༦. ཨེ་ཀ་དཱི་པི་ཡ་ཏྠེ་ར་ཨ་པ་དཱ་ནཾ
༡༢༤. ‘‘པ་རི་ནི་བྦུ་ཏེ སུ་ག་ཏེ, སི་དྡྷ་ཏྠེ ལོ་ཀ་ནཱ་ཡ་ཀེ;
ས་དེ་ཝ་མཱ་ནུ་སཱ ས་བྦེ, པཱུ་ཛེ་ནྟི དྭི་པ་དུ་ཏྟ་མཾ.
༡༢༥. ‘‘ཨཱ་རོ་པི་ཏེ ཙ ཙི་ཏ་ཀེ, སི་དྡྷ་ཏྠེ ལོ་ཀ་ནཱ་ཡ་ཀེ;
ཡ་ཐཱ་ས་ཀེ་ན ཐཱ་མེ་ན, ཙི་ཏཾ པཱུ་ཛེ་ནྟི ས་ཏྠུ་ནོ.
༡༢༦. ‘‘ཨ་ཝི་དཱུ་རེ ཙི་ཏ་ཀ་སྶ, དཱི་པཾ ཨུ་ཛྫཱ་ལ་ཡིཾ ཨ་ཧཾ;
ཡཱ་ཝ ཨུ་དེ་ཏི སཱུ་རི་ཡོ, དཱི་པཾ མེ ཏཱ་ཝ ཨུ་ཛྫ་ལི.
༡༢༧. ‘‘ཏེ་ན ཀ་མྨེ་ན སུ་ཀ་ཏེ་ན, ཙེ་ཏ་ནཱ་པ་ཎི་དྷཱི་ཧི ཙ;
ཛ་ཧི་ཏྭཱ མཱ་ནུ་སཾ དེ་ཧཾ, ཏཱ་ཝ་ཏིཾ་ས་མ་ག་ཙྪ་ཧཾ.
༡༢༨. ‘‘ཏ་ཏྠ མེ སུ་ཀ་ཏཾ བྱ་མྷཾ, ཨེ་ཀ་དཱི་པཱི་ཏི ཉཱ་ཡ་ཏི;
དཱི་པ་ས་ཏ་ས་ཧ་སྶཱ་ནི, བྱ་མྷེ པ་ཛྫ་ལ་རེ མ་མ.
༡༢༩. ‘‘ཨུ་ད་ཡ་ནྟོ་ཝ སཱུ་རི་ཡོ, དེ་ཧོ མེ ཛོ་ཏ་ཏེ ས་དཱ;
ས་པྤ་བྷཱ་ཧི ས་རཱི་ར་སྶ, ཨཱ་ལོ་ཀོ ཧོ་ཏི མེ ས་དཱ.
༡༣༠. ‘‘ཏི་རོ་ཀུ་ཊྚཾ [ཏི་རོ་ཀུ་ཌྜཾ (སཱི. སྱཱ. ཀ.)] ཏི་རོ་སེ་ལཾ, ས་མ་ཏི་གྒ་ཡ྄ཧ [ས་བྦ་ཏྠ་པི ཨེ་ཝ་མེ་ཝ དི་སྶ་ཏི] པ་བྦ་ཏཾ;
ས་མ་ནྟཱ ཡོ་ཛ་ན་ས་ཏཾ, པ་སྶཱ་མི ཙ་ཀྑུ་ནཱ ཨ་ཧཾ.
༡༣༡. ‘‘ས་ཏྟ་ས་ཏྟ་ཏི་ཀྑ་ཏྟུ་ཉྩ, དེ་ཝ་ལོ་ཀེ ར་མིཾ ཨ་ཧཾ;
ཨེ་ཀ་ཏིཾ་ས་ཏི་ཀྑ་ཏྟུ་ཉྩ, དེ་ཝ་ར་ཛྫ་མ་ཀཱ་ར་ཡིཾ.
༡༣༢. ‘‘ཨ་ཊྛ་ཝཱི་ས་ཏི་ཀྑ་ཏྟུ་ཉྩ, ཙ་ཀྐ་ཝ་ཏྟཱི ཨ་ཧོ་ས་ཧཾ;
པ་དེ་ས་ར་ཛྫཾ ཝི་པུ་ལཾ, ག་ཎ་ནཱ་ཏོ ཨ་ས་ངྑི་ཡཾ.
༡༣༣. ‘‘དེ་ཝ་ལོ་ཀཱ ཙ་ཝི་ཏྭཱ་ན, ནི་བྦ་ཏྟིཾ མཱ་ཏུ་ཀུ་ཙྪི་ཡཾ;
མཱ་ཏུ་ཀུ་ཙྪི་ག་ཏ་སྶཱ་པི, ཨ་ཀྑི མེ ན ནི་མཱི་ལ་ཏི.
༡༣༤. ‘‘ཛཱ་ཏི་ཡཱ ཙ་ཏུ་ཝ་སྶོ་ཧཾ, པ་བྦ་ཛིཾ ཨ་ན་གཱ་རི་ཡཾ;
ཨ་ཌྜྷ་མཱ་སེ ཨ་ས་མྤ་ཏྟེ, ཨ་ར་ཧ་ཏྟ་མ་པཱ་པུ་ཎིཾ.
༡༣༥. ‘‘དི་བྦ་ཙ་ཀྑུཾ ཝི་སོ་དྷེ་སིཾ, བྷ་ཝཱ ས་བྦེ ས་མཱུ་ཧ་ཏཱ;
ས་བྦེ ཀི་ལེ་སཱ ས་ཉྪི་ནྣཱ, ཨེ་ཀ་དཱི་པ་སྶི་དཾ ཕ་ལཾ.
༡༣༦. ‘‘ཏི་རོ་ཀུ་ཊྚཾ ཏི་རོ་སེ་ལཾ, པ་བྦ་ཏ་ཉྩཱ་པི ཀེ་ཝ་ལཾ;
ས་མ་ཏི་ཀྐ་མྨ [ས་བྦ་ཏྠ་པཱི ཨེ་ཝ་མེ་ཝ དི་སྶ་ཏི] པ་སྶཱ་མི, ཨེ་ཀ་དཱི་པ་སྶི་དཾ ཕ་ལཾ.
༡༣༧. ‘‘ཝི་ས་མཱ མེ ས་མཱ ཧོ་ནྟི, ཨ་ནྡྷ་ཀཱ་རོ ན ཝི་ཛྫ་ཏི;
ནཱ་ཧཾ པ་སྶཱ་མི ཏི་མི་རཾ, ཨེ་ཀ་དཱི་པ་སྶི་དཾ ཕ་ལཾ.
༡༣༨. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ དཱི་པ་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཨེ་ཀ་དཱི་པ་སྶི་དཾ ཕ་ལཾ.
༡༣༩. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༡༤༠. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༡༤༡. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨེ་ཀ་དཱི་པི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨེ་ཀ་དཱི་པི་ཡ་ཏྠེ་ར་སྶཱ་པ་དཱ་ནཾ ཚ་ཊྛཾ.