༡༠. ཁོ་མ་དཱ་ཡ་ཀ་ཏྠེ་ར་ཨ་པ་དཱ་ནཾ

༡༨༤. ‘‘ན་ག་རེ བ་ནྡྷུ་མ་ཏི་ཡཱ, ཨ་ཧོ་སིཾ ཝཱ་ཎི་ཛོ ཏ་དཱ;

ཏེ་ནེ་ཝ དཱ་རཾ པོ་སེ་མི, རོ་པེ་མི བཱི་ཛ་ས་མྤ་དཾ.

༡༨༥. ‘‘ར་ཐི་ཡཾ པ་ཊི་པ་ནྣ་སྶ, ཝི་པ་སྶི་སྶ མ་ཧེ་སི་ནོ;

ཨེ་ཀཾ ཁོ་མཾ མ་ཡཱ དི་ནྣཾ, ཀུ་ས་ལ་ཏྠཱ་ཡ ས་ཏྠུ་ནོ.

༡༨༦. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ ཁོ་མ་མ་ད་དིཾ ཏ་དཱ;

དུ་གྒ་ཏིཾ ནཱ་བྷི་ཛཱ་ནཱ་མི, ཁོ་མ་དཱ་ན་སྶི་དཾ ཕ་ལཾ.

༡༨༧. ‘‘ས་ཏྟ་ར་སེ [ས་ཏྟ་ཝཱི་སེ (སཱི. སྱཱ.)] ཨི་ཏོ ཀ་པྤེ, ཨེ་ཀོ སི་ནྡྷ་ཝ་ས་ནྡྷ་ནོ;

ས་ཏྟ་ར་ཏ་ན་ས་མྤ་ནྣོ, ཙ་ཏུ་དཱི་པ་མྷི ཨི་སྶ་རོ.

༡༨༨. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;

ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ ཁོ་མ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

ཁོ་མ་དཱ་ཡ་ཀ་ཏྠེ་ར་སྶཱ་པ་དཱ་ནཾ ད་ས་མཾ.

ཏ་སྶུ་དྡཱ་ནཾ –

སུ་སཱུ་ཏི ཨུ་པ་ཝཱ་ནོ ཙ, ས་ར་ཎོ སཱི་ལ་གཱ་ཧ་ཀོ;

ཨ་ནྣ་སཾ་སཱ་ཝ་ཀོ ཁོ་མ་དཱ་ཡཱི ཙ, ད་སེ་ཝ ཏ་ཏི་ཡེ ག་ཎེ;

ཨ་ཉྫ་ལཱི ཁོ་མ་དཱ་ཡཱི ཙ, ད་སེ་ཝ ཏ་ཏི་ཡེ ག་ཎེ;

པ་ཉྩཱ་ལཱི་སཱི་ཏི་ས་ཏཾ ཝུ་ཏྟཱ, གཱ་ཐཱ་ཡོ ས་བྦ་པི་ཎྜི་ཏཱ.

སུ་བྷཱུ་ཏི་ཝ་གྒོ ཏ་ཏི་ཡོ.