༩. ན་ལ༹་ཀུ་ཊི་དཱ་ཡ་ཀ་ཏྠེ་ར་ཨ་པ་དཱ་ནཾ

༩༣. ‘‘ཧི་མ་ཝ་ནྟ་སྶཱ་ཝི་དཱུ་རེ, ཧཱ་རི་ཏོ ནཱ་མ པ་བྦ་ཏོ;

ས་ཡ་མྦྷཱུ ནཱ་ར་དོ ནཱ་མ, རུ་ཀྑ་མཱུ་ལེ ཝ་སཱི ཏ་དཱ.

༩༤. ‘‘ན་ལཱ༹་གཱ་རཾ ཀ་རི་ཏྭཱ་ན, ཏི་ཎེ་ན ཚཱ་ད་ཡིཾ ཨ་ཧཾ;

ཙ་ངྐ་མཾ སོ་དྷ་ཡི་ཏྭཱ་ན, ས་ཡ་མྦྷུ་སྶ ཨ་དཱ་ས་ཧཾ.

༩༥. ‘‘ཏེ་ན ཀ་མྨེ་ན སུ་ཀ་ཏེ་ན, ཙེ་ཏ་ནཱ་པ་ཎི་དྷཱི་ཧི ཙ;

ཛ་ཧི་ཏྭཱ མཱ་ནུ་སཾ དེ་ཧཾ, ཏཱ་ཝ་ཏིཾ་ས་མ་ག་ཙྪ་ཧཾ.

༩༦. ‘‘ཏ་ཏྠ མེ སུ་ཀ་ཏཾ བྱ་མྷཾ, ན་ལ༹་ཀུ་ཊི་ཀ་ནི་མྨི་ཏཾ;

ས་ཊྛི་ཡོ་ཛ་ན་མུ་བྦེ་དྷཾ, ཏིཾ་ས་ཡོ་ཛ་ན་ཝི་ཏྠ་ཏཾ.

༩༧. ‘‘ཙ་ཏུ་དྡ་སེ་སུ ཀ་པྤེ་སུ, དེ་ཝ་ལོ་ཀེ ར་མིཾ ཨ་ཧཾ;

ཨེ་ཀ་ས་ཏྟ་ཏི་ཀྑ་ཏྟུ་ཉྩ, དེ་ཝ་ར་ཛྫ་མ་ཀཱ་ར་ཡིཾ.

༩༨. ‘‘ཙ་ཏུ་ཏིཾ་ས་ཏི་ཀྑ་ཏྟུ་ཉྩ, ཙ་ཀྐ་ཝ་ཏྟཱི ཨ་ཧོ་ས་ཧཾ;

པ་དེ་ས་ར་ཛྫཾ ཝི་པུ་ལཾ, ག་ཎ་ནཱ་ཏོ ཨ་ས་ངྑི་ཡཾ.

༩༩. ‘‘དྷ་མྨ་པཱ་སཱ་ད་མཱ་རུ་ཡ྄ཧ, ས་བྦཱ་ཀཱ་ར་ཝ་རཱུ་པ་མཾ;

ཡ་དི་ཙྪ་ཀཱ་ཧཾ ཝི་ཧ་རེ, ས་ཀྱ་པུ་ཏྟ་སྶ སཱ་ས་ནེ.

༡༠༠. ‘‘ཨེ་ཀ་ཏིཾ་སེ ཨི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;

དུ་གྒ་ཏིཾ ནཱ་བྷི་ཛཱ་ནཱ་མི, ན་ལ༹་ཀུ་ཊི་ཡི་དཾ ཕ་ལཾ.

༡༠༡. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.

༡༠༢. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.

༡༠༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ ན་ལ༹་ཀུ་ཊི་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ

ཨ་བྷཱ་སི་ཏྠཱ་ཏི.

ན་ལ༹་ཀུ་ཊི་དཱ་ཡ་ཀ་ཏྠེ་ར་སྶཱ་པ་དཱ་ནཾ ན་ཝ་མཾ.