༡༠. ཨུ་ཡྻོ་དྷི་ཀ་སི་ཀྑཱ་པ་ད་ཝ་ཎྞ་ནཱ

༣༢༢. ད་ས་མེ – ཨུ་གྒ་ནྟྭཱ ཨུ་གྒ་ནྟྭཱ ཨེ་ཏྠ ཡུ་ཛ྄ཛྷ་ནྟཱི་ཏི ཨུ་ཡྻོ་དྷི་ཀཾ; ས་མྤ་ཧཱ་ར་ཊྛཱ་ན་སྶེ་ཏཾ ཨ་དྷི་ཝ་ཙ་ནཾ. བ་ལ་སྶ ཨ་གྒཾ ཛཱ་ན་ནྟི ཨེ་ཏྠཱ་ཏི བ་ལ་གྒཾ; བ་ལ་ག་ཎ་ན་ཊྛཱ་ན་ནྟི ཨ་ཏྠོ. སེ་ནཱ་ཡ ཝི་ཡཱུ་ཧཾ སེ་ནཱ་བྱཱུ་ཧཾ; སེ་ནཱ་ནི་ཝེ་ས་སྶེ་ཏཾ ཨ་དྷི་ཝ་ཙ་ནཾ. ཏ་ཡོ ཧ་ཏྠཱི པ་ཙྪི་མཾ ཧ་ཏྠཱ་ནཱི་ཀནྟི ཡོ པུ་བྦེ ཝུ་ཏྟོ དྭཱ་ད་ས་པུ་རི་སོ ཧ་ཏྠཱི་ཏི ཏེ་ན ཧ་ཏྠི་ནཱ ཏ་ཡོ ཧ་ཏྠཱི. སེ་སེ་སུ་པི ཨེ་སེ་ཝ ན་ཡོ. སེ་སཾ ཨུ་ཡྻུ་ཏྟ་སེ་ནཱ་སི་ཀྑཱ་པ་དེ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཾ ས་དྡྷིཾ ས་མུ་ཊྛཱ་ནཱ་དཱི་ཧཱི་ཏི.

ཨུ་ཡྻོ་དྷི་ཀ་སི་ཀྑཱ་པ་དཾ ད་ས་མཾ.

ས་མ་ཏྟོ ཝ་ཎྞ་ནཱ་ཀྐ་མེ་ན ཨ་ཙེ་ལ་ཀ་ཝ་གྒོ པ་ཉྩ་མོ.