༤. པཱ་ཏཱ་ལ་སུ་ཏྟ་ཝ་ཎྞ་ནཱ

༢༥༢. ཙ་ཏུ་ཏྠེ པཱ་ཏཱ་ལོཏི པཱ་ཏ་སྶ ཨ་ལཾ པ་རི་ཡ་ཏྟོ, ན་ཏྠི ཨེ་ཏྠ པ་ཏི་ཊྛཱ་ཏི པཱ་ཏཱ་ལོ. ཨ་ས་ནྟཾ ཨ་ཝི་ཛྫ་མཱ་ནནྟི ཨ་ས་མྦྷཱུ་ཏ་ཏྟཾ ཨ་པ་ཉྙཱ་ཡ་མཱ་ན་ཏྟཾ. ཨེ་ཝཾ ཝཱ་ཙཾ བྷཱ་ས་ཏཱིཏི ཨ་ཏྠི མ་ཧཱ་ས་མུ་དྡེ པཱ་ཏཱ་ལོ་ཏི ཨེ་ཝཾ ཝཱ་ཙཾ. སོ ཧི ཡཾ ཏཾ བ་ལ་ཝཱ་མུ་ཁཾ མ་ཧཱ་ས་མུ་དྡ་སྶ ཨུ་ད་ཀཾ ཝེ་གེ་ན པ་ཀྑ་ནྡི་ཏྭཱ ཙ་ཀྐ་ཝཱ་ལ༹ཾ ཝཱ སི་ནེ་རུཾ ཝཱ ཨཱ་ཧ་ཙྩ ཡོ་ཛ་ན་དྭི་ཡོ་ཛ་ན་ད་ས་ཡོ་ཛ་ན་པྤ་མཱ་ཎ་མྤི ཨུ་གྒ་ནྟྭཱ པུ་ན མ་ཧཱ་ས་མུ་དྡེ པ་ཏ་ཏི, ཡ་སྶ པ་ཏི་ཏ་ཊྛཱ་ནེ མ་ཧཱ་ན་ར་ཀ་པ་པཱ་ཏོ ཝི་ཡ ཧོ་ཏི, ཡཾ ལོ་ཀེ བ་ལ་ཝཱ་མུ་ཁ་ནྟི ཝུ་ཙྩ་ཏི. ཏཾ ས་ནྡྷཱ་ཡ ཨེ་ཝཾ ཝ་ད་ཏི.

ཡ་སྨཱ པ་ན ཏ་ཏྠ ཏ་ཐཱ་རཱུ་པཱ་ནཾ མ་ཙྪ་ཀ་ཙྪ་པ་དེ་ཝ་དཱ་ན་ཝཱ་ནཾ པ་ཏི་ཊྛཱ་པི ཧོ་ཏི སུ་ཁ་ནི་ཝཱ་སོ་པི, ཏ་སྨཱ ཨ་ས་ནྟཾ ཨ་སཾ་ཝི་ཛྫ་མཱ་ནཾ ཏཾ ཏཾ ཝཱ་ཙཾ བྷཱ་ས་ཏི ནཱ་མ. ཡ་སྨཱ པ་ན ས་བྦ་པུ་ཐུ་ཛྫ་ནཱ སཱ་རཱི་རི་ཀཱ་ཡ དུ་ཀྑ་ཝེ་ད་ནཱ་ཡ པ་ཏི་ཊྛཱ་ཏུཾ ན ས་ཀྐོ་ནྟི, ཏ་སྨཱ པཱ་ཏ་སྶ ཨ་ལ་ནྟི ཨ་ཏྠེ་ན ཨ་ཡ་མེ་ཝ པཱ་ཏཱ་ལོ་ཏི ད་སྶེ་ནྟོ སཱ་རཱི་རི་ཀཱ་ནཾ ཁོ ཨེ་ཏཾ བྷི་ཀྑ་ཝེཏི་ཨཱ་དི་མཱ་ཧ.

པཱ་ཏཱ་ལེ ན པ་ཙྩུ་ཊྛཱ་སཱིཏི པཱ་ཏཱ་ལ་སྨིཾ ན པ་ཏི་ཊྛཱ་སི. གཱ་དྷནྟི པ་ཏི་ཊྛཾ. ཨ་ཀྐ་ནྡ་ཏཱིཏི ཨ་ནི་བ་དྡྷཾ ཝི་པྤ་ལཱ་པཾ ཝི་ལ་པ་ནྟོ ཀ་ནྡ་ཏི. དུ་བྦ་ལོཏི དུ་བྦ་ལ་ཉཱ་ཎོ. ཨ་པྤ་ཐཱ་མ་ཀོཏི ཉཱ་ཎ་ཐཱ་མ་སྶ པ་རི་ཏྟ་ཏཱ་ཡ པ་རི་ཏྟ་ཐཱ་མ་ཀོ. ཨི་མ་སྨིཾ སུ་ཏྟེ ཨ་རི་ཡ་སཱ་ཝ་ཀོ་ཏི སོ་ཏཱ་པ་ནྣོ. སོ་ཏཱ་པ་ནྣོ ཧི ཨེ་ཏྠ དྷུ་རཾ, བ་ལ་ཝ་ཝི་པ་སྶ་ཀོ ན ཏི་ཀྑ་བུ་དྡྷི ཨུ་པྤ་ནྣཾ ཝེ་ད་ནཾ ཨ་ན་ནུ་ཝ་ཏྟི་ཏྭཱ པ་ཏི་ཊྛཱ་ཏུཾ ས་མ་ཏྠོ ཡོ་གཱ་ཝ་ཙ་རོ་པི ཝ་ཊྚ་ཏི.