༣. མོ་ཧ་ན་སི་ཀྑཱ་པ་ད་ཝ་ཎྞ་ནཱ

༤༤༤. ཏ་ཏི་ཡེ – ཨ་ནྭ་དྡྷ་མཱ་སནྟི ཨ་ནུ་པ་ཊི་པཱ་ཊི་ཡཱ ཨ་དྡྷ་མཱ་སེ ཨ་དྡྷ་མཱ་སེ; ཡ་སྨཱ པ་ན སོ ཨུ་པོ་ས་ཐ་དི་ཝ་སེ ཨུ་དྡི་སི་ཡ་ཏི, ཏ་སྨཱ ‘‘ཨ་ནུ་པོ་ས་ཐི་ཀ’’ནྟི པ་ད་བྷཱ་ཛ་ནེ ཝུ་ཏྟཾ. ཨུ་དྡི་སྶ་མཱ་ནེཏི ཨུ་དྡི་སི་ཡ་མཱ་ནེ. ཡ་སྨཱ པ་ན སོ པཱ་ཏི་མོ་ཀྑུ་དྡེ་ས་ཀེ ཨུ་དྡི་ས་ནྟེ ཨུ་དྡི་སི་ཡ་མཱ་ནོ ནཱ་མ ཧོ་ཏི, ཏ་སྨཱ ‘‘ཨུ་དྡི་ས་ནྟེ’’ཏི པ་ད་བྷཱ་ཛ་ནེ ཝུ་ཏྟཾ. ཡ་ཉྩ ཏ་ཏྠ ཨཱ་པ་ཏྟིཾ ཨཱ་པ་ནྣོཏི ཏ་སྨིཾ ཨ་ནཱ་ཙཱ་རེ ཙི་ཎྞེ ཡཾ ཨཱ་པ་ཏྟིཾ ཨཱ་པ་ནྣོ. ཡ་ཐཱ་དྷ་མྨོ ཀཱ་རེ་ཏ་བྦོཏི ཨ་ཉྙཱ་ཎེ་ན ཨཱ་པ་ནྣ་ཏྟཱ ཏ་སྶཱ ཨཱ་པ་ཏྟི་ཡཱ མོ་ཀྑོ ན་ཏྠི, ཡ་ཐཱ པ་ན དྷ་མྨོ ཙ ཝི་ན་ཡོ ཙ ཋི་ཏོ, ཏ་ཐཱ ཀཱ་རེ་ཏ་བྦོ. དེ་ས་ནཱ་གཱ་མི་ནི་ཉྩེ ཨཱ་པ་ནྣོ ཧོ་ཏི, དེ་སཱ་པེ་ཏ་བྦོ, ཝུ་ཊྛཱ་ན་གཱ་མི་ནི་ཉྩེ, ཝུ་ཊྛཱ་པེ་ཏ་བྦོ་ཏི ཨ་ཏྠོ. སཱ་དྷུ་ཀནྟི སུ་ཊྛུ. ཨ་ཊྛིཾ་ཀ་ཏྭཱཏི ཨ་ཏྠི་ཀ་བྷཱ་ཝཾ ཀ་ཏྭཱ; ཨ་ཏྠི་ཀོ ཧུ་ཏྭཱ་ཏི ཝུ་ཏྟཾ ཧོ་ཏི.

༤༤༧. དྷ་མྨ་ཀ་མྨེཏི་ཨཱ་དཱི་སུ མོ་ཧཱ་རོ་པ་ན་ཀ་མྨཾ ཨ་དྷི་པྤེ་ཏཾ. སེ་ས་མེ་ཏྠ ཨུ་ཏྟཱ་ན་མེ་ཝ. ཏི་ས་མུ་ཊྛཱ་ནཾ – ཀི་རི་ཡཾ, ས་ཉྙཱ་ཝི་མོ་ཀྑཾ, ས་ཙི་ཏྟ་ཀཾ, ལོ་ཀ་ཝ་ཛྫཾ, ཀཱ་ཡ་ཀ་མྨཾ, ཝ་ཙཱི་ཀ་མྨཾ, ཨ་ཀུ་ས་ལ་ཙི་ཏྟཾ, དུ་ཀྑ་ཝེ་ད་ན་ནྟི.

མོ་ཧ་ན་སི་ཀྑཱ་པ་དཾ ཏ་ཏི་ཡཾ.