༤. ཙ་ཏུ་ཏྠ་ཝ་གྒོ

༡-༤. བྷི་ནྡི་སུ་ཏྟཱ་དི་ཝ་ཎྞ་ནཱ

༡༨༠-༡༨༣. ཙ་ཏུ་ཏྠ་ཝ་གྒ་སྶ པ་ཋ་མཾ ཨུ་ཏྟཱ་ན་མེ་ཝ. དུ་ཏི་ཡཱ་དཱི་སུ ཀུ་ས་ལ་མཱུ་ལནྟི ཨ་ལོ་བྷཱ་དི་ཏི་ཝི་དྷ་ཀུ་ས་ལ་དྷ་མྨོ. སུ་ཀྐོ དྷ་མྨོཏི ཏ་སྶེ་ཝ པ་རི་ཡཱ་ཡ་དེ་ས་ནཱ. ཨ་ཡཾ པ་ནེ་ཏྠ ས་ངྑེ་པ་ཏྠོ – ཡ་སྶ ཀུ་ས་ལ་མཱུ་ལཱ་དི་ས་ངྑཱ་ཏ་སྶ ཨ་ན་ཝ་ཛྫ་དྷ་མྨ་སྶ ཨ་ས་མུ་ཙྪི་ནྣ་ཏྟཱ དེ་ཝ་ད་ཏྟོ ས་གྒེ ཝཱ ནི་བྦ་ཏྟེ་ཡྻ, མ་གྒ་ཕ་ལཱ་ནི ཝཱ ཨ་དྷི་ག་ཙྪེ་ཡྻ, སྭཱ་སྶ ས་མུ་ཙྪེ་ད་མ་ག་མཱ ས་བྦ་སོ ས་མུ་ཙྪི་ནྣོ ཝི་ན་ཊྛོ. པ་ཋ་མཱ་དཱི་ནི.

༥. ཨ་ཙི་ར་པ་ཀྐ་ནྟ་སུ་ཏྟ་ཝ་ཎྞ་ནཱ

༡༨༤. པ་ཉྩ་མེ པ་རཱ་བྷ་ཝཱ་ཡཱཏི ཨ་ཝ་ཌྜྷི་ཡཱ ཝི་ནཱ་སཱ་ཡ. ཨ་སྶ་ཏ་རཱིཏི ཝ་ལ༹་ཝཱ་ཡ ཀུ་ཙྪི་སྨིཾ ག་དྲ་བྷ་སྶ ཛཱ་ཏཱ. ཨ་ཏྟ་ཝ་དྷཱ་ཡ ག་བྦྷཾ ག་ཎྷཱ་ཏཱིཏི ཏཾ ཨ་སྶེ་ན ས་དྡྷིཾ ས་མྤ་ཡོ་ཛེ་ནྟི, སཱ ག་བྦྷཾ ག་ཎྷི་ཏྭཱ ཀཱ་ལེ ས་མྤ་ཏྟེ ཝི་ཛཱ་ཡི་ཏུཾ ན ས་ཀྐོ་ཏི, པཱ་དེ་ཧི བྷཱུ་མི་ཡཾ པ་ཧ་ར་ནྟཱི ཏི་ཊྛ་ཏི, ཨ་ཐ་སྶཱ ཙ་ཏྟཱ་རོ པཱ་དེ ཙ་ཏཱུ་སུ ཁཱ་ཎུ་ཀེ་སུ བ་ནྡྷི་ཏྭཱ ཀུ་ཙྪིཾ ཕཱ་ལེ་ཏྭཱ པོ་ཏཾ ནཱི་ཧ་ར་ནྟི, སཱ ཏ་ཏྠེ་ཝ མ་ར་ཏི. ཏེ་ནེ་ཏཾ ཝུ་ཏྟཾ. པ་ཉྩ་མཾ.

༦. པ་ཉྩ་ར་ཐ་ས་ཏ་སུ་ཏྟ་ཝ་ཎྞ་ནཱ

༡༨༥. ཚ་ཊྛེ བྷ་ཏྟཱ་བྷི་ཧཱ་རོཏི ཨ་བྷི་ཧ་རི་ཏ་བྦཾ བྷ་ཏྟཾ. ཏ་སྶ པ་ན པ་མཱ་ཎཾ ད་སྶེ་ཏུཾ པ་ཉྩ ཙ ཐཱ་ལི་པཱ་ཀ་ས་ཏཱ་ནཱིཏི ཝུ་ཏྟཾ. ཏ་ཏྠ ཨེ་ཀོ ཐཱ་ལི་པཱ་ཀོ ད་ས་ནྣཾ པུ་རི་སཱ་ནཾ བྷ་ཏྟཾ ག་ཎྷཱ་ཏི. ནཱ་སཱ་ཡ པི་ཏྟཾ བྷི་ནྡེ་ཡྻུནྟི ཨ་ཙྪ་པི་ཏྟཾ ཝཱ མ་ཙྪ་པི་ཏྟཾ ཝཱ་སྶ ནཱ་ས་པུ་ཊེ པ་ཀྑི་པེ་ཡྻཾ. ཚ་ཊྛཾ.

༧-༡༣. མཱ་ཏུ་སུ་ཏྟཱ་དི་ཝ་ཎྞ་ནཱ

༡༨༦-༡༨༧. ས་ཏྟ་མེ མཱ་ཏུ་པི ཧེ་ཏཱུཏི ‘‘ས་ཙེ མུ་སཱ བྷ་ཎ་སི, མཱ་ཏ་རཾ ཏེ ཝི་སྶ་ཛྫེ་སྶཱ་མ. ནོ ཙེ བྷ་ཎ་སི, ན ཝི་སྶ་ཛྫེ་སྶཱ་མཱ’’ཏི ཨེ་ཝཾ ཙོ་རེ་ཧི ཨ་ཊ་ཝི་ཡཾ པུ་ཙྪ་མཱ་ནོ ཏ་སྶཱ ཙོ་ར་ཧ་ཏྠ་ག་ཏཱ་ཡ མཱ་ཏུ་ཡཱ་པི ཧེ་ཏུ ས་མྤ་ཛཱ་ན་མུ་སཱ ན བྷཱ་སེ་ཡྻཱ་ཏི ཨ་ཏྠོ. ཨི་ཏོ པ་རེ་སུ་པི ཨེ་སེ་ཝ ན་ཡོ་ཏི. ས་ཏྟ་མཱ་དཱི་ནི.

ལཱ་བྷ་ས་ཀྐཱ་ར་སཾ་ཡུ་ཏྟ་ཝ་ཎྞ་ནཱ ནི་ཊྛི་ཏཱ.