༥. པ་ཉྩ་ཧ་ཏྠི་ཡ་ཏྠེ་ར་ཨ་པ་དཱ་ནཾ
༧༧. ‘‘སུ་མེ་དྷོ ནཱ་མ ས་མྦུ་དྡྷོ, ག་ཙྪ་ཏེ ཨ་ནྟ་རཱ་པ་ཎེ;
ཨོ་ཀྑི་ཏྟ་ཙ་ཀྑུ [ཁི་ཏྟ་ཙ་ཀྑུ (ཀ. སཱི. ཀ.)] མི་ཏ་བྷཱ་ཎཱི, ས་ཏི་མཱ སཾ་ཝུ་ཏི་ནྡྲི་ཡོ.
༧༨. ‘‘པ་ཉྩ ཨུ་པྤ་ལ་ཧ་ཏྠཱ་ནི, ཨཱ་ཝེ་ལ༹་ཏྠཾ ཨ་ཧཾ་སུ མེ;
ཏེ་ན བུ་དྡྷཾ ཨ་པཱུ་ཛེ་སིཾ, པ་ས་ནྣོ སེ་ཧི པཱ་ཎི་བྷི.
༧༩. ‘‘ཨཱ་རོ་པི་ཏཱ ཙ ཏེ པུ་པྥཱ, ཚ་ད་ནཾ ཨ་སྶུ ས་ཏྠུ་ནོ;
ས་མཱ་དྷིཾ་སུ [སཾ་སཱ་ཝིཾ་སུ (སཱི.)] མ་ཧཱ་ནཱ་གཾ, སི་སྶཱ ཨཱ་ཙ་རི་ཡཾ ཡ་ཐཱ.
༨༠. ‘‘ཏིཾ་ས་ཀ་པྤ་ས་ཧ་སྶ་མྷི, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༨༡. ‘‘ཨི་ཏོ ཝཱི་ས་ཀ་པྤ་ས་ཏེ, ཨ་ཧེ་སུཾ པ་ཉྩ ཁ་ཏྟི་ཡཱ;
ཧ་ཏྠི་ཡཱ ནཱ་མ ནཱ་མེ་ན, ཙ་ཀྐ་ཝ་ཏྟཱི མ་ཧ་བྦ་ལཱ.
༨༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པ་ཉྩ་ཧ་ཏྠི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པ་ཉྩ་ཧ་ཏྠི་ཡ་ཏྠེ་ར་སྶཱ་པ་དཱ་ནཾ པ་ཉྩ་མཾ.