༡༡. ཨཱ་པཱ་ཡི་ཀ་སུ་ཏྟཾ

༤༨. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘དྭེ་མེ, བྷི་ཀྑ་ཝེ, ཨཱ་པཱ་ཡི་ཀཱ ནེ་ར་ཡི་ཀཱ ཨི་ད་མ་པྤ་ཧཱ་ཡ. ཀ་ཏ་མེ དྭེ? ཡོ ཙ ཨ་བྲ་ཧྨ་ཙཱ་རཱི བྲ་ཧྨ་ཙཱ་རི་པ་ཊི་ཉྙོ, ཡོ ཙ པ་རི་པུ་ཎྞཾ པ་རི་སུ་དྡྷཾ བྲ་ཧྨ་ཙ་རི་ཡཾ ཙ་ར་ནྟཾ ཨ་མཱུ་ལ་ཀེ་ན ཨ་བྲ་ཧྨ་ཙ་རི་ཡེ་ན ཨ་ནུ་དྡྷཾ་སེ་ཏི. ཨི་མེ ཁོ, བྷི་ཀྑ་ཝེ, དྭེ ཨཱ་པཱ་ཡི་ཀཱ ནེ་ར་ཡི་ཀཱ ཨི་ད་མ་པྤ་ཧཱ་ཡཱ’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘ཨ་བྷཱུ་ཏ་ཝཱ་དཱི ནི་ར་ཡཾ ཨུ་པེ་ཏི, ཡོ ཝཱ་པི ཀ་ཏྭཱ ན ཀ་རོ་མི ཙཱ་ཧ;

ཨུ་བྷོ་པི ཏེ པེ་ཙྩ ས་མཱ བྷ་ཝ་ནྟི, ནི་ཧཱི་ན་ཀ་མྨཱ མ་ནུ་ཛཱ པ་ར་ཏྠ.

‘‘ཀཱ་སཱ་ཝ་ཀ་ཎྛཱ བ་ཧ་ཝོ, པཱ་པ་དྷ་མྨཱ ཨ་ས་ཉྙ་ཏཱ;

པཱ་པཱ པཱ་པེ་ཧི ཀ་མྨེ་ཧི, ནི་ར་ཡཾ ཏེ ཨུ་པ་པ་ཛྫ་རེ.

‘‘སེ་ཡྻོ ཨ་ཡོ་གུ་ལོ༹ བྷུ་ཏྟོ, ཏ་ཏྟོ ཨ་གྒི་སི་ཁཱུ་པ་མོ;

ཡ་ཉྩེ བྷུ་ཉྫེ་ཡྻ དུ་སྶཱི་ལོ, ར་ཊྛ་པི་ཎྜ་མ་ས་ཉྙ་ཏོ’’ཏི.

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. ཨེ་ཀཱ་ད་ས་མཾ.