༩. སུ་ཀ་ཏཱ་ཝེ་ལི༹་ཡ་ཏྠེ་ར་ཨ་པ་དཱ་ནཾ
༤༣. ‘‘ཨ་སི་ཏོ ནཱ་མ ནཱ་མེ་ན, མཱ་ལཱ་ཀཱ་རོ ཨ་ཧཾ [ཨ་ཧུཾ (?)] ཏ་དཱ;
ཨཱ་ཝེ་ལ༹ཾ པ་གྒ་ཧེ་ཏྭཱ་ན, ར་ཉྙོ དཱ་ཏུཾ ཝ་ཛཱ་མ་ཧཾ.
༤༤. ‘‘ཨ་ས་མྤ་ཏྟོ་མྷི [ཨ་ས་མྤ་ཏྟ་མྷི (སཱི.), ཨ་ས་མྤ་ཏྟོ་ཝ (?)] རཱ་ཛཱ་ནཾ, ཨ་དྡ་སཾ སི་ཁི་ནཱ་ཡ་ཀཾ;
ཧ་ཊྛོ ཧ་ཊྛེ་ན ཙི་ཏྟེ་ན, བུ་དྡྷ་སྶ ཨ་བྷི་རོ་པ་ཡིཾ.
༤༥. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༤༦. ‘‘པ་ཉྩ་ཝཱི་སེ ཨི་ཏོ ཀ་པྤེ, རཱ་ཛཱ་ཧོ་སིཾ མ་ཧ་བྦ་ལོ;
ཝེ་བྷཱ་རོ ནཱ་མ ནཱ་མེ་ན, ཙ་ཀྐ་ཝ་ཏྟཱི མ་ཧ་བྦ་ལོ.
༤༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ སུ་ཀ་ཏཱ་ཝེ་ལི༹་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
སུ་ཀ་ཏཱ་ཝེ་ལི༹་ཡ་ཏྠེ་ར་སྶཱ་པ་དཱ་ནཾ ན་ཝ་མཾ.