི. པུ་བྦ་ནྟཱ་པ་ར་ནྟཱ་ནུ་གྒ་ཧི་ཏཱ ཏཱ དི་ཊྛི་ཡོ.

༡༥༡. ‘‘ཡེ ཀེ་ཙི, བྷི་ཀྑ་ཝེ, མ་ཡི ནི་ཊྛཾ ག་ཏཱ, ས་བྦེ ཏེ དི་ཊྛི་ས་མྤ་ནྣཱ. ཏེ་སཾ དི་ཊྛི་ས་མྤ་ནྣཱ་ནཾ པ་ཉྩ་ནྣཾ ཨི་དྷ ནི་ཊྛཱ, པ་ཉྩ་ནྣཾ ཨི་དྷ ཝི་ཧཱ་ཡ ནི་ཊྛཱ. ཀ་ཏ་མེ་སཾ པ་ཉྩ་ནྣཾ ཨི་དྷ ནི་ཊྛཱ? ས་ཏྟ་ཀྑ་ཏྟུ་པ་ར་མ་སྶ, ཀོ་ལཾ་ཀོ་ལ་སྶ, ཨེ་ཀ་བཱི་ཛི་སྶ, ས་ཀ་དཱ་གཱ་མི་སྶ, ཡོ ཙ དི་ཊྛེ་ཝ དྷ་མྨེ ཨ་ར་ཧཱ – ཨི་མེ་སཾ པ་ཉྩ་ནྣཾ ཨི་དྷ ནི་ཊྛཱ.

‘‘ཀ་ཏ་མེ་སཾ པ་ཉྩ་ནྣཾ ཨི་དྷ ཝི་ཧཱ་ཡ ནི་ཊྛཱ? ཨ་ནྟ་རཱ་པ་རི་ནི་བྦཱ་ཡི་སྶ, ཨུ་པ་ཧ་ཙྩ་པ་རི་ནི་བྦཱ་ཡི་སྶ, ཨ་ས་ངྑཱ་ར་པ་རི་ནི་བྦཱ་ཡི་སྶ, ས་ས་ངྑཱ་ར་པ་རི་ནི་བྦཱ་ཡི་སྶ, ཨུ་དྡྷཾ་སོ་ཏ་སྶ, ཨ་ཀ་ནི་ཊྛ་གཱ་མི་ནོ – ཨི་མེ་སཾ པ་ཉྩ་ནྣཾ ཨི་དྷ ཝི་ཧཱ་ཡ ནི་ཊྛཱ.

‘‘ཡེ ཀེ་ཙི, བྷི་ཀྑ་ཝེ, མ་ཡི ནི་ཊྛཾ ག་ཏཱ, ས་བྦེ ཏེ དི་ཊྛི་ས་མྤ་ནྣཱ. ཏེ་སཾ དི་ཊྛི་ས་མྤ་ནྣཱ་ནཾ ཨི་མེ་སཾ པ་ཉྩ་ནྣཾ ཨི་དྷ ནི་ཊྛཱ, ཨི་མེ་སཾ པ་ཉྩ་ནྣཾ ཨི་དྷ ཝི་ཧཱ་ཡ ནི་ཊྛཱ.

‘‘ཡེ ཀེ་ཙི, བྷི་ཀྑ་ཝེ, མ་ཡི ཨ་ཝེ་ཙྩ་པྤ་ས་ནྣཱ, ས་བྦེ ཏེ སོ་ཏཱ་པ་ནྣཱ. ཏེ་སཾ སོ་ཏཱ་པ་ནྣཱ་ནཾ པ་ཉྩ་ནྣཾ ཨི་དྷ ནི་ཊྛཱ, པ་ཉྩ་ནྣཾ ཨི་དྷ ཝི་ཧཱ་ཡ ནི་ཊྛཱ. ཀ་ཏ་མེ་སཾ པ་ཉྩ་ནྣཾ ཨི་དྷ ནི་ཊྛཱ? ས་ཏྟ་ཀྑ་ཏྟུ་པ་ར་མ་སྶ, ཀོ་ལཾ་ཀོ་ལ་སྶ, ཨེ་ཀ་བཱི་ཛི་སྶ, ས་ཀ་དཱ་གཱ་མི་སྶ, ཡོ ཙ དི་ཊྛེ་ཝ དྷ་མྨེ ཨ་ར་ཧཱ – ཨི་མེ་སཾ པ་ཉྩ་ནྣཾ ཨི་དྷ ནི་ཊྛཱ.

‘‘ཡེ ཀེ་ཙི, བྷི་ཀྑ་ཝེ, མ་ཡི ཨ་ཝེ་ཙྩ་པྤ་ས་ནྣཱ, ས་བྦེ ཏེ སོ་ཏཱ་པ་ནྣཱ. ཏེ་སཾ སོ་ཏཱ་པ་ནྣཱ་ནཾ ཨི་མེ་སཾ པ་ཉྩ་ནྣཾ ཨི་དྷ ནི་ཊྛཱ. ཨི་མེ་སཾ པ་ཉྩ་ནྣཾ ཨི་དྷ ཝི་ཧཱ་ཡ ནི་ཊྛཱ་ཏི’’.

བྷ་ཝ་ཝི་བྷ་ཝ་དི་ཊྛི་ནི་དྡེ་སོ སོ་ལ༹་ས་མོ.

དི་ཊྛི་ཀ་ཐཱ ནི་ཊྛི་ཏཱ.