༣༢. ཨཱ་ན་ནྟ་རི་ཀ་ས་མཱ་དྷི་ཉཱ་ཎ་ནི་དྡེ་སོ

༨༠. ཀ་ཐཾ ཨ་ཝི་ཀྑེ་པ་པ་རི་སུ་དྡྷ་ཏྟཱ ཨཱ་ས་ཝ་ས་མུ་ཙྪེ་དེ པ་ཉྙཱ ཨཱ་ན་ནྟ་རི་ཀ་ས་མཱ་དྷི་མྷི ཉཱ་ཎཾ? ནེ་ཀྑ་མྨ་ཝ་སེ་ན ཙི་ཏྟ་སྶ ཨེ་ཀ་གྒ་ཏཱ ཨ་ཝི་ཀྑེ་པོ ས་མཱ་དྷི. ཏ་སྶ ས་མཱ་དྷི་སྶ ཝ་སེ་ན ཨུ་པྤ་ཛྫ་ཏི ཉཱ་ཎཾ. ཏེ་ན ཉཱ་ཎེ་ན ཨཱ་ས་ཝཱ ཁཱི་ཡ་ནྟི. ཨི་ཏི པ་ཋ་མཾ ས་མ་ཐོ, པ་ཙྪཱ ཉཱ་ཎཾ. ཏེ་ན ཉཱ་ཎེ་ན ཨཱ་ས་ཝཱ་ནཾ ཁ་ཡོ ཧོ་ཏི. ཏེ་ན ཝུ་ཙྩ་ཏི – ‘‘ཨ་ཝི་ཀྑེ་པ་པ་རི་སུ་དྡྷ་ཏྟཱ ཨཱ་ས་ཝ་ས་མུ་ཙྪེ་དེ པ་ཉྙཱ ཨཱ་ན་ནྟ་རི་ཀ་ས་མཱ་དྷི་མྷི ཉཱ་ཎཾ’’.

ཨཱ་ས་ཝཱཏི ཀ་ཏ་མེ ཏེ ཨཱ་ས་ཝཱ? ཀཱ་མཱ་ས་ཝོ, བྷ་ཝཱ་ས་ཝོ, དི་ཊྛཱ་ས་ཝོ, ཨ་ཝི་ཛྫཱ་ས་ཝོ. ཀ་ཏྠེ་ཏེ ཨཱ་ས་ཝཱ ཁཱི་ཡ་ནྟི? སོ་ཏཱ་པ་ཏྟི་མ་གྒེ་ན ཨ་ན་ཝ་སེ་སོ དི་ཊྛཱ་ས་ཝོ ཁཱི་ཡ་ཏི, ཨ་པཱ་ཡ་ག་མ་ནཱི་ཡོ ཀཱ་མཱ་ས་ཝོ ཁཱི་ཡ་ཏི, ཨ་པཱ་ཡ་ག་མ་ནཱི་ཡོ བྷ་ཝཱ་ས་ཝོ ཁཱི་ཡ་ཏི, ཨ་པཱ་ཡ་ག་མ་ནཱི་ཡོ ཨ་ཝི་ཛྫཱ་ས་ཝོ ཁཱི་ཡ་ཏི. ཨེ་ཏྠེ་ཏེ ཨཱ་ས་ཝཱ ཁཱི་ཡ་ནྟི. ས་ཀ་དཱ་གཱ་མི་མ་གྒེ་ན ཨོ་ལཱ༹་རི་ཀོ ཀཱ་མཱ་ས་ཝོ ཁཱི་ཡ་ཏི, ཏ་དེ་ཀ་ཊྛོ བྷ་ཝཱ་ས་ཝོ ཁཱི་ཡ་ཏི, ཏ་དེ་ཀ་ཊྛོ ཨ་ཝི་ཛྫཱ་ས་ཝོ ཁཱི་ཡ་ཏི. ཨེ་ཏྠེ་ཏེ ཨཱ་ས་ཝཱ ཁཱི་ཡ་ནྟི. ཨ་ནཱ་གཱ་མི་མ་གྒེ་ན ཨ་ན་ཝ་སེ་སོ ཀཱ་མཱ་ས་ཝོ ཁཱི་ཡ་ཏི, ཏ་དེ་ཀ་ཊྛོ བྷ་ཝཱ་ས་ཝོ ཁཱི་ཡ་ཏི, ཏ་དེ་ཀ་ཊྛོ ཨ་ཝི་ཛྫཱ་ས་ཝོ ཁཱི་ཡ་ཏི. ཨེ་ཏྠེ་ཏེ ཨཱ་ས་ཝཱ ཁཱི་ཡ་ནྟི. ཨ་ར་ཧ་ཏྟ་མ་གྒེ་ན ཨ་ན་ཝ་སེ་སོ བྷ་ཝཱ་ས་ཝོ ཁཱི་ཡ་ཏི, ཨ་ན་ཝ་སེ་སོ ཨ་ཝི་ཛྫཱ་ས་ཝོ ཁཱི་ཡ་ཏི. ཨེ་ཏྠེ་ཏེ ཨཱ་ས་ཝཱ ཁཱི་ཡ་ནྟི.

ཨ་བྱཱ་པཱ་ད་ཝ་སེ་ན …པེ… ཨཱ་ལོ་ཀ་ས་ཉྙཱ་ཝ་སེ་ན… ཨ་ཝི་ཀྑེ་པ་ཝ་སེ་ན… དྷ་མྨ་ཝ་ཝ་ཏྠཱ་ན་ཝ་སེ་ན… ཉཱ་ཎ་ཝ་སེ་ན… པཱ་མོ་ཛྫ་ཝ་སེ་ན… པ་ཋ་མ་ཛ྄ཛྷཱ་ན་ཝ་སེ་ན… དུ་ཏི་ཡ་ཛ྄ཛྷཱ་ན་ཝ་སེ་ན… ཏ་ཏི་ཡ་ཛ྄ཛྷཱ་ན་ཝ་སེ་ན… ཙ་ཏུ་ཏྠ་ཛ྄ཛྷཱ་ན་ཝ་སེ་ན… ཨཱ་ཀཱ་སཱ་ན་ཉྩཱ་ཡ་ཏ་ན་ས་མཱ་པ་ཏྟི་ཝ་སེ་ན… ཝི་ཉྙཱ་ཎ་ཉྩཱ་ཡ་ཏ་ན་ས་མཱ་པ་ཏྟི་ཝ་སེ་ན… ཨཱ་ཀི་ཉྩ་ཉྙཱ་ཡ་ཏ་ན་ས་མཱ་པ་ཏྟི་ཝ་སེ་ན… ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ས་མཱ་པ་ཏྟི་ཝ་སེ་ན… པ་ཐ་ཝཱི་ཀ་སི་ཎ་ཝ་སེ་ན… ཨཱ་པོ་ཀ་སི་ཎ་ཝ་སེ་ན … ཏེ་ཛོ་ཀ་སི་ཎ་ཝ་སེ་ན… ཝཱ་ཡོ་ཀ་སི་ཎ་ཝ་སེ་ན… ནཱི་ལ་ཀ་སི་ཎ་ཝ་སེ་ན… པཱི་ཏ་ཀ་སི་ཎ་ཝ་སེ་ན… ལོ་ཧི་ཏ་ཀ་སི་ཎ་ཝ་སེ་ན… ཨོ་དཱ་ཏ་ཀ་སི་ཎ་ཝ་སེ་ན… ཨཱ་ཀཱ་ས་ཀ་སི་ཎ་ཝ་སེ་ན… ཝི་ཉྙཱ་ཎ་ཀ་སི་ཎ་ཝ་སེ་ན… བུ་དྡྷཱ་ནུ་སྶ་ཏི་ཝ་སེ་ན… དྷ་མྨཱ་ནུ་སྶ་ཏི་ཝ་སེ་ན… ས་ངྒྷཱ་ནུ་སྶ་ཏི་ཝ་སེ་ན… སཱི་ལཱ་ནུ་སྶ་ཏི་ཝ་སེ་ན… ཙཱ་གཱ་ནུ་སྶ་ཏི་ཝ་སེ་ན… དེ་ཝ་ཏཱ་ནུ་སྶ་ཏི་ཝ་སེ་ན… ཨཱ་ནཱ་པཱ་ན་སྶ་ཏི་ཝ་སེ་ན… མ་ར་ཎ་སྶ་ཏི་ཝ་སེ་ན… ཀཱ་ཡ་ག་ཏཱ་ས་ཏི་ཝ་སེ་ན… ཨུ་པ་ས་མཱ་ནུ་སྶ་ཏི་ཝ་སེ་ན… ཨུ་དྡྷུ་མཱ་ཏ་ཀ་ས་ཉྙཱ་ཝ་སེ་ན… ཝི་ནཱི་ལ་ཀ་ས་ཉྙཱ་ཝ་སེ་ན… ཝི་པུ་བྦ་ཀ་ས་ཉྙཱ་ཝ་སེ་ན… ཝི་ཙྪི་དྡ་ཀ་ས་ཉྙཱ་ཝ་སེ་ན… ཝི་ཀྑཱ་ཡི་ཏ་ཀ་ས་ཉྙཱ་ཝ་སེ་ན… ཝི་ཀྑི་ཏྟ་ཀ་ས་ཉྙཱ་ཝ་སེ་ན… ཧ་ཏ་ཝི་ཀྑི་ཏྟ་ཀ་ས་ཉྙཱ་ཝ་སེ་ན … ལོ་ཧི་ཏ་ཀ་ས་ཉྙཱ་ཝ་སེ་ན… པུ་ལ༹་ཝ་ཀ་ས་ཉྙཱ་ཝ་སེ་ན… ཨ་ཊྛི་ཀ་ས་ཉྙཱ་ཝ་སེ་ན.

༨༡. དཱི་གྷཾ ཨ་སྶཱ་ས་ཝ་སེ་ན…པེ… དཱི་གྷཾ པ་སྶཱ་ས་ཝ་སེ་ན… ར་སྶཾ ཨ་སྶཱ་ས་ཝ་སེ་ན… ར་སྶཾ པ་སྶཱ་ས་ཝ་སེ་ན… ས་བྦ་ཀཱ་ཡ་པ་ཊི་སཾ་ཝེ་དཱི ཨ་སྶཱ་ས་ཝ་སེ་ན… ས་བྦ་ཀཱ་ཡ་པ་ཊི་སཾ་ཝེ་དཱི པ་སྶཱ་ས་ཝ་སེ་ན… པ་སྶ་མྦྷ་ཡཾ ཀཱ་ཡ་ས་ངྑཱ་རཾ ཨ་སྶཱ་ས་ཝ་སེ་ན… པ་སྶ་མྦྷ་ཡཾ ཀཱ་ཡ་ས་ངྑཱ་རཾ པ་སྶཱ་ས་ཝ་སེ་ན… པཱི་ཏི་པ་ཊི་སཾ་ཝེ་དཱི ཨ་སྶཱ་ས་ཝ་སེ་ན… པཱི་ཏི་པ་ཊི་སཾ་ཝེ་དཱི པ་སྶཱ་ས་ཝ་སེ་ན… སུ་ཁ་པ་ཊི་སཾ་ཝེ་དཱི ཨ་སྶཱ་ས་ཝ་སེ་ན… སུ་ཁ་པ་ཊི་སཾ་ཝེ་དཱི པ་སྶཱ་ས་ཝ་སེ་ན… ཙི་ཏྟ་ས་ངྑཱ་ར་པ་ཊི་སཾ་ཝེ་དཱི ཨ་སྶཱ་ས་ཝ་སེ་ན… ཙི་ཏྟ་ས་ངྑཱ་ར་པ་ཊི་སཾ་ཝེ་དཱི པ་སྶཱ་ས་ཝ་སེ་ན… པ་སྶ་མྦྷ་ཡཾ ཙི་ཏྟ་ས་ངྑཱ་རཾ ཨ་སྶཱ་ས་ཝ་སེ་ན… པ་སྶ་མྦྷ་ཡཾ ཙི་ཏྟ་ས་ངྑཱ་རཾ པ་སྶཱ་ས་ཝ་སེ་ན… ཙི་ཏྟ་པ་ཊི་སཾ་ཝེ་དཱི ཨ་སྶཱ་ས་ཝ་སེ་ན… ཙི་ཏྟ་པ་ཊི་སཾ་ཝེ་དཱི པ་སྶཱ་ས་ཝ་སེ་ན… ཨ་བྷི་པྤ་མོ་ད་ཡཾ ཙི་ཏྟཾ ཨ་སྶཱ་ས་ཝ་སེ་ན… ཨ་བྷི་པྤ་མོ་ད་ཡཾ ཙི་ཏྟཾ པ་སྶཱ་ས་ཝ་སེ་ན… ས་མཱ་ད་ཧཾ ཙི་ཏྟཾ…པེ… ཝི་མོ་ཙ་ཡཾ ཙི་ཏྟཾ… ཨ་ནི་ཙྩཱ་ནུ་པ་སྶཱི … ཝི་རཱ་གཱ་ནུ་པ་སྶཱི… ནི་རོ་དྷཱ་ནུ་པ་སྶཱི… པ་ཊི་ནི་སྶ་གྒཱ་ནུ་པ་སྶཱི ཨ་སྶཱ་ས་ཝ་སེ་ན… པ་ཊི་ནི་སྶ་གྒཱ་ནུ་པ་སྶཱི པ་སྶཱ་ས་ཝ་སེ་ན ཙི་ཏྟ་སྶ ཨེ་ཀ་གྒ་ཏཱ ཨ་ཝི་ཀྑེ་པོ ས་མཱ་དྷི. ཏ་སྶ ས་མཱ་དྷི་སྶ ཝ་སེ་ན ཨུ་པྤ་ཛྫ་ཏི ཉཱ་ཎཾ, ཏེ་ན ཉཱ་ཎེ་ན ཨཱ་ས་ཝཱ ཁཱི་ཡ་ནྟི. ཨི་ཏི པ་ཋ་མཾ ས་མ་ཐོ, པ་ཙྪཱ ཉཱ་ཎཾ. ཏེ་ན ཉཱ་ཎེ་ན ཨཱ་ས་ཝཱ་ནཾ ཁ་ཡོ ཧོ་ཏི. ཏེ་ན ཝུ་ཙྩ་ཏི – ‘‘ཨ་ཝི་ཀྑེ་པ་པ་རི་སུ་དྡྷ་ཏྟཱ ཨཱ་ས་ཝ་ས་མུ་ཙྪེ་དེ པ་ཉྙཱ ཨཱ་ན་ནྟ་རི་ཀ་ས་མཱ་དྷི་མྷི ཉཱ་ཎཾ’’.

ཨཱ་ན་ནྟ་རི་ཀ་ས་མཱ་དྷི་ཉཱ་ཎ་ནི་དྡེ་སོ དྭ་ཏྟིཾ་ས་ཏི་མོ.