༡. ཨཱ་ལ་མྦ་ཎ་དཱ་ཡ་ཀ་ཏྠེ་ར་ཨ་པ་དཱ་ནཾ

༡. ‘‘ཨ་ཏྠ་ད་སྶི་སྶ བྷ་ག་ཝ་ཏོ, ལོ་ཀ་ཛེ་ཊྛ་སྶ ཏཱ་དི་ནོ;

ཨཱ་ལ་མྦ་ཎཾ མ་ཡཱ དི་ནྣཾ, དྭི་པ་དི་ནྡ་སྶ ཏཱ་དི་ནོ.

༢. ‘‘དྷ་ར་ཎིཾ པ་ཊི་པ་ཛྫཱ་མི, ཝི་པུ་ལཾ སཱ་ག་ར་པྤ་རཾ;

པཱ་ཎེ་སུ ཙ ཨི་སྶ་རི་ཡཾ, ཝ་ཏྟེ་མི ཝ་སུ་དྷཱ་ཡ ཙ.

༣. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ, བྷ་ཝཱ ས་བྦེ ས་མཱུ་ཧ་ཏཱ;

ཏི་སྶོ ཝི་ཛྫཱ ཨ་ནུ་པྤ་ཏྟཱ, ཀ་ཏཾ བུ་དྡྷ་སྶ སཱ་ས་ནཾ.

༤. ‘‘ཨི་ཏོ དྭེ་ས་ཊྛི་ཀ་པྤ་མྷི, ཏ་ཡོ ཨཱ་སིཾ་སུ ཁ་ཏྟི་ཡཱ;

ཨེ་ཀཱ་པ་སྶི་ཏ་ནཱ་མཱ ཏེ, ཙ་ཀྐ་ཝ་ཏྟཱི མ་ཧ་བྦ་ལཱ.

༥. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;

ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ ཨཱ་ལ་མྦ་ཎ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

ཨཱ་ལ་མྦ་ཎ་དཱ་ཡ་ཀ་ཏྠེ་ར་སྶཱ་པ་དཱ་ནཾ པ་ཋ་མཾ.