༡-༡༠. ཨཱ་ར་ཀྑ་དཱ་ཡ་ཀ་ཏྠེ་ར་ཨ་པ་དཱ་ནཱ་དི་ཝ་ཎྞ་ནཱ

བཱ་ཏྟིཾ་ས་ཏི་མ་ཝ་གྒེ པ་ཋ་མ་དུ་ཏི་ཡ་ཏ་ཏི་ཡཱ་པ་དཱ་ནཱ་ནི སུ་ཝི་ཉྙེ་ཡྻཱ་ནེ་ཝ.

༡༦. ཙ་ཏུ་ཏྠཱ་པ་དཱ་ནེ ཛ་ལ་ཛ་གྒེ་ཧི ཨོ་ཀི་རིནྟི ཛ་ལ་ཛེ་ཧི ཨུ་ཏྟ་མེ་ཧི ཨུ་པྤ་ལ་པ་དུ་མཱ་དཱི་ཧི པུ་པྥེ་ཧི ཨོ་ཀི་རིཾ པཱུ་ཛེ་སི་ནྟི ཨ་ཏྠོ.

པ་ཉྩ་མཱ་པ་དཱ་ནཾ ཨུ་ཏྟཱ་ན་མེ་ཝ.

༢༦-༢༧. ཚ་ཊྛཱ་པ་དཱ་ནེ ཙེ་ཏི་ཡཾ ཨུ་ཏྟ་མཾ ནཱ་མ, སི་ཁི་ནོ ལོ་ཀ་བ་ནྡྷུ་ནོཏི ས་ཀ་ལ་ལོ་ཀ་ཏྟ་ཡ་སྶ བ་ནྡྷུ་ནོ ཉཱ་ཏ་ཀ་སྶ སི་ཁི་སྶ བྷ་ག་ཝ་ཏོ ཨུ་ཏྟ་མཾ ཙེ་ཏི་ཡཾ. ཨི་རཱི་ཎེ ཛ་ན་ས་ཉྩ་ར་ཝི་ར་ཧི་ཏེ ཝ་ནེ མ་ནུ་སྶཱ་ནཾ ཀོ་ལཱ་ཧ་ལ་ཝི་ར་ཧི་ཏེ མ་ཧཱ་ཨ་ར་ཉྙེ ཨ་ཧོ་སཱི་ཏི ས་མྦ་ནྡྷོ. ཨ་ནྡྷཱ་ཧི་ཎྜཱ་མ་ཧཾ ཏ་དཱཏི ཏ་སྨིཾ ཀཱ་ལེ ཝ་ནེ མ་གྒ་མཱུ་ལ༹ྷ་བྷཱ་ཝེ་ན ཨ་ནྡྷོ, ན ཙ་ཀྑུ་ནཱ ཨ་ནྡྷོ, ཨ་ཧཾ ཨཱ་ཧི་ཎྜཱ་མི མ་གྒཾ པ་རི་ཡེ་སཱ་མཱི་ཏི ཨ་ཏྠོ. པ་ཝ་ནཱ ནི་ཀྑ་མ་ནྟེ་ནཱཏི མ་ཧཱ་ཝ་ན་ཏོ ནི་ཀྑ་མ་ནྟེ་ན མ་ཡཱ སཱི་ཧཱ་ས་ནཾ ཨུ་ཏྟ་མཱ་ས་ནཾ, སཱི་ཧ་སྶ ཝཱ བྷ་ག་ཝ་ཏོ ཨཱ་ས་ནཾ དི་ཊྛ་ནྟི ཨ་ཏྠོ. ཨེ་ཀཾ་སཾ ཨ་ཉྫ་ལིཾ ཀ་ཏྭཱཏི ཨེ་ཀཾ་སཾ ཨུ་ཏྟ་རཱ་ས་ངྒཾ ཀ་ཏྭཱ སི་ར་སི ཨ་ཉྫ་ལིཾ ཋ་པེ་ཏྭཱ་ཏི ཨ་ཏྠོ. ས་ནྠ་ཝིཾ ལོ་ཀ་ནཱ་ཡ་ཀནྟི ས་ཀ་ལ་ལོ་ཀ་ཏྟ་ཡ་ན་ཡཾ ཏཾ ནི་བྦཱ་ནཾ པཱ་པེ་ནྟཾ ཐོ་མི་ཏཾ ཐུ་ཏིཾ ཨ་ཀཱ་སི་ནྟི ཨ་ཏྠོ.

༣༤. ས་ཏྟ་མཱ་པ་དཱ་ནེ སུ་ད་སྶ་ནོ མ་ཧཱ་ཝཱི་རོཏི སུ་ནྡ་ར་ད་སྶ་ནོ དྭ་ཏྟིཾ་ས་མ་ཧཱ་པུ་རི་ས་ལ་ཀྑ་ཎ་ས་མྤ་ནྣ་ས་རཱི་ར་ཏྟཱ མ་ནོ་ཧ་ར་ད་སྶ་ནོ མ་ཧཱ་ཝཱི་རི་ཡོ སི་དྡྷ་ཏྠོ བྷ་ག་ཝཱ་ཏི ས་མྦ་ནྡྷོ. ཝ་ས་ཏི་གྷ་ར་མུ་ཏྟ་མེཏི ཨུ་ཏྟ་མེ ཝི་ཧཱ་རེ ཝ་ས་ཏཱི་ཏི ཨ་ཏྠོ.

ཨ་ཊྛ་མ་ན་ཝ་མ་ད་ས་མཱ་པ་དཱ་ནཱ་ནི ཨུ་ཏྟཱ་ནཱ་ནེ་ཝཱ་ཏི.

བཱ་ཏྟིཾ་ས་ཏི་མ་ཝ་གྒ་ཝ་ཎྞ་ནཱ ས་མ་ཏྟཱ.