༥. སུ་ཀྐ་དྷ་མྨ་སུ་ཏྟཾ

༤༢. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘དྭེ་མེ, བྷི་ཀྑ་ཝེ, སུ་ཀྐཱ དྷ་མྨཱ ལོ་ཀཾ པཱ་ལེ་ནྟི. ཀ་ཏ་མེ དྭེ? ཧི་རཱི [ཧི་རི (སཱི. སྱཱ. ཀཾ. པཱི.)] ཙ, ཨོ་ཏྟ་པྤ་ཉྩ. ཨི་མེ ཙེ, བྷི་ཀྑ་ཝེ, དྭེ སུ་ཀྐཱ དྷ་མྨཱ ལོ་ཀཾ ན པཱ་ལེ་ཡྻུཾ, ན་ཡི་དྷ པ་ཉྙཱ་ཡེ་ཐ མཱ་ཏཱ་ཏི ཝཱ མཱ་ཏུ་ཙྪཱ་ཏི ཝཱ མཱ་ཏུ་ལཱ་ནཱི་ཏི ཝཱ ཨཱ་ཙ་རི་ཡ་བྷ་རི་ཡཱ་ཏི ཝཱ ག་རཱུ་ནཾ དཱ་རཱ་ཏི ཝཱ. ས་མྦྷེ་དཾ ལོ་ཀོ ཨ་ག་མི་སྶ ཡ་ཐཱ ཨ་ཛེ་ལ༹་ཀཱ ཀུ་ཀྐུ་ཊ་སཱུ་ཀ་རཱ སོ་ཎ་སི་ངྒཱ་ལཱ [སོ་ཎ་སི་གཱ་ལཱ (སཱི. སྱཱ. ཀཾ. པཱི.)]. ཡ་སྨཱ ཙ ཁོ, བྷི་ཀྑ་ཝེ, ཨི་མེ དྭེ སུ་ཀྐཱ དྷ་མྨཱ ལོ་ཀཾ པཱ་ལེ་ནྟི ཏ་སྨཱ པ་ཉྙཱ་ཡ་ཏི མཱ་ཏཱ་ཏི ཝཱ མཱ་ཏུ་ཙྪཱ་ཏི ཝཱ མཱ་ཏུ་ལཱ་ནཱི་ཏི ཝཱ ཨཱ་ཙ་རི་ཡ་བྷ་རི་ཡཱ་ཏི ཝཱ ག་རཱུ་ནཾ དཱ་རཱ་ཏི ཝཱ’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘ཡེ་སཾ ཙེ ཧི་རི་ཨོ་ཏྟ་པྤཾ, ས་བྦ་དཱ ཙ ན ཝི་ཛྫ་ཏི;

ཝོ་ཀྐ་ནྟཱ སུ་ཀྐ་མཱུ་ལཱ ཏེ, ཛཱ་ཏི་མ་ར་ཎ་གཱ་མི་ནོ.

‘‘ཡེ་ས་ཉྩ ཧི་རི་ཨོ་ཏྟ་པྤཾ, ས་དཱ ས་མྨཱ ཨུ་པ་ཊྛི་ཏཱ;

ཝི་རཱུ་ལ༹ྷ་བྲ་ཧྨ་ཙ་རི་ཡཱ ཏེ, ས་ནྟོ ཁཱི་ཎ་པུ་ན་བྦྷ་ཝཱ’’ཏི.

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. པ་ཉྩ་མཾ.