༡༠. གོ་ཏྲ་བྷུ་ཉཱ་ཎ་ནི་དྡེ་སོ

༥༩. ཀ་ཐཾ བ་ཧི་དྡྷཱ ཝུ་ཊྛཱ་ན་ཝི་ཝ་ཊྚ་ནེ པ་ཉྙཱ གོ་ཏྲ་བྷུ་ཉཱ་ཎཾ? ཨུ་པྤཱ་དཾ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. པ་ཝ་ཏྟཾ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. ནི་མི་ཏྟཾ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. ཨཱ་ཡཱུ་ཧ་ནཾ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. པ་ཊི་ས་ནྡྷིཾ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. ག་ཏིཾ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. ནི་བྦ་ཏྟིཾ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. ཨུ་པ་པ་ཏྟིཾ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. ཛཱ་ཏིཾ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. ཛ་རཾ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. བྱཱ་དྷིཾ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. མ་ར་ཎཾ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. སོ་ཀཾ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. པ་རི་དེ་ཝཾ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. ཨུ་པཱ་ཡཱ་སཾ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. བ་ཧི་དྡྷཱ ས་ངྑཱ་ར་ནི་མི་ཏྟཾ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. ཨ་ནུ་པྤཱ་དཾ པ་ཀྑ་ནྡ་ཏཱི་ཏི – གོ་ཏྲ་བྷུ. ཨ་པྤ་ཝ་ཏྟཾ པ་ཀྑ་ནྡ་ཏཱི་ཏི – གོ་ཏྲ་བྷུ…པེ… ནི་རོ་དྷཾ ནི་བྦཱ་ནཾ པ་ཀྑ་ནྡ་ཏཱི་ཏི – གོ་ཏྲ་བྷུ.

ཨུ་པྤཱ་དཾ ཨ་བྷི་བྷུ་ཡྻི་ཏྭཱ ཨ་ནུ་པྤཱ་དཾ པ་ཀྑ་ནྡ་ཏཱི་ཏི – གོ་ཏྲ་བྷུ. པ་ཝ་ཏྟཾ ཨ་བྷི་བྷུ་ཡྻི་ཏྭཱ ཨ་པྤ་ཝ་ཏྟཾ པ་ཀྑ་ནྡ་ཏཱི་ཏི – གོ་ཏྲ་བྷུ. ནི་མི་ཏྟཾ ཨ་བྷི་བྷུ་ཡྻི་ཏྭཱ ཨ་ནི་མི་ཏྟཾ པ་ཀྑ་ནྡ་ཏཱི་ཏི – གོ་ཏྲ་བྷུ …པེ… བ་ཧི་དྡྷཱ ས་ངྑཱ་ར་ནི་མི་ཏྟཾ ཨ་བྷི་བྷུ་ཡྻི་ཏྭཱ ནི་རོ་དྷཾ ནི་བྦཱ་ནཾ པ་ཀྑ་ནྡ་ཏཱི་ཏི – གོ་ཏྲ་བྷུ.

ཨུ་པྤཱ་དཱ ཝུ་ཊྛཱ་ཏཱི་ཏི – གོ་ཏྲ་བྷུ. པ་ཝ་ཏྟཱ ཝུ་ཊྛཱ་ཏཱི་ཏི – གོ་ཏྲ་བྷུ. ནི་མི་ཏྟཱ ཝུ་ཊྛཱ་ཏཱི་ཏི – གོ་ཏྲ་བྷུ. ཨཱ་ཡཱུ་ཧ་ནཱ ཝུ་ཊྛཱ་ཏཱི་ཏི – གོ་ཏྲ་བྷུ. པ་ཊི་ས་ནྡྷི་ཡཱ ཝུ་ཊྛཱ་ཏཱི་ཏི – གོ་ཏྲ་བྷུ. ག་ཏི་ཡཱ ཝུ་ཊྛཱ་ཏཱི་ཏི – གོ་ཏྲ་བྷུ. ནི་བྦ་ཏྟི་ཡཱ ཝུ་ཊྛཱ་ཏཱི་ཏི – གོ་ཏྲ་བྷུ. ཨུ་པ་པ་ཏྟི་ཡཱ ཝུ་ཊྛཱ་ཏཱི་ཏི – གོ་ཏྲ་བྷུ. ཛཱ་ཏི་ཡཱ ཝུ་ཊྛཱ་ཏཱི་ཏི – གོ་ཏྲ་བྷུ. ཛ་རཱ་ཡ ཝུ་ཊྛཱ་ཏཱི་ཏི – གོ་ཏྲ་བྷུ. བྱཱ་དྷི་མྷཱ ཝུ་ཊྛཱ་ཏཱི་ཏི – གོ་ཏྲ་བྷུ. མ་ར་ཎཱ ཝུ་ཊྛཱ་ཏཱི་ཏི – གོ་ཏྲ་བྷུ. སོ་ཀཱ ཝུ་ཊྛཱ་ཏཱི་ཏི – གོ་ཏྲ་བྷུ. པ་རི་དེ་ཝཱ ཝུ་ཊྛཱ་ཏཱི་ཏི – གོ་ཏྲ་བྷུ. ཨུ་པཱ་ཡཱ་སཱ ཝུ་ཊྛཱ་ཏཱི་ཏི – གོ་ཏྲ་བྷུ. བ་ཧི་དྡྷཱ ས་ངྑཱ་ར་ནི་མི་ཏྟཱ ཝུ་ཊྛཱ་ཏཱི་ཏི – གོ་ཏྲ་བྷུ. ཨ་ནུ་པྤཱ་དཾ པ་ཀྑ་ནྡ་ཏཱི་ཏི – གོ་ཏྲ་བྷུ. ཨ་པྤ་ཝ་ཏྟཾ པ་ཀྑ་ནྡ་ཏཱི་ཏི – གོ་ཏྲ་བྷུ…པེ… ནི་རོ་དྷཾ ནི་བྦཱ་ནཾ པ་ཀྑ་ནྡ་ཏཱི་ཏི – གོ་ཏྲ་བྷུ.

ཨུ་པྤཱ་དཱ ཝུ་ཊྛ་ཧི་ཏྭཱ [ཝུ་ཊྛི་ཏྭཱ (སྱཱ. ཀ.)] ཨ་ནུ་པྤཱ་དཾ པ་ཀྑ་ནྡ་ཏཱི་ཏི – གོ་ཏྲ་བྷུ. པ་ཝ་ཏྟཱ ཝུ་ཊྛ་ཧི་ཏྭཱ ཨ་པྤ་ཝ་ཏྟཾ པ་ཀྑ་ནྡ་ཏཱི་ཏི – གོ་ཏྲ་བྷུ. ནི་མི་ཏྟཱ ཝུ་ཊྛ་ཧི་ཏྭཱ ཨ་ནི་མི་ཏྟཾ པ་ཀྑ་ནྡ་ཏཱི་ཏི – གོ་ཏྲ་བྷུ. ཨཱ་ཡཱུ་ཧ་ནཱ ཝུ་ཊྛ་ཧི་ཏྭཱ ཨ་ནཱ་ཡཱུ་ཧ་ནཾ པ་ཀྑ་ནྡ་ཏཱི་ཏི – གོ་ཏྲ་བྷུ. པ་ཊི་ས་ནྡྷི་ཡཱ ཝུ་ཊྛ་ཧི་ཏྭཱ ཨ་པྤ་ཊི་ས་ནྡྷིཾ པ་ཀྑ་ནྡ་ཏཱི་ཏི – གོ་ཏྲ་བྷུ. ག་ཏི་ཡཱ ཝུ་ཊྛ་ཧི་ཏྭཱ ཨ་ག་ཏིཾ པ་ཀྑ་ནྡ་ཏཱི་ཏི – གོ་ཏྲ་བྷུ. ནི་བྦ་ཏྟི་ཡཱ ཝུ་ཊྛ་ཧི་ཏྭཱ ཨ་ནི་བྦ་ཏྟིཾ པ་ཀྑ་ནྡ་ཏཱི་ཏི – གོ་ཏྲ་བྷུ. ཨུ་པ་པ་ཏྟི་ཡཱ ཝུ་ཊྛ་ཧི་ཏྭཱ ཨ་ནུ་པ་པ་ཏྟིཾ པ་ཀྑ་ནྡ་ཏཱི་ཏི – གོ་ཏྲ་བྷུ. ཛཱ་ཏི་ཡཱ ཝུ་ཊྛ་ཧི་ཏྭཱ ཨ་ཛཱ་ཏིཾ པ་ཀྑ་ནྡ་ཏཱི་ཏི – གོ་ཏྲ་བྷུ. ཛ་རཱ་ཡ ཝུ་ཊྛ་ཧི་ཏྭཱ ཨ་ཛ་རཾ པ་ཀྑ་ནྡ་ཏཱི་ཏི – གོ་ཏྲ་བྷུ. བྱཱ་དྷི་མྷཱ ཝུ་ཊྛ་ཧི་ཏྭཱ ཨ་བྱཱ་དྷིཾ པ་ཀྑ་ནྡ་ཏཱི་ཏི – གོ་ཏྲ་བྷུ. མ་ར་ཎཱ ཝུ་ཊྛ་ཧི་ཏྭཱ ཨ་མ་ཏཾ པ་ཀྑ་ནྡ་ཏཱི་ཏི – གོ་ཏྲ་བྷུ. སོ་ཀཱ ཝུ་ཊྛ་ཧི་ཏྭཱ ཨ་སོ་ཀཾ པ་ཀྑ་ནྡ་ཏཱི་ཏི – གོ་ཏྲ་བྷུ. པ་རི་དེ་ཝཱ ཝུ་ཊྛ་ཧི་ཏྭཱ ཨ་པ་རི་དེ་ཝཾ པ་ཀྑ་ནྡ་ཏཱི་ཏི – གོ་ཏྲ་བྷུ. ཨུ་པཱ་ཡཱ་སཱ ཝུ་ཊྛ་ཧི་ཏྭཱ ཨ་ནུ་པཱ་ཡཱ་སཾ པ་ཀྑ་ནྡ་ཏཱི་ཏི – གོ་ཏྲ་བྷུ. བ་ཧི་དྡྷཱ ས་ངྑཱ་ར་ནི་མི་ཏྟཱ ཝུ་ཊྛ་ཧི་ཏྭཱ ནི་རོ་དྷཾ ནི་བྦཱ་ནཾ པ་ཀྑ་ནྡ་ཏཱི་ཏི – གོ་ཏྲ་བྷུ.

ཨུ་པྤཱ་དཱ ཝི་ཝ་ཊྚ་ཏཱི་ཏི – གོ་ཏྲ་བྷུ. པ་ཝ་ཏྟཱ ཝི་ཝ་ཊྚ་ཏཱི་ཏི – གོ་ཏྲ་བྷུ…པེ… བ་ཧི་དྡྷཱ ས་ངྑཱ་ར་ནི་མི་ཏྟཱ ཝི་ཝ་ཊྚ་ཏཱི་ཏི – གོ་ཏྲ་བྷུ. ཨ་ནུ་པྤཱ་དཾ པ་ཀྑ་ནྡ་ཏཱི་ཏི – གོ་ཏྲ་བྷུ. ཨ་པྤ་ཝ་ཏྟཾ པ་ཀྑ་ནྡ་ཏཱི་ཏི – གོ་ཏྲ་བྷུ…པེ… ནི་རོ་དྷཾ ནི་བྦཱ་ནཾ པ་ཀྑ་ནྡ་ཏཱི་ཏི – གོ་ཏྲ་བྷུ.

ཨུ་པྤཱ་དཱ ཝི་ཝ་ཊྚི་ཏྭཱ ཨ་ནུ་པྤཱ་དཾ པ་ཀྑ་ནྡ་ཏཱི་ཏི – གོ་ཏྲ་བྷུ. པ་ཝ་ཏྟཱ ཝི་ཝ་ཊྚི་ཏྭཱ ཨ་པྤ་ཝ་ཏྟཾ པ་ཀྑ་ནྡ་ཏཱི་ཏི – གོ་ཏྲ་བྷུ…པེ… བ་ཧི་དྡྷཱ ས་ངྑཱ་ར་ནི་མི་ཏྟཱ ཝི་ཝ་ཊྚི་ཏྭཱ ནི་རོ་དྷཾ ནི་བྦཱ་ནཾ པ་ཀྑ་ནྡ་ཏཱི་ཏི – གོ་ཏྲ་བྷུ.

༦༠. ཀ་ཏི གོ་ཏྲ་བྷཱུ དྷ་མྨཱ ས་མ་ཐ་ཝ་སེ་ན ཨུ་པྤ་ཛྫ་ནྟི? ཀ་ཏི གོ་ཏྲ་བྷཱུ དྷ་མྨཱ ཝི་པ་སྶ་ནཱ་ཝ་སེ་ན ཨུ་པྤ་ཛྫ་ནྟི? ཨ་ཊྛ གོ་ཏྲ་བྷཱུ དྷ་མྨཱ ས་མ་ཐ་ཝ་སེ་ན ཨུ་པྤ་ཛྫ་ནྟི. ད་ས གོ་ཏྲ་བྷཱུ དྷ་མྨཱ ཝི་པ་སྶ་ནཱ་ཝ་སེ་ན ཨུ་པྤ་ཛྫ་ནྟི.

ཀ་ཏ་མེ ཨ་ཊྛ གོ་ཏྲ་བྷཱུ དྷ་མྨཱ ས་མ་ཐ་ཝ་སེ་ན ཨུ་པྤ་ཛྫ་ནྟི? པ་ཋ་མཾ ཛྷཱ་ནཾ པ་ཊི་ལཱ་བྷ་ཏྠཱ་ཡ ནཱི་ཝ་ར་ཎེ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. དུ་ཏི་ཡཾ ཛྷཱ་ནཾ པ་ཊི་ལཱ་བྷ་ཏྠཱ་ཡ ཝི་ཏ་ཀྐ་ཝི་ཙཱ་རེ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. ཏ་ཏི་ཡཾ ཛྷཱ་ནཾ པ་ཊི་ལཱ་བྷ་ཏྠཱ་ཡ པཱི་ཏིཾ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. ཙ་ཏུ་ཏྠཾ ཛྷཱ་ནཾ པ་ཊི་ལཱ་བྷ་ཏྠཱ་ཡ སུ་ཁ་དུ་ཀྑེ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. ཨཱ་ཀཱ་སཱ་ན་ཉྩཱ་ཡ་ཏ་ན་ས་མཱ་པ་ཏྟིཾ པ་ཊི་ལཱ་བྷ་ཏྠཱ་ཡ རཱུ་པ་ས་ཉྙཾ པ་ཊི་གྷ་ས་ཉྙཾ ནཱ་ན་ཏྟ་ས་ཉྙཾ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. ཝི་ཉྙཱ་ཎ་ཉྩཱ་ཡ་ཏ་ན་ས་མཱ་པ་ཏྟིཾ པ་ཊི་ལཱ་བྷ་ཏྠཱ་ཡ ཨཱ་ཀཱ་སཱ་ན་ཉྩཱ་ཡ་ཏ་ན་ས་ཉྙཾ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. ཨཱ་ཀི་ཉྩ་ཉྙཱ་ཡ་ཏ་ན་ས་མཱ་པ་ཏྟིཾ པ་ཊི་ལཱ་བྷ་ཏྠཱ་ཡ ཝི་ཉྙཱ་ཎ་ཉྩཱ་ཡ་ཏ་ན་ས་ཉྙཾ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ས་མཱ་པ་ཏྟིཾ པ་ཊི་ལཱ་བྷ་ཏྠཱ་ཡ ཨཱ་ཀི་ཉྩ་ཉྙཱ་ཡ་ཏ་ན་ས་ཉྙཾ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. ཨི་མེ ཨ་ཊྛ གོ་ཏྲ་བྷཱུ དྷ་མྨཱ ས་མ་ཐ་ཝ་སེ་ན ཨུ་པྤ་ཛྫ་ནྟི.

ཀ་ཏ་མེ ད་ས གོ་ཏྲ་བྷཱུ དྷ་མྨཱ ཝི་པ་སྶ་ནཱ་ཝ་སེ་ན ཨུ་པྤ་ཛྫ་ནྟི? སོ་ཏཱ་པ་ཏྟི་མ་གྒཾ པ་ཊི་ལཱ་བྷ་ཏྠཱ་ཡ ཨུ་པྤཱ་དཾ པ་ཝ་ཏྟཾ ནི་མི་ཏྟཾ ཨཱ་ཡཱུ་ཧ་ནཾ པ་ཊི་ས་ནྡྷིཾ ག་ཏིཾ ནི་བྦ་ཏྟིཾ ཨུ་པ་པ་ཏྟིཾ ཛཱ་ཏིཾ ཛ་རཾ བྱཱ་དྷིཾ མ་ར་ཎཾ སོ་ཀཾ པ་རི་དེ་ཝཾ ཨུ་པཱ་ཡཱ་སཾ བ་ཧི་དྡྷཱ ས་ངྑཱ་ར་ནི་མི་ཏྟཾ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. སོ་ཏཱ་པ་ཏྟི་ཕ་ལ་ས་མཱ་པ་ཏྟ་ཏྠཱ་ཡ ཨུ་པྤཱ་དཾ པ་ཝ་ཏྟཾ ནི་མི་ཏྟཾ ཨཱ་ཡཱུ་ཧ་ནཾ པ་ཊི་ས་ནྡྷིཾ…པེ… ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. ས་ཀ་དཱ་གཱ་མི་མ་གྒཾ པ་ཊི་ལཱ་བྷ་ཏྠཱ་ཡ…པེ… ས་ཀ་དཱ་གཱ་མི་ཕ་ལ་ས་མཱ་པ་ཏྟ་ཏྠཱ་ཡ… ཨ་ནཱ་གཱ་མི་མ་གྒཾ པ་ཊི་ལཱ་བྷ་ཏྠཱ་ཡ… ཨ་ནཱ་གཱ་མི་ཕ་ལ་ས་མཱ་པ་ཏྟ་ཏྠཱ་ཡ… ཨ་ར་ཧ་ཏྟ་མ་གྒཾ པ་ཊི་ལཱ་བྷ་ཏྠཱ་ཡ ཨུ་པྤཱ་དཾ པ་ཝ་ཏྟཾ ནི་མི་ཏྟཾ ཨཱ་ཡཱུ་ཧ་ནཾ པ་ཊི་ས་ནྡྷིཾ ག་ཏིཾ ནི་བྦ་ཏྟིཾ ཨུ་པ་པ་ཏྟིཾ ཛཱ་ཏིཾ ཛ་རཾ བྱཱ་དྷིཾ མ་ར་ཎཾ སོ་ཀཾ པ་རི་དེ་ཝཾ ཨུ་པཱ་ཡཱ་སཾ བ་ཧི་དྡྷཱ ས་ངྑཱ་ར་ནི་མི་ཏྟཾ ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. ཨ་ར་ཧ་ཏྟ་ཕ་ལ་ས་མཱ་པ་ཏྟ་ཏྠཱ་ཡ… སུ་ཉྙ་ཏ་ཝི་ཧཱ་ར་ས་མཱ་པ་ཏྟ་ཏྠཱ་ཡ… ཨ་ནི་མི་ཏྟ་ཝི་ཧཱ་ར་ས་མཱ་པ་ཏྟ་ཏྠཱ་ཡ ཨུ་པྤཱ་དཾ པ་ཝ་ཏྟཾ ནི་མི་ཏྟཾ ཨཱ་ཡཱུ་ཧ་ནཾ པ་ཊི་ས་ནྡྷིཾ…པེ… ཨ་བྷི་བྷུ་ཡྻ་ཏཱི་ཏི – གོ་ཏྲ་བྷུ. ཨི་མེ ད་ས གོ་ཏྲ་བྷཱུ དྷ་མྨཱ ཝི་པ་སྶ་ནཱ་ཝ་སེ་ན ཨུ་པྤ་ཛྫ་ནྟི.

ཀ་ཏི གོ་ཏྲ་བྷཱུ དྷ་མྨཱ ཀུ་ས་ལཱ, ཀ་ཏི ཨ་ཀུ་ས་ལཱ, ཀ་ཏི ཨ་བྱཱ་ཀ་ཏཱ? པ་ནྣ་ར་ས གོ་ཏྲ་བྷཱུ དྷ་མྨཱ ཀུ་ས་ལཱ, ཏ་ཡོ གོ་ཏྲ་བྷཱུ དྷ་མྨཱ ཨ་བྱཱ་ཀ་ཏཱ. ན་ཏྠི གོ་ཏྲ་བྷཱུ དྷ་མྨཱ ཨ་ཀུ་ས་ལཱ་ཏི.

སཱ་མི་ས་ཉྩ ནི་རཱ་མི་སཾ, པ་ཎི་ཧི་ཏ་ཉྩ ཨ་པྤ་ཎི་ཧི་ཏཾ;

ས་ཉྙུ་ཏྟ་ཉྩ ཝི་ས་ཉྙུ་ཏྟཾ, ཝུ་ཊྛི་ཏ་ཉྩ ཨ་ཝུ་ཊྛི་ཏཾ.

ཨ་ཊྛ ས་མཱ་དྷི་སྶ པ་ཙྩ་ཡཱ, ད་ས ཉཱ་ཎ་སྶ གོ་ཙ་རཱ;

ཨ་ཊྛཱ་ར་ས གོ་ཏྲ་བྷཱུ དྷ་མྨཱ, ཏི་ཎྞཾ ཝི་མོ་ཀྑཱ་ན པ་ཙྩ་ཡཱ.

ཨི་མེ ཨ་ཊྛཱ་ར་སཱ་ཀཱ་རཱ, པ་ཉྙཱ ཡ་སྶ པ་རི་ཙྩི་ཏཱ;

ཀུ་ས་ལོ ཝི་ཝ་ཊྚེ ཝུ་ཊྛཱ་ནེ, ནཱ་ནཱ་དི་ཊྛཱི་སུ ན ཀ་མྤ་ཏཱི་ཏི.

ཏཾ ཉཱ་ཏ་ཊྛེ་ན ཉཱ་ཎཾ, པ་ཛཱ་ན་ན་ཊྛེ་ན པ་ཉྙཱ. ཏེ་ན ཝུ་ཙྩ་ཏི – ‘‘བ་ཧི་དྡྷཱ ཝུ་ཊྛཱ་ན་ཝི་ཝ་ཊྚ་ནེ པ་ཉྙཱ གོ་ཏྲ་བྷུ་ཉཱ་ཎཾ’’.

གོ་ཏྲ་བྷུ་ཉཱ་ཎ་ནི་དྡེ་སོ ད་ས་མོ.