༡༣. ཨ་ཏྟ་ཝཱ་ད་པ་ཊི་སཾ་ཡུ་ཏྟ་དི་ཊྛི་ནི་དྡེ་སོ

༡༤༦. ཨ་ཏྟ་ཝཱ་ད་པ་ཊི་སཾ་ཡུ་ཏྟཱ་ཡ དི་ཊྛི་ཡཱ ཀ་ཏ་མེ་ཧི ཝཱི་ས་ཏི་ཡཱ ཨཱ་ཀཱ་རེ་ཧི ཨ་བྷི་ནི་ཝེ་སོ ཧོ་ཏི? ཨི་དྷ ཨ་སྶུ་ཏ་ཝཱ པུ་ཐུ་ཛྫ་ནོ ཨ་རི་ཡཱ་ནཾ ཨ་ད་སྶཱ་ཝཱི ཨ་རི་ཡ་དྷ་མྨ་སྶ ཨ་ཀོ་ཝི་དོ ཨ་རི་ཡ་དྷ་མྨེ ཨ་ཝི་ནཱི་ཏོ ས་པྤུ་རི་སཱ་ནཾ ཨ་ད་སྶཱ་ཝཱི ས་པྤུ་རི་ས་དྷ་མྨ་སྶ ཨ་ཀོ་ཝི་དོ ས་པྤུ་རི་ས་དྷ་མྨེ ཨ་ཝི་ནཱི་ཏོ རཱུ་པཾ ཨ་ཏྟ་ཏོ ས་མ་ནུ་པ་སྶ་ཏི རཱུ་པ་ཝ་ནྟཾ ཝཱ ཨ་ཏྟཱ་ནཾ ཨ་ཏྟ་ནི ཝཱ རཱུ་པཾ རཱུ་པ་སྨིཾ ཝཱ ཨ་ཏྟཱ་ནཾ…པེ… ཝེ་ད་ནཾ… ས་ཉྙཾ… ས་ངྑཱ་རེ… ཝི་ཉྙཱ་ཎཾ ཨ་ཏྟ་ཏོ ས་མ་ནུ་པ་སྶ་ཏི ཝི་ཉྙཱ་ཎ་ཝ་ནྟཾ ཝཱ ཨ་ཏྟཱ་ནཾ ཨ་ཏྟ་ནི ཝཱ ཝི་ཉྙཱ་ཎཾ ཝི་ཉྙཱ་ཎ་སྨིཾ ཝཱ ཨ་ཏྟཱ་ནཾ…པེ….

ཀ་ཐཾ རཱུ་པཾ ཨ་ཏྟ་ཏོ ས་མ་ནུ་པ་སྶ་ཏི? ཨི་དྷེ་ཀ་ཙྩོ པ་ཐ་ཝཱི་ཀ་སི་ཎཾ…པེ… ཨོ་དཱ་ཏ་ཀ་སི་ཎཾ ཨ་ཏྟ་ཏོ ས་མ་ནུ་པ་སྶ་ཏི. ‘‘ཡཾ ཨོ་དཱ་ཏ་ཀ་སི་ཎཾ, སོ ཨ་ཧཾ; ཡོ ཨ་ཧཾ, ཏཾ ཨོ་དཱ་ཏ་ཀ་སི་ཎ’’ནྟི – ཨོ་དཱ་ཏ་ཀ་སི་ཎ་ཉྩ ཨ་ཏྟ་ཉྩ ཨ་དྭ་ཡཾ ས་མ་ནུ་པ་སྶ་ཏི. སེ་ཡྻ་ཐཱ་པི ཏེ་ལ་པྤ་དཱི་པ་སྶ ཛྷཱ་ཡ་ཏོ ‘‘ཡཱ ཨ་ཙྩི, སོ ཝ་ཎྞོ; ཡོ ཝ་ཎྞོ, སཱ ཨ་ཙྩཱི’’ཏི – ཨ་ཙྩི་ཉྩ ཝ་ཎྞ་ཉྩ ཨ་དྭ་ཡཾ ས་མ་ནུ་པ་སྶ་ཏི. ཨེ་ཝ་མེ་ཝཾ ཨི་དྷེ་ཀ་ཙྩོ ཨོ་དཱ་ཏ་ཀ་སི་ཎཾ ཨ་ཏྟ་ཏོ ས་མ་ནུ་པ་སྶ་ཏི…པེ… ཨ་ཡཾ པ་ཋ་མཱ རཱུ་པ་ཝ་ཏྠུ་ཀཱ ཨ་ཏྟ་ཝཱ་ད་པ་ཊི་སཾ་ཡུ་ཏྟཱ དི་ཊྛི. ཨ་ཏྟ་ཝཱ་ད་པ་ཊི་སཾ་ཡུ་ཏྟཱ དི་ཊྛི མི་ཙྪཱ་དི་ཊྛི…པེ… ཨི་མཱ་ནི ས་ཉྙོ་ཛ་ནཱ་ནི, ན ཙ དི་ཊྛི་ཡོ. ཨེ་ཝཾ རཱུ་པཾ ཨ་ཏྟ་ཏོ ས་མ་ནུ་པ་སྶ་ཏི…པེ… ཨ་ཏྟ་ཝཱ་ད་པ་ཊི་སཾ་ཡུ་ཏྟཱ་ཡ དི་ཊྛི་ཡཱ ཨི་མེ་ཧི ཝཱི་ས་ཏི་ཡཱ ཨཱ་ཀཱ་རེ་ཧི ཨ་བྷི་ནི་ཝེ་སོ ཧོ་ཏི.

ཨ་ཏྟ་ཝཱ་ད་པ་ཊི་སཾ་ཡུ་ཏྟ་དི་ཊྛི་ནི་དྡེ་སོ ཏེ་ར་ས་མོ.