༣. ཏ་ཏི་ཡ་པཱ་ཊི་དེ་ས་ནཱི་ཡ་སི་ཀྑཱ་པ་ད་ཝ་ཎྞ་ནཱ

༥༦༢. ཏ་ཏི་ཡེ – ཨུ་བྷ་ཏོ་པ་ས་ནྣནྟི དྭཱི་ཧི པ་ས་ནྣཾ ཨུ་པཱ་ས་ཀེ་ན་པི ཨུ་པཱ་སི་ཀཱ་ཡ་པི. ཏ་སྨིཾ ཀི་ར ཀུ་ལེ ཨུ་བྷོ་པི ཏེ སོ་ཏཱ་པ་ནྣཱ་ཡེ་ཝ. བྷོ་གེ་ན ཧཱ་ཡ་ཏཱིཏི ཨེ་དི་ས་ཉྷི ཀུ་ལཾ ས་ཙེ་པི ཨ་སཱི་ཏི་ཀོ་ཊི་དྷ་ནཾ ཧོ་ཏི, བྷོ་གེ་ཧི ཧཱ་ཡ་ཏི་ཡེ་ཝ. ཀ་སྨཱ? ཡ་སྨཱ ཏ་ཏྠ ནེ་ཝ ཨུ་པཱ་སི་ཀཱ ན ཨུ་པཱ་ས་ཀོ བྷོ་གེ ར་ཀྑ་ཏི.

༥༦༩. གྷ་ར་ཏོ ནཱི་ཧ་རི་ཏྭཱ དེ་ནྟཱིཏི ཨཱ་ས་ན་སཱ་ལཾ ཝཱ ཝི་ཧཱ་རཾ ཝཱ ཨཱ་ནེ་ཏྭཱ དེ་ནྟི. ས་ཙེ་པི ཨ་ནཱ་ག་ཏེ བྷི་ཀྑུ་མྷི པ་ཋ་མཾ་ཡེ་ཝ ནཱི་ཧ་རི་ཏྭཱ དྭཱ་རེ ཋ་པེ་ཏྭཱ པ་ཙྪཱ ས་མྤ་ཏྟ་སྶ དེ་ནྟི, ཝ་ཊྚ་ཏི. བྷི་ཀྑུཾ པ་ན དི་སྭཱ ཨ་ནྟོ་གེ་ཧ་ཏོ ནཱི་ཧ་རི་ཏྭཱ དི་ཡྻ་མཱ་ནཾ ན ཝ་ཊྚ་ཏཱི་ཏི མ་ཧཱ་པ་ཙྩ་རི་ཡཾ ཝུ་ཏྟཾ. སེ་ས་མེ་ཏྠ ཨུ་ཏྟཱ་ན་མེ་ཝ. ཨེ་ལ༹་ཀ་ལོ་མ་ས་མུ་ཊྛཱ་ནཾ – ཀི་རི་ཡཾ, ནོ་ས་ཉྙཱ་ཝི་མོ་ཀྑཾ, ཨ་ཙི་ཏྟ་ཀཾ, པ་ཎྞ་ཏྟི་ཝ་ཛྫཾ, ཀཱ་ཡ་ཀ་མྨཾ, ཝ་ཙཱི་ཀ་མྨཾ ཏི་ཙི་ཏྟཾ, ཏི་ཝེ་ད་ན་ནྟི.

ཏ་ཏི་ཡ་པཱ་ཊི་དེ་ས་ནཱི་ཡཾ.