༣. ཝཱི་ཐི་ས་མྨ་ཛྫ་ཀ་ཏྠེ་ར་ཨ་པ་དཱ་ན་ཝ་ཎྞ་ནཱ

ཨུ་དེ་ནྟཾ ས་ཏ་རཾ་སིཾ ཝཱཏི་ཨཱ་དི་ཀཾ ཨཱ་ཡ་སྨ་ཏོ ཝཱི་ཐི་ས་མྨ་ཛྫ་ཀ་ཏྠེ་ར་སྶ ཨ་པ་དཱ་ནཾ. ཨ་ཡ་མྤི པུ་རི་མ་བུ་དྡྷེ་སུ ཀ་ཏཱ་དྷི་ཀཱ་རོ ཨ་ནེ་ཀེ་སུ ཛཱ་ཏི་ས་ཏེ་སུ ཀ་ཏ་པུ་ཉྙ་ས་ཉྩ་ཡོ སི་ཁི་སྶ བྷ་ག་ཝ་ཏོ ཀཱ་ལེ ཀུ་ལ་གེ་ཧེ ནི་བྦ་ཏྟོ གྷ་རཱ་ཝཱ་སཾ ཝ་ས་ནྟོ ན་ག་ར་ཝཱ་སཱི་ཧི ས་དྡྷིཾ ཝཱི་ཐིཾ ས་ཛྫེ་ཏྭཱ ནཱི་ཡ་མཱ་ནཾ བྷ་ག་ཝ་ནྟཾ དི་སྭཱ པ་ས་ནྣ་མཱ་ན་སོ ཝཱི་ཐིཾ ས་མཾ ཀ་ཏྭཱ དྷ་ཛཾ ཏ་ཏྠ ཨུ་སྶཱ་པེ་སི.

༡༥. སོ ཏེ་ནེ་ཝ པུ་ཉྙེ་ན དེ་ཝ་མ་ནུ་སྶེ་སུ སཾ་ས་ར་ནྟོ ཨུ་བྷ་ཡ་ས་མྤ་ཏྟི་ཡོ ཨ་ནུ་བྷ་ཝི་ཏྭཱ ཨི་མ་སྨིཾ བུ་དྡྷུ་པྤཱ་དེ ཨེ་ཀ་སྨིཾ ཀུ་ལེ ནི་བྦ་ཏྟོ ཝི་ཉྙུ་ཏཾ པ་ཏྭཱ ས་ཏྠུ དྷ་མྨ་དེ་ས་ནཾ སུ་ཏྭཱ པ་ཊི་ལ་དྡྷ་ས་དྡྷོ བ་ཧུ་མཱ་ན་ཧ་ད་ཡོ པ་བྦ་ཛི་ཏྭཱ ལ་དྡྷཱུ་པ་ས་མྤ་དོ ན་ཙི་ར་སྶེ་ཝ ཨ་ར་ཧཱ ཧུ་ཏྭཱ ཨ་ཏྟ་ནོ པུ་བྦ་ཀ་མྨཾ ཨ་ནུ་སྶ་ར་ནྟོ པ་ཙྩ་ཀྑ་ཏོ ཛཱ་ནི་ཏྭཱ པུ་བྦ་ཙ་རི་ཏཱ་པ་དཱ་ནཾ པ་ཀཱ་སེ་ནྟོ ཨུ་དེ་ནྟཾ ས་ཏ་རཾ་སིཾ ཝཱཏི་ཨཱ་དི་མཱ་ཧ. ཏ་ཏྠ ཨུ་དེ་ནྟཾ ཨུ་གྒ་ཙྪ་ནྟཾ ས་ཏ་རཾ་སིཾ ས་ཏ་པ་བྷཾ. ས་ཏ་རཾ་སཱིཏི དེ་ས་ནཱ་སཱི་ས་མ་ཏྟཾ, ཨ་ནེ་ཀ་ས་ཏ་ས་ཧ་སྶ་པ་བྷཾ སཱུ་རི་ཡཾ ཨི་ཝཱ་ཏི ཨ་ཏྠོ. པཱི་ཏ་རཾ་སིཾ་ཝ བྷཱ་ཎུ་མནྟི པཱི་ཏ་རཾ་སིཾ སཾ་ཀུ་ཙི་ཏ་པ་བྷཾ བྷཱ་ཎུ་མཾ པ་བྷཱ་ཝ་ནྟཾ ཙ་ནྡ་མ་ཎྜ་ལཾ ཨི་ཝ ས་མྦུ་དྡྷཾ དི་སྭཱ་ཏི ཨ་ཏྠོ. སེ་སཾ སུ་ཝི་ཉྙེ་ཡྻ་མེ་ཝཱ་ཏི.

ཝཱི་ཐི་ས་མྨ་ཛྫ་ཀ་ཏྠེ་ར་ཨ་པ་དཱ་ན་ཝ་ཎྞ་ནཱ ས་མ་ཏྟཱ.