༢. བ་ལི༹་ས་སུ་ཏྟ་ཝ་ཎྞ་ནཱ

༡༥༨. དུ་ཏི་ཡེ བཱ་ལི༹་སི་ཀོཏི བ་ལི༹་སཾ ག་ཧེ་ཏྭཱ ཙ་ར་མཱ་ནོ མ་ཙྪ་གྷཱ་ཏ་ཀོ. ཨཱ་མི་ས་ག་ཏནྟི ཨཱ་མི་ས་མ་ཀྑི་ཏཾ. ཨཱ་མི་ས་ཙ་ཀྑཱུཏི ཨཱ་མི་སེ ཙ་ཀྑུ ད་སྶ་ནཾ ཨ་སྶཱ་ཏི ཨཱ་མི་ས་ཙ་ཀྑུ. གི་ལ་བ་ལི༹་སོཏི གི་ལི་ཏ་བ་ལི༹་སོ. ཨ་ན་ཡཾ ཨཱ་པ་ནྣོཏི དུ་ཀྑཾ པ་ཏྟོ. བྱ་ས་ནཾ ཨཱ་པ་ནྣོཏི ཝི་ནཱ་སཾ པ་ཏྟོ. ཡ་ཐཱ་ཀཱ་མ་ཀ་ར་ཎཱི་ཡོཏི ཡ་ཐཱ་ཀཱ་མེ་ན ཡ་ཐཱ་རུ་ཙི་ཡཱ ཡ་ཐེ་ཝ ནཾ བཱ་ལི༹་སི་ཀོ ཨི་ཙྪ་ཏི, ཏ་ཐེ་ཝ་སྶ ཀ་ཏྟ་བྦོ་ཏི ཨ་ཏྠོ. ཡ་ཐཱ་ཀཱ་མ་ཀ་ར་ཎཱི་ཡོ པཱ་པི་མ་ཏོཏི ཡ་ཐཱ ཀི་ལེ་ས་མཱ་ར་སྶ ཀཱ་མོ, ཨེ་ཝཾ ཀ་ཏྟ་བྦོ, ནི་ར་ཡཾ ཝཱ ཏི་ར་ཙྪཱ་ན་ཡོ་ནིཾ ཝཱ པེ་ཏྟི་ཝི་ས་ཡཾ ཝཱ པཱ་པེ་ཏ་བྦོ. དུ་ཏི་ཡཾ.