༨. པ་ཋ་མ་སཱུ་ཙི་ཝི་མཱ་ན་ཝ་ཎྞ་ནཱ

ཨུ་ཙྩ་མི་དཾ མ་ཎི་ཐཱུ་ཎཾ ཝི་མཱ་ནནྟི སཱུ་ཙི་ཝི་མཱ་ནཾ. ཏ་སྶ ཀཱ ཨུ་པྤ་ཏྟི? བྷ་ག་ཝཱ རཱ་ཛ་ག་ཧེ ཝི་ཧ་ར་ཏི ཝེ་ལུ༹་ཝ་ནེ. ཏེ་ན ས་མ་ཡེ་ན ཨཱ་ཡ་སྨ་ཏོ སཱ་རི་པུ་ཏྟ་སྶ ཙཱི་ཝ་ར་ཀ་མྨཾ ཀཱ་ཏ་བྦཾ ཧོ་ཏི, ཨ་ཏྠོ ཙ ཧོ་ཏི སཱུ་ཙི་ཡཱ. སོ རཱ་ཛ་ག་ཧེ པི་ཎྜཱ་ཡ ཙ་ར་ནྟོ ཀ་མྨཱ་ར་སྶ གེ་ཧ་དྭཱ་རེ ཨ་ཊྛཱ་སི. ཏཾ དི་སྭཱ ཀ་མྨཱ་རོ ཨཱ་ཧ ‘‘ཀེ་ན, བྷ་ནྟེ, ཨ་ཏྠོ’’ཏི? ‘‘ཙཱི་ཝ་ར་ཀ་མྨཾ ཀཱ་ཏ་བྦཾ ཨ་ཏྠི, སཱུ་ཙི་ཡཱ ཨ་ཏྠོ’’ཏི. ཀ་མྨཱ་རོ པ་ས་ནྣ་མཱ་ན་སོ ཀ་ཏ་པ་རི་ཡོ་སི་ཏཱ དྭེ སཱུ་ཙི་ཡོ ད་ཏྭཱ ‘‘པུ་ན་པི, བྷ་ནྟེ, སཱུ་ཙི་ཡཱ ཨ་ཏྠེ ས་ཏི མ་མ ཨཱ་ཙི་ཀྑེ་ཡྻཱ་ཐཱ’’ཏི ཝ་ཏྭཱ པ་ཉྩ་པ་ཏི་ཊྛི་ཏེ་ན ཝ་ནྡི. ཐེ་རོ ཏ་སྶ ཨ་ནུ་མོ་ད་ནཾ ཀ་ཏྭཱ པ་ཀྐཱ་མི. སོ ཨ་པ་ར་བྷཱ་གེ ཀཱ་ལཾ ཀ་ཏྭཱ ཏཱ་ཝ་ཏིཾ་སེ་སུ ཨུ་པྤ་ཛྫི. ཨ་ཐ ཨཱ་ཡ་སྨཱ མ་ཧཱ་མོ་གྒ་ལླཱ་ནོ དེ་ཝ་ཙཱ་རི་ཀཾ ཙ་ར་ནྟོ ཏཾ དེ་ཝ་པུ་ཏྟཾ ཨི་མཱ་ཧི གཱ་ཐཱ་ཧི པུ་ཙྪི –

༩༤༤. ‘‘ཨུ་ཙྩ་མི་དཾ མ་ཎི་ཐཱུ་ཎཾ ཝི་མཱ་ནཾ…པེ…

ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི.

༩༤༨. ‘‘སོ དེ་ཝ་པུ་ཏྟོ ཨ་ཏྟ་མ་ནོ…པེ… ཡ་སྶ ཀ་མྨ་སྶི་དཾ ཕ་ལཾ’’.

༩༤༩. ‘‘ཡཾ ད་དཱ་ཏི ན ཏཾ ཧོ་ཏི, ཡ་ཉྩེ་ཝ ད་ཛྫཱ ཏ་ཉྩེ་ཝ སེ་ཡྻོ;

སཱུ་ཙི དི་ནྣཱ སཱུ་ཙི་མེ་ཝ སེ་ཡྻོ.

༩༥༠. ‘‘ཏེ་ན མེ་ཏཱ་དི་སོ ཝ་ཎྞོ…པེ…

ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི.

༩༤༩. ཏ་ཏྠ ཡཾ ད་དཱ་ཏཱིཏི ཡཱ་དི་སཾ དེ་ཡྻ་དྷ་མྨཾ ད་དཱ་ཏི. ན ཏཾ ཧོ་ཏཱིཏི ཏ་སྶ ཏཱ་དི་ས་མེ་ཝ ཕ་ལཾ ན ཧོ་ཏི. ཨ་ཐ ཁོ ཁེ་ཏྟ་ས་མྤ་ཏྟི་ཡཱ ཙ ཙི་ཏྟ་ས་མྤ་ཏྟི་ཡཱ ཙ ཏ་ཏོ ཝི་པུ་ལ་ཏ་རཾ ཨུ་ལཱ༹་ར་ཏ་ར་མེ་ཝ ཕ་ལཾ ཧོ་ཏི. ཏ་སྨཱ ཡ་ཉྩེ་ཝ ད་ཛྫཱ ཏ་ཉྩེ་ཝ སེ་ཡྻོཏི ཡཾ་ཀི་ཉྩི་དེ་ཝ ཝི་ཛྫ་མཱ་ནཾ ད་ཛྫཱ ད་དེ་ཡྻ, ཏ་ཉྩེ་ཝ ཏ་དེ་ཝ སེ་ཡྻོ, ཡ་སྶ ཀ་སྶ་ཙི ཨ་ན་ཝ་ཛྫ་སྶ དེ་ཡྻ་དྷ་མྨ་སྶ དཱ་ན་མེ་ཝ སེ་ཡྻོ, ཀ་སྨཱ? མ་ཡཱ ཧི སཱུ་ཙི དི་ནྣཱ སཱུ་ཙི་མེ་ཝ སེ་ཡྻོ, སཱུ་ཙི་དཱ་ན་མེ་ཝ མ་ཡ྄ཧཾ སེ་ཡྻཾ ཛཱ་ཏཾ, ཡ་ཏོ ཨ་ཡ་མཱི་དི་སཱི ས་མྤ་ཏྟི ལ་དྡྷཱ་ཏི ཨ་དྷི་པྤཱ་ཡོ.

སཱུ་ཙི་ཝི་མཱ་ན་ཝ་ཎྞ་ནཱ ནི་ཊྛི་ཏཱ.