༡. ས་ཏྠུ་སུ་ཏྟཱ་དི་ཝ་ཎྞ་ནཱ

༧༣. ཨི་ཏོ པ་རཾ ‘‘ས་ཏྠཱ པ་རི་ཡེ་སི་ཏ་བྦོ’’ཏི་ཨཱ་དི་ན་ཡ་པྤ་ཝ་ཏྟཱ དྭཱ་ད་ས ཨ་ནྟ་ར་པེ་ཡྻཱ་ལ་ཝ་གྒཱ ནཱ་མ ཧོ་ནྟི. ཏེ ས་བྦེ་པི ཏ་ཐཱ ཏ་ཐཱ བུ་ཛ྄ཛྷ་ན་ཀཱ་ནཾ ཝེ་ནེ་ཡྻ་པུ་གྒ་ལཱ་ནཾ ཨ་ཛ྄ཛྷཱ་ས་ཡ་ཝ་སེ་ན ཝུ་ཏྟཱ. ཏ་ཏྠ ས་ཏྠཱཏི བུ་དྡྷོ ཝཱ ཧོ་ཏུ སཱ་ཝ་ཀོ ཝཱ, ཡཾ ནི་སྶཱ་ཡ མ་གྒ་ཉཱ་ཎཾ ལ་བྷ་ཏི, ཨ་ཡཾ ས་ཏྠཱ ནཱ་མ, སོ པ་རི་ཡེ་སི་ཏ་བྦོ. སི་ཀྑཱ ཀ་ར་ཎཱི་ཡཱཏི ཏི་ཝི་དྷཱ་པི སི་ཀྑཱ ཀཱ་ཏ་བྦཱ. ཡོ་གཱ་དཱི་སུ ཡོ་གོཏི པ་ཡོ་གོ. ཚ་ནྡོཏི ཀ་ཏྟུ་ཀ་མྱ་ཏཱ་ཀུ་ས་ལ་ཙྪ་ནྡོ. ཨུ་སྶོ་ལ༹ྷཱིཏི ས་བྦ་ས་ཧཾ ཨ་དྷི་མ་ཏྟ་ཝཱི་རི་ཡཾ. ཨ་པྤ་ཊི་ཝཱ་ནཱིཏི ཨ་ནི་ཝ་ཏྟ་ནཱ. ཨཱ་ཏ་པྤནྟི ཀི་ལེ་ས་ཏཱ་པ་ན་ཝཱི་རི་ཡ་མེ་ཝ. སཱ་ཏ་ཙྩནྟི ས་ཏ་ཏ་ཀི་རི་ཡཾ. ས་ཏཱིཏི ཛ་རཱ་མ་ར་ཎཱ་དི་ཝ་སེ་ན ཙ་ཏུ་ས་ཙྩ་པ་རི་གྒཱ་ཧི་ཀཱ ས་ཏི. ས་མྤ་ཛ་ཉྙནྟི ཏཱ་དི་ས་མེ་ཝ ཉཱ་ཎཾ. ཨ་པྤ་མཱ་དོཏི ས་ཙྩ་བྷཱ་ཝ་ནཱ་ཡ ཨ་པྤ་མཱ་དོ. སེ་སཾ ས་བྦ་ཏྠ ཨུ་ཏྟཱ་ན་མེ་ཝཱ་ཏི.

ཨ་ནྟ་ར་པེ་ཡྻཱ་ལོ ན་ཝ་མོ.

ནི་དཱ་ན་སཾ་ཡུ་ཏྟ་ཝ་ཎྞ་ནཱ ནི་ཊྛི་ཏཱ.