༨. ལོ་ཀཱ་ཡ་ཏི་ཀ་སུ་ཏྟ་ཝ་ཎྞ་ནཱ

༤༨. ཨ་ཊྛ་མེ ལོ་ཀཱ་ཡ་ཏི་ཀོཏི ཝི་ཏ་ཎྜ་ས་ཏྠེ ལོ་ཀཱ་ཡ་ཏེ ཀ་ཏ་པ་རི་ཙ་ཡོ. ཛེ་ཊྛ་མེ་ཏཾ ལོ་ཀཱ་ཡ་ཏནྟི པ་ཋ་མཾ ལོ་ཀཱ་ཡ་ཏཾ. ལོ་ཀཱ་ཡ་ཏནྟི ཙ ལོ་ཀ་སྶེ་ཝ ཨཱ་ཡ་ཏཾ, བཱ་ལ་པུ་ཐུ་ཛྫ་ན་ལོ་ཀ་སྶ ཨཱ་ཡ་ཏཾ, མ་ཧ་ནྟཾ ག་མྦྷཱི་ར་ནྟི ཨུ་པ་དྷཱ་རི་ཏ་བྦཾ པ་རི་ཏྟཾ བྷཱ་ཝཾ དི་ཊྛི་ག་ཏཾ. ཨེ་ཀ་ཏྟནྟི ཨེ་ཀ་ས་བྷཱ་ཝཾ, ནི་ཙྩ་ས་བྷཱ་ཝ་མེ་ཝཱ་ཏི པུ་ཙྪ་ཏི. པུ་ཐུ་ཏྟནྟི པུ་རི་མ་ས་བྷཱ་ཝེ་ན ནཱ་ནཱ་ས་བྷཱ་ཝཾ, དེ་ཝ་མ་ནུ་སྶཱ་དི་བྷཱ་ཝེ་ན པ་ཋ་མཾ ཧུ་ཏྭཱ པ་ཙྪཱ ན ཧོ་ཏཱི་ཏི ཨུ་ཙྪེ་དཾ ས་ནྡྷཱ་ཡ པུ་ཙྪ་ཏི. ཨེ་ཝ་མེ་ཏྠ ‘‘ས་བྦ་མ་ཏྠི, ས་བྦ་མེ་ཀ་ཏྟ’’ནྟི ཨི་མཱ དྭེ་པི ས་སྶ་ཏ་དི་ཊྛི་ཡོ, ‘‘ས་བྦཾ ན་ཏྠི, ས་བྦཾ པུ་ཐུ་ཏྟ’’ནྟི ཨི་མཱ དྭེ ཨུ་ཙྪེ་ད་དི་ཊྛི་ཡོ་ཏི ཝེ་དི་ཏ་བྦཱ. ཨ་ཊྛ་མཾ.