༨. ཛཱ་ཏི་པུ་པྥི་ཡ་ཏྠེ་ར་ཨ་པ་དཱ་ནཾ
༤༩. ‘‘པ་རི་ནི་བྦུ་ཏེ བྷ་ག་ཝ་ཏི, པ་དུ་མུ་ཏྟ་རེ མ་ཧཱ་ཡ་སེ;
པུ་པྥ་ཝ་ཊཾ་ས་ཀེ ཀ་ཏྭཱ [པུ་པྥ་ཙ་ངྐོ་ཊ་ཀེ ག་ཧེ་ཏྭཱ (སྱཱ.)], ས་རཱི་ར་མ་བྷི་རོ་པ་ཡིཾ.
༥༠. ‘‘ཏ་ཏྠ ཙི་ཏྟཾ པ་སཱ་དེ་ཏྭཱ, ནི་མྨཱ་ནཾ ཨ་ག་མཱ་ས་ཧཾ;
དེ་ཝ་ལོ་ཀ་ག་ཏོ ས་ནྟོ, པུ་ཉྙ་ཀ་མྨཾ ས་རཱ་མ་ཧཾ.
༥༡. ‘‘ཨ་མྦ་རཱ པུ་པྥ་ཝ་སྶོ མེ, ས་བྦ་ཀཱ་ལཾ པ་ཝ་སྶ་ཏི;
སཾ་ས་རཱ་མི མ་ནུ་སྶེ ཙེ [ཝེ (སྱཱ.)], རཱ་ཛཱ ཧོ་མི མ་ཧཱ་ཡ་སོ.
༥༢. ‘‘ཏ་ཧིཾ ཀུ་སུ་མ་ཝ་སྶོ མེ, ཨ་བྷི་ཝ་སྶ་ཏི ས་བྦ་དཱ;
ཏ་སྶེ་ཝ [ཀཱ་ཡེ་སུ (སྱཱ.), ཀཱ་ཡེ་ཝ (པཱི.)] པུ་པྥ་པཱུ་ཛཱ་ཡ, ཝཱ་ཧ་སཱ ས་བྦ་ད་སྶི་ནོ.
༥༣. ‘‘ཨ་ཡཾ པ་ཙྪི་མ་ཀོ མ་ཡ྄ཧཾ, ཙ་རི་མོ ཝ་ཏྟ་ཏེ བྷ་ཝོ;
ཨ་ཛྫཱ་པི པུ་པྥ་ཝ་སྶོ མེ, ཨ་བྷི་ཝ་སྶ་ཏི ས་བྦ་དཱ.
༥༤. ‘‘ས་ཏ་ས་ཧ་སྶི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, དེ་ཧ་པཱུ་ཛཱ་ཡི་དཾ ཕ་ལཾ.
༥༥. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༥༦. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༥༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཛཱ་ཏི་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ
ཨ་བྷཱ་སི་ཏྠཱ་ཏི.
ཛཱ་ཏི་པུ་པྥི་ཡ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.