༢. མ་ཉྩ་དཱ་ཡ་ཀ་ཏྠེ་ར་ཨ་པ་དཱ་ནཾ
༡༣. ‘‘ཝི་པ་སྶི་ནོ བྷ་ག་ཝ་ཏོ, ལོ་ཀ་ཛེ་ཊྛ་སྶ ཏཱ་དི་ནོ;
ཨེ་ཀ་མ་ཉྩཾ [ཨེ་ཀཾ ཝེ་ཙྩཾ (སྱཱ.), ཨེ་ཀ་པ་ཙྪཾ (པཱི.)] མ་ཡཱ དི་ནྣཾ, པ་ས་ནྣེ་ན ས་པཱ་ཎི་ནཱ.
༡༤. ‘‘ཧ་ཏྠི་ཡཱ་ནཾ ཨ་སྶ་ཡཱ་ནཾ, དི་བྦ་ཡཱ་ནཾ ས་མ་ཛ྄ཛྷ་གཾ;
ཏེ་ན མ་ཉྩ་ཀ་དཱ་ནེ་ན, པ་ཏྟོ་མྷི ཨཱ་ས་ཝ་ཀྑ་ཡཾ.
༡༥. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ མ་ཉྩ་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, མ་ཉྩ་དཱ་ན་སྶི་དཾ ཕ་ལཾ.
༡༦. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༡༧. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༡༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ མ་ཉྩ་དཱ་ཡ་ཀོ [ཝེ་ཙྩ་ཀ་དཱ་ཡ་ཀོ (སྱཱ.), ས་དྡ་ས་ཉྙི་ཀ་ཝ་གྒེ་པི ཨི་དཾ§ཨ་པ་དཱ་ནཾ དི་སྶ་ཏི] ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
མ་ཉྩ་དཱ་ཡ་ཀ་ཏྠེ་ར་སྶཱ་པ་དཱ་ནཾ དུ་ཏི་ཡཾ.