༥. ཨུ་པ་ཌྜྷ་དུ་སྶ་དཱ་ཡ་ཀ་ཏྠེ་ར་ཨ་པ་དཱ་ནཾ

༣༡. ‘‘པ་དུ་མུ་ཏྟ་ར་བྷ་ག་ཝ་ཏོ, སུ་ཛཱ་ཏོ ནཱ་མ སཱ་ཝ་ཀོ;

པཾ་སུ་ཀཱུ་ལཾ ག་ཝེ་ས་ནྟོ, ས་ངྐཱ་རེ ཙ་ར་ཏེ [ཙ་ར་ཏཱི (སཱི. ཀ.)] ཏ་དཱ.

༣༢. ‘‘ན་ག་རེ ཧཾ་ས་ཝ་ཏི་ཡཱ, པ་རེ་སཾ བྷ་ཏ་ཀོ ཨ་ཧཾ;

ཨུ་པ་ཌྜྷ་དུ་སྶཾ ད་ཏྭཱ་ན, སི་ར་སཱ ཨ་བྷི་ཝཱ་ད་ཡིཾ.

༣༣. ‘‘ཏེ་ན ཀ་མྨེ་ན སུ་ཀ་ཏེ་ན, ཙེ་ཏ་ནཱ་པ་ཎི་དྷཱི་ཧི ཙ;

ཛ་ཧི་ཏྭཱ མཱ་ནུ་སཾ དེ་ཧཾ, ཏཱ་ཝ་ཏིཾ་ས་མ་ག་ཙྪ་ཧཾ.

༣༤. ‘‘ཏེ་ཏྟིཾ་ས་ཀྑ་ཏྟུཾ དེ་ཝི་ནྡོ, དེ་ཝ་ར་ཛྫ་མ་ཀཱ་ར་ཡིཾ;

ས་ཏྟ་ས་ཏྟ་ཏི་ཀྑ་ཏྟུ་ཉྩ, ཙ་ཀྐ་ཝ་ཏྟཱི ཨ་ཧོ་ས་ཧཾ.

༣༥. ‘‘པ་དེ་ས་ར་ཛྫཾ ཝི་པུ་ལཾ, ག་ཎ་ནཱ་ཏོ ཨ་ས་ངྑི་ཡཾ;

ཨུ་པ་ཌྜྷ་དུ་སྶ་དཱ་ནེ་ན, མོ་དཱ་མི ཨ་ཀུ་ཏོ་བྷ་ཡོ.

༣༦. ‘‘ཨི་ཙྪ་མཱ་ནོ ཙ་ཧཾ ཨ་ཛྫ, ས་ཀཱ་ན་ནཾ ས་པ་བྦ་ཏཾ;

ཁོ་མ་དུ་སྶེ་ཧི ཚཱ་དེ་ཡྻཾ, ཨ་ཌྜྷ་དུ་སྶ་སྶི་དཾ ཕ་ལཾ.

༣༧. ‘‘ས་ཏ་ས་ཧ་སྶི་ཏོ ཀ་པྤེ, ཡཾ དཱ་ན་མ་ད་དིཾ ཏ་དཱ;

དུ་གྒ་ཏིཾ ནཱ་བྷི་ཛཱ་ནཱ་མི, ཨ་ཌྜྷ་དུ་སྶ་སྶི་དཾ ཕ་ལཾ.

༣༨. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.

༣༩. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.

༤༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ ཨུ་པ་ཌྜྷ་དུ་སྶ་དཱ་ཡ་ཀོ ཐེ་རོ ཨི་མཱ

གཱ་ཐཱ་ཡོ ཨ་བྷཱ་སི་ཏྠཱ་ཏི.

ཨུ་པ་ཌྜྷ་དུ་སྶ་དཱ་ཡ་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.