༣. བི་ལླི་ཡ་ཏྠེ་ར་ཨ་པ་དཱ་ནཾ
༡༥. ‘‘ཙ་ནྡ་བྷཱ་གཱ་ན་དཱི་ཏཱི་རེ, ཨ་སྶ་མོ སུ་ཀ་ཏོ མ་མ;
བི་ལླ་རུ་ཀྑེ་ཧི [བེ་ལུ་ཝ་རུ་ཀྑེ་ཧི (སྱཱ.)] ཨཱ་ཀི་ཎྞོ, ནཱ་ནཱ་དུ་མ་ནི་སེ་ཝི་ཏོ.
༡༦. ‘‘སུ་ག་ནྡྷཾ བེ་ལུ་ཝཾ དི་སྭཱ, བུ་དྡྷ་སེ་ཊྛ་མ་ནུ་སྶ་རིཾ;
ཁཱ་རི་བྷཱ་རཾ པཱུ་ར་ཡི་ཏྭཱ, ཏུ་ཊྛོ སཾ་ཝི་གྒ་མཱ་ན་སོ.
༡༧. ‘‘ཀ་ཀུ་ས་ནྡྷཾ ཨུ་པཱ་ག་མྨ, བི་ལླ་པ་ཀྐ་མ་དཱ་ས་ཧཾ;
པུ་ཉྙ་ཀྑེ་ཏྟ་སྶ ཝཱི་ར་སྶ, ཝི་པྤ་ས་ནྣེ་ན ཙེ་ཏ་སཱ.
༡༨. ‘‘ཨི་མ་སྨིཾ་ཡེ་ཝ ཀ་པྤ་སྨིཾ, ཡཾ ཕ་ལ་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཕ་ལ་དཱ་ན་སྶི་དཾ ཕ་ལཾ.
༡༩. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༢༠. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༢༡. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ བི་ལླི་ཡོ ཐེ་རོ ཨི་མཱ གཱ་ཐཱ་ཡོ
ཨ་བྷཱ་སི་ཏྠཱ་ཏི.
བི་ལླི་ཡ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.