༡༠. པ་ཉྩ་ངྒུ་ལི་ཡ་ཏྠེ་ར་ཨ་པ་དཱ་ན་ཝ་ཎྞ་ནཱ

ཏི་སྶོ ནཱ་མཱ་སི བྷ་ག་ཝཱཏི་ཨཱ་དི་ཀཾ ཨཱ་ཡ་སྨ་ཏོ པ་ཉྩ་ངྒུ་ལི་ཡ་ཏྠེ་ར་སྶ ཨ་པ་དཱ་ནཾ. ཨ་ཡ་མྤི པུ་རི་མ་བུ་དྡྷེ་སུ ཀ་ཏཱ་དྷི་ཀཱ་རེ ཏ་ཏྠ ཏ་ཏྠ བྷ་ཝེ ཝི་ཝ་ཊྚཱུ་པ་ནི་སྶ་ཡཱ་ནི པུ་ཉྙཱ་ནི ཨུ་པ་ཙི་ན་ནྟོ ཏི་སྶ་སྶ བྷ་ག་ཝ་ཏོ ཀཱ་ལེ ཨེ་ཀ་སྨིཾ ཀུ་ལེ ནི་བྦ་ཏྟོ ཝུ་དྡྷི་མ་ནྭཱ་ཡ གྷ་རཱ་ཝཱ་སཾ ས་ཎྛ་པེ་ཏྭཱ ཝི་བྷ་ཝ་ས་མྤ་ནྣོ ས་དྡྷོ པ་ས་ནྣོ ཝཱི་ཐི་ཏོ ཝི་ཧཱ་རཾ པ་ཊི་པ་ནྣཾ བྷ་ག་ཝ་ནྟཾ དི་སྭཱ ཛཱ་ཏི་སུ་མ་ནཱ་དི་ཨ་ནེ་ཀཱ་ནི སུ་ག་ནྡྷ་པུ་པྥཱ་ནི ཙ་ནྡ་ནཱ་དཱི་ནི ཙ ཝི་ལེ་པ་ནཱ་ནི གཱ་ཧཱ་པེ་ཏྭཱ ཝི་ཧཱ་རཾ ག་ཏོ པུ་པྥེ་ཧི བྷ་ག་ཝ་ནྟཾ པཱུ་ཛེ་ཏྭཱ ཝི་ལེ་པ་ནེ་ཧི བྷ་ག་ཝ་ཏོ ས་རཱི་རེ པ་ཉྩ་ངྒུ་ལི་ཀཾ ཀ་ཏྭཱ ཝ་ནྡི་ཏྭཱ པ་ཀྐཱ་མི.

༥༠. སོ ཏེ་ན པུ་ཉྙེ་ན དེ་ཝ་མ་ནུ་སྶེ་སུ ཨུ་བྷ་ཡ་ས་མྤ་ཏྟི་ཡོ ཨ་ནུ་བྷ་ཝི་ཏྭཱ ཨི་མ་སྨིཾ བུ་དྡྷུ་པྤཱ་དེ ཝི་བྷ་ཝ་ས་མྤ་ནྣེ ཨེ་ཀ་སྨིཾ ཀུ་ལེ ནི་བྦ་ཏྟི་ཏྭཱ ཝུ་དྡྷི་མ་ནྭཱ་ཡ ས་ཏྠུ དྷ་མྨ་དེ་ས་ནཾ སུ་ཏྭཱ པ་ས་ནྣ་མཱ་ན་སོ པ་བྦ་ཛི་ཏྭཱ ཝི་པ་སྶ་ནཾ ཝ་ཌྜྷེ་ཏྭཱ ན་ཙི་ར་སྶེ་ཝ ཨ་ར་ཧཱ ཧུ་ཏྭཱ པུ་བྦ་ཀ་མྨཾ ས་ར་ནྟོ པ་ཙྩ་ཀྑ་ཏོ ཉ་ཏྭཱ ‘‘ཨི་མཾ ནཱ་མ ཀུ་ས་ལ་ཀ་མྨཾ ཀ་ཏྭཱ ཨཱི་དི་སཾ ལོ་ཀུ་ཏྟ་ར་ས་མྤ་ཏྟིཾ པ་ཏྟོ་མྷཱི’’ཏི པུ་བྦ་ཙ་རི་ཏཱ་པ་དཱ་ནཾ པ་ཀཱ་སེ་ནྟོ ཏི་སྶོ ནཱ་མཱ་སི བྷ་ག་ཝཱཏི་ཨཱ་དི་མཱ་ཧ. ཏཾ ས་བྦཾ ཨུ་ཏྟཱ་ན་ཏྠ་མེ་ཝཱ་ཏི.

པ་ཉྩ་ངྒུ་ལི་ཡ་ཏྠེ་ར་ཨ་པ་དཱ་ན་ཝ་ཎྞ་ནཱ ས་མ་ཏྟཱ.

ས་ཏྟ་ར་ས་མ་ཝ་གྒ་ཝ་ཎྞ་ནཱ ས་མ་ཏྟཱ.