༩. ཀུ་ལ་སུ་ཏྟ་ཝ་ཎྞ་ནཱ

༣༦༡. ན་ཝ་མེ དུ་བྦྷི་ཀྑཱཏི དུ་ལླ་བྷ་བྷི་ཀྑཱ. དྭཱི་ཧི་ཏི་ཀཱཏི ‘‘ཛཱི་ཝི་སྶཱ་མ ནུ ཁོ ན ནུ ཁོ’’ཏི ཨེ་ཝཾ པ་ཝ་ཏྟ་ཨཱི་ཧི་ཏི་ཀཱ. ‘‘དུ་ཧི་ཏི་ཀཱ’’ཏི་པི པཱ་ཋོ. ཨ་ཡ་མེ་ཝ ཨ་ཏྠོ. དུ་ཀྑཱ ཨཱི་ཧི་ཏི ཨེ་ཏྠ ན ས་ཀྐཱ ཀོ་ཙི པ་ཡོ་གོ སུ་ཁེ་ན ཀཱ་ཏུ་ནྟི དུ་ཧི་ཏི་ཀཱ. ཏ་ཏྠ ཏ་ཏྠ མ་ཏ་མ་ནུ་སྶཱ་ནཾ ཝི་པྤ་ཀི་ཎྞཱ་ནི སེ་ཏཱ་ནི ཨ་ཊྛི་ཀཱ་ནི ཨེ་ཏྠཱ་ཏི སེ་ཏ་ཊྛི་ཀཱ. ས་ལཱ་ཀཱ་ཝུ་ཏྟཱཏི ས་ལཱ་ཀ་མ་ཏྟ་ཝུ་ཏྟཱ, ཡཾ ཏ་ཏྠ ཝུ་ཏྟཾ ཝཱ་པི་ཏཾ, ཏཾ ས་ལཱ་ཀ་མ་ཏྟ་མེ་ཝ ཨ་ཧོ་སི, ཕ་ལེ ན ཛ་ན་ཡ་ཏཱི་ཏི ཨ་ཏྠོ.

ཨུ་གྒི་ལི་ཏུནྟི དྭེ ཨ་ནྟེ མོ་ཙེ་ཏྭཱ ཀ་ཐེ་ཏུཾ ཨ་ས་ཀྐོ་ནྟོ ཨུ་གྒི་ལི་ཏུཾ བ་ཧི ནཱི་ཧ་རི་ཏུཾ ན ས་ཀྑཱི་ཏི. ཨོ་གི་ལི་ཏུནྟི པུ་ཙྪཱ་ཡ དོ་སཾ དི་སྭཱ ཧཱ་རེ་ཏུཾ ཨ་ས་ཀྐོ་ནྟོ ཨོ་གི་ལི་ཏུཾ ཨ་ནྟོ པ་ཝེ་སེ་ཏུཾ ན ས་ཀྑཱི་ཏི.

ཨི་ཏོ སོ གཱ་མ་ཎི ཨེ་ཀ་ན་ཝུ་ཏི་ཀ་པྤེཏི བྷ་ག་ཝཱ ཀ་ཐ་ཡ་མཱ་ནོ་ཝ ཡཱ་ཝ ནི་ཀྑ་ནྟོ ནཱ་སི་ཀ་ཝཱ་ཏོ ན པུ་ན པ་ཝི་ས་ཏི, ཏཱ་ཝ་ཏ་ཀེ་ན ཀཱ་ལེ་ན ཨེ་ཀ་ན་ཝུ་ཏི་ཀ་པྤེ ཨ་ནུ་སྶ་རི ‘‘ཨ་ཏྠི ནུ ཁོ ཀི་ཉྩི ཀུ་ལེ པ་ཀྐ་བྷི་ཀྑཱ་དཱ་ནེ་ན ཨུ་པ་ཧ་ཏ་པུ་བྦ’’ནྟི པ་རི་ཛཱ་ན་ན་ཏྠཾ. ཨ་ཐེ་ཀ་མྤི ཨ་པ་སྶ་ནྟོ ‘‘ཨི་ཏོ སོ, གཱ་མ་ཎཱི’’ཏི་ཨཱ་དི་མཱ་ཧ. ཨི་དཱ་ནི དཱ་ནཱ་དཱི་ནཾ ཨཱ་ནི་སཾ་སཾ ཀ་ཐེ་ནྟོ ཨ་ཐ ཁོ ཡཱ་ནི ཏཱ་ནི ཀུ་ལཱ་ནི ཨ་ཌྜྷཱ་ནཱིཏི དྷ་མྨ་དེ་ས་ནཾ ཨཱ་ར་བྷི. ཏ་ཏྠ དཱ་ན་ས་མྦྷཱུ་ཏཱ་ནཱིཏི དཱ་ནེ་ན ས་མྦྷཱུ་ཏཱ་ནི ནི་བྦ་ཏྟཱ་ནི. སེ་ས་པ་ད་དྭ་ཡེ་པི ཨེ་སེ་ཝ ན་ཡོ. ཨེ་ཏྠ པ་ན ས་ཙྩཾ ནཱ་མ ས་ཙྩ་ཝཱ་དི་ཏཱ. སཱ་མ་ཉྙཾ ནཱ་མ སེ་ས་སཱི་ལཾ. ཝི་ཀི་ར་ཏཱིཏི ཨ་ཡོ་གེ་ན ཝ་ལ༹་ཉྫེ་ནྟོ ཝི་པྤ་ཀི་ར་ཏི. ཝི་དྷ་མ་ཏཱིཏི དྷ་མེ་ནྟོ ཝི་ཡ ནཱ་སེ་ཏི. ཝི་དྡྷཾ་སེ་ཏཱིཏི ནཱ་སེ་ཏི. ཨ་ནི་ཙྩ་ཏཱཏི ཧུ་ཏྭཱ ཨ་བྷཱ་ཝོ བ་ཧུ་ནཱ་པི ཀཱ་ལེ་ན ས་ངྒ་ཏཱ་ནཾ ཁ་ཎེ་ནེ་ཝ ཨ་ནྟ་ར་དྷཱ་ནཾ.