༡. ཝི་བྷཱི་ཏ་ཀ་མི་ཉྫི་ཡ་ཏྠེ་ར་ཨ་པ་དཱ་ནཾ
༡. ‘‘ཀ་ཀུ་ས་ནྡྷོ མ་ཧཱ་ཝཱི་རོ, ས་བྦ་དྷ་མྨཱ་ན པཱ་ར་གཱུ;
ག་ཎ་མྷཱ ཝཱུ་པ་ཀ་ཊྛོ སོ, ཨ་ག་མཱ་སི ཝ་ན་ནྟ་རཾ.
༢. ‘‘བཱི་ཛ་མི་ཉྫཾ ག་ཧེ་ཏྭཱ་ན, ལ་ཏཱ་ཡ ཨཱ་ཝུ་ཎིཾ ཨ་ཧཾ;
བྷ་ག་ཝཱ ཏ་མྷི ས་མ་ཡེ, ཛྷཱ་ཡ་ཏེ པ་བྦ་ཏ་ནྟ་རེ.
༣. ‘‘དི་སྭཱ་ན་ཧཾ དེ་ཝ་དེ་ཝཾ, ཝི་པྤ་ས་ནྣེ་ན ཙེ་ཏ་སཱ;
ད་ཀྑི་ཎེ་ཡྻ་སྶ ཝཱི་ར་སྶ, བཱི་ཛ་མི་ཉྫ་མ་དཱ་ས་ཧཾ.
༤. ‘‘ཨི་མ་སྨིཾ་ཡེ་ཝ ཀ་པྤ་མྷི, ཡཾ མི་ཉྫ་མ་ད་དིཾ [ཕ་ལ་མ་ད་དིཾ (སཱི. པཱི.), བཱི་ཛ་མ་ད་དིཾ (སྱཱ.)] ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བཱི་ཛ་མི་ཉྫ་སྶི་དཾ ཕ་ལཾ.
༥. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ, བྷ་ཝཱ ས་བྦེ ས་མཱུ་ཧ་ཏཱ;
ནཱ་གོ་ཝ བ་ནྡྷ་ནཾ ཚེ་ཏྭཱ, ཝི་ཧ་རཱ་མི ཨ་ནཱ་ས་ཝོ.
༦. ‘‘སྭཱ་ག་ཏཾ ཝ་ཏ མེ ཨཱ་སི, མ་མ བུ་དྡྷ་སྶ ས་ནྟི་ཀེ;
ཏི་སྶོ ཝི་ཛྫཱ ཨ་ནུ་པྤ་ཏྟཱ, ཀ་ཏཾ བུ་དྡྷ་སྶ སཱ་ས་ནཾ.
༧. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཝི་བྷཱི་ཏ་ཀ་མི་ཉྫི་ཡོ [ཝི་བྷེ་ད་ཀ… (སྱཱ. ཀ.)] ཐེ་རོ ཨི་མཱ
གཱ་ཐཱ་ཡོ ཨ་བྷཱ་སི་ཏྠཱ་ཏི.
ཝི་བྷཱི་ཏ་ཀ་མི་ཉྫི་ཡ་ཏྠེ་ར་སྶཱ་པ་དཱ་ནཾ པ་ཋ་མཾ.