༢. དུ་ཏི་ཡ་ཝ་གྒོ

༡-༡༠. ཙ་ཀྑུ་སུ་ཏྟཱ་དི་ཝ་ཎྞ་ནཱ

༡༩༨-༡༩༩. དུ་ཏི་ཡེ ད་ས ཨུ་ཏྟཱ་ན་ཏྠཱ་ནེ་ཝ. པ་ཋ་མཱ་དཱི་ནི.

༡༡. ཨ་ནུ་ས་ཡ་སུ་ཏྟ་ཝ་ཎྞ་ནཱ

༢༠༠. ཨེ་ཀཱ་ད་ས་མེ ཨི་མ་སྨི་ཉྩ ས་ཝི་ཉྙཱ་ཎ་ཀེ ཀཱ་ཡེཏི ཨ་ཏྟ་ནོ ས་ཝི་ཉྙཱ་ཎ་ཀ་ཀཱ་ཡཾ ད་སྶེ་ཏི, བ་ཧི་དྡྷཱ ཙཱཏི པ་ར་སྶ ས་ཝི་ཉྙཱ་ཎ་ཀཾ ཝཱ ཨ་ཝི་ཉྙཱ་ཎ་ཀཾ ཝཱ. པུ་རི་མེ་ན ཝཱ ཨ་ཏྟ་ནོ ཙ པ་ར་སྶ ཙ ཝི་ཉྙཱ་ཎ་མེ་ཝ ད་སྶེ་ཏི, པ་ཙྪི་མེ་ན བ་ཧི་དྡྷཱ ཨ་ནི་ནྡྲི་ཡ་བ་དྡྷ་རཱུ་པཾ. ཨ་ཧ་ངྐཱ་ར་མ་མ་ངྐཱ་ར་མཱ་ནཱ་ནུ་ས་ཡཱཏི ཨ་ཧཾ་ཀཱ་ར་དི་ཊྛི ཙ མ་མཾ་ཀཱ་ར་ཏ་ཎྷཱ ཙ མཱ་ནཱ་ནུ་ས་ཡཱ ཙ. ན ཧོ་ནྟཱིཏི ཨེ་ཏེ ཀི་ལེ་སཱ ཀ་ཐཾ ཛཱ་ན་ནྟ་སྶ ཨེ་ཏེ་སུ ཝ་ཏྠཱུ་སུ ན ཧོ་ནྟཱི་ཏི པུ་ཙྪ་ཏི. ས་མྨ་པྤ་ཉྙཱ་ཡ པ་སྶ་ཏཱིཏི ས་ཧ ཝི་པ་སྶ་ནཱ་ཡ མ་གྒ་པ་ཉྙཱ་ཡ སུ་ཊྛུ པ་སྶ་ཏི. ཨེ་ཀཱ་ད་ས་མཾ.

༡༢. ཨ་པ་ག་ཏ་སུ་ཏྟ་ཝ་ཎྞ་ནཱ

༢༠༡. དྭཱ་ད་ས་མེ ཨ་ཧ་ངྐཱ་ར་མ་མ་ངྐཱ་ར་མཱ་ནཱ་པ་ག་ཏནྟི ཨ་ཧཾ་ཀཱ་ར་ཏོ ཙ མ་མཾ་ཀཱ་ར་ཏོ ཙ མཱ་ན་ཏོ ཙ ཨ་པ་ག་ཏཾ. ཝི་དྷཱ ས་མ་ཏི་ཀྐ་ནྟནྟི མཱ་ན་ཀོ་ཊྛཱ་སེ སུ་ཊྛུ ཨ་ཏི་ཀྐ་ནྟཾ. ས་ནྟཾ སུ་ཝི་མུ་ཏྟནྟི ཀི་ལེ་ས་ཝཱུ་པ་ས་མེ་ན ས་ནྟཾ, ཀི་ལེ་སེ་ཧེ་ཝ སུ་ཊྛུ ཝི་མུ་ཏྟཾ. སེ་སཾ ཨུ་ཏྟཱ་ན་མེ་ཝཱ་ཏི. དྭཱ་ད་ས་མཾ.

དུ་ཏི་ཡོ ཝ་གྒོ.

དྭཱི་སུ་པི ཨ་སེ་ཀྑ་བྷཱུ་མི ཀ་ཐི་ཏཱ. པ་ཋ་མོ པ་ནེ་ཏྠ ཨཱ་ཡཱ་ཙ་ནྟ་སྶ དེ་སི་ཏོ, དུ་ཏི་ཡོ ཨ་ནཱ་ཡཱ་ཙ་ནྟ་སྶ. ས་ཀ་ལེ་པི པ་ན རཱ་ཧུ་ལ་སཾ་ཡུ་ཏྟེ ཐེ་ར་སྶ ཝི་མུ་ཏྟི་པ་རི་པཱ་ཙ་ནཱི་ཡ་དྷ་མྨཱ་ཝ ཀ་ཐི་ཏཱ་ཏི.

རཱ་ཧུ་ལ་སཾ་ཡུ་ཏྟ་ཝ་ཎྞ་ནཱ ནི་ཊྛི་ཏཱ.