༤. ཏཱི་ཧི་དྷ་མྨེ་ཧི་སུ་ཏྟཱ་དི་ཝ་ཎྞ་ནཱ

༢༨༣-༣༠༣. ཙ་ཏུ་ཏྠེ མ་ཙྪེ་ར་མ་ལ་པ་རི་ཡུ་ཊྛི་ཏེ་ནཱཏི པུ་བྦ་ཎྷ་ས་མ་ཡ་སྨི་ཉྷི མཱ་ཏུ་གཱ་མོ ཁཱི་ར་ད་དྷི་ས་ངྒོ་པ་ན་ར་ནྡྷ་ན་པ་ཙ་ནཱ་དཱི་ནི ཀཱ་ཏུཾ ཨཱ་ར་དྡྷོ, པུ་ཏྟ་ཀེ་ཧི་པི ཡཱ་ཙི་ཡ་མཱ་ནོ ཀི་ཉྩི དཱ་ཏུཾ ན ཨི་ཙྪ་ཏི. ཏེ་ནེ་ཏཾ ཝུ་ཏྟཾ ‘‘པུ་བྦ་ཎྷ་ས་མ་ཡཾ མ་ཙྪེ་ར་མ་ལ་པ་རི་ཡུ་ཊྛི་ཏེ་ན ཙེ་ཏ་སཱ’’ཏི. མ་ཛ྄ཛྷ་ནྷི་ཀ་ས་མ་ཡེ པ་ན མཱ་ཏུ་གཱ་མོ ཀོ་དྷཱ་བྷི་བྷཱུ་ཏོ་ཝ ཧོ་ཏི, ཨ་ནྟོ་གྷ་རེ ཀ་ལ་ཧཾ ཨ་ལ་བྷ་ནྟོ པ་ཊི་ཝི་སྶ་ཀ་གྷ་ར་མྤི ག་ནྟྭཱ ཀ་ལ་ཧཾ ཀ་རོ་ཏི, སཱ་མི་ཀ་སྶ ཙ ཋི་ཏ་ནི་སི་ནྣ་ཊྛཱ་ནཱ་ནི ཝི་ལོ་ཀེ་ནྟོ ཝི་ཙ་ར་ཏི. ཏེ་ན ཝུ་ཏྟཾ ‘‘མ་ཛ྄ཛྷ་ནྷི་ཀ་ས་མ་ཡཾ ཨི་སྶཱ་པ་རི་ཡུ་ཊྛི་ཏེ་ན ཙེ་ཏ་སཱ’’ཏི. སཱ་ཡ་ནྷེ པ་ན་སྶཱ ཨ་ས་དྡྷ་མྨ་པ་ཊི་སེ་ཝ་ནཱ་ཡ ཙི་ཏྟཾ ན་མ་ཏི. ཏེ་ན ཝུ་ཏྟཾ ‘‘སཱ་ཡ་ནྷ་ས་མ་ཡཾ ཀཱ་མ་རཱ་ག་པ་རི་ཡུ་ཊྛི་ཏེ་ན ཙེ་ཏ་སཱ’’ཏི. པ་ཉྩ་མཱ་དཱི་ནི ཨུ་ཏྟཱ་ན་ཏྠཱ་ནེ་ཝ.