༦. དྷཱུ་པ་དཱ་ཡ་ཀ་ཏྠེ་ར་ཨ་པ་དཱ་ན་ཝ་ཎྞ་ནཱ

སི་དྡྷ་ཏྠ་སྶ བྷ་ག་ཝ་ཏོཏི་ཨཱ་དི་ཀཾ ཨཱ་ཡ་སྨ་ཏོ དྷཱུ་པ་དཱ་ཡ་ཀ་ཏྠེ་ར་སྶ ཨ་པ་དཱ་ནཾ. ཨ་ཡ་མྤི པུ་རི་མ་བུ་དྡྷེ་སུ ཀ་ཏཱ་དྷི་ཀཱ་རོ ཏ་ཏྠ ཏ་ཏྠ བྷ་ཝེ ཝི་ཝ་ཊྚཱུ་པ་ནི་སྶ་ཡཱ་ནི པུ་ཉྙཱ་ནི ཨུ་པ་ཙི་ན་ནྟོ སི་དྡྷ་ཏྠ་སྶ བྷ་ག་ཝ་ཏོ ཀཱ་ལེ ཀུ་ལ་གེ་ཧེ ནི་བྦ་ཏྟོ སི་དྡྷ་ཏྠེ བྷ་ག་ཝ་ཏི ཙི་ཏྟཾ པ་སཱ་དེ་ཏྭཱ ཏ་སྶ བྷ་ག་ཝ་ཏོ ག་ནྡྷ་ཀུ་ཊི་ཡཾ ཙ་ནྡ་ནཱ་ག་རུ་ཀཱ་ལཱ༹་ནུ་སཱ་རི་ཨཱ་དི་ནཱ ཀ་ཏེ་ཧི ཨ་ནེ་ཀེ་ཧི དྷཱུ་པེ་ཧི དྷཱུ་པ་པཱུ་ཛཾ ཨ་ཀཱ་སི. སོ ཏེ་ན པུ་ཉྙེ་ན དེ་ཝེ་སུ ཙ མ་ནུ་སྶེ་སུ ཙ ཨུ་བྷ་ཡ་ས་མྤ་ཏྟི་ཡོ ཨ་ནུ་བྷ་ཝ་ནྟོ ནི་བྦ་ཏྟ་ནི་བྦ་ཏྟ་བྷ་ཝེ པཱུ་ཛ་ནཱི་ཡོ ཧུ་ཏྭཱ ཨི་མ་སྨིཾ བུ་དྡྷུ་པྤཱ་དེ ཨེ་ཀ་སྨིཾ ཀུ་ལ་གེ་ཧེ ནི་བྦ་ཏྟོ པུ་ཉྙ་ས་མྦྷཱ་རཱ་ནུ་བྷཱ་ཝེ་ན སཱ་ས་ནེ པ་བྦ་ཛི་ཏྭཱ ཝི་པ་སྶ་ནཾ ཝ་ཌྜྷེ་ཏྭཱ ཨ་ར་ཧ་ཏྟཾ པ་ཏྭཱ ཀ་ཏ་དྷཱུ་པ་པཱུ་ཛཱ་པུ་ཉྙ་ཏྟཱ ནཱ་མེ་ན དྷཱུ་པ་དཱ་ཡ་ཀ་ཏྠེ་རོཏི ས་བྦ་ཏྠ པཱ་ཀ་ཊོ. སོ པ་ཏྟ་ཨ་ར་ཧ་ཏྟ་ཕ་ལོ ཨ་ཏྟ་ནོ པུ་བྦ་ཀ་མྨཾ ས་རི་ཏྭཱ སོ་མ་ན་སྶ་ཛཱ་ཏོ པུ་བྦ་ཙ་རི་ཏཱ་པ་དཱ་ནཾ ད་སྶེ་ནྟོ སི་དྡྷ་ཏྠ་སྶ བྷ་ག་ཝ་ཏོཏི་ཨཱ་དི་མཱ་ཧ. སི་དྡྷོ པ་རི་པུ་ཎྞོ ས་བྦ་ཉྙུ་ཏ་ཉྙཱ་ཎཱ་དི་གུ་ཎ་ས་ངྑཱ་ཏོ ཨ་ཏྠོ པ་ཡོ་ཛ་ནཾ ཡ་སྶ བྷ་ག་ཝ་ཏོ སོ་ཡཾ སི་དྡྷ་ཏྠོ, ཏ་སྶ སི་དྡྷ་ཏྠ་སྶ བྷ་ག་ཝ་ཏོ བྷ་གྱཱ་དི་གུ་ཎ་ཝ་ནྟ་སྶ ལོ་ཀ་ཛེ་ཊྛ་སྶ ས་ཀ་ལ་ལོ་ཀུ་ཏྟ་མ་སྶ ཏཱ་དི་ནོ ཨི་ཊྛཱ་ནི་ཊྛེ་སུ ཏཱ་དི་ས་སྶ ཨ་ཙ་ལ་ས་བྷཱ་ཝ་སྶཱ་ཏི ཨ་ཏྠོ. སེ་སཾ ཨུ་ཏྟཱ་ན་ཏྠ་མེ་ཝཱ་ཏི.

དྷཱུ་པ་དཱ་ཡ་ཀ་ཏྠེ་ར་ཨ་པ་དཱ་ན་ཝ་ཎྞ་ནཱ ས་མ་ཏྟཱ.