༡༡. པ་ཉྩ་ས་ཏི་ཀ་ཀྑ་ནྡྷ་ཀཾ

ཁུ་དྡཱ་ནུ་ཁུ་དྡ་ཀ་སི་ཀྑཱ་པ་ད་ཀ་ཐཱ

༤༤༡. པ་ཉྩ་ས་ཏི་ཀ་ཀྑ་ནྡྷ་ཀེ – ཙ་ཏྟཱ་རི པཱ་རཱ་ཛི་ཀཱ་ནི ཋ་པེ་ཏྭཱ ཨ་ཝ་སེ་སཱ་ནི ཁུ་དྡཱ་ནུ་ཁུ་དྡ་ཀཱ་ནཱིཏི ཨེ་ཝ་མཱ་དི ཨེ་ཀ་སི་ཀྑཱ་པ་ད་མྤི ཨ་པ་རི་ཙྩ་ཛི་ཏྭཱ ས་བྦེ་སཾ ས་ངྒ་ཧེ་ཏ་བྦ་བྷཱ་ཝ་ད་སྶ་ན་ཏྠཾ པ་རི་ཡཱ་ཡེ་ན ཝུ་ཏྟཾ. ཨི་དཾ ཝོ ས་མ་ཎཱ་ནནྟི ཨི་དཾ ས་མ་ཎཱ་ནཾ. པ་ད་པཱུ་ར་ཎ་མ་ཏྟེ ཝོ་ཀཱ་རོ.

༤༤༣. ཨི་ད་མྤི ཏེ ཨཱ་ཝུ་སོ ཨཱ་ན་ནྡ དུ་ཀྐ་ཊནྟི ‘‘ཨི་དཾ ཏ་ཡཱ དུ་ཊྛུ ཀ་ཏ’’ནྟི ཀེ་ཝ་ལཾ ག་ར་ཧ་ནྟེ་ཧི ཐེ་རེ་ཧི ཝུ་ཏྟཾ, ན ཨཱ་པ་ཏྟིཾ ས་ནྡྷཱ་ཡ ཝུ་ཏྟཾ. ན ཧི ཏེ ཨཱ་པ་ཏྟཱ་ནཱ་པ་ཏྟིཾ ན ཛཱ་ན་ནྟི. ཨི་དཱ་ནེ་ཝ ཙེ་ཏཾ ཨ་ནུ་སྶཱ་ཝི་ཏཾ – ‘‘ས་ངྒྷོ ཨ་པ་ཉྙ་ཏྟཾ ན པ་ཉྙ་པེ་ཏི, པ་ཉྙ་ཏྟཾ ན ས་མུ་ཙྪི་ནྡ་ཏཱི’’ཏི. དེ་སེ་ཧི ཏཾ དུ་ཀྐ་ཊནྟི ཨི་ད་མྤི ཙ ‘‘ཨཱ་མ, བྷ་ནྟེ, དུ་ཊྛུ མ་ཡཱ ཀ་ཏ’’ནྟི ཨེ་ཝཾ པ་ཊི་ཛཱ་ནཱ་ཧི, ཏཾ དུ་ཀྐ་ཊ་ནྟི ཨི་དཾ ས་ནྡྷཱ་ཡ ཝུ་ཏྟཾ, ན ཨཱ་པ་ཏྟི་དེ་ས་ནཾ. ཐེ་རོ པ་ན ཡ་སྨཱ ཨ་ས་ཏི་ཡཱ ན པུ་ཙྪི ན ཨ་ནཱ་ད་རེ་ན, ཏ་སྨཱ ཏ་ཏྠ དུ་ཊྛུ་ཀ་ཏ་བྷཱ་ཝ་མྤི ཨ་ས་ལླ་ཀྑེ་ནྟོ ‘‘ནཱ་ཧཾ ཏཾ དུ་ཀྐ་ཊཾ པ་སྶཱ་མཱི’’ཏི ཝ་ཏྭཱ ཐེ་རེ་སུ གཱ་ར་ཝཾ ད་སྶེ་ནྟོ ‘‘ཨ་པི་ཙཱ་ཡ་སྨ་ནྟཱ་ནཾ ས་ནྡྷཱ་ཡ དེ་སེ་མི ཏཾ དུ་ཀྐ་ཊ’’ནྟི ཨཱ་ཧ. ཡ་ཐཱ ཏུ་མྷེ ཝ་ད་ཐ, ཏ་ཐཱ པ་ཊི་ཛཱ་ནཱ་མཱི་ཏི ཝུ་ཏྟཾ ཧོ་ཏི. ཨེ་སེ་ཝ ན་ཡོ ཨ་ཝ་སེ་སེ་སུ ཙ་ཏཱུ་སུ ཋཱ་ནེ་སུ. སེ་ས་མེ་ཏྠ ཡཾ ཝ་ཏྟ་བྦཾ སི་ཡཱ, ཏཾ ནི་དཱ་ན་ཝ་ཎྞ་ནཱ་ཡ་མེ་ཝ ཝུ་ཏྟཾ.

ཁུ་དྡཱ་ནུ་ཁུ་དྡ་ཀ་སི་ཀྑཱ་པ་ད་ཀ་ཐཱ ནི་ཊྛི་ཏཱ.

པ་ཉྩ་ས་ཏི་ཀ་ཀྑ་ནྡྷ་ཀ་ཝ་ཎྞ་ནཱ ནི་ཊྛི་ཏཱ.