༧. མ་ཧཱ་ནཱ་མ་སི་ཀྑཱ་པ་ད་ཝ་ཎྞ་ནཱ

༣༠༣. ས་ཏྟ་མ་སི་ཀྑཱ་པ་དེ – མ་ཧཱ་ནཱ་མོ ནཱ་མ བྷ་ག་ཝ་ཏོ ཙཱུ་ལ༹་པི་ཏུ་པུ་ཏྟོ མཱ་ས་མ་ཏྟེ་ན མ་ཧ་ལླ་ཀ་ཏ་རོ དྭཱི་སུ ཕ་ལེ་སུ པ་ཏི་ཊྛི་ཏོ ཨ་རི་ཡ་སཱ་ཝ་ཀོ. བྷེ་ས་ཛྫཾ ཨུ་སྶ་ནྣཾ ཧོ་ཏཱིཏི ཝ་ཛ་ཏོ ཨཱ་ཧ་རི་ཏྭཱ ཋ་པི་ཏ་ས་པྤི བ་ཧུ ཧོ་ཏི.

༣༠༦. སཱ་དི་ཏ་བྦཱཏི ཏ་སྨིཾ ས་མ་ཡེ རོ་གོ ན་ཏྠཱི་ཏི ན པ་ཊི་ཀྑི་པི་ཏ་བྦཱ; རོ་གེ ས་ཏི ཝི་ཉྙཱ་པེ་སྶཱ་མཱི་ཏི ཨ་དྷི་ཝཱ་སེ་ཏ་བྦཱ. ཨེ་ཏྟ་ཀེ་ཧི བྷེ་ས་ཛྫེ་ཧི པ་ཝཱ་རེ་མཱིཏི ནཱ་མ་ཝ་སེ་ན ས་པྤི་ཏེ་ལཱ་དཱི་སུ དྭཱི་ཧི ཏཱི་ཧི ཝཱ པ་རི་མཱ་ཎ་ཝ་སེ་ན པ་ཏྠེ་ན ནཱ་ལི༹་ཡཱ ཨཱ་ལ༹ྷ་ཀེ་ནཱ་ཏི ཝཱ.ཨ་ཉྙཾ བྷེ་ས་ཛྫཾ ཝི་ཉྙཱ་པེ་ཏཱིཏི ས་པྤི་ནཱ པ་ཝཱ་རི་ཏོ ཏེ་ལཾ ཝི་ཉྙཱ་པེ་ཏི, ཨཱ་ལ༹ྷ་ཀེ་ན པ་ཝཱ་རི་ཏོ དོ་ཎཾ. ན བྷེ་ས་ཛྫེ་ན ཀ་ར་ཎཱི་ཡེ་ནཱཏི མི་སྶ་ཀ་བྷ་ཏྟེ་ན་པི ཙེ ཡཱ་པེ་ཏུཾ ས་ཀྐོ་ཏི, ན བྷེ་ས་ཛྫ་ཀ་ར་ཎཱི་ཡཾ ནཱ་མ ཧོ་ཏི.

༣༡༠. པ་ཝཱ་རི་ཏཱ་ནནྟི ཡེ ཨ་ཏྟ་ནོ པུ་གྒ་ལི་ཀཱ་ཡ པ་ཝཱ་ར་ཎཱ་ཡ པ་ཝཱ་རི་ཏཱ; ཏེ་སཾ པ་ཝཱ་རི་ཏཱ་ནུ་རཱུ་པེ་ན ཝི་ཉྙ་ཏྟི་ཡཱ ཨ་ནཱ་པ་ཏྟི. ས་ངྒྷ་ཝ་སེ་ན པ་ཝཱ་རི་ཏེ་སུ པ་ན པ་མཱ་ཎཾ ས་ལླ་ཀྑེ་ཏ་བྦ་མེ་ཝཱ་ཏི. སེ་སཾ ཨུ་ཏྟཱ་ན་མེ་ཝ.

ཚ་ས་མུ་ཊྛཱ་ནཾ – ཀི་རི་ཡཾ, ནོ་ས་ཉྙཱ་ཝི་མོ་ཀྑཾ, ཨ་ཙི་ཏྟ་ཀཾ, པ་ཎྞ་ཏྟི་ཝ་ཛྫཾ, ཀཱ་ཡ་ཀ་མྨཾ, ཝ་ཙཱི་ཀ་མྨཾ, ཏི་ཙི་ཏྟཾ, ཏི་ཝེ་ད་ན་ནྟི.

མ་ཧཱ་ནཱ་མ་སི་ཀྑཱ་པ་དཾ ས་ཏྟ་མཾ.