༡༠. ཀ་པྤ་མཱ་ཎ་ཝ་པུ་ཙྪཱ
༡༡༧. ‘‘མ་ཛ྄ཛྷེ ས་ར་སྨིཾ ཏི་ཊྛ་ཏཾ, [ཨི་ཙྩཱ་ཡ་སྨཱ ཀ་པྤོ]
ཨོ་གྷེ ཛཱ་ཏེ མ་ཧ་བྦྷ་ཡེ;
ཛ་རཱ་མ་ཙྩུ་པ་རེ་ཏཱ་ནཾ, དཱི་པཾ པ་བྲཱུ་ཧི མཱ་རི་ས;
ཏྭ་ཉྩ མེ དཱི་པ་མ་ཀྑཱ་ཧི, ཡ་ཐཱ་ཡི་དཾ ནཱ་པ་རཾ སི་ཡཱ’’.
༡༡༨. ‘‘མ་ཛ྄ཛྷེ ས་ར་སྨིཾ ཏི་ཊྛ་ཏཾ, [ཀ་པྤཱ་ཏི བྷ་ག་ཝཱ]
ཨོ་གྷེ ཛཱ་ཏེ མ་ཧ་བྦྷ་ཡེ;
ཛ་རཱ་མ་ཙྩུ་པ་རེ་ཏཱ་ནཾ, དཱི་པཾ པ་བྲཱུ་མི ཀ་པྤ ཏེ.
༡༡༩. ‘‘ཨ་ཀི་ཉྩ་ནཾ ཨ་ནཱ་དཱ་ནཾ, ཨེ་ཏཾ དཱི་པཾ ཨ་ནཱ་པ་རཾ;
ནི་བྦཱ་ནཾ ཨི་ཏི ནཾ བྲཱུ་མི, ཛ་རཱ་མ་ཙྩུ་པ་རི་ཀྑ་ཡཾ.
༡༢༠. ‘‘ཨེ་ཏ་ད་ཉྙཱ་ཡ ཡེ ས་ཏཱ, དི་ཊྛ་དྷ་མྨཱ་བྷི་ནི་བྦུ་ཏཱ;
ན ཏེ མཱ་ར་ཝ་སཱ་ནུ་གཱ, ན ཏེ མཱ་ར་སྶ པ་ཊྛ་གཱུ’’ཏི [པ་དྡྷ་གཱུ (སཱི.)].
ཀ་པྤ་མཱ་ཎ་ཝ་པུ་ཙྪཱ ད་ས་མཱ.