ཀཱ་ཡཱ་ནུ་པ་སྶ་ནཱ ཨི་རི་ཡཱ་པ་ཐ་པ་བྦཾ
༣༧༥. ‘‘པུ་ན ཙ་པ་རཾ, བྷི་ཀྑ་ཝེ, བྷི་ཀྑུ ག་ཙྪ་ནྟོ ཝཱ ‘ག་ཙྪཱ་མཱི’ཏི པ་ཛཱ་ནཱ་ཏི, ཋི་ཏོ ཝཱ ‘ཋི་ཏོ་མྷཱི’ཏི པ་ཛཱ་ནཱ་ཏི, ནི་སི་ནྣོ ཝཱ ‘ནི་སི་ནྣོ་མྷཱི’ཏི པ་ཛཱ་ནཱ་ཏི, ས་ཡཱ་ནོ ཝཱ ‘ས་ཡཱ་ནོ་མྷཱི’ཏི པ་ཛཱ་ནཱ་ཏི, ཡ་ཐཱ ཡ་ཐཱ ཝཱ པ་ན་སྶ ཀཱ་ཡོ པ་ཎི་ཧི་ཏོ ཧོ་ཏི, ཏ་ཐཱ ཏ་ཐཱ ནཾ པ་ཛཱ་ནཱ་ཏི. ཨི་ཏི ཨ་ཛ྄ཛྷ་ཏྟཾ ཝཱ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི, བ་ཧི་དྡྷཱ ཝཱ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི, ཨ་ཛ྄ཛྷ་ཏྟ་བ་ཧི་དྡྷཱ ཝཱ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི. ས་མུ་ད་ཡ་དྷ་མྨཱ་ནུ་པ་སྶཱི ཝཱ ཀཱ་ཡ་སྨིཾ ཝི་ཧ་ར་ཏི, ཝ་ཡ་དྷ་མྨཱ་ནུ་པ་སྶཱི ཝཱ ཀཱ་ཡ་སྨིཾ ཝི་ཧ་ར་ཏི, ས་མུ་ད་ཡ་ཝ་ཡ་དྷ་མྨཱ་ནུ་པ་སྶཱི ཝཱ ཀཱ་ཡ་སྨིཾ ཝི་ཧ་ར་ཏི. ‘ཨ་ཏྠི ཀཱ་ཡོ’ཏི ཝཱ པ་ན་སྶ ས་ཏི པ་ཙྩུ་པ་ཊྛི་ཏཱ ཧོ་ཏི ཡཱ་ཝ་དེ་ཝ ཉཱ་ཎ་མ་ཏྟཱ་ཡ པ་ཊི་སྶ་ཏི་མ་ཏྟཱ་ཡ ཨ་ནི་སྶི་ཏོ ཙ ཝི་ཧ་ར་ཏི, ན ཙ ཀི་ཉྩི ལོ་ཀེ ཨུ་པཱ་དི་ཡ་ཏི. ཨེ་ཝ་མྤི ཁོ, བྷི་ཀྑ་ཝེ, བྷི་ཀྑུ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི.
ཨི་རི་ཡཱ་པ་ཐ་པ་བྦཾ ནི་ཊྛི་ཏཾ.