༡༢. ཕ་ལ་ཉཱ་ཎ་ནི་དྡེ་སོ

༦༣. ཀ་ཐཾ པ་ཡོ་ག་པྤ་ཊི་པྤ་སྶ་དྡྷི་པ་ཉྙཱ ཕ་ལེ ཉཱ་ཎཾ? སོ་ཏཱ་པ་ཏྟི་མ་གྒ་ཀྑ་ཎེ ད་སྶ་ན་ཊྛེ་ན ས་མྨཱ་དི་ཊྛི མི་ཙྪཱ་དི་ཊྛི་ཡཱ ཝུ་ཊྛཱ་ཏི, ཏ་ད་ནུ་ཝ་ཏྟ་ཀ་ཀི་ལེ་སེ་ཧི ཙ ཁ་ནྡྷེ་ཧི ཙ ཝུ་ཊྛཱ་ཏི, བ་ཧི་དྡྷཱ ཙ ས་བྦ་ནི་མི་ཏྟེ་ཧི ཝུ་ཊྛཱ་ཏི. ཏཾ་པ་ཡོ་ག་པྤ་ཊི་པྤ་སྶ་དྡྷ་ཏྟཱ ཨུ་པྤ་ཛྫ་ཏི ས་མྨཱ་དི་ཊྛི. མ་གྒ་སྶེ་ཏཾ ཕ་ལཾ.

ཨ་བྷི་ནི་རོ་པ་ན་ཊྛེ་ན ས་མྨཱ་ས་ངྐ་པྤོ མི་ཙྪཱ་ས་ངྐ་པྤཱ ཝུ་ཊྛཱ་ཏི ཏ་ད་ནུ་ཝ་ཏྟ་ཀ་ཀི་ལེ་སེ་ཧི ཙ ཁ་ནྡྷེ་ཧི ཙ ཝུ་ཊྛཱ་ཏི, བ་ཧི་དྡྷཱ ཙ ས་བྦ་ནི་མི་ཏྟེ་ཧི ཝུ་ཊྛཱ་ཏི. ཏཾ་པ་ཡོ་ག་པྤ་ཊི་པྤ་སྶ་དྡྷ་ཏྟཱ ཨུ་པྤ་ཛྫ་ཏི ས་མྨཱ་ས་ངྐ་པྤོ. མ་གྒ་སྶེ་ཏཾ ཕ་ལཾ.

པ་རི་གྒ་ཧ་ཊྛེ་ན ས་མྨཱ་ཝཱ་ཙཱ མི་ཙྪཱ་ཝཱ་ཙཱ་ཡ ཝུ་ཊྛཱ་ཏི, ཏ་ད་ནུ་ཝ་ཏྟ་ཀ་ཀི་ལེ་སེ་ཧི ཙ ཁ་ནྡྷེ་ཧི ཙ ཝུ་ཊྛཱ་ཏི, བ་ཧི་དྡྷཱ ཙ ས་བྦ་ནི་མི་ཏྟེ་ཧི ཝུ་ཊྛཱ་ཏི. ཏཾ་པ་ཡོ་ག་པྤ་ཊི་པྤ་སྶ་དྡྷ་ཏྟཱ ཨུ་པྤ་ཛྫ་ཏི ས་མྨཱ་ཝཱ་ཙཱ. མ་གྒ་སྶེ་ཏཾ ཕ་ལཾ.

ས་མུ་ཊྛཱ་ན་ཊྛེ་ན ས་མྨཱ་ཀ་མྨ་ནྟོ མི་ཙྪཱ་ཀ་མྨ་ནྟཱ ཝུ་ཊྛཱ་ཏི, ཏ་ད་ནུ་ཝ་ཏྟ་ཀ་ཀི་ལེ་སེ་ཧི ཙ ཁ་ནྡྷེ་ཧི ཙ ཝུ་ཊྛཱ་ཏི, བ་ཧི་དྡྷཱ ཙ ས་བྦ་ནི་མི་ཏྟེ་ཧི ཝུ་ཊྛཱ་ཏི. ཏཾ་པ་ཡོ་ག་པྤ་ཊི་པྤ་སྶ་དྡྷ་ཏྟཱ ཨུ་པྤ་ཛྫ་ཏི ས་མྨཱ་ཀ་མྨ་ནྟོ. མ་གྒ་སྶེ་ཏཾ ཕ་ལཾ.

ཝོ་དཱ་ན་ཊྛེ་ན ས་མྨཱ་ཨཱ་ཛཱི་ཝོ མི་ཙྪཱ་ཨཱ་ཛཱི་ཝཱ ཝུ་ཊྛཱ་ཏི, ཏ་ད་ནུ་ཝ་ཏྟ་ཀ་ཀི་ལེ་སེ་ཧི ཙ ཁ་ནྡྷེ་ཧི ཙ ཝུ་ཊྛཱ་ཏི, བ་ཧི་དྡྷཱ ཙ ས་བྦ་ནི་མི་ཏྟེ་ཧི ཝུ་ཊྛཱ་ཏི. ཏཾ་པ་ཡོ་ག་པྤ་ཊི་པྤ་སྶ་དྡྷ་ཏྟཱ ཨུ་པྤ་ཛྫ་ཏི ས་མྨཱ་ཨཱ་ཛཱི་ཝོ. མ་གྒ་སྶེ་ཏཾ ཕ་ལཾ.

པ་གྒ་ཧ་ཊྛེ་ན ས་མྨཱ་ཝཱ་ཡཱ་མོ མི་ཙྪཱ་ཝཱ་ཡཱ་མཱ ཝུ་ཊྛཱ་ཏི, ཏ་ད་ནུ་ཝ་ཏྟ་ཀ་ཀི་ལེ་སེ་ཧི ཙ ཁ་ནྡྷེ་ཧི ཙ ཝུ་ཊྛཱ་ཏི, བ་ཧི་དྡྷཱ ཙ ས་བྦ་ནི་མི་ཏྟེ་ཧི ཝུ་ཊྛཱ་ཏི. ཏཾ་པ་ཡོ་ག་པྤ་ཊི་པྤ་སྶ་དྡྷ་ཏྟཱ ཨུ་པྤ་ཛྫ་ཏི ས་མྨཱ་ཝཱ་ཡཱ་མོ. མ་གྒ་སྶེ་ཏཾ ཕ་ལཾ.

ཨུ་པ་ཊྛཱ་ན་ཊྛེ་ན ས་མྨཱ་ས་ཏི མི་ཙྪཱ་ས་ཏི་ཡཱ ཝུ་ཊྛཱ་ཏི, ཏ་ད་ནུ་ཝ་ཏྟ་ཀ་ཀི་ལེ་སེ་ཧི ཙ ཁ་ནྡྷེ་ཧི ཙ ཝུ་ཊྛཱ་ཏི, བ་ཧི་དྡྷཱ ཙ ས་བྦ་ནི་མི་ཏྟེ་ཧི ཝུ་ཊྛཱ་ཏི. ཏཾ་པ་ཡོ་ག་པྤ་ཊི་པྤ་སྶ་དྡྷ་ཏྟཱ ཨུ་པྤ་ཛྫ་ཏི ས་མྨཱ་ས་ཏི. མ་གྒ་སྶེ་ཏཾ ཕ་ལཾ.

ཨ་ཝི་ཀྑེ་པ་ཊྛེ་ན ས་མྨཱ་ས་མཱ་དྷི མི་ཙྪཱ་ས་མཱ་དྷི་ཏོ ཝུ་ཊྛཱ་ཏི, ཏ་ད་ནུ་ཝ་ཏྟ་ཀ་ཀི་ལེ་སེ་ཧི ཙ ཁ་ནྡྷེ་ཧི ཙ ཝུ་ཊྛཱ་ཏི, བ་ཧི་དྡྷཱ ཙ ས་བྦ་ནི་མི་ཏྟེ་ཧི ཝུ་ཊྛཱ་ཏི. ཏཾ་པ་ཡོ་ག་པྤ་ཊི་པྤ་སྶ་དྡྷ་ཏྟཱ ཨུ་པྤ་ཛྫ་ཏི ས་མྨཱ་ས་མཱ་དྷི. མ་གྒ་སྶེ་ཏཾ ཕ་ལཾ.

ས་ཀ་དཱ་གཱ་མི་མ་གྒ་ཀྑ་ཎེ ད་སྶ་ན་ཊྛེ་ན ས་མྨཱ་དི་ཊྛི…པེ… ཨ་ཝི་ཀྑེ་པ་ཊྛེ་ན ས་མྨཱ་ས་མཱ་དྷི ཨོ་ལཱ༹་རི་ཀཱ ཀཱ་མ་རཱ་ག་ས་ཉྙོ་ཛ་ནཱ པ་ཊི་གྷ་ས་ཉྙོ་ཛ་ནཱ ཨོ་ལཱ༹་རི་ཀཱ ཀཱ་མ་རཱ་གཱ་ནུ་ས་ཡཱ པ་ཊི་གྷཱ་ནུ་ས་ཡཱ ཝུ་ཊྛཱ་ཏི, ཏ་ད་ནུ་ཝ་ཏྟ་ཀ་ཀི་ལེ་སེ་ཧི ཙ ཁ་ནྡྷེ་ཧི ཙ ཝུ་ཊྛཱ་ཏི, བ་ཧི་དྡྷཱ ཙ ས་བྦ་ནི་མི་ཏྟེ་ཧི ཝུ་ཊྛཱ་ཏི. ཏཾ་པ་ཡོ་ག་པྤ་ཊི་པྤ་སྶ་དྡྷ་ཏྟཱ ཨུ་པྤ་ཛྫ་ཏི ས་མྨཱ་ས་མཱ་དྷི. མ་གྒ་སྶེ་ཏཾ ཕ་ལཾ.

ཨ་ནཱ་གཱ་མི་མ་གྒ་ཀྑ་ཎེ ད་སྶ་ན་ཊྛེ་ན ས་མྨཱ་དི་ཊྛི…པེ… ཨ་ཝི་ཀྑེ་པ་ཊྛེ་ན ས་མྨཱ་ས་མཱ་དྷི ཨ་ནུ་ས་ཧ་ག་ཏཱ ཀཱ་མ་རཱ་ག་ས་ཉྙོ་ཛ་ནཱ པ་ཊི་གྷ་ས་ཉྙོ་ཛ་ནཱ ཨ་ནུ་ས་ཧ་ག་ཏཱ ཀཱ་མ་རཱ་གཱ་ནུ་ས་ཡཱ པ་ཊི་གྷཱ་ནུ་ས་ཡཱ ཝུ་ཊྛཱ་ཏི, ཏ་ད་ནུ་ཝ་ཏྟ་ཀ་ཀི་ལེ་སེ་ཧི ཙ ཁ་ནྡྷེ་ཧི ཙ ཝུ་ཊྛཱ་ཏི, བ་ཧི་དྡྷཱ ཙ ས་བྦ་ནི་མི་ཏྟེ་ཧི ཝུ་ཊྛཱ་ཏི. ཏཾ་པ་ཡོ་ག་པྤ་ཊི་པྤ་སྶ་དྡྷ་ཏྟཱ ཨུ་པྤ་ཛྫ་ཏི ས་མྨཱ་ས་མཱ་དྷི. མ་གྒ་སྶེ་ཏཾ ཕ་ལཾ.

ཨ་ར་ཧ་ཏྟ་མ་གྒ་ཀྑ་ཎེ ད་སྶ་ན་ཊྛེ་ན ས་མྨཱ་དི་ཊྛི…པེ… ཨ་ཝི་ཀྑེ་པ་ཊྛེ་ན ས་མྨཱ་ས་མཱ་དྷི རཱུ་པ་རཱ་གཱ ཨ་རཱུ་པ་རཱ་གཱ མཱ་ནཱ ཨུ་དྡྷ་ཙྩཱ ཨ་ཝི་ཛྫཱ་ཡ མཱ་ནཱ་ནུ་ས་ཡཱ བྷ་ཝ་རཱ་གཱ་ནུ་ས་ཡཱ ཨ་ཝི་ཛྫཱ་ནུ་ས་ཡཱ ཝུ་ཊྛཱ་ཏི, ཏ་ད་ནུ་ཝ་ཏྟ་ཀ་ཀི་ལེ་སེ་ཧི ཙ ཁ་ནྡྷེ་ཧི ཙ ཝུ་ཊྛཱ་ཏི, བ་ཧི་དྡྷཱ ཙ ས་བྦ་ནི་མི་ཏྟེ་ཧི ཝུ་ཊྛཱ་ཏི. ཏཾ་པ་ཡོ་ག་པྤ་ཊི་པྤ་སྶ་དྡྷ་ཏྟཱ ཨུ་པྤ་ཛྫ་ཏི ས་མྨཱ་ས་མཱ་དྷི. མ་གྒ་སྶེ་ཏཾ ཕ་ལཾ. ཏཾ ཉཱ་ཏ་ཊྛེ་ན ཉཱ་ཎཾ, པ་ཛཱ་ན་ན་ཊྛེ་ན པ་ཉྙཱ. ཏེ་ན ཝུ་ཙྩ་ཏི – ‘‘པ་ཡོ་ག་པྤ་ཊི་པྤ་སྶ་དྡྷི་པ་ཉྙཱ ཕ་ལེ ཉཱ་ཎཾ’’.

ཕ་ལ་ཉཱ་ཎ་ནི་དྡེ་སོ དྭཱ་ད་ས་མོ.