༡༠. ཝེ་ཝ་ཙ་ན་ཧཱ་ར་ས་མྤཱ་ཏོ

༧༢. ཏ་ཏྠ ཀ་ཏ་མོ ཝེ་ཝ་ཙ་ནོ ཧཱ་ར་ས་མྤཱ་ཏོ?

‘‘ཏ་སྨཱ ར་ཀྑི་ཏ་ཙི་ཏྟ་སྶ, ས་མྨཱ་ས་ངྐ་པྤ་གོ་ཙ་རོ’’ཏི གཱ་ཐཱ. ‘‘ཏ་སྨཱ ར་ཀྑི་ཏ་ཙི་ཏྟ་སྶཱ’’ཏི ཙི་ཏྟཾ མ་ནོ ཝི་ཉྙཱ་ཎཾ མ་ནི་ནྡྲི་ཡཾ མ་ནཱ་ཡ་ཏ་ནཾ ཝི་ཛཱ་ན་ནཱ ཝི་ཛཱ་ནི་ཏ་ཏྟཾ, ཨི་དཾ ཝེ་ཝ་ཙ་ནཾ. ‘‘ས་མྨཱ་ས་ངྐ་པྤ་གོ་ཙ་རོ’’ཏི ནེ་ཀྑ་མྨ་ས་ངྐ་པྤོ ཨ་བྱཱ་པཱ་ད་ས་ངྐ་པྤོ ཨ་ཝི་ཧིཾ་སཱ་ས་ངྐ་པྤོ, ཨི་དཾ ཝེ་ཝ་ཙ་ནཾ. ‘‘ས་མྨཱ་དི་ཊྛི་པུ་རེ་ཀྑཱ་རོ’’ཏི ས་མྨཱ་དི་ཊྛི ནཱ་མ པ་ཉྙཱ་ས་ཏྠཾ པ་ཉྙཱ་ཁ་གྒོ པ་ཉྙཱ་ར་ཏ་ནཾ པ་ཉྙཱ་པ་ཛྫོ་ཏོ པ་ཉྙཱ་པ་ཏོ་དོ པ་ཉྙཱ་པཱ་སཱ་དོ, ཨི་དཾ ཝེ་ཝ་ཙ་ནཾ.

ནི་ཡུ་ཏྟོ ཝེ་ཝ་ཙ་ནོ ཧཱ་ར་ས་མྤཱ་ཏོ.