༩. མཱ་ག་ཎྜི་ཡ་སུ་ཏྟ་ནི་དྡེ་སོ
ཨ་ཐ མཱ་ག་ཎྜི་ཡ་སུ་ཏྟ་ནི་དྡེ་སཾ ཝ་ཀྑ་ཏི –
༧༠. དི་སྭཱ་ན ཏ་ཎྷཾ ཨ་ར་ཏིཾ ར་ག་ཉྩ, ནཱ་ཧོ་སི ཚ་ནྡོ ཨ་པི མེ་ཐུ་ན་སྨིཾ;
ཀི་མེ་ཝི་དཾ མུ་ཏྟ་ཀ་རཱི་ས་པུ་ཎྞཾ, པཱ་དཱ་པི ནཾ ས་མྥུ་སི་ཏུཾ ན ཨི་ཙྪེ.
དི་སྭཱ་ན ཏ་ཎྷཾ ཨ་ར་ཏིཾ ར་ག་ཉྩ, ནཱ་ཧོ་སི ཚ་ནྡོ ཨ་པི མེ་ཐུ་ན་སྨིནྟི. ཏ་ཎྷ་ཉྩ ཨ་ར་ཏི་ཉྩ ར་ག་ཉྩ མཱ་ར་དྷཱི་ཏ་རོ དི་སྭཱ པ་སྶི་ཏྭཱ མེ་ཐུ་ན་དྷ་མྨེ ཚ་ནྡོ ཝཱ རཱ་གོ ཝཱ པེ་མཾ ཝཱ ནཱ་ཧོ་སཱི་ཏི – དི་སྭཱ་ན ཏ་ཎྷཾ ཨ་ར་ཏིཾ ར་ག་ཉྩ ནཱ་ཧོ་སི ཚ་ནྡོ ཨ་པི མེ་ཐུ་ན་སྨིཾ.
ཀི་མེ་ཝི་དཾ མུ་ཏྟ་ཀ་རཱི་ས་པུ་ཎྞཾ, པཱ་དཱ་པི ནཾ ས་མྥུ་སི་ཏུཾ ན ཨི་ཙྪེཏི. ཀི་མེ་ཝི་དཾ ས་རཱི་རཾ མུ་ཏྟ་པུ་ཎྞཾ ཀ་རཱི་ས་པུ་ཎྞཾ སེ་མྷ་པུ་ཎྞཾ རུ་ཧི་ར་པུ་ཎྞཾ ཨ་ཊྛི་ས་ངྒྷཱ་ཏ་ནྷཱ་རུ་ས་མྦ་ནྡྷཾ རུ་དྷི་ར་མཾ་སཱ་ཝ་ལེ་པ་ནཾ ཙ་མྨ་ཝི་ན་དྡྷཾ ཚ་ཝི་ཡཱ པ་ཊི་ཙྪ་ནྣཾ ཚི་དྡཱ་ཝ་ཚི་དྡཾ ཨུ་གྒྷ་ར་ནྟཾ པ་གྒྷ་ར་ནྟཾ ཀི་མི་ས་ངྒྷ་ནི་སེ་ཝི་ཏཾ ནཱ་ནཱ་ཀ་ལི་མ་ལ་པ་རི་པཱུ་རཾ པཱ་དེ་ན ཨ་ཀྐ་མི་ཏུཾ ན ཨི་ཙྪེ་ཡྻ, ཀུ་ཏོ པ་ན སཾ་ཝཱ་སོ ཝཱ ས་མཱ་ག་མོ ཝཱ་ཏི – ཀི་མེ་ཝི་དཾ མུ་ཏྟ་ཀ་རཱི་ས་པུ་ཎྞཾ, པཱ་དཱ་པི ནཾ ས་མྥུ་སི་ཏུཾ ན ཨི་ཙྪེ. ཨ་ན་ཙྪ་རི་ཡ་ཉྩེ་ཏཾ མ་ནུ་སྶོ དི་བྦེ ཀཱ་མེ པ་ཏྠ་ཡ་ནྟོ མཱ་ནུ་ས་ཀེ ཀཱ་མེ ན ཨི་ཙྪེ་ཡྻ, མཱ་ནུ་ས་ཀེ ཝཱ ཀཱ་མེ པ་ཏྠ་ཡ་ནྟོ དི་བྦེ ཀཱ་མེ ན ཨི་ཙྪེ་ཡྻ. ཡཾ ཏྭཾ ཨུ་བྷོ་པི ན ཨི་ཙྪ་སི ན སཱ་དི་ཡ་སི ན པ་ཏྠེ་སི ན པི་ཧེ་སི ནཱ་བྷི་ཛ་པྤ་སི, ཀིཾ ཏེ ད་སྶ་ནཾ, ཀ་ཏ་མཱ་ཡ ཏྭཾ དི་ཊྛི་ཡཱ ས་མ་ནྣཱ་ག་ཏོ་ཏི པུ་ཙྪ་ཏཱི་ཏི.
ཏེ་ནཱ་ཧ བྷ་ག་ཝཱ –
‘‘དི་སྭཱ་ན ཏ་ཎྷཾ ཨ་ར་ཏིཾ ར་ག་ཉྩ, ནཱ་ཧོ་སི ཚ་ནྡོ ཨ་པི མེ་ཐུ་ན་སྨིཾ;
ཀི་མེ་ཝི་དཾ མུ་ཏྟ་ཀ་རཱི་ས་པུ་ཎྞཾ, པཱ་དཱ་པི ནཾ ས་མྥུ་སི་ཏུཾ ན ཨི་ཙྪེ’’ཏི.
༧༡. ཨེ་ཏཱ་དི་སཾ ཙེ ར་ཏ་ནཾ ན ཨི་ཙྪ་སི, ནཱ་རིཾ ན་རི་ནྡེ་ཧི བ་ཧཱུ་ཧི པ་ཏྠི་ཏཾ;
དི་ཊྛི་ག་ཏཾ སཱི་ལ་ཝ་ཏཾ ནུ ཛཱི་ཝི་ཏཾ, བྷ་ཝཱུ་པ་པ་ཏྟི་ཉྩ ཝ་དེ་སི ཀཱི་དི་སཾ.
༧༢. ཨི་དཾ ཝ་དཱ་མཱི་ཏི ན ཏ་སྶ ཧོ་ཏི, [མཱ་ག་ཎྜི་ཡཱ་ཏི [མཱ་ག་ནྡི་ཡཱ་ཏི (སཱི. སྱཱ.)] བྷ་ག་ཝཱ]
དྷ་མྨེ་སུ ནི་ཙྪེ་ཡྻ ས་མུ་གྒ་ཧཱི་ཏཾ;
པ་སྶ་ཉྩ དི་ཊྛཱི་སུ ཨ་ནུ་གྒ་ཧཱ་ཡ, ཨ་ཛ྄ཛྷ་ཏྟ་ས་ནྟིཾ པ་ཙི་ནཾ ཨ་ད་སྶཾ.
ཨི་དཾ ཝ་དཱ་མཱི་ཏི ན ཏ་སྶ ཧོ་ཏཱིཏི. ཨི་དཾ ཝ་དཱ་མཱིཏི ཨི་དཾ ཝ་དཱ་མི, ཨེ་ཏཾ ཝ་དཱ་མི, ཨེ་ཏྟ་ཀཾ ཝ་དཱ་མི, ཨེ་ཏྟཱ་ཝ་ཏཱ ཝ་དཱ་མི, ཨི་དཾ དི་ཊྛི་ག་ཏཾ ཝ་དཱ་མི – ‘‘ས་སྶ་ཏོ ལོ་ཀོ’’ཏི ཝཱ…པེ… ‘‘ནེ་ཝ ཧོ་ཏི ན ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ’’ཏི ཝཱ. ན ཏ་སྶ ཧོ་ཏཱིཏི ན མ་ཡ྄ཧཾ ཧོ་ཏི, ‘‘ཨེ་ཏྟཱ་ཝ་ཏཱ ཝ་དཱ་མཱི’’ཏི ན ཏ་སྶ ཧོ་ཏཱི་ཏི – ཨི་དཾ ཝ་དཱ་མཱི་ཏི ན ཏ་སྶ ཧོ་ཏི.
མཱ་ག་ཎྜི་ཡཱཏི བྷ་ག་ཝཱ ཏཾ བྲཱ་ཧྨ་ཎཾ ནཱ་མེ་ན ཨཱ་ལ་པ་ཏི. བྷ་ག་ཝཱཏི གཱ་ར་ཝཱ་དྷི་ཝ་ཙ་ནཾ…པེ… ས་ཙྪི་ཀཱ པ་ཉྙ་ཏྟི ཡ་དི་དཾ བྷ་ག་ཝཱ་ཏི – མཱ་ག་ཎྜི་ཡཱ་ཏི བྷ་ག་ཝཱ.
དྷ་མྨེ་སུ ནི་ཙྪེ་ཡྻ ས་མུ་གྒ་ཧཱི་ཏནྟི. དྷ་མྨེ་སཱུཏི དྭཱ་ས་ཊྛི་ཡཱ དི་ཊྛི་ག་ཏེ་སུ. ནི་ཙྪེ་ཡྻཱཏི ནི་ཙྪི་ནི་ཏྭཱ ཝི་ནི་ཙྪི་ནི་ཏྭཱ ཝི་ཙི་ནི་ཏྭཱ པ་ཝི་ཙི་ནི་ཏྭཱ ཏུ་ལ་ཡི་ཏྭཱ ཏཱི་ར་ཡི་ཏྭཱ ཝི་བྷཱ་ཝ་ཡི་ཏྭཱ ཝི་བྷཱུ་ཏཾ ཀ་ཏྭཱ, ཨོ་དྷི་གྒཱ་ཧོ བི་ལ་གྒཱ་ཧོ ཝ་ར་གྒཱ་ཧོ ཀོ་ཊྛཱ་ས་གྒཱ་ཧོ ཨུ་ཙྩ་ཡ་གྒཱ་ཧོ ས་མུ་ཙྩ་ཡ་གྒཱ་ཧོ, ‘‘ཨི་དཾ ས་ཙྩཾ ཏ་ཙྪཾ ཏ་ཐཾ བྷཱུ་ཏཾ ཡཱ་ཐཱ་ཝཾ ཨ་ཝི་པ་རཱི་ཏ’’ནྟི ག་ཧི་ཏཾ པ་རཱ་མ་ཊྛཾ ཨ་བྷི་ནི་ཝི་ཊྛཾ ཨ་ཛ྄ཛྷོ་སི་ཏཾ ཨ་དྷི་མུ་ཏྟཾ, ན་ཏྠི ན ས་ནྟི ན སཾ་ཝི་ཛྫ་ཏི ནུ་པ་ལ་བྦྷ་ཏི, པ་ཧཱི་ནཾ ས་མུ་ཙྪི་ནྣཾ ཝཱུ་པ་ས་ནྟཾ པ་ཊི་པ་སྶ་དྡྷཾ ཨ་བྷ་བྦུ་པྤ་ཏྟི་ཀཾ ཉཱ་ཎ་གྒི་ནཱ ད་ཌྜྷ་ནྟི – དྷ་མྨེ་སུ ནི་ཙྪེ་ཡྻ ས་མུ་གྒ་ཧཱི་ཏཾ.
པ་སྶ་ཉྩ དི་ཊྛཱི་སུ ཨ་ནུ་གྒ་ཧཱ་ཡཱཏི. དི་ཊྛཱི་སུ ཨཱ་དཱི་ན་ཝཾ པ་སྶ་ནྟོ དི་ཊྛི་ཡོ ན ག་ཎྷཱ་མི ན པ་རཱ་མ་སཱ་མི ནཱ་བྷི་ནི་ཝི་སཱ་མི. ཨ་ཐ ཝཱ ན ག་ཎྷི་ཏ་བྦཱ ན པ་རཱ་མ་སི་ཏ་བྦཱ ནཱ་བྷི་ནི་ཝི་སི་ཏ་བྦཱ་ཏི. ཨེ་ཝ་མྤི པ་སྶ་ཉྩ དི་ཊྛཱི་སུ ཨ་ནུ་གྒ་ཧཱ་ཡ.
ཨ་ཐ ཝཱ ‘‘ས་སྶ་ཏོ ལོ་ཀོ, ཨི་ད་མེ་ཝ ས་ཙྩཾ མོ་གྷ་མ་ཉྙ’’ནྟི དི་ཊྛི་ག་ཏ་མེ་ཏཾ དི་ཊྛི་ག་ཧ་ནཾ དི་ཊྛི་ཀ་ནྟཱ་རོ དི་ཊྛི་ཝི་སཱུ་ཀཱ་ཡི་ཀཾ དི་ཊྛི་ཝི་པྥ་ནྡི་ཏཾ དི་ཊྛི་ས་ཉྙོ་ཛ་ནཾ, ས་དུ་ཀྑཾ ས་ཝི་གྷཱ་ཏཾ ས་ཨུ་པཱ་ཡཱ་སཾ ས་པ་རི་ལཱ༹་ཧཾ, ན ནི་བྦི་དཱ་ཡ ན ཝི་རཱ་གཱ་ཡ ན ནི་རོ་དྷཱ་ཡ ན ཨུ་པ་ས་མཱ་ཡ ན ཨ་བྷི་ཉྙཱ་ཡ ན ས་མྦོ་དྷཱ་ཡ ན ནི་བྦཱ་ནཱ་ཡ སཾ་ཝ་ཏྟ་ཏཱི་ཏི. དི་ཊྛཱི་སུ ཨཱ་དཱི་ན་ཝཾ པ་སྶ་ནྟོ དི་ཊྛི་ཡོ ན ག་ཎྷཱ་མི ན པ་རཱ་མ་སཱ་མི ནཱ་བྷི་ནི་ཝི་སཱ་མི. ཨ་ཐ ཝཱ ན ག་ཎྷི་ཏ་བྦཱ ན པ་རཱ་མ་སི་ཏ་བྦཱ ནཱ་བྷི་ནི་ཝི་སི་ཏ་བྦཱ་ཏི. ཨེ་ཝ་མྤི པ་སྶ་ཉྩ དི་ཊྛཱི་སུ ཨ་ནུ་གྒ་ཧཱ་ཡ.
ཨ་ཐ ཝཱ ‘‘ཨ་ས་སྶ་ཏོ ལོ་ཀོ, ཨ་ནྟ་ཝཱ ལོ་ཀོ, ཨ་ན་ནྟ་ཝཱ ལོ་ཀོ, ཏཾ ཛཱི་ཝཾ ཏཾ ས་རཱི་རཾ, ཨ་ཉྙཾ ཛཱི་ཝཾ ཨ་ཉྙཾ ས་རཱི་རཾ, ཧོ་ཏི ཏ་ཐཱ་ག་ཏོ པ་རཾ མ་ར་ཎཱ, ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ, ཧོ་ཏི ཙ ན ཙ ཧོ་ཏི ཏ་ཐཱ་ག་ཏོ པ་རཾ མ་ར་ཎཱ, ནེ་ཝ ཧོ་ཏི ན ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ, ཨི་ད་མེ་ཝ ས་ཙྩཾ མོ་གྷ་མ་ཉྙ’’ནྟི དི་ཊྛི་ག་ཏ་མེ་ཏཾ དི་ཊྛི་ག་ཧ་ནཾ དི་ཊྛི་ཀ་ནྟཱ་རོ དི་ཊྛི་ཝི་སཱུ་ཀཱ་ཡི་ཀཾ དི་ཊྛི་ཝི་པྥ་ནྡི་ཏཾ དི་ཊྛི་ས་ཉྙོ་ཛ་ནཾ, ས་དུ་ཀྑཾ ས་ཝི་གྷཱ་ཏཾ ས་ཨུ་པཱ་ཡཱ་སཾ ས་པ་རི་ལཱ༹་ཧཾ ན ནི་བྦི་དཱ་ཡ ན ཝི་རཱ་གཱ་ཡ ན ནི་རོ་དྷཱ་ཡ ན ཨུ་པ་ས་མཱ་ཡ ན ཨ་བྷི་ཉྙཱ་ཡ ན ས་མྦོ་དྷཱ་ཡ ན ནི་བྦཱ་ནཱ་ཡ སཾ་ཝ་ཏྟ་ཏཱི་ཏི. དི་ཊྛཱི་སུ ཨཱ་དཱི་ན་ཝཾ པ་སྶ་ནྟོ དི་ཊྛི་ཡོ ན ག་ཎྷཱ་མི ན པ་རཱ་མ་སཱ་མི ནཱ་བྷི་ནི་ཝི་སཱ་མི. ཨ་ཐ ཝཱ ན ག་ཎྷི་ཏ་བྦཱ ན པ་རཱ་མ་སི་ཏ་བྦཱ ནཱ་བྷི་ནི་ཝི་སི་ཏ་བྦཱ་ཏི. ཨེ་ཝ་མྤི པ་སྶ་ཉྩ དི་ཊྛཱི་སུ ཨ་ནུ་གྒ་ཧཱ་ཡ.
ཨ་ཐ ཝཱ ཨི་མཱ དི་ཊྛི་ཡོ ཨེ་ཝཾ་ག་ཧི་ཏཱ ཨེ་ཝཾ་པ་རཱ་མ་ཊྛཱ ཨེ་ཝཾ་ག་ཏི་ཀཱ བྷ་ཝི་སྶ་ནྟི ཨེ་ཝཾ་ཨ་བྷི་ས་མྤ་རཱ་ཡཱ་ཏི. དི་ཊྛཱི་སུ ཨཱ་དཱི་ན་ཝཾ པ་སྶ་ནྟོ དི་ཊྛི་ཡོ ན ག་ཎྷཱ་མི ན པ་རཱ་མ་སཱ་མི ནཱ་བྷི་ནི་ཝི་སཱ་མི. ཨ་ཐ ཝཱ ན ག་ཎྷི་ཏ་བྦཱ ན པ་རཱ་མ་སི་ཏ་བྦཱ ནཱ་བྷི་ནི་ཝི་སི་ཏ་བྦཱ་ཏི. ཨེ་ཝ་མྤི པ་སྶ་ཉྩ དི་ཊྛཱི་སུ ཨ་ནུ་གྒ་ཧཱ་ཡ.
ཨ་ཐ ཝཱ ཨི་མཱ དི་ཊྛི་ཡོ ནི་ར་ཡ་སཾ་ཝ་ཏྟ་ནི་ཀཱ ཏི་ར་ཙྪཱ་ན་ཡོ་ནི་སཾ་ཝ་ཏྟ་ནི་ཀཱ པེ་ཏྟི་ཝི་ས་ཡ་སཾ་ཝ་ཏྟ་ནི་ཀཱ་ཏི. དི་ཊྛཱི་སུ ཨཱ་དཱི་ན་ཝཾ པ་སྶ་ནྟོ དི་ཊྛི་ཡོ ན ག་ཎྷཱ་མི ན པ་རཱ་མ་སཱ་མི ནཱ་བྷི་ནི་ཝི་སཱ་མི. ཨ་ཐ ཝཱ ན ག་ཎྷི་ཏ་བྦཱ ན པ་རཱ་མ་སི་ཏ་བྦཱ ནཱ་བྷི་ནི་ཝི་སི་ཏ་བྦཱ་ཏི. ཨེ་ཝ་མྤི པ་སྶ་ཉྩ དི་ཊྛཱི་སུ ཨ་ནུ་གྒ་ཧཱ་ཡ.
ཨ་ཐ ཝཱ ཨི་མཱ དི་ཊྛི་ཡོ ཨ་ནི་ཙྩཱ ས་ངྑ་ཏཱ པ་ཊི་ཙྩ་ས་མུ་པྤ་ནྣཱ ཁ་ཡ་དྷ་མྨཱ ཝ་ཡ་དྷ་མྨཱ ཝི་རཱ་ག་དྷ་མྨཱ ནི་རོ་དྷ་དྷ་མྨཱ་ཏི. དི་ཊྛཱི་སུ ཨཱ་དཱི་ན་ཝཾ པ་སྶ་ནྟོ དི་ཊྛི་ཡོ ན ག་ཎྷཱ་མི ན པ་རཱ་མ་སཱ་མི ནཱ་བྷི་ནི་ཝི་སཱ་མི. ཨ་ཐ ཝཱ ན ག་ཎྷི་ཏ་བྦཱ ན པ་རཱ་མ་སི་ཏ་བྦཱ ནཱ་བྷི་ནི་ཝི་སི་ཏ་བྦཱ་ཏི. ཨེ་ཝ་མྤི པ་སྶ་ཉྩ དི་ཊྛཱི་སུ ཨ་ནུ་གྒ་ཧཱ་ཡ.
ཨ་ཛ྄ཛྷ་ཏྟ་ས་ནྟིཾ པ་ཙི་ནཾ ཨ་ད་སྶནྟི. ཨ་ཛ྄ཛྷ་ཏྟ་ས་ནྟིཾ ཨ་ཛ྄ཛྷ་ཏྟཾ རཱ་ག་སྶ ས་ནྟིཾ, དོ་ས་སྶ ས་ནྟིཾ, མོ་ཧ་སྶ ས་ནྟིཾ, ཀོ་དྷ་སྶ… ཨུ་པ་ནཱ་ཧ་སྶ… མ་ཀྑ་སྶ … པ་ལཱ༹་ས་སྶ… ཨི་སྶཱ་ཡ… མ་ཙྪ་རི་ཡ་སྶ … མཱ་ཡཱ་ཡ… སཱ་ཋེ་ཡྻ་སྶ… ཐ་མྦྷ་སྶ… སཱ་ར་མྦྷ་སྶ… མཱ་ན་སྶ… ཨ་ཏི་མཱ་ན་སྶ… མ་ད་སྶ… པ་མཱ་ད་སྶ… ས་བྦ་ཀི་ལེ་སཱ་ནཾ… ས་བྦ་དུ་ཙྩ་རི་ཏཱ་ནཾ… ས་བྦ་ད་ར་ཐཱ་ནཾ… ས་བྦ་པ་རི་ལཱ༹་ཧཱ་ནཾ… ས་བྦ་ས་ནྟཱ་པཱ་ནཾ… ས་བྦཱ་ཀུ་ས་ལཱ་བྷི་ས་ངྑཱ་རཱ་ནཾ ས་ནྟིཾ ཨུ་པ་ས་ནྟིཾ ཝཱུ་པ་ས་ནྟིཾ ནི་བྦུ་ཏིཾ པ་ཊི་པ་སྶ་དྡྷིཾ ས་ནྟིཾ. པ་ཙི་ནནྟི པ་ཙི་ན་ནྟོ ཝི་ཙི་ན་ནྟོ པ་ཝི་ཙི་ན་ནྟོ ཏུ་ལ་ཡ་ནྟོ ཏཱི་ར་ཡ་ནྟོ ཝི་བྷཱ་ཝ་ཡ་ནྟོ ཝི་བྷཱུ་ཏཾ ཀ་རོ་ནྟོ, ‘‘ས་བྦེ ས་ངྑཱ་རཱ ཨ་ནི་ཙྩཱ’’ཏི པ་ཙི་ན་ནྟོ ཝི་ཙི་ན་ནྟོ པ་ཝི་ཙི་ན་ནྟོ ཏུ་ལ་ཡ་ནྟོ ཏཱི་ར་ཡ་ནྟོ ཝི་བྷཱ་ཝ་ཡ་ནྟོ ཝི་བྷཱུ་ཏཾ ཀ་རོ་ནྟོ, ‘‘ས་བྦེ ས་ངྑཱ་རཱ དུ་ཀྑཱ’’ཏི… ‘‘ས་བྦེ དྷ་མྨཱ ཨ་ན་ཏྟཱ’’ཏི པ་ཙི་ན་ནྟོ ཝི་ཙི་ན་ནྟོ པ་ཝི་ཙི་ན་ནྟོ… ‘‘ཡཾ ཀི་ཉྩི ས་མུ་ད་ཡ་དྷ་མྨཾ, ས་བྦཾ ཏཾ ནི་རོ་དྷ་དྷ་མྨ’’ནྟི པ་ཙི་ན་ནྟོ ཝི་ཙི་ན་ནྟོ པ་ཝི་ཙི་ན་ནྟོ ཏུ་ལ་ཡ་ནྟོ ཏཱི་ར་ཡ་ནྟོ ཝི་བྷཱ་ཝ་ཡ་ནྟོ ཝི་བྷཱུ་ཏཾ ཀ་རོ་ནྟོ. ཨ་ད་སྶནྟི ཨ་ད་སྶཾ ཨ་ད་ཀྑིཾ ཨ་པ་སྶིཾ པ་ཊི་ཝི་ཛ྄ཛྷི་ནྟི – ཨ་ཛ྄ཛྷ་ཏྟ་ས་ནྟིཾ པ་ཙི་ནཾ ཨ་ད་སྶཾ.
ཏེ་ནཱ་ཧ བྷ་ག་ཝཱ –
‘‘ཨི་དཾ ཝ་དཱ་མཱི་ཏི ན ཏ་སྶ ཧོ་ཏི, [མཱ་ག་ཎྜི་ཡཱ་ཏི བྷ་ག་ཝཱ]
དྷ་མྨེ་སུ ནི་ཙྪེ་ཡྻ ས་མུ་གྒ་ཧཱི་ཏཾ;
པ་སྶ་ཉྩ དི་ཊྛཱི་སུ ཨ་ནུ་གྒ་ཧཱ་ཡ;
ཨ་ཛ྄ཛྷ་ཏྟ་ས་ནྟིཾ པ་ཙི་ནཾ ཨ་ད་སྶ’’ནྟི.
༧༣. ཝི་ནི་ཙྪ་ཡཱ ཡཱ་ནི པ་ཀ་པྤི་ཏཱ་ནི, [ཨི་ཏི མཱ་ག་ཎྜི་ཡོ]
ཏེ ཝེ མུ་ནཱི བྲཱུ་སི ཨ་ནུ་གྒ་ཧཱ་ཡ;
ཨ་ཛ྄ཛྷ་ཏྟ་ས་ནྟཱི་ཏི ཡ་མེ་ཏ་མ་ཏྠཾ, ཀ་ཐཾ ནུ དྷཱི་རེ་ཧི པ་ཝེ་དི་ཏཾ ཏཾ.
ཝི་ནི་ཙྪ་ཡཱ ཡཱ་ནི པ་ཀ་པྤི་ཏཱ་ནཱིཏི. ཝི་ནི་ཙྪ་ཡཱ ཝུ་ཙྩ་ནྟི དྭཱ་ས་ཊྛི དི་ཊྛི་ག་ཏཱ་ནི དི་ཊྛི་ཝི་ནི་ཙྪ་ཡཱ. པ་ཀ་པྤི་ཏཱ་ནཱིཏི ཀ་པྤི་ཏཱ པ་ཀ་པྤི་ཏཱ ཨ་བྷི་ས་ངྑ་ཏཱ ས་ཎྛ་པི་ཏཱ་ཏི་པི པ་ཀ་པྤི་ཏཱ. ཨ་ཐ ཝཱ ཨ་ནི་ཙྩཱ ས་ངྑ་ཏཱ པ་ཊི་ཙྩ་ས་མུ་པྤ་ནྣཱ ཁ་ཡ་དྷ་མྨཱ ཝ་ཡ་དྷ་མྨཱ ཝི་རཱ་ག་དྷ་མྨཱ ནི་རོ་དྷ་དྷ་མྨཱ ཝི་པ་རི་ཎཱ་མ་དྷ་མྨཱ་ཏི་པི པ་ཀ་པྤི་ཏཱ་ཏི – ཝི་ནི་ཙྪ་ཡཱ ཡཱ་ནི པ་ཀ་པྤི་ཏཱ་ནི.
ཨི་ཏི མཱ་ག་ཎྜི་ཡོཏི. ཨི་ཏཱིཏི པ་ད་ས་ནྡྷི པ་ད་སཾ་ས་གྒོ པ་ད་པཱ་རི་པཱུ་རཱི ཨ་ཀྑ་ར་ས་མ་ཝཱ་ཡོ བྱ་ཉྫ་ན་སི་ལི་ཊྛ་ཏཱ པ་དཱ་ནུ་པུ་བྦ་ཏཱ་པེ་ཏཾ – ཨི་ཏཱི་ཏི. མཱ་ག་ཎྜི་ཡོཏི ཏ་སྶ བྲཱ་ཧྨ་ཎ་སྶ ནཱ་མཾ ས་ངྑཱ ས་མ་ཉྙཱ པ་ཉྙ་ཏྟི ཝོ་ཧཱ་རོ – ཨི་ཏི མཱ་ག་ཎྜི་ཡོ་ཏི.
ཏེ ཝེ མུ་ནཱི བྲཱུ་སི ཨ་ནུ་གྒ་ཧཱ་ཡ, ཨ་ཛ྄ཛྷ་ཏྟ་ས་ནྟཱི་ཏི ཡ་མེ་ཏ་མ་ཏྠནྟི. ཏེ ཝེཏི དྭཱ་ས་ཊྛི དི་ཊྛི་ག་ཏཱ་ནི. མུ་ནཱིཏི. མོ་ནཾ ཝུ་ཙྩ་ཏི ཉཱ་ཎཾ…པེ… ས་ངྒ་ཛཱ་ལ་མ་ཏི་ཙྩ སོ མུ་ནཱི་ཏི. ཨ་ནུ་གྒ་ཧཱ་ཡཱཏི དི་ཊྛཱི་སུ ཨཱ་དཱི་ན་ཝཾ པ་སྶ་ནྟོ དི་ཊྛི་ཡོ ན ག་ཎྷཱ་མི ན པ་རཱ་མ་སཱ་མི ནཱ་བྷི་ནི་ཝི་སཱ་མཱི་ཏི ཙ བྷ་ཎ་སི, ཨ་ཛ྄ཛྷ་ཏྟ་ས་ནྟཱི་ཏི ཙ བྷ་ཎ་སི. ཡ་མེ་ཏ་མ་ཏྠནྟི ཡཾ པ་ར་མ་ཏྠ་ནྟི – ཏེ ཝེ མུ་ནཱི བྲཱུ་སི ཨ་ནུ་གྒ་ཧཱ་ཡ, ཨ་ཛ྄ཛྷ་ཏྟ་ས་ནྟཱི་ཏི ཡ་མེ་ཏ་མ་ཏྠཾ.
ཀ་ཐཾ ནུ དྷཱི་རེ་ཧི པ་ཝེ་དི་ཏཾ ཏནྟི. ཀ་ཐཾ ནཱུཏི པ་དཾ སཾ་ས་ཡ་པུ་ཙྪཱ ཝི་མ་ཏི་པུ་ཙྪཱ དྭེ་ལ༹ྷ་ཀ་པུ་ཙྪཱ ཨ་ནེ་ཀཾ་ས་པུ་ཙྪཱ, ཨེ་ཝཾ ནུ ཁོ ན་ནུ ཁོ ཀིཾ ནུ ཁོ ཀ་ཐཾ ནུ ཁོ་ཏི – ཀ་ཐཾ ནུ. དྷཱི་རེ་ཧཱིཏི དྷཱི་རེ་ཧི པ་ཎྜི་ཏེ་ཧི པ་ཉྙ་ཝ་ནྟེ་ཧི [པ་ཉྙཱ་ཝ་ནྟེ་ཧི (སཱི. སྱཱ.)] བུ་དྡྷི་མ་ནྟེ་ཧི ཉཱ་ཎཱི་ཧི ཝི་བྷཱ་ཝཱི་ཧི མེ་དྷཱ་ཝཱི་ཧི. པ་ཝེ་དི་ཏནྟི ཝེ་དི་ཏཾ པ་ཝེ་དི་ཏཾ ཨཱ་ཙི་ཀྑི་ཏཾ དེ་སི་ཏཾ པ་ཉྙཱ་པི་ཏཾ པ་ཊྛ་པི་ཏཾ ཝི་ཝ་ཊཾ ཝི་བྷ་ཏྟཾ ཨུ་ཏྟཱ་ནཱི་ཀ་ཏཾ པ་ཀཱ་སི་ཏ་ནྟི – ཀ་ཐཾ ནུ དྷཱི་རེ་ཧི པ་ཝེ་དི་ཏཾ ཏཾ.
ཏེ་ནཱ་ཧ སོ བྲཱ་ཧྨ་ཎོ –
‘‘ཝི་ནི་ཙྪ་ཡཱ ཡཱ་ནི པ་ཀ་པྤི་ཏཱ་ནི, [ཨི་ཏི མཱ་ག་ཎྜི་ཡོ]
ཏེ ཝེ མུ་ནཱི བྲཱུ་སི ཨ་ནུ་གྒ་ཧཱ་ཡ;
ཨ་ཛ྄ཛྷ་ཏྟ་ས་ནྟཱི་ཏི ཡ་མེ་ཏ་མ་ཏྠཾ, ཀ་ཐཾ ནུ དྷཱི་རེ་ཧི པ་ཝེ་དི་ཏཾ ཏ’’ནྟི.
༧༤. ན དི་ཊྛི་ཡཱ ན སུ་ཏི་ཡཱ ན ཉཱ་ཎེ་ན, [མཱ་ག་ཎྜི་ཡཱ་ཏི བྷ་ག་ཝཱ]
སཱི་ལ་བྦ་ཏེ་ནཱ་པི ན སུ་དྡྷི་མཱ་ཧ;
ཨ་དི་ཊྛི་ཡཱ ཨ་སྶུ་ཏི་ཡཱ ཨ་ཉཱ་ཎཱ, ཨ་སཱི་ལ་ཏཱ ཨ་བྦ་ཏཱ ནོ་པི ཏེ་ན;
ཨེ་ཏེ ཙ ནི་སྶ་ཛྫ ཨ་ནུ་གྒ་ཧཱ་ཡ, ས་ནྟོ ཨ་ནི་སྶཱ་ཡ བྷ་ཝཾ ན ཛ་པྤེ.
ན དི་ཊྛི་ཡཱ ན སུ་ཏི་ཡཱ ན ཉཱ་ཎེ་ནཱཏི. དི་ཊྛེ་ནཱ་པི སུ་དྡྷིཾ ཝི་སུ་དྡྷིཾ པ་རི་སུ་དྡྷིཾ, མུ་ཏྟིཾ ཝི་མུ་ཏྟིཾ པ་རི་མུ་ཏྟིཾ ནཱ་ཧ ན ཀ་ཐེ་སི ན བྷ་ཎ་སི ན དཱི་པ་ཡ་སི ན ཝོ་ཧ་ར་སི; སུ་ཏེ་ནཱ་པི སུ་དྡྷིཾ ཝི་སུ་དྡྷིཾ པ་རི་སུ་དྡྷིཾ, མུ་ཏྟིཾ ཝི་མུ་ཏྟིཾ པ་རི་མུ་ཏྟིཾ ནཱ་ཧ ན ཀ་ཐེ་སི ན བྷ་ཎ་སི ན དཱི་པ་ཡ་སི ན ཝོ་ཧ་ར་སི; དི་ཊྛ་སུ་ཏེ་ནཱ་པི སུ་དྡྷིཾ ཝི་སུ་དྡྷིཾ པ་རི་སུ་དྡྷིཾ, མུ་ཏྟིཾ ཝི་མུ་ཏྟིཾ པ་རི་མུ་ཏྟིཾ ནཱ་ཧ ན ཀ་ཐེ་སི ན བྷ་ཎ་སི ན དཱི་པ་ཡ་སི ན ཝོ་ཧ་ར་སི; ཉཱ་ཎེ་ནཱ་པི སུ་དྡྷིཾ ཝི་སུ་དྡྷིཾ པ་རི་སུ་དྡྷིཾ, མུ་ཏྟིཾ ཝི་མུ་ཏྟིཾ པ་རི་མུ་ཏྟིཾ ནཱ་ཧ ན ཀ་ཐེ་སི ན བྷ་ཎ་སི ན དཱི་པ་ཡ་སི ན ཝོ་ཧ་ར་སཱི་ཏི – ན དི་ཊྛི་ཡཱ ན སུ་ཏི་ཡཱ ན ཉཱ་ཎེ་ན.
མཱ་ག་ཎྜི་ཡཱཏི བྷ་ག་ཝཱ ཏཾ བྲཱ་ཧྨ་ཎཾ ནཱ་མེ་ན ཨཱ་ལ་པ་ཏི. བྷ་ག་ཝཱཏི གཱ་ར་ཝཱ་དྷི་ཝ་ཙ་ནཾ…པེ… ས་ཙྪི་ཀཱ པ་ཉྙ་ཏྟི ཡ་དི་དཾ བྷ་ག་ཝཱ་ཏི – མཱ་ག་ཎྜི་ཡཱ་ཏི བྷ་ག་ཝཱ.
སཱི་ལ་བྦ་ཏེ་ནཱ་པི ན སུ་དྡྷི་མཱ་ཧཱཏི. སཱི་ལེ་ནཱ་པི སུ་དྡྷིཾ ཝི་སུ་དྡྷིཾ པ་རི་སུ་དྡྷིཾ, མུ་ཏྟིཾ ཝི་མུ་ཏྟིཾ པ་རི་མུ་ཏྟིཾ ནཱ་ཧ ན ཀ་ཐེ་སི ན བྷ་ཎ་སི ན དཱི་པ་ཡ་སི ན ཝོ་ཧ་ར་སི; ཝ་ཏེ་ནཱ་པི སུ་དྡྷིཾ ཝི་སུ་དྡྷིཾ པ་རི་སུ་དྡྷིཾ, མུ་ཏྟིཾ ཝི་མུ་ཏྟིཾ པ་རི་མུ་ཏྟིཾ ནཱ་ཧ ན ཀ་ཐེ་སི ན བྷ་ཎ་སི ན དཱི་པ་ཡ་སི ན ཝོ་ཧ་ར་སི; སཱི་ལ་བྦ་ཏེ་ནཱ་པི སུ་དྡྷིཾ ཝི་སུ་དྡྷིཾ པ་རི་སུ་དྡྷིཾ, མུ་ཏྟིཾ ཝི་མུ་ཏྟིཾ པ་རི་མུ་ཏྟིཾ ནཱ་ཧ ན ཀ་ཐེ་སི ན བྷ་ཎ་སི ན དཱི་པ་ཡ་སི ན ཝོ་ཧ་ར་སཱི་ཏི – སཱི་ལ་བྦ་ཏེ་ནཱ་པི ན སུ་དྡྷི་མཱ་ཧ.
ཨ་དི་ཊྛི་ཡཱ ཨ་སྶུ་ཏི་ཡཱ ཨ་ཉཱ་ཎཱ, ཨ་སཱི་ལ་ཏཱ ཨ་བྦ་ཏཱ ནོ་པི ཏེ་ནཱཏི. དི་ཊྛི་པི ཨི་ཙྪི་ཏ་བྦཱ. ད་ས་ཝ་ཏྠུ་ཀཱ ས་མྨཱ་དི་ཊྛི – ཨ་ཏྠི དི་ནྣཾ, ཨ་ཏྠི ཡི་ཊྛཾ, ཨ་ཏྠི ཧུ་ཏཾ, ཨ་ཏྠི སུ་ཀ་ཏ་དུ་ཀྐ་ཊཱ་ནཾ [སུ་ཀ་ཊ་དུ་ཀྐ་ཊཱ་ནཾ (སཱི.)] ཀ་མྨཱ་ནཾ ཕ་ལཾ ཝི་པཱ་ཀོ, ཨ་ཏྠི ཨ་ཡཾ ལོ་ཀོ, ཨ་ཏྠི པ་རོ ལོ་ཀོ, ཨ་ཏྠི མཱ་ཏཱ, ཨ་ཏྠི པི་ཏཱ, ཨ་ཏྠི ས་ཏྟཱ ཨོ་པ་པཱ་ཏི་ཀཱ, ཨ་ཏྠི ལོ་ཀེ ས་མ་ཎ་བྲཱ་ཧྨ་ཎཱ ས་མྨ་གྒ་ཏཱ [ས་མ་གྒ་ཏཱ (ཀ.)] ས་མྨཱ་པ་ཊི་པ་ནྣཱ ཡེ ཨི་མ་ཉྩ ལོ་ཀཾ པ་ར་ཉྩ ལོ་ཀཾ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ པ་ཝེ་དེ་ནྟཱི་ཏི; ས་ཝ་ན་མྤི ཨི་ཙྪི་ཏ་བྦཾ – པ་ར་ཏོ གྷོ་སོ, སུ་ཏྟཾ, གེ་ཡྻཾ, ཝེ་ཡྻཱ་ཀ་ར་ཎཾ, གཱ་ཐཱ, ཨུ་དཱ་ནཾ, ཨི་ཏི་ཝུ་ཏྟ་ཀཾ, ཛཱ་ཏ་ཀཾ, ཨ་བྦྷུ་ཏ་དྷ་མྨཾ, ཝེ་ད་ལླཾ; ཉཱ་ཎ་མྤི ཨི་ཙྪི་ཏ་བྦཾ – ཀ་མྨ་སྶ་ཀ་ཏ་ཉཱ་ཎཾ, ས་ཙྩཱ་ནུ་ལོ་མི་ཀ་ཉཱ་ཎཾ [ཀ་མྨ་སྶ་ཀ་ཏཾ ཉཱ་ཎཾ ས་ཙྩཱ་ནུ་ལོ་མི་ཀཾ ཉཱ་ཎཾ (སཱི. ཀ.) ཉཱ་ཎ་ཝི་བྷ་ངྒེ་པི], ཨ་བྷི་ཉྙཱ་ཉཱ་ཎཾ, ས་མཱ་པ་ཏྟི་ཉཱ་ཎཾ; སཱི་ལ་མྤི ཨི་ཙྪི་ཏ་བྦཾ – པཱ་ཏི་མོ་ཀྑ་སཾ་ཝ་རོ; ཝ་ཏ་མྤི ཨི་ཙྪི་ཏ་བྦཾ – ཨ་ཊྛ དྷུ་ཏ་ངྒཱ་ནི – ཨཱ་ར་ཉྙི་ཀ་ངྒཾ, པི་ཎྜ་པཱ་ཏི་ཀ་ངྒཾ, པཾ་སུ་ཀཱུ་ལི་ཀ་ངྒཾ, ཏེ་ཙཱི་ཝ་རི་ཀ་ངྒ, ས་པ་དཱ་ན་ཙཱ་རི་ཀ་ངྒཾ, ཁ་ལུ་པ་ཙྪཱ་བྷ་ཏྟི་ཀ་ངྒཾ, ནེ་ས་ཛྫི་ཀ་ངྒཾ, ཡ་ཐཱ་ས་ནྠ་ཏི་ཀ་ངྒ་ནྟི.
ཨ་དི་ཊྛི་ཡཱ ཨ་སྶུ་ཏི་ཡཱ ཨ་ཉཱ་ཎཱ, ཨ་སཱི་ལ་ཏཱ ཨ་བྦ་ཏཱ ནོ་པི ཏེ་ནཱཏི. ནཱ་པི ས་མྨཱ་དི་ཊྛི་མ་ཏྟེ་ན, ནཱ་པི ས་ཝ་ན་མ་ཏྟེ་ན, ནཱ་པི ཉཱ་ཎ་མ་ཏྟེ་ན, ནཱ་པི སཱི་ལ་མ་ཏྟེ་ན, ནཱ་པི ཝ་ཏ་མ་ཏྟེ་ན ཨ་ཛ྄ཛྷ་ཏྟ་ས་ནྟིཾ པ་ཏྟོ ཧོ་ཏི, ནཱ་པི ཝི་ནཱ ཨེ་ཏེ་ཧི དྷ་མྨེ་ཧི ཨ་ཛ྄ཛྷ་ཏྟ་ས་ནྟིཾ པཱ་པུ་ཎཱ་ཏི. ཨ་པི ཙ ས་མྦྷཱ་རཱ ཨི་མེ དྷ་མྨཱ ཧོ་ནྟི ཨ་ཛ྄ཛྷ་ཏྟ་ས་ནྟིཾ པཱ་པུ་ཎི་ཏུཾ ཨ་དྷི་ག་ནྟུཾ ཕ་སྶི་ཏུཾ ས་ཙྪི་ཀཱ་ཏུ་ནྟི – ཨ་དི་ཊྛི་ཡཱ ཨ་སྶུ་ཏི་ཡཱ ཨ་ཉཱ་ཎཱ ཨ་སཱི་ལ་ཏཱ ཨ་བྦ་ཏཱ ནོ་པི ཏེ་ན.
ཨེ་ཏེ ཙ ནི་སྶ་ཛྫ ཨ་ནུ་གྒ་ཧཱ་ཡཱཏི. ཨེ་ཏེཏི ཀ་ཎྷ་པ་ཀྑི་ཀཱ་ནཾ དྷ་མྨཱ་ནཾ ས་མུ་གྒྷཱ་ཏ་ཏོ པ་ཧཱ་ནཾ ཨི་ཙྪི་ཏ་བྦཾ, ཏེ་དྷཱ་ཏུ་ཀེ་སུ ཀུ་ས་ལེ་སུ དྷ་མྨེ་སུ ཨ་ཏ་མྨ་ཡ་ཏཱ [ཨ་ཀ་མྨ་ཡ་ཏཱ (སཱི. ཀ.)] ཨི་ཙྪི་ཏ་བྦཱ, ཡ་ཏོ ཀ་ཎྷ་པ་ཀྑི་ཡཱ དྷ་མྨཱ ས་མུ་གྒྷཱ་ཏ་པ་ཧཱ་ནེ་ན པ་ཧཱི་ནཱ ཧོ་ནྟི ཨུ་ཙྪི་ནྣ་མཱུ་ལཱ ཏཱ་ལཱ་ཝ་ཏྠུ་ཀ་ཏཱ ཨ་ན་བྷཱ་ཝཾ་ཀ་ཏཱ ཨཱ་ཡ་ཏིཾ ཨ་ནུ་པྤཱ་ད་དྷ་མྨཱ, ཏེ་དྷཱ་ཏུ་ཀེ་སུ ཙ ཀུ་ས་ལེ་སུ དྷ་མྨེ་སུ ཨ་ཏ་མྨ་ཡ་ཏཱ ཧོ་ཏི, ཨེ་ཏྟཱ་ཝ་ཏཱ་པི ན ག་ཎྷཱ་ཏི ན པ་རཱ་མ་ས་ཏི ནཱ་བྷི་ནི་ཝི་ས་ཏི. ཨ་ཐ ཝཱ ན ག་ཎྷི་ཏ་བྦཱ ན པ་རཱ་མ་སི་ཏ་བྦཱ ནཱ་བྷི་ནི་ཝི་སི་ཏ་བྦཱ་ཏི. ཨེ་ཝ་མྤི ཨེ་ཏེ ཙ ནི་སྶ་ཛྫ ཨ་ནུ་གྒ་ཧཱ་ཡ. ཡ་ཏོ ཏ་ཎྷཱ ཙ དི་ཊྛི ཙ མཱ་ནོ ཙ པ་ཧཱི་ནཱ ཧོ་ནྟི ཨུ་ཙྪི་ནྣ་མཱུ་ལཱ ཏཱ་ལཱ་ཝ་ཏྠུ་ཀ་ཏཱ ཨ་ན་བྷཱ་ཝཾ་ཀ་ཏཱ ཨཱ་ཡ་ཏིཾ ཨ་ནུ་པྤཱ་ད་དྷ་མྨཱ་ཏི, ཨེ་ཏྟཱ་ཝ་ཏཱ་པི ན ག་ཎྷཱ་ཏི ན པ་རཱ་མ་ས་ཏི ནཱ་བྷི་ནི་ཝི་ས་ཏཱི་ཏི. ཨེ་ཝ་མྤི ཨེ་ཏེ ཙ ནི་སྶ་ཛྫ ཨ་ནུ་གྒ་ཧཱ་ཡ.
ཡ་ཏོ པུ་ཉྙཱ་བྷི་ས་ངྑཱ་རོ ཙ ཨ་པུ་ཉྙཱ་བྷི་ས་ངྑཱ་རོ ཙ ཨཱ་ནེ་ཉྫཱ་བྷི་ས་ངྑཱ་རོ ཙ པ་ཧཱི་ནཱ ཧོ་ནྟི ཨུ་ཙྪི་ནྣ་མཱུ་ལཱ ཏཱ་ལཱ་ཝ་ཏྠུ་ཀ་ཏཱ ཨ་ན་བྷཱ་ཝཾ་ཀ་ཏཱ ཨཱ་ཡ་ཏིཾ ཨ་ནུ་པྤཱ་ད་དྷ་མྨཱ་ཏི, ཨེ་ཏྟཱ་ཝ་ཏཱ་པི ན ག་ཎྷཱ་ཏི ན པ་རཱ་མ་ས་ཏི ནཱ་བྷི་ནི་ཝི་ས་ཏཱི་ཏི. ཨེ་ཝ་མྤི ཨེ་ཏེ ཙ ནི་སྶ་ཛྫ ཨ་ནུ་གྒ་ཧཱ་ཡ.
ས་ནྟོ ཨ་ནི་སྶཱ་ཡ བྷ་ཝཾ ན ཛ་པྤེཏི. ས་ནྟོཏི རཱ་ག་སྶ ས་མི་ཏ་ཏྟཱ ས་ནྟོ, དོ་ས་སྶ ས་མི་ཏ་ཏྟཱ ས་ནྟོ, མོ་ཧ་སྶ ས་མི་ཏ་ཏྟཱ ས་ནྟོ, ཀོ་དྷ་སྶ… ཨུ་པ་ནཱ་ཧ་སྶ… མ་ཀྑ་སྶ… པ་ལཱ༹་ས་སྶ… ཨི་སྶཱ་ཡ… མ་ཙྪ་རི་ཡ་སྶ… མཱ་ཡཱ་ཡ… སཱ་ཋེ་ཡྻ་སྶ… ཐ་མྦྷ་སྶ… སཱ་ར་མྦྷ་སྶ… མཱ་ན་སྶ… ཨ་ཏི་མཱ་ན་སྶ… མ་ད་སྶ… པ་མཱ་ད་སྶ… ས་བྦ་ཀི་ལེ་སཱ་ནཾ… ས་བྦ་དུ་ཙྩ་རི་ཏཱ་ནཾ… ས་བྦ་ད་ར་ཐཱ་ནཾ… ས་བྦ་པ་རི་ལཱ༹་ཧཱ་ནཾ… ས་བྦ་ས་ནྟཱ་པཱ་ནཾ… ས་བྦཱ་ཀུ་ས་ལཱ་བྷི་ས་ངྑཱ་རཱ་ནཾ ས་ནྟ་ཏྟཱ ས་མི་ཏ་ཏྟཱ ཝཱུ་པ་ས་མི་ཏ་ཏྟཱ ཝི་ཛ྄ཛྷཱ་ཏ་ཏྟཱ ནི་བྦུ་ཏ་ཏྟཱ ཝི་ག་ཏ་ཏྟཱ པ་ཊི་པ་སྶ་དྡྷ་ཏྟཱ ས་ནྟོ ཨུ་པ་ས་ནྟོ ཝཱུ་པ་ས་ནྟོ ནི་བྦུ་ཏོ པ་ཊི་པ་སྶ་དྡྷོ་ཏི – ས་ནྟོ.
ཨ་ནི་སྶཱ་ཡཱཏི དྭེ ནི་སྶ་ཡཱ – ཏ་ཎྷཱ་ནི་སྶ་ཡོ ཙ དི་ཊྛི་ནི་སྶ་ཡོ ཙ…པེ… ཨ་ཡཾ ཏ་ཎྷཱ་ནི་སྶ་ཡོ…པེ… ཨ་ཡཾ དི་ཊྛི་ནི་སྶ་ཡོ. ཏ་ཎྷཱ་ནི་སྶ་ཡཾ པ་ཧཱ་ཡ དི་ཊྛི་ནི་སྶ་ཡཾ པ་ཊི་ནི་སྶ་ཛྫི་ཏྭཱ ཙ་ཀྑུཾ ཨ་ནི་སྶཱ་ཡ, སོ་ཏཾ ཨ་ནི་སྶཱ་ཡ, གྷཱ་ནཾ ཨ་ནི་སྶཱ་ཡ, ཛི་ཝ྄ཧཾ ཨ་ནི་སྶཱ་ཡ, ཀཱ་ཡཾ ཨ་ནི་སྶཱ་ཡ, མ་ནཾ ཨ་ནི་སྶཱ་ཡ, རཱུ་པེ… ས་དྡེ… ག་ནྡྷེ… ར་སེ… ཕོ་ཊྛ་བྦེ… ཀུ་ལཾ… ག་ཎཾ… ཨཱ་ཝཱ་སཾ… ལཱ་བྷཾ… ཡ་སཾ… པ་སཾ་སཾ… སུ་ཁཾ… ཙཱི་ཝ་རཾ… པི་ཎྜ་པཱ་ཏཾ… སེ་ནཱ་ས་ནཾ… གི་ལཱ་ན་པ་ཙྩ་ཡ་བྷེ་ས་ཛྫ་པ་རི་ཀྑཱ་རཾ… ཀཱ་མ་དྷཱ་ཏུཾ… རཱུ་པ་དྷཱ་ཏུཾ… ཨ་རཱུ་པ་དྷཱ་ཏུཾ… ཀཱ་མ་བྷ་ཝཾ… རཱུ་པ་བྷ་ཝཾ… ཨ་རཱུ་པ་བྷ་ཝཾ… ས་ཉྙཱ་བྷ་ཝཾ… ཨ་ས་ཉྙཱ་བྷ་ཝཾ… ནེ་ཝ་ས་ཉྙཱ་ནཱ་ས་ཉྙཱ་བྷ་ཝཾ… ཨེ་ཀ་ཝོ་ཀཱ་ར་བྷ་ཝཾ… ཙ་ཏུ་ཝོ་ཀཱ་ར་བྷ་ཝཾ… པ་ཉྩ་ཝོ་ཀཱ་ར་བྷ་ཝཾ… ཨ་ཏཱི་ཏཾ… ཨ་ནཱ་ག་ཏཾ… པ་ཙྩུ་པྤ་ནྣཾ… དི་ཊྛ་སུ་ཏ་མུ་ཏ་ཝི་ཉྙཱ་ཏ་བྦེ དྷ་མྨེ ཨ་ནི་སྶཱ་ཡ ཨ་གྒ་ཎྷི་ཏྭཱ ཨ་པ་རཱ་མ་སི་ཏྭཱ ཨ་ན་བྷི་ནི་ཝི་སི་ཏྭཱ་ཏི – ས་ནྟོ ཨ་ནི་སྶཱ་ཡ. བྷ་ཝཾ ན ཛ་པྤེཏི ཀཱ་མ་བྷ་ཝཾ ན ཛ་པྤེ་ཡྻ, རཱུ་པ་བྷ་ཝཾ ན ཛ་པྤེ་ཡྻ, ཨ་རཱུ་པ་བྷ་ཝཾ ན ཛ་པྤེ་ཡྻ ན་པྤ་ཛ་པྤེ་ཡྻ ན ཨ་བྷི་ཛ་པྤེ་ཡྻཱ་ཏི – ས་ནྟོ ཨ་ནི་སྶཱ་ཡ བྷ་ཝཾ ན ཛ་པྤེ.
ཏེ་ནཱ་ཧ བྷ་ག་ཝཱ –
‘‘ན དི་ཊྛི་ཡཱ ན སུ་ཏི་ཡཱ ན ཉཱ་ཎེ་ན, [མཱ་ག་ཎྜི་ཡཱ་ཏི བྷ་ག་ཝཱ]
སཱི་ལ་བྦ་ཏེ་ནཱ་པི ན སུ་དྡྷི་མཱ་ཧ;
ཨ་དི་ཊྛི་ཡཱ ཨ་སྶུ་ཏི་ཡཱ ཨ་ཉཱ་ཎཱ, ཨ་སཱི་ལ་ཏཱ ཨ་བྦ་ཏཱ ནོ་པི ཏེ་ན;
ཨེ་ཏེ ཙ ནི་སྶ་ཛྫ ཨ་ནུ་གྒ་ཧཱ་ཡ, ས་ནྟོ ཨ་ནི་སྶཱ་ཡ བྷ་ཝཾ ན ཛ་པྤེ’’ཏི.
༧༥. ནོ ཙེ ཀི་ར དི་ཊྛི་ཡཱ ན སུ་ཏི་ཡཱ ན ཉཱ་ཎེ་ན, [ཨི་ཏི མཱ་ག་ཎྜི་ཡོ]
སཱི་ལ་བྦ་ཏེ་ནཱ་པི ན སུ་དྡྷི་མཱ་ཧ;
ཨ་དི་ཊྛི་ཡཱ ཨ་སྶུ་ཏི་ཡཱ ཨ་ཉཱ་ཎཱ, ཨ་སཱི་ལ་ཏཱ ཨ་བྦ་ཏཱ ནོ་པི ཏེ་ན;
མ་ཉྙཱ་མ་ཧཾ མོ་མུ་ཧ་མེ་ཝ དྷ་མྨཾ, དི་ཊྛི་ཡཱ ཨེ་ཀེ པ་ཙྩེ་ནྟི སུ་དྡྷིཾ.
ནོ ཙེ ཀི་ར དི་ཊྛི་ཡཱ ན སུ་ཏི་ཡཱ ན ཉཱ་ཎེ་ནཱཏི. དི་ཊྛི་ཡཱ་པི སུ་དྡྷིཾ ཝི་སུ་དྡྷིཾ པ་རི་སུ་དྡྷིཾ, མུ་ཏྟིཾ ཝི་མུ་ཏྟིཾ པ་རི་མུ་ཏྟིཾ ནཱ་ཧ ན ཀ་ཐེ་སི ན བྷ་ཎ་སི ན དཱི་པ་ཡ་སི ན ཝོ་ཧ་ར་སི; སུ་ཏེ་ནཱ་པི སུ་དྡྷིཾ ཝི་སུ་དྡྷིཾ པ་རི་སུ་དྡྷིཾ, མུ་ཏྟིཾ ཝི་མུ་ཏྟིཾ པ་རི་མུ་ཏྟིཾ… དི་ཊྛ་སུ་ཏེ་ནཱ་པི སུ་དྡྷིཾ ཝི་སུ་དྡྷིཾ པ་རི་སུ་དྡྷིཾ, མུ་ཏྟིཾ ཝི་མུ་ཏྟིཾ པ་རི་མུ་ཏྟིཾ… ཉཱ་ཎེ་ནཱ་པི སུ་དྡྷིཾ ཝི་སུ་དྡྷིཾ པ་རི་སུ་དྡྷིཾ, མུ་ཏྟིཾ ཝི་མུ་ཏྟིཾ པ་རི་མུ་ཏྟིཾ ནཱ་ཧ ན ཀ་ཐེ་སི ན བྷ་ཎ་སི ན དཱི་པ་ཡ་སི ན ཝོ་ཧ་ར་སཱི་ཏི – ནོ ཙེ ཀི་ར དི་ཊྛི་ཡཱ ན སུ་ཏི་ཡཱ ན ཉཱ་ཎེ་ན.
ཨི་ཏི མཱ་ག་ཎྜི་ཡོཏི ཨི་ཏཱིཏི པ་ད་ས་ནྡྷི…པེ…. མཱ་ག་ཎྜི་ཡོཏི ཏ་སྶ བྲཱ་ཧྨ་ཎ་སྶ ནཱ་མཾ…པེ… ཨི་ཏི མཱ་ག་ཎྜི་ཡོ.
སཱི་ལ་བྦ་ཏེ་ནཱ་པི ན སུ་དྡྷི་མཱ་ཧཱཏི. སཱི་ལེ་ནཱ་པི སུ་དྡྷིཾ ཝི་སུ་དྡྷིཾ པ་རི་སུ་དྡྷིཾ…པེ… ཝ་ཏེ་ནཱ་པི སུ་དྡྷིཾ ཝི་སུ་དྡྷིཾ པ་རི་སུ་དྡྷིཾ…པེ… སཱི་ལ་བྦ་ཏེ་ནཱ་པི སུ་དྡྷིཾ ཝི་སུ་དྡྷིཾ པ་རི་སུ་དྡྷིཾ, མུ་ཏྟིཾ ཝི་མུ་ཏྟིཾ པ་རི་མུ་ཏྟིཾ ནཱ་ཧ ན ཀ་ཐེ་སི ན བྷ་ཎ་སི ན དཱི་པ་ཡ་སི ན ཝོ་ཧ་ར་སཱི་ཏི – སཱི་ལ་བྦ་ཏེ་ནཱ་པི ན སུ་དྡྷི་མཱ་ཧ.
ཨ་དི་ཊྛི་ཡཱ ཨ་སྶུ་ཏི་ཡཱ ཨ་ཉཱ་ཎཱ, ཨ་སཱི་ལ་ཏཱ ཨ་བྦ་ཏཱ ནོ་པི ཏེ་ནཱཏི. དི་ཊྛི་པི ཨི་ཙྪི་ཏ་བྦཱ་ཏི ཨེ་ཝཾ བྷ་ཎ་སི, ས་ཝ་ན་མྤི ཨི་ཙྪི་ཏ་བྦ་ནྟི ཨེ་ཝཾ བྷ་ཎ་སི, ཉཱ་ཎ་མྤི ཨི་ཙྪི་ཏ་བྦ་ནྟི ཨེ་ཝཾ བྷ་ཎ་སི, ན ས་ཀྐོ་སི ཨེ་ཀཾ་སེ་ན ཨ་ནུ་ཛཱ་ནི་ཏུཾ, ན་པི ས་ཀྐོ་སི ཨེ་ཀཾ་སེ་ན པ་ཊི་ཀྑི་པི་ཏུ་ནྟི – ཨ་དི་ཊྛི་ཡཱ ཨ་སྶུ་ཏི་ཡཱ ཨ་ཉཱ་ཎཱ, ཨ་སཱི་ལ་ཏཱ ཨ་བྦ་ཏཱ ནོ་པི ཏེ་ན.
མ་ཉྙཱ་མ་ཧཾ མོ་མུ་ཧ་མེ་ཝ དྷ་མྨནྟི. མོ་མཱུ་ཧ་དྷ་མྨོ ཨ་ཡཾ ཏུ་ཡ྄ཧཾ བཱ་ལ་དྷ་མྨོ མཱུ་ལ༹ྷ་དྷ་མྨོ ཨ་ཉྙཱ་ཎ་དྷ་མྨོ ཨ་མ་རཱ་ཝི་ཀྑེ་པ་དྷ་མྨོ་ཏི ཨེ་ཝཾ མ་ཉྙཱ་མི ཨེ་ཝཾ ཛཱ་ནཱ་མི ཨེ་ཝཾ ཨཱ་ཛཱ་ནཱ་མི ཨེ་ཝཾ ཝི་ཛཱ་ནཱ་མི ཨེ་ཝཾ པ་ཊི་ཝི་ཛཱ་ནཱ་མི ཨེ་ཝཾ པ་ཊི་ཝི་ཛ྄ཛྷཱ་མཱི་ཏི – མ་ཉྙཱ་མ་ཧཾ མོ་མུ་ཧ་མེ་ཝ དྷ་མྨཾ.
དི་ཊྛི་ཡཱ ཨེ་ཀེ པ་ཙྩེ་ནྟི སུ་དྡྷིནྟི. སུ་དྡྷི་དི་ཊྛི་ཡཱ ཨེ་ཀེ ས་མ་ཎ་བྲཱ་ཧྨ་ཎཱ སུ་དྡྷིཾ ཝི་སུ་དྡྷིཾ པ་རི་སུ་དྡྷིཾ, མུ་ཏྟིཾ ཝི་མུ་ཏྟིཾ པ་རི་མུ་ཏྟིཾ པ་ཙྩེ་ནྟི; ‘‘ས་སྶ་ཏོ ལོ་ཀོ, ཨི་ད་མེ་ཝ ས་ཙྩཾ མོ་གྷ་མ་ཉྙ’’ནྟི དི་ཊྛི་ཡཱ ཨེ་ཀེ ས་མ་ཎ་བྲཱ་ཧྨ་ཎཱ སུ་དྡྷིཾ ཝི་སུ་དྡྷིཾ པ་རི་སུ་དྡྷིཾ, མུ་ཏྟིཾ ཝི་མུ་ཏྟིཾ པ་རི་མུ་ཏྟིཾ པ་ཙྩེ་ནྟི; ‘‘ཨ་ས་སྶ་ཏོ ལོ་ཀོ…པེ… ནེ་ཝ ཧོ་ཏི ན ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ, ཨི་ད་མེ་ཝ ས་ཙྩཾ མོ་གྷ་མ་ཉྙ’’ནྟི དི་ཊྛི་ཡཱ ཨེ་ཀེ ས་མ་ཎ་བྲཱ་ཧྨ་ཎཱ སུ་དྡྷིཾ ཝི་སུ་དྡྷིཾ པ་རི་སུ་དྡྷིཾ, མུ་ཏྟིཾ ཝི་མུ་ཏྟིཾ པ་རི་མུ་ཏྟིཾ པ་ཙྩེ་ནྟཱི་ཏི – དི་ཊྛི་ཡཱ ཨེ་ཀེ པ་ཙྩེ་ནྟི སུ་དྡྷིཾ.
ཏེ་ནཱ་ཧ སོ བྲཱ་ཧྨ་ཎོ –
‘‘ནོ ཙེ ཀི་ར དི་ཊྛི་ཡཱ ན སུ་ཏི་ཡཱ ན ཉཱ་ཎེ་ན, [ཨི་ཏི མཱ་ག་ཎྜི་ཡོ]
སཱི་ལ་བྦ་ཏེ་ནཱ་པི ན སུ་དྡྷི་མཱ་ཧ;
ཨ་དི་ཊྛི་ཡཱ ཨ་སྶུ་ཏི་ཡཱ ཨ་ཉཱ་ཎཱ, ཨ་སཱི་ལ་ཏཱ ཨ་བྦ་ཏཱ ནོ་པི ཏེ་ན;
མ་ཉྙཱ་མ་ཧཾ མོ་མུ་ཧ་མེ་ཝ དྷ་མྨཾ, དི་ཊྛི་ཡཱ ཨེ་ཀེ པ་ཙྩེ་ནྟི སུ་དྡྷི’’ནྟི.
༧༦. དི་ཊྛི་ཉྩ [དི་ཊྛཱི་སུ (སཱི. སྱཱ. ཀ.)] ནི་སྶཱ་ཡ་ནུ་པུ་ཙྪ་མཱ་ནོ, [མཱ་ག་ཎྜི་ཡཱ་ཏི བྷ་ག་ཝཱ]
ས་མུ་གྒ་ཧཱི་ཏེ་སུ པ་མོ་ཧ་མཱ་གཱ [ས་མོ་ཧ་མཱ་གཱ (ཀ.)] ;
ཨི་ཏོ ཙ ནཱ་དྡ་ཀྑི ཨ་ཎུ་མྤི ས་ཉྙཾ, ཏ་སྨཱ ཏུ་ཝཾ མོ་མུ་ཧ་ཏོ ད་ཧཱ་སི.
དི་ཊྛི་ཉྩ ནི་སྶཱ་ཡ་ནུ་པུ་ཙྪ་མཱ་ནོཏི. མཱ་ག་ཎྜི་ཡོ བྲཱ་ཧྨ་ཎོ དི་ཊྛིཾ ནི་སྶཱ་ཡ དི་ཊྛིཾ པུ་ཙྪ་ཏི, ལ་གྒ་ནཾ ནི་སྶཱ་ཡ ལ་གྒ་ནཾ པུ་ཙྪ་ཏི, བ་ནྡྷ་ནཾ ནི་སྶཱ་ཡ བ་ནྡྷ་ནཾ པུ་ཙྪ་ཏི, པ་ལི་བོ་དྷཾ ནི་སྶཱ་ཡ པ་ལི་བོ་དྷཾ པུ་ཙྪ་ཏི. ཨ་ནུ་པུ་ཙྪ་མཱ་ནོཏི པུ་ན་པྤུ་ནཾ པུ་ཙྪ་ཏཱི་ཏི – དི་ཊྛི་ཉྩ ནི་སྶཱ་ཡ་ནུ་པུ་ཙྪ་མཱ་ནོ.
མཱ་ག་ཎྜི་ཡཱཏི བྷ་ག་ཝཱ ཏཾ བྲཱ་ཧྨ་ཎཾ ནཱ་མེ་ན ཨཱ་ལ་པ་ཏི. བྷ་ག་ཝཱཏི གཱ་ར་ཝཱ་དྷི་ཝ་ཙ་ནཾ…པེ… ས་ཙྪི་ཀཱ པ་ཉྙ་ཏྟི ཡ་དི་དཾ བྷ་ག་ཝཱ་ཏི – མཱ་ག་ཎྜི་ཡཱ་ཏི བྷ་ག་ཝཱ.
ས་མུ་གྒ་ཧཱི་ཏེ་སུ པ་མོ་ཧ་མཱ་གཱཏི. ཡཱ སཱ དི་ཊྛི ཏ་ཡཱ ག་ཧི་ཏཱ པ་རཱ་མ་ཊྛཱ ཨ་བྷི་ནི་ཝི་ཊྛཱ ཨ་ཛ྄ཛྷོ་སི་ཏཱ ཨ་དྷི་མུ་ཏྟཱ, ཏཱ་ཡེ་ཝ ཏྭཾ དི་ཊྛི་ཡཱ མཱུ་ལ༹ྷོ་སི པ་མཱུ་ལ༹ྷོ་སི ས་མྨཱུ་ལ༹ྷོ་སི མོ་ཧཾ ཨཱ་ག་ཏོ་སི པ་མོ་ཧཾ ཨཱ་ག་ཏོ་སི ས་མྨོ་ཧཾ ཨཱ་ག་ཏོ་སི ཨ་ནྡྷ་ཀཱ་རཾ པ་ཀྑ་ནྡོ་སཱི་ཏི – ས་མུ་གྒ་ཧཱི་ཏེ་སུ པ་མོ་ཧ་མཱ་གཱ.
ཨི་ཏོ ཙ ནཱ་དྡ་ཀྑི ཨ་ཎུ་མྤི ས་ཉྙནྟི. ཨི་ཏོ ཨ་ཛ྄ཛྷ་ཏྟ་ས་ནྟི་ཏོ ཝཱ པ་ཊི་པ་དཱ་ཏོ ཝཱ དྷ་མྨ་དེ་ས་ནཱ་ཏོ ཝཱ, ཡུ་ཏྟ་ས་ཉྙཾ པ་ཏྟ་ས་ཉྙཾ ལ་ཀྑ་ཎ་ས་ཉྙཾ ཀཱ་ར་ཎ་ས་ཉྙཾ ཋཱ་ན་ས་ཉྙཾ ན པ་ཊི་ལ་བྷ་ཏི, ཀུ་ཏོ ཉཱ་ཎ་ནྟི. ཨེ་ཝ་མྤི ཨི་ཏོ ཙ ནཱ་དྡ་ཀྑི ཨ་ཎུ་མྤི ས་ཉྙཾ. ཨ་ཐ ཝཱ ཨ་ནི་ཙྩཾ ཝཱ ཨ་ནི་ཙྩ་ས་ཉྙཱ་ནུ་ལོ་མཾ ཝཱ, དུ་ཀྑཾ ཝཱ དུ་ཀྑ་ས་ཉྙཱ་ནུ་ལོ་མཾ ཝཱ, ཨ་ན་ཏྟཾ ཝཱ ཨ་ན་ཏྟ་ས་ཉྙཱ་ནུ་ལོ་མཾ ཝཱ, ས་ཉྙུ་པྤཱ་ད་མ་ཏྟཾ ཝཱ ས་ཉྫཱ་ནི་ཏ་མ་ཏྟཾ ཝཱ ན པ་ཊི་ལ་བྷ་ཏི, ཀུ་ཏོ ཉཱ་ཎ་ནྟི. ཨེ་ཝ་མྤི ཨི་ཏོ ཙ ནཱ་དྡ་ཀྑི ཨ་ཎུ་མྤི ས་ཉྙཾ.
ཏ་སྨཱ ཏུ་ཝཾ མོ་མུ་ཧ་ཏོ ད་ཧཱ་སཱིཏི. ཏ་སྨཱཏི ཏ་སྨཱ ཏཾ་ཀཱ་ར་ཎཱ ཏཾ་ཧེ་ཏུ ཏ་པྤ་ཙྩ་ཡཱ ཏཾ་ནི་དཱ་ནཱ མོ་མཱུ་ཧ་དྷ་མྨ་ཏོ བཱ་ལ་དྷ་མྨ་ཏོ མཱུ་ལ༹ྷ་དྷ་མྨ་ཏོ ཨ་ཉྙཱ་ཎ་དྷ་མྨ་ཏོ ཨ་མ་རཱ་ཝི་ཀྑེ་པ་དྷ་མྨ་ཏོ ད་ཧཱ་སི པ་སྶ་སི ད་ཀྑ་སི ཨོ་ལོ་ཀེ་སི ནི་ཛ྄ཛྷཱ་ཡ་སི ཨུ་པ་པ་རི་ཀྑ་སཱི་ཏི – ཏ་སྨཱ ཏུ་ཝཾ མོ་མུ་ཧ་ཏོ ད་ཧཱ་སི.
ཏེ་ནཱ་ཧ བྷ་ག་ཝཱ –
‘‘དི་ཊྛི་ཉྩ ནི་སྶཱ་ཡ་ནུ་པུ་ཙྪ་མཱ་ནོ, [མཱ་ག་ཎྜི་ཡཱ་ཏི བྷ་ག་ཝཱ]
ས་མུ་གྒ་ཧཱི་ཏེ་སུ པ་མོ་ཧ་མཱ་གཱ;
ཨི་ཏོ ཙ ནཱ་དྡ་ཀྑི ཨ་ཎུ་མྤི ས་ཉྙཾ, ཏ་སྨཱ ཏུ་ཝཾ མོ་མུ་ཧ་ཏོ ད་ཧཱ་སཱི’’ཏི.
༧༧. ས་མོ ཝི་སེ་སཱི ཨུ་ད ཝཱ ནི་ཧཱི་ནོ, ཡོ མ་ཉྙ་ཏི སོ ཝི་ཝ་དེ་ཐ ཏེ་ན;
ཏཱི་སུ ཝི་དྷཱ་སུ ཨ་ཝི་ཀ་མྤ་མཱ་ནོ, ས་མོ ཝི་སེ་སཱི་ཏི ན ཏ་སྶ ཧོ་ཏི.
ས་མོ ཝི་སེ་སཱི ཨུ་ད ཝཱ ནི་ཧཱི་ནོ, ཡོ མ་ཉྙ་ཏི སོ ཝི་ཝ་དེ་ཐ ཏེ་ནཱཏི. ས་དི་སོ་ཧ་མ་སྨཱི་ཏི ཝཱ སེ་ཡྻོ་ཧ་མ་སྨཱི་ཏི ཝཱ ཧཱི་ནོ་ཧ་མ་སྨཱི་ཏི ཝཱ ཡོ མ་ཉྙ་ཏི, སོ ཏེ་ན མཱ་ནེ་ན ཏཱ་ཡ དི་ཊྛི་ཡཱ ཏེ་ན ཝཱ པུ་གྒ་ལེ་ན ཀ་ལ་ཧཾ ཀ་རེ་ཡྻ བྷ་ཎྜ་ནཾ ཀ་རེ་ཡྻ ཝི་གྒ་ཧཾ ཀ་རེ་ཡྻ ཝི་ཝཱ་དཾ ཀ་རེ་ཡྻ མེ་དྷ་གཾ ཀ་རེ་ཡྻ – ‘‘ན ཏྭཾ ཨི་མཾ དྷ་མྨ་ཝི་ན་ཡཾ ཨཱ་ཛཱ་ནཱ་སི, ཨ་ཧཾ ཨི་མཾ དྷ་མྨ་ཝི་ན་ཡཾ ཨཱ་ཛཱ་ནཱ་མི, ཀིཾ ཏྭཾ ཨི་མཾ དྷ་མྨ་ཝི་ན་ཡཾ ཨཱ་ཛཱ་ནི་སྶ་སི, མི་ཙྪཱ་པ་ཊི་པ་ནྣོ ཏྭ་མ་སི, ཨ་ཧ་མ་སྨི ས་མྨཱ་པ་ཊི་པ་ནྣོ, ས་ཧི་ཏཾ མེ, ཨ་ས་ཧི་ཏཾ ཏེ, པུ་རེ ཝ་ཙ་ནཱི་ཡཾ པ་ཙྪཱ ཨ་ཝ་ཙ, པ་ཙྪཱ ཝ་ཙ་ནཱི་ཡཾ པུ་རེ ཨ་ཝ་ཙ, ཨ་དྷི་ཙི་ཎྞཾ ཏེ ཝི་པ་རཱ་ཝ་ཏྟཾ, ཨཱ་རོ་པི་ཏོ ཏེ ཝཱ་དོ, ནི་གྒ་ཧི་ཏོ ཏྭ་མ་སི, ཙ་ར ཝཱ་ད་པྤ་མོ་ཀྑཱ་ཡ, ནི་བྦེ་ཋེ་ཧི ཝཱ ས་ཙེ པ་ཧོ་སཱི’’ཏི – ས་མོ ཝི་སེ་སཱི ཨུ་ད ཝཱ ནི་ཧཱི་ནོ ཡོ མ་ཉྙ་ཏི སོ ཝི་ཝ་དེ་ཐ ཏེ་ན.
ཏཱི་སུ ཝི་དྷཱ་སུ ཨ་ཝི་ཀ་མྤ་མཱ་ནོ, ས་མོ ཝི་སེ་སཱི་ཏི ན ཏ་སྶ ཧོ་ཏཱིཏི. ཡ་སྶེ་ཏཱ ཏི་སྶོ ཝི་དྷཱ པ་ཧཱི་ནཱ ས་མུ་ཙྪི་ནྣཱ ཝཱུ་པ་ས་ནྟཱ པ་ཊི་པ་སྶ་དྡྷཱ ཨ་བྷ་བྦུ་པྤ་ཏྟི་ཀཱ ཉཱ་ཎ་གྒི་ནཱ ད་ཌྜྷཱ, སོ ཏཱི་སུ ཝི་དྷཱ་སུ ན ཀ་མྤ་ཏི ན ཝི་ཀ་མྤ་ཏི, ཨ་ཝི་ཀ་མྤ་མཱ་ན་སྶ པུ་གྒ་ལ་སྶ ས་དི་སོ་ཧ་མ་སྨཱི་ཏི ཝཱ སེ་ཡྻོ་ཧ་མ་སྨཱི་ཏི ཝཱ ཧཱི་ནོ་ཧ་མ་སྨཱི་ཏི ཝཱ. ན ཏ་སྶ ཧོ་ཏཱིཏི. ན མ་ཡ྄ཧཾ ཧོ་ཏཱི་ཏི ཏཱི་སུ ཝི་དྷཱ་སུ ཨ་ཝི་ཀ་མྤ་མཱ་ནོ, ས་མོ ཝི་སེ་སཱི་ཏི – ན ཏ་སྶ ཧོ་ཏི.
ཏེ་ནཱ་ཧ བྷ་ག་ཝཱ –
‘‘ས་མོ ཝི་སེ་སཱི ཨུ་ད ཝཱ ནི་ཧཱི་ནོ, ཡོ མ་ཉྙ་ཏི སོ ཝི་ཝ་དེ་ཐ ཏེ་ན;
ཏཱི་སུ ཝི་དྷཱ་སུ ཨ་ཝི་ཀ་མྤ་མཱ་ནོ, ས་མོ ཝི་སེ་སཱི་ཏི ན ཏ་སྶ ཧོ་ཏཱི’’ཏི.
༧༨. ས་ཙྩ་ནྟི སོ བྲཱ་ཧྨ་ཎོ ཀིཾ ཝ་དེ་ཡྻ, མུ་སཱ་ཏི ཝཱ སོ ཝི་ཝ་དེ་ཐ ཀེ་ན;
ཡ་སྨིཾ ས་མཾ ཝི་ས་མཾ ཝཱ་པི ན་ཏྠི, ས ཀེ་ན ཝཱ་དཾ པ་ཊི་སཾ་ཡུ་ཛེ་ཡྻ.
ས་ཙྩ་ནྟི སོ བྲཱ་ཧྨ་ཎོ ཀིཾ ཝ་དེ་ཡྻཱཏི. བྲཱ་ཧྨ་ཎོཏི ས་ཏྟ་ནྣཾ དྷ་མྨཱ་ནཾ བཱ་ཧི་ཏ་ཏྟཱ བྲཱ་ཧྨ་ཎོ…པེ… ཨ་སི་ཏོ ཏཱ་དི པ་ཝུ་ཙྩ་ཏེ ས བྲ་ཧྨཱ. ས་ཙྩ་ནྟི སོ བྲཱ་ཧྨ་ཎོ ཀིཾ ཝ་དེ་ཡྻཱཏི. ‘‘ས་སྶ་ཏོ ལོ་ཀོ, ཨི་ད་མེ་ཝ ས་ཙྩཾ མོ་གྷ་མ་ཉྙ’’ནྟི བྲཱ་ཧྨ་ཎོ ཀིཾ ཝ་དེ་ཡྻ ཀིཾ ཀ་ཐེ་ཡྻ ཀིཾ བྷ་ཎེ་ཡྻ ཀིཾ དཱི་པ་ཡེ་ཡྻ ཀིཾ ཝོ་ཧ་རེ་ཡྻ; ‘‘ཨ་ས་སྶ་ཏོ ལོ་ཀོ…པེ… ནེ་ཝ ཧོ་ཏི ན ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ, ཨི་ད་མེ་ཝ ས་ཙྩཾ མོ་གྷ་མ་ཉྙ’’ནྟི བྲཱ་ཧྨ་ཎོ ཀིཾ ཝ་དེ་ཡྻ ཀིཾ ཀ་ཐེ་ཡྻ ཀིཾ བྷ་ཎེ་ཡྻ ཀིཾ དཱི་པ་ཡེ་ཡྻ ཀིཾ ཝོ་ཧ་རེ་ཡྻཱ་ཏི – ས་ཙྩ་ནྟི སོ བྲཱ་ཧྨ་ཎོ ཀིཾ ཝ་དེ་ཡྻ.
མུ་སཱ་ཏི ཝཱ སོ ཝི་ཝ་དེ་ཐ ཀེ་ནཱཏི. བྲཱ་ཧྨ་ཎོ མ་ཡ྄ཧཾ་ཝ ས་ཙྩཾ, ཏུ་ཡ྄ཧཾ མུ་སཱ་ཏི ཀེ་ན མཱ་ནེ་ན, ཀཱ་ཡ དི་ཊྛི་ཡཱ, ཀེ་ན ཝཱ པུ་གྒ་ལེ་ན ཀ་ལ་ཧཾ ཀ་རེ་ཡྻ བྷ་ཎྜ་ནཾ ཀ་རེ་ཡྻ ཝི་གྒ་ཧཾ ཀ་རེ་ཡྻ ཝི་ཝཱ་དཾ ཀ་རེ་ཡྻ མེ་དྷ་གཾ ཀ་རེ་ཡྻ – ‘‘ན ཏྭཾ ཨི་མཾ དྷ་མྨ་ཝི་ན་ཡཾ ཨཱ་ཛཱ་ནཱ་སི…པེ… ནི་བྦེ་ཋེ་ཧི ཝཱ ས་ཙེ པ་ཧོ་སཱི’’ཏི – མུ་སཱ་ཏི ཝཱ སོ ཝི་ཝ་དེ་ཐ ཀེ་ན.
ཡ་སྨིཾ ས་མཾ ཝི་ས་མཾ ཝཱ་པི ན་ཏྠཱིཏི. ཡ་སྨིནྟི ཡ་སྨིཾ པུ་གྒ་ལེ ཨ་ར་ཧ་ནྟེ ཁཱི་ཎཱ་ས་ཝེ ས་དི་སོ་ཧ་མ་སྨཱི་ཏི མཱ་ནོ ན་ཏྠི, སེ་ཡྻོ་ཧ་མ་སྨཱི་ཏི མཱ་ནོ ན་ཏྠི, ཧཱི་ནོ་ཧ་མ་སྨཱི་ཏི ཨོ་མཱ་ནོ ན་ཏྠི ན ས་ནྟི ན སཾ་ཝི་ཛྫ་ཏི ནུ་པ་ལ་བྦྷ་ཏི, པ་ཧཱི་ནཾ ས་མུ་ཙྪི་ནྣཾ ཝཱུ་པ་ས་ནྟཾ པ་ཊི་པ་སྶ་དྡྷཾ ཨ་བྷ་བྦུ་པྤ་ཏྟི་ཀཾ ཉཱ་ཎ་གྒི་ནཱ ད་ཌྜྷ་ནྟི – ཡ་སྨིཾ ས་མཾ ཝི་ས་མཾ ཝཱ་པི ན་ཏྠི.
ས ཀེ་ན ཝཱ་དཾ པ་ཊི་སཾ་ཡུ་ཛེ་ཡྻཱཏི. སོ ཀེ་ན མཱ་ནེ་ན, ཀཱ་ཡ དི་ཊྛི་ཡཱ, ཀེ་ན ཝཱ པུ་གྒ་ལེ་ན ཝཱ་དཾ པ་ཊི་ས་ཉྙོ་ཛེ་ཡྻ པ་ཊི་བ་ལེ་ཡྻ ཀ་ལ་ཧཾ ཀ་རེ་ཡྻ བྷ་ཎྜ་ནཾ ཀ་རེ་ཡྻ ཝི་གྒ་ཧཾ ཀ་རེ་ཡྻ ཝི་ཝཱ་དཾ ཀ་རེ་ཡྻ མེ་དྷ་གཾ ཀ་རེ་ཡྻ – ‘‘ན ཏྭཾ ཨི་མཾ དྷ་མྨ་ཝི་ན་ཡཾ ཨཱ་ཛཱ་ནཱ་སི…པེ… ནི་བྦེ་ཋེ་ཧི ཝཱ ས་ཙེ པ་ཧོ་སཱི’’ཏི – ས ཀེ་ན ཝཱ་དཾ པ་ཊི་སཾ་ཡུ་ཛེ་ཡྻ.
ཏེ་ནཱ་ཧ བྷ་ག་ཝཱ –
‘‘ས་ཙྩ་ནྟི སོ བྲཱ་ཧྨ་ཎོ ཀིཾ ཝ་དེ་ཡྻ, མུ་སཱ་ཏི ཝཱ སོ ཝི་ཝ་དེ་ཐ ཀེ་ན;
ཡ་སྨིཾ ས་མཾ ཝི་ས་མཾ ཝཱ་པི ན་ཏྠི, ས ཀེ་ན ཝཱ་དཾ པ་ཊི་སཾ་ཡུ་ཛེ་ཡྻཱ’’ཏི.
༧༩. ཨོ་ཀཾ པ་ཧཱ་ཡ ཨ་ནི་ཀེ་ཏ་སཱ་རཱི, གཱ་མེ ཨ་ཀུ་བྦཾ མུ་ནི ས་ནྠ་ཝཱ་ནི [ས་ནྡྷ་ཝཱ་ནི (ཀ.)] ;
ཀཱ་མེ་ཧི རི་ཏྟོ ཨ་པུ་རེ་ཀྑ་རཱ་ནོ, ཀ་ཐཾ ན ཝི་གྒ་ཡ྄ཧ ཛ་ནེ་ན ཀ་ཡི་རཱ.
ཨ་ཐ ཁོ ཧཱ་ལི་དྡ་ཀཱ་ནི [ཧ་ལི་དྡ་ཀཱ་ནཱི (སཱི.)] ག་ཧ་པ་ཏི ཡེ་ནཱ་ཡ་སྨཱ མ་ཧཱ་ཀ་ཙྩཱ་ནོ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ ཨཱ་ཡ་སྨ་ནྟཾ མ་ཧཱ་ཀ་ཙྩཱ་ནཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣོ ཁོ ཧཱ་ལི་དྡ་ཀཱ་ནི ག་ཧ་པ་ཏི ཨཱ་ཡ་སྨ་ནྟཾ མ་ཧཱ་ཀ་ཙྩཱ་ནཾ ཨེ་ཏ་ད་ཝོ་ཙ – ‘‘ཝུ་ཏྟ་མི་དཾ བྷ་ནྟེ, ཀ་ཙྩཱ་ན, བྷ་ག་ཝ་ཏཱ ཨ་ཊྛ་ཀ་ཝ་གྒི་ཀེ མཱ་ག་ཎྜི་ཡ་པ་ཉྷེ –
‘‘ཨོ་ཀཾ པ་ཧཱ་ཡ ཨ་ནི་ཀེ་ཏ་སཱ་རཱི, གཱ་མེ ཨ་ཀུ་བྦཾ མུ་ནི ས་ནྠ་ཝཱ་ནི;
ཀཱ་མེ་ཧི རི་ཏྟོ ཨ་པུ་རེ་ཀྑ་རཱ་ནོ, ཀ་ཐཾ ན ཝི་གྒ་ཡ྄ཧ ཛ་ནེ་ན ཀ་ཡི་རཱ’’ཏི.
‘‘ཨི་མ་སྶ ནུ ཁོ བྷ་ནྟེ, ཀ་ཙྩཱ་ན, བྷ་ག་ཝ་ཏཱ ས་ངྑི་ཏྟེ་ན བྷཱ་སི་ཏ་སྶ ཀ་ཐཾ ཝི་ཏྠཱ་རེ་ན ཨ་ཏྠོ ད་ཊྛ་བྦོ’’ཏི?
‘‘རཱུ་པ་དྷཱ་ཏུ ཁོ, ག་ཧ་པ་ཏི, ཝི་ཉྙཱ་ཎ་སྶ ཨོ་ཀོ རཱུ་པ་དྷཱ་ཏུ རཱ་ག་ཝི་ནི་བ་ནྡྷ་ཉྩ [རཱ་ག་ཝི་ནི་བ་དྡྷ་ཉྩ (སཱི.)] པ་ན ཝི་ཉྙཱ་ཎཾ ཨོ་ཀ་སཱ་རཱི་ཏི ཝུ་ཙྩ་ཏི. ཝེ་ད་ནཱ་དྷཱ་ཏུ ཁོ, ག་ཧ་པ་ཏི… ས་ཉྙཱ་དྷཱ་ཏུ ཁོ, ག་ཧ་པ་ཏི… ས་ངྑཱ་ར་དྷཱ་ཏུ ཁོ, ག་ཧ་པ་ཏི, ཝི་ཉྙཱ་ཎ་སྶ ཨོ་ཀོ ས་ངྑཱ་ར་དྷཱ་ཏུ རཱ་ག་ཝི་ནི་བ་ནྡྷ་ཉྩ པ་ན ཝི་ཉྙཱ་ཎཾ ཨོ་ཀ་སཱ་རཱི་ཏི ཝུ་ཙྩ་ཏི. ཨེ་ཝཾ ཁོ, ག་ཧ་པ་ཏི, ཨོ་ཀ་སཱ་རཱི ཧོ་ཏི.
‘‘ཀ་ཐ་ཉྩ, ག་ཧ་པ་ཏི, ཨ་ནོ་ཀ་སཱ་རཱི ཧོ་ཏི? རཱུ་པ་དྷཱ་ཏུ་ཡཱ ཁོ, ག་ཧ་པ་ཏི, ཡོ ཚ་ནྡོ ཡོ རཱ་གོ ཡཱ ན་ནྡཱི ཡཱ ཏ་ཎྷཱ ཡེ ཨུ་པཱ་ཡུ་པཱ་དཱ་ནཱ [ཨུ་པ་ཡུ་པཱ་དཱ་ནཱ (ཀ.)] ཙེ་ཏ་སོ ཨ་དྷི་ཊྛཱ་ནཱ་བྷི་ནི་ཝེ་སཱ་ནུ་ས་ཡཱ ཏེ ཏ་ཐཱ་ག་ཏ་སྶ པ་ཧཱི་ནཱ ཨུ་ཙྪི་ནྣ་མཱུ་ལཱ ཏཱ་ལཱ་ཝ་ཏྠུ་ཀ་ཏཱ ཨ་ན་བྷཱ་ཝཾ་ཀ་ཏཱ ཨཱ་ཡ་ཏིཾ ཨ་ནུ་པྤཱ་ད་དྷ་མྨཱ; ཏ་སྨཱ ཏ་ཐཱ་ག་ཏོ ཨ་ནོ་ཀ་སཱ་རཱི་ཏི ཝུ་ཙྩ་ཏི. ཝེ་ད་ནཱ་དྷཱ་ཏུ་ཡཱ ཁོ, ག་ཧ་པ་ཏི… ས་ཉྙཱ་དྷཱ་ཏུ་ཡཱ ཁོ, ག་ཧ་པ་ཏི… ས་ངྑཱ་ར་དྷཱ་ཏུ་ཡཱ ཁོ, ག་ཧ་པ་ཏི… ཝི་ཉྙཱ་ཎ་དྷཱ་ཏུ་ཡཱ ཁོ, ག་ཧ་པ་ཏི, ཡོ ཚ་ནྡོ ཡོ རཱ་གོ ཡཱ ན་ནྡཱི ཡཱ ཏ་ཎྷཱ ཡེ ཨུ་པཱ་ཡུ་པཱ་དཱ་ནཱ ཙེ་ཏ་སོ ཨ་དྷི་ཊྛཱ་ནཱ་བྷི་ནི་ཝེ་སཱ་ནུ་ས་ཡཱ ཏེ ཏ་ཐཱ་ག་ཏ་སྶ པ་ཧཱི་ནཱ ཨུ་ཙྪི་ནྣ་མཱུ་ལཱ ཏཱ་ལཱ་ཝ་ཏྠུ་ཀ་ཏཱ ཨ་ན་བྷཱ་ཝཾ་ཀ་ཏཱ ཨཱ་ཡ་ཏིཾ ཨ་ནུ་པྤཱ་ད་དྷ་མྨཱ; ཏ་སྨཱ ཏ་ཐཱ་ག་ཏོ ཨ་ནོ་ཀ་སཱ་རཱི་ཏི ཝུ་ཙྩ་ཏི. ཨེ་ཝཾ ཁོ, ག་ཧ་པ་ཏི, ཨ་ནོ་ཀ་སཱ་རཱི ཧོ་ཏི.
‘‘ཀ་ཐ་ཉྩ, ག་ཧ་པ་ཏི, ནི་ཀེ་ཏ་སཱ་རཱི ཧོ་ཏི? རཱུ་པ་ནི་མི་ཏྟ་ནི་ཀེ་ཏ་ཝི་སཱ་ར་ཝི་ནི་བ་ནྡྷཱ ཁོ, ག་ཧ་པ་ཏི, ནི་ཀེ་ཏ་སཱ་རཱི་ཏི ཝུ་ཙྩ་ཏི. ས་དྡ་ནི་མི་ཏྟ… ག་ནྡྷ་ནི་མི་ཏྟ… ར་ས་ནི་མི་ཏྟ… ཕོ་ཊྛ་བྦ་ནི་མི་ཏྟ… དྷ་མྨ་ནི་མི་ཏྟ་ནི་ཀེ་ཏ་ཝི་སཱ་ར་ཝི་ནི་བ་ནྡྷཱ ཁོ, ག་ཧ་པ་ཏི, ནི་ཀེ་ཏ་སཱ་རཱི་ཏི ཝུ་ཙྩ་ཏི. ཨེ་ཝཾ ཁོ, ག་ཧ་པ་ཏི, ནི་ཀེ་ཏ་སཱ་རཱི ཧོ་ཏི.
‘‘ཀ་ཐ་ཉྩ, ག་ཧ་པ་ཏི, ཨ་ནི་ཀེ་ཏ་སཱ་རཱི ཧོ་ཏི? རཱུ་པ་ནི་མི་ཏྟ་ནི་ཀེ་ཏ་ཝི་སཱ་ར་ཝི་ནི་བ་ནྡྷཱ ཁོ, ག་ཧ་པ་ཏི, ཏ་ཐཱ་ག་ཏ་སྶ པ་ཧཱི་ནཱ ཨུ་ཙྪི་ནྣ་མཱུ་ལཱ ཏཱ་ལཱ་ཝ་ཏྠུ་ཀ་ཏཱ ཨ་ན་བྷཱ་ཝཾ་ཀ་ཏཱ ཨཱ་ཡ་ཏིཾ ཨ་ནུ་པྤཱ་ད་དྷ་མྨཱ; ཏ་སྨཱ ཏ་ཐཱ་ག་ཏོ ཨ་ནི་ཀེ་ཏ་སཱ་རཱི་ཏི ཝུ་ཙྩ་ཏི. ས་དྡ་ནི་མི་ཏྟ… ག་ནྡྷ་ནི་མི་ཏྟ… ར་ས་ནི་མི་ཏྟ… ཕོ་ཊྛ་བྦ་ནི་མི་ཏྟ… དྷ་མྨ་ནི་མི་ཏྟ་ནི་ཀེ་ཏ་ཝི་སཱ་ར་ཝི་ནི་བ་ནྡྷཱ ཁོ, ག་ཧ་པ་ཏི, ཏ་ཐཱ་ག་ཏ་སྶ པ་ཧཱི་ནཱ ཨུ་ཙྪི་ནྣ་མཱུ་ལཱ ཏཱ་ལཱ་ཝ་ཏྠུ་ཀ་ཏཱ ཨ་ན་བྷཱ་ཝཾ་ཀ་ཏཱ ཨཱ་ཡ་ཏིཾ ཨ་ནུ་པྤཱ་ད་དྷ་མྨཱ; ཏ་སྨཱ ཏ་ཐཱ་ག་ཏོ ཨ་ནི་ཀེ་ཏ་སཱ་རཱི་ཏི ཝུ་ཙྩ་ཏི. ཨེ་ཝཾ ཁོ, ག་ཧ་པ་ཏི, ཨ་ནི་ཀེ་ཏ་སཱ་རཱི ཧོ་ཏི.
‘‘ཀ་ཐ་ཉྩ, ག་ཧ་པ་ཏི, གཱ་མེ ས་ནྠ་ཝ་ཛཱ་ཏོ ཧོ་ཏི? ཨི་དྷ, ག་ཧ་པ་ཏི, ཨེ་ཀ་ཙྩོ བྷི་ཀྑུ གི་ཧཱི་ཧི སཾ་ས་ཊྛོ ཝི་ཧ་ར་ཏི ས་ཧ་ན་ནྡཱི ས་ཧ་སོ་ཀཱི, སུ་ཁི་ཏེ་སུ སུ་ཁི་ཏོ, དུ་ཀྑི་ཏེ་སུ དུ་ཀྑི་ཏོ, ཨུ་པྤ་ནྣེ་སུ ཀི་ཙྩ་ཀ་ར་ཎཱི་ཡེ་སུ ཨ་ཏྟ་ནཱ ཝོ་ཡོ་གཾ ཨཱ་པ་ཛྫ་ཏི. ཨེ་ཝཾ ཁོ, ག་ཧ་པ་ཏི, གཱ་མེ ས་ནྠ་ཝ་ཛཱ་ཏོ ཧོ་ཏི.
‘‘ཀ་ཐ་ཉྩ, ག་ཧ་པ་ཏི, གཱ་མེ ན ས་ནྠ་ཝ་ཛཱ་ཏོ ཧོ་ཏི? ཨི་དྷ, ག་ཧ་པ་ཏི, ཨེ་ཀ་ཙྩོ བྷི་ཀྑུ གི་ཧཱི་ཧི ཨ་སཾ་ས་ཊྛོ ཝི་ཧ་ར་ཏི ན ས་ཧ་ན་ནྡཱི ན ས་ཧ་སོ་ཀཱི, ན སུ་ཁི་ཏེ་སུ སུ་ཁི་ཏོ, ན དུ་ཀྑི་ཏེ་སུ དུ་ཀྑི་ཏོ, ཨུ་པྤ་ནྣེ་སུ ཀི་ཙྩ་ཀ་ར་ཎཱི་ཡེ་སུ ན ཨ་ཏྟ་ནཱ ཝོ་ཡོ་གཾ ཨཱ་པ་ཛྫ་ཏི. ཨེ་ཝཾ ཁོ, ག་ཧ་པ་ཏི, གཱ་མེ ན ས་ནྠ་ཝ་ཛཱ་ཏོ ཧོ་ཏི.
‘‘ཀ་ཐ་ཉྩ, ག་ཧ་པ་ཏི, ཀཱ་མེ་ཧི ཨ་རི་ཏྟོ ཧོ་ཏི? ཨི་དྷ, ག་ཧ་པ་ཏི, ཨེ་ཀ་ཙྩོ བྷི་ཀྑུ ཀཱ་མེ་སུ ཨ་ཝཱི་ཏ་རཱ་གོ ཧོ་ཏི ཨ་ཝི་ག་ཏ་ཙྪ་ནྡོ ཨ་ཝི་ག་ཏ་པེ་མོ ཨ་ཝི་ག་ཏ་པི་པཱ་སོ ཨ་ཝི་ག་ཏ་པ་རི་ལཱ༹་ཧོ ཨ་ཝི་ག་ཏ་ཏ་ཎྷོ. ཨེ་ཝཾ ཁོ, ག་ཧ་པ་ཏི, ཀཱ་མེ་ཧི ཨ་རི་ཏྟོ ཧོ་ཏི.
‘‘ཀ་ཐ་ཉྩ, ག་ཧ་པ་ཏི, ཀཱ་མེ་ཧི རི་ཏྟོ ཧོ་ཏི? ཨི་དྷ, ག་ཧ་པ་ཏི, ཨེ་ཀ་ཙྩོ བྷི་ཀྑུ ཀཱ་མེ་སུ ཝཱི་ཏ་རཱ་གོ ཧོ་ཏི ཝི་ག་ཏ་ཙྪ་ནྡོ ཝི་ག་ཏ་པེ་མོ ཝི་ག་ཏ་པི་པཱ་སོ ཝི་ག་ཏ་པ་རི་ལཱ༹་ཧོ ཝི་ག་ཏ་ཏ་ཎྷོ. ཨེ་ཝཾ ཁོ, ག་ཧ་པ་ཏི, ཀཱ་མེ་ཧི རི་ཏྟོ ཧོ་ཏི.
‘‘ཀ་ཐ་ཉྩ, ག་ཧ་པ་ཏི, པུ་རེ་ཀྑ་རཱ་ནོ ཧོ་ཏི? ཨི་དྷ, ག་ཧ་པ་ཏི, ཨེ་ཀ་ཙྩ་སྶ བྷི་ཀྑུ་ནོ ཨེ་ཝཾ ཧོ་ཏི – ‘ཨེ་ཝཾ་རཱུ་པོ སི་ཡཾ ཨ་ནཱ་ག་ཏ་མ་དྡྷཱ་ན’ནྟི ཏ་ཏྠ ན་ནྡིཾ ས་མ་ནྣཱ་ནེ་ཏི, ‘ཨེ་ཝཾ་ཝེ་ད་ནོ སི་ཡཾ… ཨེ་ཝཾ་ས་ཉྙོ སི་ཡཾ… ཨེ་ཝཾ་ས་ངྑཱ་རོ སི་ཡཾ… ཨེ་ཝཾ་ཝི་ཉྙཱ་ཎོ སི་ཡཾ ཨ་ནཱ་ག་ཏ་མ་དྡྷཱ་ན’ནྟི ཏ་ཏྠ ན་ནྡིཾ ས་མ་ནྣཱ་ནེ་ཏི. ཨེ་ཝཾ ཁོ, ག་ཧ་པ་ཏི, པུ་རེ་ཀྑ་རཱ་ནོ ཧོ་ཏི.
‘‘ཀ་ཐ་ཉྩ, ག་ཧ་པ་ཏི, ཨ་པུ་རེ་ཀྑ་རཱ་ནོ ཧོ་ཏི? ཨི་དྷ, ག་ཧ་པ་ཏི, ཨེ་ཀ་ཙྩ་སྶ བྷི་ཀྑུ་ནོ ཨེ་ཝཾ ཧོ་ཏི – ‘ཨེ་ཝཾ་རཱུ་པོ སི་ཡཾ ཨ་ནཱ་ག་ཏ་མ་དྡྷཱ་ན’ནྟི ན ཏ་ཏྠ ན་ནྡིཾ ས་མ་ནྣཱ་ནེ་ཏི, ‘ཨེ་ཝཾ་ཝེ་ད་ནོ སི་ཡཾ… ཨེ་ཝཾ་ས་ཉྙོ སི་ཡཾ… ཨེ་ཝཾ་ས་ངྑཱ་རོ སི་ཡཾ… ཨེ་ཝཾ་ཝི་ཉྙཱ་ཎོ སི་ཡཾ ཨ་ནཱ་ག་ཏ་མ་དྡྷཱ་ན’ནྟི ན ཏ་ཏྠ ན་ནྡིཾ ས་མ་ནྣཱ་ནེ་ཏི. ཨེ་ཝཾ ཁོ, ག་ཧ་པ་ཏི, ཨ་པུ་རེ་ཀྑ་རཱ་ནོ ཧོ་ཏི.
‘‘ཀ་ཐ་ཉྩ, ག་ཧ་པ་ཏི, ཀ་ཐཾ ཝི་གྒ་ཡ྄ཧ ཛ་ནེ་ན ཀ་ཏྟཱ ཧོ་ཏི? ཨི་དྷ, ག་ཧ་པ་ཏི, ཨེ་ཀ་ཙྩོ ཨེ་ཝ་རཱུ་པིཾ ཀ་ཐཾ ཀ་ཏྟཱ ཧོ་ཏི – ‘ན ཏྭཾ ཨི་མཾ དྷ་མྨ་ཝི་ན་ཡཾ ཨཱ་ཛཱ་ནཱ་སི, ཨ་ཧཾ ཨི་མཾ དྷ་མྨ་ཝི་ན་ཡཾ ཨཱ་ཛཱ་ནཱ་མི, ཀིཾ ཏྭཾ ཨི་མཾ དྷ་མྨ་ཝི་ན་ཡཾ ཨཱ་ཛཱ་ནི་སྶ་སི, མི་ཙྪཱ་པ་ཊི་པ་ནྣོ ཏྭ་མ་སི, ཨ་ཧ་མ་སྨི ས་མྨཱ་པ་ཊི་པ་ནྣོ, ས་ཧི་ཏཾ མེ, ཨ་ས་ཧི་ཏཾ ཏེ, པུ་རེ ཝ་ཙ་ནཱི་ཡཾ པ་ཙྪཱ ཨ་ཝ་ཙ, པ་ཙྪཱ ཝ་ཙ་ནཱི་ཡཾ པུ་རེ ཨ་ཝ་ཙ, ཨ་དྷི་ཙི་ཎྞཾ ཏེ ཝི་པ་རཱ་ཝ་ཏྟཾ, ཨཱ་རོ་པི་ཏོ ཏེ ཝཱ་དོ, ནི་གྒ་ཧི་ཏོ ཏྭ་མ་སི, ཙ་ར ཝཱ་ད་པྤ་མོ་ཀྑཱ་ཡ, ནི་བྦེ་ཋེ་ཧི ཝཱ ས་ཙེ པ་ཧོ་སཱི’ཏི. ཨེ་ཝཾ ཁོ, ག་ཧ་པ་ཏི, ཀ་ཐཾ ཝི་གྒ་ཡ྄ཧ ཛ་ནེ་ན ཀ་ཏྟཱ ཧོ་ཏི.
‘‘ཀ་ཐ་ཉྩ, ག་ཧ་པ་ཏི, ཀ་ཐཾ ཝི་གྒ་ཡ྄ཧ ཛ་ནེ་ན ན ཀ་ཏྟཱ ཧོ་ཏི? ཨི་དྷ, ག་ཧ་པ་ཏི, ཨེ་ཀ་ཙྩོ ན ཨེ་ཝ་རཱུ་པིཾ ཀ་ཐཾ ཀ་ཏྟཱ ཧོ་ཏི – ‘ན ཏྭཾ ཨི་མཾ དྷ་མྨ་ཝི་ན་ཡཾ ཨཱ་ཛཱ་ནཱ་སི…པེ… ནི་བྦེ་ཋེ་ཧི ཝཱ ས་ཙེ པ་ཧོ་སཱི’ཏི. ཨེ་ཝཾ ཁོ, ག་ཧ་པ་ཏི, ཝི་གྒ་ཡ྄ཧ ཛ་ནེ་ན ན ཀ་ཏྟཱ ཧོ་ཏི. ཨི་ཏི ཁོ, ག་ཧ་པ་ཏི, ཡཾ ཏཾ ཝུ་ཏྟཾ བྷ་ག་ཝ་ཏཱ ཨ་ཊྛ་ཀ་ཝ་གྒི་ཀེ མཱ་ག་ཎྜི་ཡ་པ་ཉྷེ –
‘‘ཨོ་ཀཾ པ་ཧཱ་ཡ ཨ་ནི་ཀེ་ཏ་སཱ་རཱི, གཱ་མེ ཨ་ཀུ་བྦཾ མུ་ནི ས་ནྠ་ཝཱ་ནི;
ཀཱ་མེ་ཧི རི་ཏྟོ ཨ་པུ་རེ་ཀྑ་རཱ་ནོ, ཀ་ཐཾ ན ཝི་གྒ་ཡ྄ཧ ཛ་ནེ་ན ཀ་ཡི་རཱ’’ཏི.
‘‘ཨི་མ་སྶ ཁོ, ག་ཧ་པ་ཏི, བྷ་ག་ཝ་ཏཱ ས་ངྑི་ཏྟེ་ན བྷཱ་སི་ཏ་སྶ ཨེ་ཝཾ ཝི་ཏྠཱ་རེ་ན ཨ་ཏྠོ ད་ཊྛ་བྦོ’’ཏི.
ཏེ་ནཱ་ཧ བྷ་ག་ཝཱ –
‘‘ཨོ་ཀཾ པ་ཧཱ་ཡ ཨ་ནི་ཀེ་ཏ་སཱ་རཱི, གཱ་མེ ཨ་ཀུ་བྦཾ མུ་ནི ས་ནྠ་ཝཱ་ནི;
ཀཱ་མེ་ཧི རི་ཏྟོ ཨ་པུ་རེ་ཀྑ་རཱ་ནོ, ཀ་ཐཾ ན ཝི་གྒ་ཡ྄ཧ ཛ་ནེ་ན ཀ་ཡི་རཱ’’ཏི.
༨༠. ཡེ་ཧི ཝི་ཝི་ཏྟོ ཝི་ཙ་རེ་ཡྻ ལོ་ཀེ, ན ཏཱ་ནི ཨུ་གྒ་ཡ྄ཧ ཝ་དེ་ཡྻ ནཱ་གོ;
ཨེ་ལ་མྦུ་ཛཾ ཀ་ཎྜ་ཀ་ཝཱ་རི་ཛཾ [ཀ་ཎྚ་ཀཾ ཝཱ་རི་ཛཾ (སཱི.)] ཡ་ཐཱ, ཛ་ལེ་ན པ་ངྐེ་ན ཙ་ནཱུ་པ་ལི་ཏྟཾ;
ཨེ་ཝཾ མུ་ནཱི ས་ནྟི་ཝཱ་དོ ཨ་གི་དྡྷོ, ཀཱ་མེ ཙ ལོ་ཀེ ཙ ཨ་ནཱུ་པ་ལི་ཏྟོ.
ཡེ་ཧི ཝི་ཝི་ཏྟོ ཝི་ཙ་རེ་ཡྻ ལོ་ཀེཏི. ཡེ་ཧཱིཏི ཡེ་ཧི དི་ཊྛི་ག་ཏེ་ཧི. ཝི་ཝི་ཏྟོཏི ཀཱ་ཡ་དུ་ཙྩ་རི་ཏེ་ན རི་ཏྟོ ཝི་ཝི་ཏྟོ པ་ཝི་ཝི་ཏྟོ, ཝ་ཙཱི་དུ་ཙྩ་རི་ཏེ་ན… མ་ནོ་དུ་ཙྩ་རི་ཏེ་ན… རཱ་གེ་ན…པེ… ས་བྦཱ་ཀུ་ས་ལཱ་བྷི་ས་ངྑཱ་རེ་ཧི རི་ཏྟོ ཝི་ཝི་ཏྟོ པ་ཝི་ཝི་ཏྟོ. ཝི་ཙ་རེ་ཡྻཱཏི ཝི་ཙ་རེ་ཡྻ ཝི་ཧ་རེ་ཡྻ ཨི་རི་ཡེ་ཡྻ ཝ་ཏྟེ་ཡྻ པཱ་ལེ་ཡྻ ཡ་པེ་ཡྻ ཡཱ་པེ་ཡྻ. ལོ་ཀེཏི མ་ནུ་སྶ་ལོ་ཀེ་ཏི – ཡེ་ཧི ཝི་ཝི་ཏྟོ ཝི་ཙ་རེ་ཡྻ ལོ་ཀེ.
ན ཏཱ་ནི ཨུ་གྒ་ཡ྄ཧ ཝ་དེ་ཡྻ ནཱ་གོཏི. ནཱ་གོཏི ཨཱ་གུཾ ན ཀ་རོ་ཏཱི་ཏི – ནཱ་གོ, ན ག་ཙྪ་ཏཱི་ཏི – ནཱ་གོ, ནཱ་ག་ཙྪ་ཏཱི་ཏི – ནཱ་གོ. ཀ་ཐཾ ཨཱ་གུཾ ན ཀ་རོ་ཏཱི་ཏི – ནཱ་གོ? ཨཱ་གཱུ ཝུ་ཙྩ་ནྟི པཱ་པ་ཀཱ ཨ་ཀུ་ས་ལཱ དྷ་མྨཱ སཾ་ཀི་ལེ་སི་ཀཱ པོ་ནོ་བྷ་ཝི་ཀཱ ས་ད་རཱ དུ་ཀྑ་ཝི་པཱ་ཀཱ ཨཱ་ཡ་ཏིཾ ཛཱ་ཏི་ཛ་རཱ་མ་ར་ཎི་ཡཱ.
ཨཱ་གུཾ ན ཀ་རོ་ཏི ཀི་ཉྩི ལོ་ཀེ, [ས་བྷི་ཡཱ་ཏི བྷ་ག་ཝཱ]
ས་བྦ་ས་ཉྙོ་གེ ཝི་ས་ཛྫ བ་ནྡྷ་ནཱ་ནི;
ས་བྦ་ཏྠ ན ས་ཛྫ་ཏི ཝི་མུ་ཏྟོ, ནཱ་གོ ཏཱ་དཱི པ་ཝུ་ཙྩ་ཏེ ཏ་ཐ་ཏྟཱ.
ཨེ་ཝཾ ཨཱ་གུཾ ན ཀ་རོ་ཏཱི་ཏི – ནཱ་གོ.
ཀ་ཐཾ ན ག་ཙྪ་ཏཱི་ཏི – ནཱ་གོ? ན ཚ་ནྡཱ་ག་ཏིཾ ག་ཙྪ་ཏི, ན དོ་སཱ་ག་ཏིཾ ག་ཙྪ་ཏི, ན མོ་ཧཱ་ག་ཏིཾ ག་ཙྪ་ཏི, ན བྷ་ཡཱ་ག་ཏིཾ ག་ཙྪ་ཏི, ན རཱ་ག་ཝ་སེ་ན ག་ཙྪ་ཏི, ན དོ་ས་ཝ་སེ་ན ག་ཙྪ་ཏི, ན མོ་ཧ་ཝ་སེ་ན ག་ཙྪ་ཏི, ན མཱ་ན་ཝ་སེ་ན ག་ཙྪ་ཏི, ན དི་ཊྛི་ཝ་སེ་ན ག་ཙྪ་ཏི, ན ཨུ་དྡྷ་ཙྩ་ཝ་སེ་ན ག་ཙྪ་ཏི, ན ཝི་ཙི་ཀི་ཙྪཱ་ཝ་སེ་ན ག་ཙྪ་ཏི, ནཱ་ནུ་ས་ཡ་ཝ་སེ་ན ག་ཙྪ་ཏི, ན ཝ་གྒེ་ཧི དྷ་མྨེ་ཧི ཡཱ་ཡ་ཏི ནཱི་ཡ་ཏི ཝུ་ཡ྄ཧ་ཏི སཾ་ཧ་རཱི་ཡ་ཏི. ཨེ་ཝཾ ན ག་ཙྪ་ཏཱི་ཏི – ནཱ་གོ.
ཀ་ཐཾ ནཱ་ག་ཙྪ་ཏཱི་ཏི – ནཱ་གོ? སོ་ཏཱ་པ་ཏྟི་མ་གྒེ་ན ཡེ ཀི་ལེ་སཱ པ་ཧཱི་ནཱ ཏེ ཀི་ལེ་སེ ན པུ་ནེ་ཏི ན པ་ཙྩེ་ཏི ན པ་ཙྩཱ་ག་ཙྪ་ཏི. ས་ཀ་དཱ་གཱ་མི་མ་གྒེ་ན… ཨ་ནཱ་གཱ་མི་མ་གྒེ་ན… ཨ་ར་ཧ་ཏྟ་མ་གྒེ་ན ཡེ ཀི་ལེ་སཱ པ་ཧཱི་ནཱ ཏེ ཀི་ལེ་སེ ན པུ་ནེ་ཏི ན པ་ཙྩེ་ཏི ན པ་ཙྩཱ་ག་ཙྪ་ཏི. ཨེ་ཝཾ ནཱ་ག་ཙྪ་ཏཱི་ཏི – ནཱ་གོ.
ན ཏཱ་ནི ཨུ་གྒ་ཡ྄ཧ ཝ་དེ་ཡྻ ནཱ་གོཏི. ནཱ་གོ ན ཏཱ་ནི དི་ཊྛི་ག་ཏཱ་ནི ག་ཧེ་ཏྭཱ ཨུ་གྒ་ཧེ་ཏྭཱ ག་ཎྷི་ཏྭཱ པ་རཱ་མ་སི་ཏྭཱ ཨ་བྷི་ནི་ཝི་སི་ཏྭཱ ཝ་དེ་ཡྻ ཀ་ཐེ་ཡྻ བྷ་ཎེ་ཡྻ དཱི་པ་ཡེ་ཡྻ ཝོ་ཧ་རེ་ཡྻ; ‘‘ས་སྶ་ཏོ ལོ་ཀོ…པེ… ནེ་ཝ ཧོ་ཏི ན ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ, ཨི་ད་མེ་ཝ ས་ཙྩཾ མོ་གྷ་མ་ཉྙ’’ནྟི ཝ་དེ་ཡྻ ཀ་ཐེ་ཡྻ བྷ་ཎེ་ཡྻ དཱི་པ་ཡེ་ཡྻ ཝོ་ཧ་རེ་ཡྻཱ་ཏི – ན ཏཱ་ནི ཨུ་གྒ་ཡ྄ཧ ཝ་དེ་ཡྻ ནཱ་གོ.
ཨེ་ལ་མྦུ་ཛཾ ཀ་ཎྜ་ཀ་ཝཱ་རི་ཛཾ ཡ་ཐཱ, ཛ་ལེ་ན པ་ངྐེ་ན ཙ་ནཱུ་པ་ལི་ཏྟནྟི. ཨེ་ལཾ ཝུ་ཙྩ་ཏི ཨུ་ད་ཀཾ, ཨ་མྦུ་ཛཾ ཝུ་ཙྩ་ཏི པ་དུ་མཾ, ཀ་ཎྜ་ཀོ ཝུ་ཙྩ་ཏི ཁ་ར་ད་ཎྜོ, ཝཱ་རི ཝུ་ཙྩ་ཏི ཨུ་ད་ཀཾ, ཝཱ་རི་ཛཾ ཝུ་ཙྩ་ཏི པ་དུ་མཾ ཝཱ་རི་ས་མྦྷ་ཝཾ, ཛ་ལཾ ཝུ་ཙྩ་ཏི ཨུ་ད་ཀཾ, པ་ངྐོ ཝུ་ཙྩ་ཏི ཀ་དྡ་མོ. ཡ་ཐཱ པ་དུ་མཾ ཝཱ་རི་ཛཾ ཝཱ་རི་ས་མྦྷ་ཝཾ ཛ་ལེ་ན ཙ པ་ངྐེ་ན ཙ ན ལི་མྤ་ཏི ན པ་ལི་མྤ་ཏི ན ཨུ་པ་ལི་མྤ་ཏི, ཨ་ལི་ཏྟཾ ཨ་སཾ་ལི་ཏྟཾ ཨ་ནུ་པ་ལི་ཏྟ་ནྟི – ཨེ་ལ་མྦུ་ཛཾ ཀ་ཎྜ་ཀ་ཝཱ་རི་ཛཾ ཡ་ཐཱ ཛ་ལེ་ན པ་ངྐེ་ན ཙ་ནཱུ་པ་ལི་ཏྟཾ.
ཨེ་ཝཾ མུ་ནཱི ས་ནྟི་ཝཱ་དོ ཨ་གི་དྡྷོ, ཀཱ་མེ ཙ ལོ་ཀེ ཙ ཨ་ནཱུ་པ་ལི་ཏྟོཏི. ཨེ་ཝནྟི ཨོ་པ་མྨ་སཾ་པ་ཊི་པཱ་ད་ནཾ. མུ་ནཱིཏི. མོ་ནཾ ཝུ་ཙྩ་ཏི ཉཱ་ཎཾ…པེ… ས་ངྒ་ཛཱ་ལ་མ་ཏི་ཙྩ སོ མུ་ནི. ས་ནྟི་ཝཱ་དོཏི ས་ནྟི་ཝཱ་དོ མུ་ནི ཏཱ་ཎ་ཝཱ་དོ ལེ་ཎ་ཝཱ་དོ ས་ར་ཎ་ཝཱ་དོ ཨ་བྷ་ཡ་ཝཱ་དོ ཨ་ཙྩུ་ཏ་ཝཱ་དོ ཨ་མ་ཏ་ཝཱ་དོ ནི་བྦཱ་ན་ཝཱ་དོ་ཏི – ཨེ་ཝཾ མུ་ནི ས་ནྟི་ཝཱ་དོ. ཨ་གི་དྡྷོཏི. གེ་དྷོ ཝུ་ཙྩ་ཏི ཏ་ཎྷཱ. ཡོ རཱ་གོ སཱ་རཱ་གོ…པེ… ཨ་བྷི་ཛ྄ཛྷཱ ལོ་བྷོ ཨ་ཀུ་ས་ལ་མཱུ་ལཾ. ཡ་སྶེ་སོ གེ་དྷོ པ་ཧཱི་ནོ ས་མུ་ཙྪི་ནྣོ ཝཱུ་པ་ས་ནྟོ པ་ཊི་པ་སྶ་དྡྷོ ཨ་བྷ་བྦུ་པྤ་ཏྟི་ཀོ ཉཱ་ཎ་གྒི་ནཱ ད་ཌྜྷོ སོ ཝུ་ཙྩ་ཏི ཨ་གི་དྡྷོ. སོ རཱུ་པེ ཨ་གི་དྡྷོ, ས་དྡེ… ག་ནྡྷེ… ར་སེ… ཕོ་ཊྛ་བྦེ… ཀུ་ལེ… ག་ཎེ… ཨཱ་ཝཱ་སེ… ལཱ་བྷེ… ཡ་སེ… པ་སཾ་སཱ་ཡ… སུ་ཁེ… ཙཱི་ཝ་རེ… པི་ཎྜ་པཱ་ཏེ … སེ་ནཱ་ས་ནེ… གི་ལཱ་ན་པ་ཙྩ་ཡ་བྷེ་ས་ཛྫ་པ་རི་ཀྑཱ་རེ… ཀཱ་མ་དྷཱ་ཏུ་ཡཱ … རཱུ་པ་དྷཱ་ཏུ་ཡཱ… ཨ་རཱུ་པ་དྷཱ་ཏུ་ཡཱ… ཀཱ་མ་བྷ་ཝེ… རཱུ་པ་བྷ་ཝེ… ཨ་རཱུ་པ་བྷ་ཝེ… ས་ཉྙཱ་བྷ་ཝེ… ཨ་ས་ཉྙཱ་བྷ་ཝེ… ནེ་ཝ་ས་ཉྙཱ་ནཱ་ས་ཉྙཱ་བྷ་ཝེ… ཨེ་ཀ་ཝོ་ཀཱ་ར་བྷ་ཝེ… ཙ་ཏུ་ཝོ་ཀཱ་ར་བྷ་ཝེ… པ་ཉྩ་ཝོ་ཀཱ་ར་བྷ་ཝེ… ཨ་ཏཱི་ཏེ… ཨ་ནཱ་ག་ཏེ… པ་ཙྩུ་པྤ་ནྣེ… དི་ཊྛ-སུ་ཏ-མུ་ཏ-ཝི་ཉྙཱ་ཏ་བྦེ་སུ དྷ་མྨེ་སུ ཨ་གི་དྡྷོ ཨ་ག་དྷི་ཏོ ཨ་མུ་ཙྪི་ཏོ ཨ་ན་ཛ྄ཛྷོ་ས་ནྣོ [ཨ་ན་ཛ྄ཛྷཱ་པ་ནྣོ (སཱི.), ཨ་ན་ཛ྄ཛྷོ་པ་ནྣོ (སྱཱ.)], ཝཱི་ཏ་གེ་དྷོ ཝི་ག་ཏ་གེ་དྷོ ཙ་ཏྟ་གེ་དྷོ ཝ་ནྟ་གེ་དྷོ མུ་ཏྟ་གེ་དྷོ པ་ཧཱི་ན་གེ་དྷོ པ་ཊི་ནི་སྶ་ཊྛ་གེ་དྷོ, ཝཱི་ཏ་རཱ་གོ ཝི་ག་ཏ་རཱ་གོ ཙ་ཏྟ་རཱ་གོ ཝ་ནྟ་རཱ་གོ མུ་ཏྟ་རཱ་གོ པ་ཧཱི་ན་རཱ་གོ པ་ཊི་ནི་སྶ་ཊྛ་རཱ་གོ, ནི་ཙྪཱ་ཏོ ནི་བྦུ་ཏོ སཱི་ཏི་བྷཱུ་ཏོ སུ་ཁ་པྤ་ཊི་སཾ་ཝེ་དཱི བྲ་ཧྨ་བྷཱུ་ཏེ་ན ཨ་ཏྟ་ནཱ ཝི་ཧ་ར་ཏཱི་ཏི – ཨེ་ཝཾ མུ་ནི ས་ནྟི་ཝཱ་དོ ཨ་གི་དྡྷོ.
ཀཱ་མེ ཙ ལོ་ཀེ ཙ ཨ་ནཱུ་པ་ལི་ཏྟོཏི. ཀཱ་མཱཏི ཨུ་དཱ་ན་ཏོ དྭེ ཀཱ་མཱ – ཝ་ཏྠུ་ཀཱ་མཱ ཙ ཀི་ལེ་ས་ཀཱ་མཱ ཙ…པེ… ཨི་མེ ཝུ་ཙྩ་ནྟི ཝ་ཏྠུ་ཀཱ་མཱ…པེ… ཨི་མེ ཝུ་ཙྩ་ནྟི ཀི་ལེ་ས་ཀཱ་མཱ. ལོ་ཀེཏི ཨ་པཱ་ཡ་ལོ་ཀེ མ་ནུ་སྶ་ལོ་ཀེ དེ་ཝ་ལོ་ཀེ ཁ་ནྡྷ་ལོ་ཀེ དྷཱ་ཏུ་ལོ་ཀེ ཨཱ་ཡ་ཏ་ན་ལོ་ཀེ. ལེ་པཱཏི དྭེ ལེ་པཱ – ཏ་ཎྷཱ་ལེ་པོ ཙ དི་ཊྛི་ལེ་པོ ཙ…པེ… ཨ་ཡཾ ཏ་ཎྷཱ་ལེ་པོ…པེ… ཨ་ཡཾ དི་ཊྛི་ལེ་པོ. མུ་ནི ཏ་ཎྷཱ་ལེ་པཾ པ་ཧཱ་ཡ དི་ཊྛི་ལེ་པཾ པ་ཊི་ནི་སྶ་ཛྫི་ཏྭཱ ཀཱ་མེ ཙ ལོ་ཀེ ཙ ན ལི་མྤ་ཏི ན པ་ལི་མྤ་ཏི ན ཨུ་པ་ལི་མྤ་ཏི, ཨ་ལི་ཏྟོ ཨ་པ་ལི་ཏྟོ ཨ་ནུ་པ་ལི་ཏྟོ ནི་ཀྑ་ནྟོ ནི་སྶ་ཊོ ཝི་པྤ་མུ་ཏྟོ ཝི་ས་ཉྙུ་ཏྟོ ཝི་མ་རི་ཡཱ་དི་ཀ་ཏེ་ན ཙེ་ཏ་སཱ ཝི་ཧ་ར་ཏཱི་ཏི – ཨེ་ཝཾ མུ་ནཱི ས་ནྟི་ཝཱ་དོ ཨ་གི་དྡྷོ, ཀཱ་མེ ཙ ལོ་ཀེ ཙ ཨ་ནཱུ་པ་ལི་ཏྟོ.
ཏེ་ནཱ་ཧ བྷ་ག་ཝཱ –
‘‘ཡེ་ཧི ཝི་ཝི་ཏྟོ ཝི་ཙ་རེ་ཡྻ ལོ་ཀེ, ན ཏཱ་ནི ཨུ་གྒ་ཡ྄ཧ ཝ་དེ་ཡྻ ནཱ་གོ;
ཨེ་ལ་མྦུ་ཛཾ ཀ་ཎྜ་ཀ་ཝཱ་རི་ཛཾ ཡ་ཐཱ, ཛ་ལེ་ན པ་ངྐེ་ན ཙ་ནཱུ་པ་ལི་ཏྟཾ;
ཨེ་ཝཾ མུ་ནཱི ས་ནྟི་ཝཱ་དོ ཨ་གི་དྡྷོ, ཀཱ་མེ ཙ ལོ་ཀེ ཙ ཨ་ནཱུ་པ་ལི་ཏྟོ’’ཏི.
༨༡. ན ཝེ་ད་གཱུ དི་ཊྛི་ཡཱ [དི་ཊྛི་ཡཱ་ཡ་ཀོ (ཀ. ཨ་ཊྛ.) སུ. ནི. ༨༥༢] ན མུ་ཏི་ཡཱ, ས མཱ་ན་མེ་ཏི ན ཧི ཏ་མྨ་ཡོ སོ;
ན ཀ་མྨུ་ནཱ ནོ་པི སུ་ཏེ་ན ནེ་ཡྻོ, ཨ་ནཱུ་པ་ནཱི་ཏོ ས ནི་ཝེ་ས་ནེ་སུ.
ན ཝེ་ད་གཱུ དི་ཊྛི་ཡཱ ན མུ་ཏི་ཡཱ, ས མཱ་ན་མེ་ཏཱིཏི. ནཱཏི པ་ཊི་ཀྑེ་པོ. ཝེ་ད་གཱུཏི. ཝེ་དོ ཝུ་ཙྩ་ཏི ཙ་ཏཱུ་སུ མ་གྒེ་སུ ཉཱ་ཎཾ, པ་ཉྙཱ པ་ཉྙི་ནྡྲི་ཡཾ པ་ཉྙཱ་བ་ལཾ དྷ་མྨ་ཝི་ཙ་ཡ་ས་མྦོ་ཛ྄ཛྷ་ངྒོ ཝཱི་མཾ་སཱ ཝི་པ་སྶ་ནཱ ས་མྨཱ་དི་ཊྛི. ཏེ་ཧི ཝེ་དེ་ཧི ཛཱ་ཏི་ཛ་རཱ་མ་ར་ཎ་སྶ ཨ་ནྟ་ག་ཏོ ཨ་ནྟ་པྤ་ཏྟོ, ཀོ་ཊི་ག་ཏོ ཀོ་ཊི་པྤ་ཏྟོ, པ་རི་ཡ་ནྟ་ག་ཏོ པ་རི་ཡ་ནྟ་པྤ་ཏྟོ, ཝོ་སཱ་ན་ག་ཏོ ཝོ་སཱ་ན་པྤ་ཏྟོ, ཏཱ་ཎ་ག་ཏོ ཏཱ་ཎ་པྤ་ཏྟོ, ལེ་ཎ་ག་ཏོ ལེ་ཎ་པྤ་ཏྟོ, ས་ར་ཎ་ག་ཏོ ས་ར་ཎ་པྤ་ཏྟོ, ཨ་བྷ་ཡ་ག་ཏོ ཨ་བྷ་ཡ་པྤ་ཏྟོ, ཨ་ཙྩུ་ཏ་ག་ཏོ ཨ་ཙྩུ་ཏ་པྤ་ཏྟོ, ཨ་མ་ཏ་ག་ཏོ ཨ་མ་ཏ་པྤ་ཏྟོ, ནི་བྦཱ་ན་ག་ཏོ ནི་བྦཱ་ན་པྤ་ཏྟོ, ཝེ་དཱ་ནཾ ཝཱ ཨ་ནྟཾ ག་ཏོ་ཏི ཝེ་ད་གཱུ, ཝེ་དེ་ཧི ཝཱ ཨ་ནྟཾ ག་ཏོ་ཏི ཝེ་ད་གཱུ, ས་ཏྟ་ནྣཾ ཝཱ དྷ་མྨཱ་ནཾ ཝི་དི་ཏ་ཏྟཱ ཝེ་ད་གཱུ, ས་ཀྐཱ་ཡ་དི་ཊྛི ཝི་དི་ཏཱ ཧོ་ཏི, ཝི་ཙི་ཀི་ཙྪཱ ཝི་དི་ཏཱ ཧོ་ཏི, སཱི་ལ་བྦ་ཏ་པ་རཱ་མཱ་སོ ཝི་དི་ཏོ ཧོ་ཏི, རཱ་གོ ཝི་དི་ཏོ ཧོ་ཏི, དོ་སོ ཝི་དི་ཏོ ཧོ་ཏི, མོ་ཧོ ཝི་དི་ཏོ ཧོ་ཏི, མཱ་ནོ ཝི་དི་ཏོ ཧོ་ཏི, ཝི་དི་ཏཱ་སྶ ཧོ་ནྟི པཱ་པ་ཀཱ ཨ་ཀུ་ས་ལཱ དྷ་མྨཱ སཾ་ཀི་ལེ་སི་ཀཱ པོ་ནོ་བྷ་ཝི་ཀཱ ས་ད་རཱ དུ་ཀྑ་ཝི་པཱ་ཀཱ ཨཱ་ཡ་ཏིཾ ཛཱ་ཏི་ཛ་རཱ་མ་ར་ཎི་ཡཱ.
ཝེ་དཱ་ནི ཝི་ཙེ་ཡྻ ཀེ་ཝ་ལཱ་ནི, [ས་བྷི་ཡཱ་ཏི བྷ་ག་ཝཱ]
ས་མ་ཎཱ་ནཾ ཡཱ་ནཱི་དྷ་ཏྠི བྲཱ་ཧྨ་ཎཱ་ནཾ;
ས་བྦ་ཝེ་ད་ནཱ་སུ ཝཱི་ཏ་རཱ་གོ, ས་བྦཾ ཝེ་ད་མ་ཏི་ཙྩ ཝེ་ད་གཱུ སོ་ཏི.