༥. ཏ་ལ་ས་ཏྟི་ཀ་སི་ཀྑཱ་པ་ད་ཝ་ཎྞ་ནཱ

༤༥༤. པ་ཉྩ་མེ – ཏ་ལ་ས་ཏྟི་ཀཾ ཨུ་གྒི་ར་ནྟཱིཏི པ་ཧཱ་ར་དཱ་ནཱ་ཀཱ་རཾ ད་སྶེ་ཏྭཱ ཀཱ་ཡ་མྤི ཀཱ་ཡ་པ་ཊི་བ་དྡྷ་མྤི ཨུ་ཙྩཱ་རེ་ནྟི. ཏེ པ་ཧཱ་ར་ས་མུ་ཙྩི་ཏཱ རོ་ད་ནྟཱིཏི ཏེ པ་ཧཱ་ར་པ་རི་ཙི་ཏཱ པུ་བྦེ་པི ལ་དྡྷ་པ་ཧཱ་ར་ཏྟཱ ཨི་དཱ་ནི ཙ པ་ཧཱ་རཾ ད་སྶ་ནྟཱི་ཏི མ་ཉྙ་མཱ་ནཱ རོ་ད་ནྟཱི་ཏི ཨ་ཏྠོ. ‘‘པ་ཧཱ་ར་སྶ མུ་ཙྩི་ཏཱ’’ཏི་པི ས་ཛ྄ཛྷཱ་ཡ་ནྟི, ཏ་ཏྠ ‘‘པ་ཧཱ་ར་སྶ བྷཱི་ཏཱ’’ཏི ཨ་ཏྠོ.

༤༥༧. ཨུ་གྒི་ར་ཏི ཨཱ་པ་ཏྟི པཱ་ཙི་ཏྟི་ཡ་སྶཱཏི ཨེ་ཏྠ ས་ཙེ ཨུ་གྒི་རི་ཏྭཱ ཝི་ར་དྡྷོ པ་ཧཱ་རཾ དེ་ཏི, ཨ་ཝ་སྶཾ དྷཱ་རེ་ཏུཾ ཨ་ས་ཀྐོ་ནྟ་སྶ པ་ཧཱ་རོ ས་ཧ་སཱ པ་ཏ་ཏི, ན པ་ཧ་རི་ཏུ་ཀཱ་མ་ཏཱ་ཡ དི་ནྣ་ཏྟཱ དུ་ཀྐ་ཊཾ. ཏེ་ན པ་ཧཱ་རེ་ན ཧ་ཏྠཱ་དཱི་སུ ཡཾ་ཀི་ཉྩི བྷི་ཛྫ་ཏི, དུ་ཀྐ་ཊ་མེ་ཝ.

༤༥༨. མོ་ཀྑཱ་དྷི་པྤཱ་ཡོ ཏ་ལ་ས་ཏྟི་ཀཾ ཨུ་གྒི་ར་ཏཱིཏི ཨེ་ཏྠ པུ་བྦེ ཝུ་ཏྟེ་སུ ཝ་ཏྠཱུ་སུ པུ་རི་མ་ན་ཡེ་ནེ་ཝ ཏ་ལ་ས་ཏྟི་ཀཾ ཨུ་གྒི་ར་ནྟ་སྶ ཨ་ནཱ་པ་ཏྟི. ས་ཙེ་པི ཝི་ར་ཛ྄ཛྷི་ཏྭཱ པ་ཧཱ་རཾ དེ་ཏི, ཨ་ནཱ་པ་ཏྟི་ཡེ་ཝ. སེ་སཾ པུ་རི་མ་ས་དི་ས་མེ་ཝ ས་དྡྷིཾ ས་མུ་ཊྛཱ་ནཱ་དཱི་ཧཱི་ཏི.

ཏ་ལ་ས་ཏྟི་ཀ་སི་ཀྑཱ་པ་དཾ པ་ཉྩ་མཾ.