༨. ས་ངྒྷ་བྷེ་ད་སུ་ཏྟཾ

༡༨. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘ཨེ་ཀ་དྷ་མྨོ, བྷི་ཀྑ་ཝེ, ལོ་ཀེ ཨུ་པྤ་ཛྫ་མཱ་ནོ ཨུ་པྤ་ཛྫ་ཏི བ་ཧུ་ཛ་ནཱ་ཧི་ཏཱ་ཡ བ་ཧུ་ཛ་ནཱ་སུ་ཁཱ་ཡ བ་ཧུ་ནོ ཛ་ན་སྶ ཨ་ན་ཏྠཱ་ཡ ཨ་ཧི་ཏཱ་ཡ དུ་ཀྑཱ་ཡ དེ་ཝ་མ་ནུ་སྶཱ་ནཾ. ཀ་ཏ་མོ ཨེ་ཀ་དྷ་མྨོ? ས་ངྒྷ་བྷེ་དོ. ས་ངྒྷེ ཁོ པ་ན, བྷི་ཀྑ་ཝེ, བྷི་ནྣེ ཨ་ཉྙ་མ་ཉྙཾ བྷ་ཎྜ་ནཱ་ནི ཙེ་ཝ ཧོ་ནྟི, ཨ་ཉྙ་མ་ཉྙཾ པ་རི་བྷཱ་སཱ ཙ ཧོ་ནྟི, ཨ་ཉྙ་མ་ཉྙཾ པ་རི་ཀྑེ་པཱ ཙ ཧོ་ནྟི, ཨ་ཉྙ་མ་ཉྙཾ པ་རི་ཙྩ་ཛ་ནཱ ཙ ཧོ་ནྟི. ཏ་ཏྠ ཨ་པྤ་ས་ནྣཱ ཙེ་ཝ ན་པྤ་སཱི་ད་ནྟི, པ་ས་ནྣཱ་ན་ཉྩ ཨེ་ཀ་ཙྩཱ་ནཾ ཨ་ཉྙ་ཐ་ཏྟཾ ཧོ་ཏཱི’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘ཨཱ་པཱ་ཡི་ཀོ ནེ་ར་ཡི་ཀོ, ཀ་པྤ་ཊྛོ ས་ངྒྷ་བྷེ་ད་ཀོ;

ཝ་གྒཱ་རཱ་མོ ཨ་དྷ་མྨ་ཊྛོ, ཡོ་ག་ཀྑེ་མཱ པ་དྷཾ་ས་ཏི [ཡོ་ག་ཀྑེ་མ་ཏོ དྷཾ་ས་ཏི (སྱཱ. པཱི.), ཡོ་ག་ཀྑེ་མཱ ཝི་མཾ་ས་ཏི (སཱི. ཀ.)];

ས་ངྒྷཾ ས་མ་གྒཾ བྷེ་ཏྭཱ་ན [བྷི་ཏྭཱ་ན (སཱི. ཀ.), བྷི་ནྡི་ཏྭཱ (ཙཱུ་ལ༹་ཝ. ༣༥༤; ཨ. ནི. ༡༠.༣༩)], ཀ་པྤཾ ནི་ར་ཡ་མྷི པ་ཙྩ་ཏཱི’’ཏི.

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. ཨ་ཊྛ་མཾ.