༦. ཨ་སི་བ་ནྡྷ་ཀ་པུ་ཏྟ་སུ་ཏྟ་ཝ་ཎྞ་ནཱ

༣༥༨. ཚ་ཊྛེ པ་ཙྪཱ་བྷཱུ་མ་ཀཱཏི པ་ཙྪཱ་བྷཱུ་མི་ཝཱ་སི་ནོ. ཀཱ་མ་ཎྜ་ལུ་ཀཱཏི ས་ཀ་མ་ཎྜ་ལུ་ནོ. སེ་ཝཱ་ལ་མཱ་ལི་ཀཱཏི པཱ་ཏོ་ཝ ཨུ་ད་ཀ་ཏོ སེ་ཝཱ་ལ་ཉྩེ་ཝ ཨུ་པྤ་ལཱ་དཱི་ནི ཙ ག་ཧེ་ཏྭཱ ཨུ་ད་ཀ་སུ་དྡྷི་ཀ་བྷཱ་ཝ་ཛཱ་ན་ན་ཏྠཱ་ཡ མཱ་ལཾ ཀ་ཏྭཱ པི་ལ༹་ནྡྷ་ན་ཀཱ. ཨུ་ད་ཀོ་རོ་ཧ་ཀཱཏི སཱ་ཡཾ་པཱ་ཏཾ ཨུ་ད་ཀཾ ཨོ་རོ་ཧ་ན་ཀཱ. ཨུ་ཡྻཱ་པེ་ནྟཱིཏི ཨུ་པ་རི ཡཱ་པེ་ནྟི. ས་ཉྙཱ་པེ་ནྟཱིཏི ས་མྨཱ ཉཱ་པེ་ནྟི. ས་གྒཾ ནཱ་མ ཨོ་ཀྐཱ་མེ་ནྟཱིཏི པ་རི་ཝཱ་རེ་ཏྭཱ ཋི་ཏཱ ‘‘ག་ཙྪ, བྷོ, བྲ་ཧྨ་ལོ་ཀཾ, ག་ཙྪ, བྷོ, བྲ་ཧྨ་ལོ་ཀ’’ནྟི ཝ་ད་ནྟཱ ས་གྒཾ པ་ཝེ་སེ་ནྟི. ཨ་ནུ་པ་རི་ས་ཀྐེ་ཡྻཱཏི ཨ་ནུ་པ་རི་ག་ཙྪེ་ཡྻ. ཨུ་མྨུ་ཛྫཱཏི ཨུ་མྨུ་ཛྫ ཨུ་ཊྛ་ཧ. ཐ་ལ་མུ་པླ་ཝཱཏི ཐ་ལ་མ་བྷི་རུ་ཧ. ཏ་ཏྲ ཡཱ་སྶཱཏི ཏ་ཏྲ ཡཱ བྷ་ཝེ་ཡྻ. ས་ཀྑ་རཱ ཝཱ ཀ་ཋ་ལཱ ཝཱཏི ས་ཀྑ་རཱ ཙ ཀ་ཋ་ལཱ ཙ. སཱ ཨ་དྷོ་གཱ་མཱི ཨ་སྶཱཏི སཱ ཨ་དྷོ ག་ཙྪེ་ཡྻ, ཧེ་ཊྛཱ་གཱ་མཱི བྷ་ཝེ་ཡྻ. ཨ་དྷོ་ག་ཙྪཱཏི ཧེ་ཊྛཱ ག་ཙྪ.